बुधवार 4 जून 2025 की दैनिक मुरली

04-06-2025 praatahmurli om shanti "baapdaada"' madhuban

“meethe bachche - tum abhi shreemat par silence ki ati mein jaate ho, tumhein baap se shanti ka varsa milta hai, shanti mein sab kuchh aa jaata hai''

prashn:- nai duniya ki sthaapna ka mukhya aadhaar kya hai?

uttar:- pavitrata। baap jab brahma tan mein aakar nai duniya sthaapan karte hain tab tum aapas mein bhaai-behen ho jaate ho। stri purush ka bhaan nikal jaata hai। is antim janma mein pavitra bante ho to pavitra duniya ke maalik ban jaate ho। tum apne aapse pratigya karte ho ham bhaai behen ho rahenge। vikaar ki drishti nahin rakhenge। ek do ko saavdhaan kar unnati ko paayenge।

geet:- jaag sajniyaan jaag…

om shanti। meethe-meethe roohaani bachchon ne geet suna aur buddhi mein svadarshan chakra phir gaya। baap bhi svadarshan chakradhaari kahlaate hain kyonki srishti ke aadi madhya ant ko jaanna - yeh hai svadarshan chakradhaari banna। yeh baaten sivaae baap ke aur koi samjha na sake। tum braahmanon ka saara madaar hai silence par। sabhi manushya kehte bhi hain shanti deva, he shanti dene vaala… maaloom kisko bhi nahin hai ki shanti kaun dete hain va shantidham kaun le jaayenge। yeh sirf tum bachche hi jaante ho, brahman hi svadarshan chakradhaari bante hain। devta koi svadarshan chakradhaari kahla na sake। kitna raat din ka farka hai। baap tum bachchon ko samjhaate hain, tum har ek svadarshan chakradhaari ho - nambarvaar purushaartha anusaar। baap ko yaad karna hai, yahi mukhya baat hai। baap ko yaad karna goya shanti ka varsa lena। shanti mein sab aa jaata hai। tumhaari aayu bhi badi ho jaati hai, nirogi kaaya bhi banti jaati hai। sivaae baap ke aur koi svadarshan chakradhaari bana na sake। aatma hi banti hai। baap bhi hai kyon ki srishti ke aadi madhya ant ka gyaan hai। geet bhi suna ab nai duniya sthaapan ho rahi hai। geet to manushyon ne hi banaaye hain। baap baith saar samjhaate hain। woh hai sabhi aatmaon ka baap, to sab bachche aapas mein bhaai-bhaai ho jaate hain। baap jab nai duniya rachte hain to prajaapita brahma dvaara tum bhaai behen ho, har ek brahmaakumaar kumaari hain, yeh buddhi mein rahne se phir stri purush ka bhaan nikal jaata hai। manushya yeh nahin samajhte ki ham bhi vaastav mein bhaai-bhaai hain। phir baap rachna rachte hain to bhaai behen ho jaate hain। criminal drishti nikal jaati hai। baap yaad bhi dilaate hain, tum bulaate aaye ho he patit-paavan, ab main aaya hoon, tumko kehta hoon yeh antim janma pavitra raho। to tum pavitra duniya ke maalik banenge। yeh pradarshani to tumhaare ghar-ghar mein honi chaahiye kyonki tum bachche brahman ho। tumhaare ghar mein yeh chitra zaroor hone chaahiye। in par samjhaana bahut sahaj hai। 84 ka chakra to buddhi mein hai। achha - tumko ek braahmani (teacher) de denge। woh aakar service karke jaayegi। tum pradarshani khol do। bhakti maarga mein bhi koi shreekrishna ki pooja athva mantra jantra aadi nahin jaante hain to brahman ko bulaate hain। woh roz aakar pooja karte hain। tum bhi manga sakte ho। yeh hai to bahut sahaj। baap ne prajaapita brahma dvaara srishti rachi hogi to zaroor brahmaakumaar kumaariyaan behen bhaai bane honge। pratigya karte hain ham donon bhaai behen ho rahenge, vikaar ki drishti nahin rakhenge। ek do ko saavdhaan kar unnati ko paayenge। mukhya hai hi yaad ki yaatra। vo log science ke bal se kitna oopar jaane ki koshish karte hain, parantu oopar koi duniya thode hi hai। yeh hai science ki ati mein jaana। abhi tum silence ki ati mein jaate ho, shreemat par। unki hai science, yahaan to tumhaari hai silence। bachche jaante hain aatma to svayan shant swaroop hai। is shareer dvaara sirf part bajaana hota hai। karma bigar to koi rah na sake। baap kehte hain apne ko shareer se alag aatma samajh baap ko yaad karo to tumhaare vikarma vinaash honge। bahut hi sahaj hai, sabse jaasti jo mere bhakta arthaat shiv ke pujaari hain, unko samjhaao। oonch te oonch pooja hai shiv ki kyonki vahi sarva ka sadgati daata hai।

abhi tum bachche jaante ho baap aaye hain sabko saath mein le jaayenge। apne time par ham bhi drama anusaar karmaateet avastha ko paayenge phir vinaash ho jaayega। purushaartha bahut karna hai ki ham aatmaayen satopradhaan ban jaayen। baap ki shreemat par chalna hai, shreemat bhagvat geeta kehte hain, kitni badi mahima hai। devtaaon ki bhi mahima gaate hain - sarva-gun sampanna, sampoorn nirvikaari… baap hi aakar sampoorn paavan banaate hain। jab sampoorn patit duniya banti hai tab hi baap aakar sampoorn paavan duniya banaate hain। sab kehte hain ham bhagwan ke bachche hain to zaroor svarga ka varsa hona chaahiye। prajaapita brahma dvaara ham abhi bhaai-behen bane hain। kalpa pahle bhi baap aaya tha, shiv jayanti manaate hain। zaroor prajaapita brahma ke bachche bane honge। baap se pratigya karte hain - baba ham aapas mein companion ho pavitra rehte hain। aapke direction par chalte hain। koi badi baat nahin hai। abhi yeh antim janma hai, yeh mrityulok khatma hona hai। abhi tum samajhdaar bane ho। koi apne ko bhagwan kahe, to kahenge bhagwan to sarva ka sadgati daata hai। yeh phir apne ko kaise kahla sakte hain। parantu samajhte hain drama ka khel hai।

baap tum bachchon ko svadarshan chakradhaari bana rahe hain। baap kehte hain ab service mein tatpar raho। ghar-ghar mein pradarshani kholo। in jaisa mahaan punya koi hota nahin। kisko baap ka raasta bataana, in jaisa daan koi nahin। baap kehte hain maamekam yaad karo to paap naash honge। baap ko bulaate bhi isliye ho he patit-paavan, liberator, guide aao। tumhaara bhi naam paandav gaaya hua hai। baap bhi panda hai। sabhi aatmaon ko le jaayenge। woh hain jismaani pande। yeh hai roohaani। woh jismaani yaatra, yeh roohaani yaatra। satayug mein jismaani yaatra bhakti maarga ki hoti nahin। vahaan tum poojya bante ho, abhi baap tumko kitna samajhdaar banaate hain। to baap ki mat par chalna chaahiye na। koi bhi sanshay aadi ho to poochhna chaahiye। ab baap kehte hain meethe meethe bachchon dehi-abhimaani bano। apne ko aatma samajhkar baap ko yaad karo। tum mere laadle bachche ho na। aadhaakalpa ke tum aashik ho। ek ke hi dher naam rakh diye hain, kitne naam, kitne mandir banaate hain। main hoon to ek hi। mera naam hai shiv। ham 5 hajaar varsha pahle bhaarat mein hi aaye the। bachchon ko adopt kiya tha। ab bhi adopt kar rahe hain। brahma ke bachche hone ke kaaran tum potre potriyaan ho gaye। yahaan varsa hi milta hai aatma ko। usmein bhaai behen ka savaal nahin uthta। aatma hi padhti hai, varsa leti hai। sabko hak hai। tum bachche is puraani duniya mein jo kuchh dekhte ho - yeh sab vinaash ko paana hai। mahaabhaarat ladaai bhi barobar hai। behad ka baap behad ka varsa de rahe hain। behad ki knowledge suna rahe hain। to tyaag bhi behad ka chaahiye। tum jaante ho kalpa pahle bhi baap ne raajayog sikhaaya tha, raajasva ashvamedh yagya racha tha phir raajaai ke liye sat-yugi nai duniya zaroor chaahiye। puraani duniya ka vinaash bhi hua tha। 5 hajaar varsha ki baat hai na। yahi ladaai lagi thi, jisse get khule the। board par bhi likh do - svarga ke dvaar kaise khul rahe hain - aakar samjho। tum nahin samjha sakte ho doosre ko bula sakte ho। phir dheere-dheere vriddhi hoti jaayegi। tum kitne dher brahman braahmaniyaan ho praja-pita brahma ke bachche। varsa milta hai shivbaaba se। vahi sabka baap hai। yeh to buddhi mein achhi reeti yaad rakhna chaahiye - ham brahman so devta bante hain। ham hi devta the phir chakra lagaaya। ham abhi brahman bane hain phir vishnupuri mein jaayenge। gyaan hai - bahut sahaj। parantu koton mein koi nikalte hain। pradarshani mein kitne dher aate hain, koi mushkil nikalte hain, koi to sirf mahima karte hain bahut achha hai, ham aayenge। koi virle 7 roz ka course uthaate hain, 7 roz ki bhi baat ab kya hai। geeta ka paath bhi 7 din rakhte hain। saat din tumko bhi bhatti mein padna hai। apne ko aatma samajh baap ko yaad karne se saara kichda nikal jaayega। aadhaakalpa ki gandi beemaari deh-abhimaan ki hai, woh nikaalni hai। dehi-abhimaani banna hai। 7 roz ka course koi bada thode hi hai। kisko second mein bhi teer lag sakta hai। deri se aane vaale aage ja sakte hain। kahenge ham race kar baap se varsa le hi lenge। kai to puraanon se bhi teekhe chale jaate hain kyonki achhi-achhi points, taiyaar maal milta hai। pradarshani aadi samjhaane mein kitna sahaj hota hai। khud nahin samjha sakte hain to behen ko bulaayen। roz aakar katha karke jaao। 5 hajaar varsha pahle in lakshmi-naaraayan ka raajya tha, jo 1250 varsha chala। kitni chhoti kahaani hai। ham so devta the phir ham so kshatriy, vaishya, shoodra banen। ham aatma brahman bani, ham so ka arth kitna yuktiyukta samjhaate hain। viraat roop bhi hai, parantu usmein braahmanon ko aur shivbaaba ko uda diya hai। arth kuchh bhi nahin samajhte hain। abhi tum bachchon ko mehnat karni hai, yaad ki। aur koi sanshay mein nahin aana chaahiye। vikarmaajeet ban oonch pad paana hai to yeh chintan khatma karna hai ki yeh kyon hota hai, yeh aise kyon karta hai। in sab baaton ko chhod ek hi chintan rahe ki humein tamopradhaan se satopradhaan banna hai। jitna baap ko yaad karenge utna vikarmaajeet ban oonch pad paayenge। baaki phaaltu baaten sun apna maatha kharaab nahin karna hai। sab baaton se ek baat mukhya hai - unko nahin bhoolo। koi saath time vesta na karo। tumhaara time bahut valuable hai। toofaanon se darna nahin hai। bahut takleeph aayegi, ghaata padega। parantu baap ki yaad kabhi nahin bhoolni hai। yaad se hi paavan banna hai, purushaartha kar oonch pad paana hai। yeh baba boodha itna oonch pad paate hain, ham kyon nahin banenge। yeh bhi padhaai hai na। tumko ismen kuchh bhi kitaab aadi uthaane ki darkaar nahin hai। buddhi mein saari kahaani hai। kitni chhoti kahaani hai। second ki baat hai, jeevanmukti second mein milti hai। mool baat hai baap ko yaad karo। baap jo tumko vishwa ka maalik banaate hain unko tum bhool jaate ho! kehte hain sab thode hi raaja banenge। are tum sabka chintan kyon karte ho! school mein yeh ona (phikar) rakhte hain kya ki sab thode hi scholarship paayenge? padhne lag padenge na। har ek ke purushaartha se samjha jaata hai ki yeh kya pad paane vaale hain। achha।

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) yeh samay bahut valuable hai, ise phaaltu ki baaton mein ganvaana nahin hai। kitne bhi toofaan aayen, ghaata pade lekin baap ki yaad mein rehna hai।

2) tamopradhaan se satopradhaan banne ka hi chintan karna hai, aur koi chintan na chale। ham so, so ham ki chhoti si kahaani bahut yukti se samajhni aur samjhaani hai।

vardaan:- magan avastha ke anubhav dvaara maaya ko apna bhakta banaane vaale maayaajeet bhav

magan avastha ka anubhav karne ke liye apne anek title va swaroop, anek gunon ke shrringaar, anek prakaar ke khushi ki, roohaani nashe ki, rachta aur rachna ke vistaar ki points, praaptiyon ki points smriti mein rakho jo aapki pasandi ho us par manan karo to magan avastha sahaj anubhav hogi। phir kabhi parvash nahin honge, maaya sada ke liye namaskaar karegi। sangamayug ka pahla bhakta maaya ban jaayegi। jab aap maayaajeet master bhagwan banenge tab maaya bhakta banegi।

slogan:- aapka uchchaaran aur aachran brahma baap ke samaan ho tab kahenge sachche brahman।

avyakt ishaare - aatmik sthiti mein rahne ka abhyaas karo, antarmukhi bano

yaad mein nirantar rahne ka sahaj saadhan hai - pravritti mein rehte par-vritti mein rehna। par-vritti arthaat aatmik roop। aise aatmik roop mein rahne vaala sada nyaara aur baap ka pyaara hoga। kuchh bhi karega lekin aise mahsoos hoga jaise kaam nahin kiya lekin khel kiya hai। yeh roohaani nayan, yeh roohaani moorta aisi divya darpan ban jaayegi jis darpan mein har aatma bina mehnat ke aatmik swaroop hi dekhegi।