शनिवार 7 जून 2025 की दैनिक मुरली

07-06-2025 praatahmurli om shanti "baapdaada"' madhuban

“meethe bachche - tum abhi pujaari se poojya ban rahe ho, poojya baap aaye hain tumhein aap samaan poojya banaane''

prashn:- tum bachchon ke andar kaun-sa dridh vishvaas hai?

uttar:- tumhein dridh vishvaas hai ki ham jeete ji baap se poora varsa lekar hi chhodenge। baba ki yaad mein yeh puraana shareer chhod baap ke saath jaayenge। baba humein ghar ka sahaj raasta bata rahe hain।

geet:- om namo shivaae…

om shanti। om shanti। om shanti to bahut manushya kehte rehte hain। bachche bhi kehte hain, om shanti। andar jo aatma hai - woh kehti hai om shanti। parantu aatmaayen to yathaartha reeti apne ko jaanti nahin hain, na baap ko jaanti hain। bhal pukaarte hain parantu baap kehte hain main jo hoon, jaisa hoon yathaartha reeti mujhe koi nahin jaante। yeh (brahma) bhi kehte hain ki main apne ko nahin jaanta tha ki main kaun hoon, kahaan se aaya hoon! aatma to mel hai na। bachcha hai। father hai paramatma। to aatmaayen aapas mein brothers ho gai। phir shareer mein aane kaaran koi ko mel, koi ko female kehte hain। parantu yathaartha aatma kya hai, yeh koi bhi manushya maatra nahin jaante। abhi tum bachchon ko yeh knowledge milti hai jo phir tum saath le jaate ho। vahaan yeh knowledge rehti hai, ham aatma hain yeh puraana shareer chhod doosra lete hain। aatma ki pahchaan saath mein le jaate। pahle to aatma ko bhi nahin jaante the। ham kab se part bajaate hain, kuchh nahin jaante the। abhi tak bhi kai apne ko poora pahchaante nahin hain। mote roop se jaante hain aur mote ling roop ko hi yaad karte hain। main aatma bindi hoon। baap bhi bindi hai, us roop mein yaad karen, aise bahut thode hain। nambarvaar buddhi hai na। koi to achhi reeti samajhkar auron ko bhi samjhaane lag padte hain। tum samjhaate ho apne ko aatma samajh aur baap ko yaad karna hai। vahi patit-paavan hai। pahle to manushyon ko aatma ki hi pahchaan nahin hai, to woh bhi samjhaana pade। apne ko jab aatma nishchay karen tab baap ko bhi jaan saken। aatma ko hi nahin pahchaante hain isliye baap ko bhi poora jaan nahin sakte। abhi tum bachche jaante ho ham aatma bindi hain। itni chhoti-si aatma mein 84 janmon ka part hai, yeh bhi tumko samjhaana pade। nahin to sirf kehte gyaan bahut achha hai। bhagwan se milne ka raasta bada achha bataate hain। parantu main kaun hoon, baap kaun hai, yeh nahin jaante। sirf achha-achha kah dete hain। koi to phir aise bhi kehte hain ki yeh to naastik bana dete hain। tum jaante ho - gyaan ki samajh koi mein bhi nahin hai। tum samjhaate ho abhi ham poojya ban rahe hain। ham kiski pooja nahin karte hain kyonki jo sabka poojya hai oonch te oonch bhagwan, unki ham santaan hain। woh hai hi poojya pitaashri। abhi tum bachche jaante ho - pitaashri hamko apna banaakar aur padha rahe hain। sabse oonch te oonch poojya ek hi hai, unke sivaae aur koi poojya bana na sake। pujaari zaroor pujaari hi banaayenge। duniya mein sab hain pujaari। tumko abhi poojya mila hai, jo aapasmaan bana rahe hain। tumse pooja chhuda di hai। apne saath le jaate hain। yeh chhi-chhi duniya hai। yeh hai hi mrityulok। bhakti shuru hi tab hoti hai jab raavan raajya hota hai। poojya se pujaari ban jaate hain। phir pujaari se poojya banaane ke liye baap ko aana padta hai। abhi tum poojya devta ban rahe ho। aatma shareer dvaara part bajaati hai। abhi baap hamko poojya devta bana rahe hain, aatma ko pavitra banaane ke liye। to tum bachchon ko yukti di hai - baap ko yaad karne se tum pujaari se poojya ban jaayenge kyonki woh baap hai sarva ka poojya। jo aadhaakalpa pujaari bante hain, woh phir aadhaakalpa poojya bante hain। yeh bhi drama mein part hai। drama ke aadi-madhya-ant ko koi bhi nahin jaante। abhi baap dvaara tum bachche jaante ho aur doosre ko bhi samjhaate ho। pahli-pahli mukhya baat yeh samjhaani hai - apne ko aatma bindi samjho। aatma ka baap woh niraakaar hai, woh knowledgeful hi aakar padhaate hain। srishti ke aadi-madhya-ant ka raaz samjhaate hain। baap aate hain ek baar। unko jaanna bhi ek baar hota hai। aate bhi ek hi baar sangamayug par hain। puraani patit duniya ko aakar paavan banaate hain। abhi baap drama plan anusaar aaye hain। koi nai baat nahin hai। kalpa-kalpa aise hi aata hoon। ek second bhi aage-peechhe nahin ho sakta hai। tum bachchon ki dil mein janchata hai ki barobar baba ham aatmaon ko sachcha gyaan de rahe hain, phir kalpa baad bhi baap ko aana padega। baap dvaara jo is samay jaana hai woh phir kalpa baad jaanenge। yeh bhi jaante hain ab puraani duniya ka vinaash hoga phir ham satayug mein aakar apna part bajaayenge। satayugi svargavaasi banenge। yeh to buddhi mein yaad hai na। yaad rahne se khushi bhi rehti hai। student life hai na। ham svargavaasi banne ke liye padh rahe hain। yeh khushi sthaai rahni chaahiye, jab tak study poori ho। baap samjhaate rehte hain ki study poori tab hogi jab vinaash ke liye saamagri taiyaar hogi। phir tum samajh jaayenge - aag zaroor lagegi। taiyaariyaan to hoti rehti hain na। ek-do mein kitna garam hote rehte hain। chaaron taraph bhinna-bhinna prakaar ki senaayen hain। sab ladne ke liye taiyaar hote rehte hain। koi na koi atak aisi daalte jo ladaai zaroor lage। kalpa pahle muaaphik vinaash to hona hi hai। tum bachche dekhenge। aage bhi bachchon ne dekha hai ek chingaari se kitni ladaai lagi thi। ek-do ko daraate rehte hain ki aisa karo nahin to humein yeh bombs haath mein uthaane padenge। maut saamne aa jaata hai to phir banaane ke sivaae rah nahin sakte hain। aage bhi ladaai lagi thi to bombs laga diye। bhaavi thi na। abhi to hazaaron bombs hain।

tum bachchon ko yeh zaroor samjhaana hai ki abhi baap aaya hua hai, sabko vaapis le jaane। sab pukaar rahe hain, he patit-paavan aao। is chhi-chhi duniya se hamko paavan duniya mein le chalo। tum bachche jaante ho paavan duniyaayen hain do - mukti aur jeevanmukti। sabki aatmaayen pavitra ban muktidhaam chali jaayengi। yeh duhkhadhaam vinaash ho jaayega, jisko mrityulok kaha jaata hai। pahle amarlok tha, phir chakra lagaae ab mrityulok mein aaye ho। phir amar-lok ki sthaapna hoti hai। vahaan akaale mrityu koi hoti nahin isliye unko amarlok kaha jaata hai। shaastron mein bhi bhal akshar hain, parantu yathaartha reeti koi bhi samajhte nahin hain। yeh bhi tum jaante ho - ab baba aaya hua hai। mrityulok ka vinaash zaroor hona hai। yeh 100 percent certain hai। baap samjha rahe hain ki apni aatma ko yogbal se pavitra banaao। mujhe yaad karo to vikarma vinaash ho jaayenge। parantu yeh bhi bachche yaad nahin kar sakte hain। baap se varsa athva raajaai lene mein mehnat to chaahiye na। jitna ho sake yaad mein rehna hai। apne ko dekhna hai - kitna samay ham yaad mein rehte hain aur kitnon ko yaad dilaate hain? manamnaabhav, inko mantra bhi nahin kaha jaae, yeh hai baap ki yaad। deh-abhimaan ko chhod dena hai। tum aatma ho, yeh tumhaara rath hai, isse tum kitna kaam karte ho। satayug mein tum devi-devta ban kaise raajya karte ho phir tum yahi anubhav paayenge। us samay to practical mein aatma-abhimaani rehte ho। aatma kahegi hamaara yeh shareer boodha hua hai, yeh chhod naya lenge। duhkh ki baat hi nahin। yahaan to shareer na chhoote uske liye bhi kitni doctor ki davaaiyon aadi ki mehnat karte hain। tum bachchon ko beemaari aadi mein bhi puraane shareer se kabhi tang nahin hona hai kyonki tum samajhte ho is shareer mein hi ji karke baap se varsa paana hai। shivbaaba ki yaad se hi pavitra ban jaayenge। yeh hai mehnat। parantu pahle to aatma ko jaanna pade। mukhya tumhaari hai hi yaad ki yaatra। yaad mein rehte-rehte phir ham chale jaayenge mool vatan। jahaan ke ham nivaasi hain, vahi hamaara shantidham hai। shantidham, sukhdhaam ko tum hi jaante ho aur yaad karte ho। aur koi nahin jaante। jinhonne kalpa pahle baap se varsa liya hai, vahi lenge।

mukhya hai yaad ki yaatra। bhakti maarga ki yaatraayen ab khatma honi hain। bhakti maarga hi khalaas ho jaayega। bhakti maarga kya hai? jab gyaan ho tab samjhen। samajhte hain bhakti se bhagwan milega। bhakti ka phal kya denge? kuchh bhi pata nahin। tum bachche ab samajhte ho baap bachchon ko zaroor svarga ki baadshaahi ka hi varsa denge। sabko varsa diya tha, yatha raaja-raani tatha praja sab svargavaasi the। baap kehte hain 5000 varsha pahle bhi tumko svargavaasi banaaya tha। ab phir tumko banaata hoon। phir tum aise 84 janma lenge। yeh buddhi mein yaad rehna chaahiye, bhoolna nahin chaahiye। jo knowledge srishti ke aadi-madhya-ant ki baap ke paas hai woh bachchon ki buddhi mein tapakti hai। ham kaise 84 janma lete hain, abhi phir baba se varsa lete hain, anek baar baap se varsa liya hai, baap kehte hain jaise liya tha phir lo। baap to sabko padhaate rehte hain। daiveegun dhaaran karne ke liye bhi saavdhaani milti rehti hai। apni jaanch karne ke liye saakshi ho dekhna chaahiye ki kahaan tak ham purushaartha karte hain, koi samajhte hain ham bahut achha purushaartha kar rahe hain। pradarshani aadi ka prabandha karta rehta hoon taaki sabko maaloom pad jaae ki bhagwan baap aaya hua hai। manushya bichaare sab ghor neend mein soye hue hain। gyaan ka kisi ko pata hi nahin hai to zaroor bhakti ko oonch hi samjhenge। aage tumhaare mein bhi koi gyaan tha kya? abhi tumko maaloom pada hai, gyaan ka saagar baap hi hai, vahi bhakti ka phal dete hain, jisne jaasti bhakti ki hai, unko jaasti phal milega। vahi achhi reeti padhte hain oonch pad paane ke liye। yeh kitni meethi-meethi baaten hain। budhiyon aadi ke liye bhi bahut sahaj kar samjhaate hain। apne ko aatma samajh baap ko yaad karo। oonch te oonch hai bhagwan shiv। shiv parmaatmaae namah kaha jaata hai, woh kehte hain maamekam yaad karo to tumhaare vikarma vinaash hon। bas। aur koi takleeph nahin dete hain। aage chal shivbaaba ko bhi yaad karne lag padenge। varsa to lena hai, jeete ji baap se varsa lekar hi chhodenge। shivbaaba ki yaad mein shareer chhod dete hain, to woh phir sanskaar le jaate hain। svarga mein zaroor aayenge, jitna yog utna phal milega। mool baat hai - chalte-phirte jitna ho sake yaad mein rehna hai। apne sir se bojha utaarna hai, sirf yaad chaahiye aur koi takleeph baap nahin date hain। jaante hain aadhaakalpa se bachchon ne takleeph dekhi hai isliye abhi aaya hoon, tumko sahaj raasta bataane - varsa lene ka। baap ko sirf yaad karo। bhal yaad to aage bhi karte the parantu koi gyaan nahin tha, abhi baap ne gyaan diya hai ki is reeti mujhe yaad karne se tumhaare vikarma vinaash honge। bhal shiv ki bhakti to duniya mein bahut karte hain, bahut yaad karte hain parantu pahchaan nahin hai। is samay baap khud hi aakar pahchaan dete hain ki mujhe yaad karo। abhi tum samajhte ho ham achhi reeti jaante hain। tum kahenge ham jaate hain baapdaada ke paas। baap ne yeh bhaageerath liya hai, bhaageerath bhi mashhoor hai, in dvaara baith gyaan sunaate hain। yeh bhi drama mein part hai। kalpa-kalpa is bhaagyashaali rath par aate hain। tum jaante ho ki yeh vahi hai jisko shyaam sundar kehte hain। yeh bhi tum samajhte ho। manushyon ne phir arjun naam rakh diya hai। abhi baap yathaartha samjhaate hain - brahma so vishnu, vishnu so brahma kaise bante hain। bachchon mein abhi samajh hai ki ham brahmaapuri ke hain phir vishnupuri ke banenge। vishnupuri se brahmaapuri mein aane mein 84 janma lagte hain। yeh bhi anek baar samjhaaya hai jo tum phir se sunte ho। aatma ko ab baap kehte hain sirf maamekam yaad karo to tumhaare vikarma vinaash honge isliye tumko khushi bhi hoti hai। yeh ek antim janma pavitra banne se ham pavitra duniya ke maalik banenge। to kyon na pavitra banen। ham ek baap ke bachche brahmaakumaar kumaari hain, phir bhi woh jismaani vritti badalne mein time lagta hai। dheere-dheere pichhaadi mein karmaateet avastha honi hai। is samay kiski karmaateet avastha hona asambhav hai। karmaateet avastha ho jaae phir to yeh shareer bhi na rahe, inko chhodna pade। ladaai lag jaae, ek baap ki hi yaad rahe, ismen mehnat hai। achha।

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) saakshi ho apne ko dekhna hai ki ham kahaan tak purushaartha karte hain? chalte phirte, karma karte kitna samay baap ki yaad mein rehte hain?

2) is shareer se kabhi bhi tang nahin hona hai। is shareer mein hi ji karke baap se varsa paana hai। svargavaasi banne ke liye is life mein poori study karni hai।

vardaan:- trikaaldarshi aur saakshi drishta ban har karma karte bandhanmukta sthiti ke anubhav dvaara drishtaanta roop bhav

yadi trikaaldarshi stage par sthiti ho, karma ke aadi madhya ant ko jaankar karma karte ho to koi bhi karma vikarma nahin ho sakta hai, sada sukarma hoga। aise hi saakshi drishta ban karma karne se koi bhi karma ke bandhan mein karma bandhani aatma nahin banenge। karma ka phal shreshtha hone ke kaaran karma sambandh mein aayenge, bandhan mein nahin। karma karte nyaare aur pyaare rahenge to anek aatmaon ke saamne drishtaanta roop arthaat example ban jaayenge।

slogan:- jo man se sada santushta hai vahi double light hai।

avyakt ishaare-aatmik sthiti mein rahne ka abhyaas karo, antarmukhi bano

koi bhi samartha sankalp aatmik shakti arthaat energy jama karta hai, samay bhi saphal karta hai। vyartha sankalp energy aur samay ko vyartha ganvaata hai isliye ab vyartha sankalp ki rachna banda karo। yeh rachna hi aatma rachta ko pareshaan karne vaali hai isliye sada isi shaan mein raho ki main aatma master sarvashaktivaan hoon, samartha aatma hoon to kabhi pareshaan nahin honge aur anekon ki pareshaani ko mitaane vaale ban jaayenge।