रविवार 8 जून 2025 की दैनिक मुरली

08-06-25 praatahmurli om shanti ''avyakt-baapdaada'' revise 15-11-05 madhuban

“sachche dil se baap va parivaar ke snehi ban mehnat mukta banne ka vaayda karo aur phaayda lo''

aaj baapdaada apne chaaron or ke shreshtha svaraajya adhikaari, svamaandhaari bachchon ko dekh rahe hain। baap ne bachchon ko apne se bhi ooncha svamaan diya hai। har ek bachche ko paanv mein girne se chhudaae sir ka taaj bana diya। svayan ko sada hi pyaare bachchon ka sevaadhaari kahlaaya। itni badi authority ka svamaan bachchon ko diya। to har ek apne ko itna svamaandhaari samajhte hain? svamaandhaari ka vishesh lakshan kya hota hai? jitna jo svamaandhaari hoga utna hi sarva ko sammaan dene vaala hoga। jitna svamaandhaari utna hi nirmaan, sarva ka snehi hoga। svamaandhaari ki nishaani hai - baap ka pyaara saath mein sarva ka pyaara। had ka pyaara nahin, behad ka pyaara। jaise baap sarva ke pyaare hain, chaahe ek maas ka bachcha hai, chaahe aadi ratna bhi hai lekin har ek maanta hai main baba ka, baba mera। yeh nishaani hai sarva ke pyaarepan ki, shreshtha svamaan ki, kyonki aise bachche follow father karne vaale hain। dekho baap ne har varga ke bachchon ko, chhote bachchon se leke, bujurga samaan bachchon ko svamaan diya। youth ko vinaashkaari se vishwa kalyaankaari ka svamaan diya। mahaan banaaya। pravritti vaalon ko mahaatmaayen, bade-bade jagatguru unse bhi ooncha, pravritti mein rehte, par-vritti vaale mahaatmaaon ka bhi sir jhukaane vaala banaaya। kanyaaon ko shiv shakti swaroop ka svamaan yaad dilaaya, banaaya। bujurga bachchon ko brahma baap ki hamjinsa anubhvi ka svamaan diya। aise hi svamaandhaari bachche har aatma ko aise svamaan se dekhenge। sirf dekhenge nahin lekin sambandh-samparka mein aayenge, kyonki svamaan deh-abhimaan ko mitaane vaala hai। jahaan svamaan hoga vahaan deh ka abhimaan nahin hoga। bahut sahaj saadhan hai, deh-abhimaan ko mitaane ka - sada svamaan mein rehna। sada har ek ko svamaan se dekhna। chaahe pyaada hai, 16 hajaar ki maala mein last number bhi hai lekin last number mein bhi draamaanusaar baap dvaara koi na koi visheshta hai। svamaandhaari visheshta ko dekh svamaan dete hain। unki drishti mein, vritti mein, kritti mein, har ek ki visheshta samaai hui hoti hai। jo bhi baap ka bana woh vishesh aatma hai, chaahe nambarvaar hai lekin duniya ke koton mein koi hai। aise apne ko sabhi vishesh aatma samajhte ho? svamaan mein sthit rehna hai। deh-abhimaan mein nahin, svamaan।

baap ko har ek bachche se pyaar kyon hai? kyonki baap jaante hain mere ko pahchaan, mere bane hain na। chaahe aaj is mele mein bhi pahli baar aaye hain, phir bhi baba kaha, to baap ke pyaar ke paatra hain। baapdaada ko chaaron or ke sarva bachche sarva se pyaare hain। aise hi follow father। koi bhi apriy nahin, sarva priy hain। dekho, jo bhi bachche mera baba kehte hain, to meraapan kisne laaya? sneh ne। jo bhi yahaan baithe hain, woh samajhte ho ki sneh ne baap ka bana liya। baap ka sneh chumbak hai, sneh ke chumbak se baap ke ban gaye। dil ka sneh, kahne maatra sneh nahin। dil ka sneh is brahman jeevan ka foundation hai। milne kyon aate ho? sneh le aaya hai na! jo bhi sabhi baithe hain, aaye hain, kyon aaye ho? sneh ne kheencha na। sneh bhi kitna hai? 100 percent hai va kam hai? jo samajhte hain sneh mein ham 100 percent hain, woh haath uthaao। sneh mein 100 percent। thoda bhi kam nahin? achha। to itna hi sneh aapas mein braahmanon mein hai? ismen haath uthvaayen? ismen percentage hai। jaise baap ka sabhi se sneh hai, aise hi bachchon ka bhi sarva se sneh, sarva ke snehi। doosre ki kamjori ko dekho nahin। agar koi sanskaar ke vasheebhoot hai, to follow kisko karna hai? vasheebhoot vaale ko? aap vasheekran mantra dene vaale ho, vasheebhoot se chhudaane vaala mantra, chhudaane vaale ho na! ya dekhne vaale ho? ki dikhaai de deta hai? agar koi kharaab cheez dikhaai bhi deti hai, to kya karte hain? dekhte rehte hain ya kinaara kar lete hain? kyonki baapdaada ne dekha ki jo dil ke snehi hain, baap ke dil ke snehi, sarva ke snehi avashya honge। dil ka sneh bahut sahaj vidhi hai sampanna aur sampoorn banne ki। chaahe koi kitna bhi gyaani ho, lekin agar dil ka sneh nahin hai to brahman jeevan mein ramneek jeevan nahin hogi। rookhi jeevan hogi kyonki gyaan mein, sneh bina agar gyaan hai to gyaan mein prashn uthte hain kyon, kya! lekin sneh gyaan sahit hai to snehi sada sneh mein lavleen rehte hain। snehi ko yaad karne ki mehnat karni nahin padti। sirf gyaani hai, sneh nahin hai to mehnat karni padti hai। woh mehnat ka phal khaata, woh muhabbat ka phal khaata। gyaan hai beej lekin paani hai sneh। agar beej ko sneh ka paani nahin milta to phal nahin nikalta hai।

to aaj baapdaada sarva bachchon ke dil ka sneh check kar rahe the। chaahe baap se, chaahe sarva se। to aap sabhi apne ko kya samajhte hain? snehi hain? hain snehi? jo samajhte hain dil ke snehi hain, woh haath uthaao। (majority sabhi ne haath uthaaya) achha-sarva ke snehi। baap ke to dil ke snehi hain, sarva ke snehi ho? sarva ke? har ek samajhta hai - yeh mera bhaai-behen hai? har ek samajhta hai yeh mera hai? samajhta hai? ki koi-koi samajhta hai? jaise baap ke sneh mein sabhi haath uthaate hain, haan baap ke snehi hain, aise aap har ek ke liye haath uthaayenge, ki haan yeh sarva ke snehi hain? yeh certificate milega? kyonki baapdaada ne pahle bhi kaha tha ki sirf baap se certificate nahin lena hai, brahman parivaar se bhi lena hai kyonki is samay baap dharma aur raajya donon saath-saath sthaapan kar rahe hain। raajya mein sirf baap nahin honge, parivaar bhi hoga। baap ke bhi pyaare, parivaar ke bhi pyaare।

gyaani bane ho lekin saath mein snehi banna bhi zaroori hai। svamaan mein rehna aur sammaan dena, yeh donon zaroori hain। baap ne brahman janma lete hi har ek bachche ko sammaan diya, tab to oonche banen। is ek janma mein sammaan dena hai aur saara kalpa uski praalabdha sammaan praapta hota hai। aadhaakalpa raajya adhikaari ka sammaan milta hai, aadhaakalpa bhakti mein bhakton dvaara sammaan milta hai। lekin iska, saare kalpa ka aadhaar hai is ek janma mein sammaan dena, sammaan lena।

abhi-abhi baapdaada dekh rahe hain chaaron or videsh mein koi raat mein, koi din mein milan mana rahe hain। achhi purushaartha ki gati ko badhaane ke liye aapko daadi bhi (jaanki daadi) achhi mili hai। hai na aise? jara si koi kami dekhti hai, phauran class par class karaati hai। kisi bhi bachche ko, chaahe desh vaale chaahe videsh vaalon ko, kisi bhi subject mein mehnat lagti hai to uska mool kaaran hai - dil ke sneh ki kami। sneh maana lavleen। yaad karna nahin padta, yaad bhulaana mushkil hota। agar mehnat karni padti hai to dil ke sneh ko check karo - kahaan leakage to nahin hai? chaahe lagaav koi vyakti se, chaahe vyakti ki visheshta se, chaahe koi saadhan se, salvation se, extra salvation, kaayde pramaan salvation theek hai, lekin extra salvation se bhi pyaar hota hai, lagaav hota hai। woh salvation yaad aati rahegi। uski nishaani hai - kahaan bhi leakage hogi to sada jeevan mein kisi bhi kaaran se santushtata ki anubhooti nahin hogi। koi na koi kaaran asantushtata ka anubhav karaayenge। aur santushtata jahaan hogi uski nishaani sada prasannata hogi। sada roohaani gulaab ke muaaphik muskaraata rahega, khila hua rahega। mood aaph nahin hogi, sada double light। to samjha mehnat se abhi bach jaao। baapdaada ko bachchon ki mehnat nahin achhi lagti। aadhaakalpa mehnat ki hai, abhi mauj karo। muhabbat mein lavleen ho, anubhav ke moti gyaan saagar ke tale mein anubhav karo। sirf dubki lagaakar saagar se nikal nahin aao, lavleen raho।

sabhi ne vaayda to kiya hai na! ki saath rahenge, saath chalenge? vaayda kiya hai? saath chalenge ya peechhe-peechhe aayenge? jo saath chalne ke liye taiyaar hain woh haath uthaao। taiyaar hain, sochkar uthaao, taiyaar hain arthaat baap samaan hain। kaun saath chalega? samaan saath chalega na! to chalenge? ever ready? pahli line ever ready? kal chalne ke liye order karen, chalenge? achha pravritti vaale chalenge? bachche nahin yaad aayenge? maataayen chalengi? maataayen taiyaar hain? koi bhi cheez yaad nahin aayegi? teachers ko centre yaad aayega, jigyaasu yaad aayenge? nahin yaad aayenge? achha। sabhi nirmohi ho gaye ho? phir to bahut achhi baat hai। phir to mehnat nahin karni padegi na।

aaj baapdaada sabhi ko chaahe sammukh baithe hain, chaahe door baithe bhi baap ke dil mein baithe hain, sabhi ko aaj ka din mehnat mukta banaane chaahte hain। banenge? taali to baja di, banenge? kal se koi daadiyon ke paas nahin aayega। mehnat nahin karaayenge? mauj se milenge। zone head ke paas nahin jaayenge, complain nahin karenge, complete। theek hai? abhi haath uthaao। dekho soch ke haath uthaana, aise nahin utha lena। koi complain nahin, koi mera-mera nahin, koi mera nahin। main bhi nahin, mera bhi nahin, khatma। dekho vaayda to kiya hai, achha hai mubaarak ho lekin kya hai, vaayde ka phaayda nahin uthaate ho। vaayda bahut jaldi kar lete ho lekin phaayda uthaane ke liye roz ek to realisation doosra revise karo, vaayde ko roz revise karo kya vaayda kiya? amritvele milne ke baad vaayda aur phaayda donon ke balance ka chart banaao। vaayda kya kiya? aur phaayda kya utha rahe hain? realise karo, revise karo, balance ho jaayega to theek ho jaayega। baapdaada ko pata hai meeting vaalon ne vaayda kiya hai।

baapdaada ne dekha hai plan bahut achhe-achhe banaate hain, baapdaada ko pasanda hain। baapdaada kya chaahte hain? baapdaada sirf ek shabd chaahta hai - ek shabd hai - saphal karo, saphal bano। jo bhi khajaane hain, shaktiyaan hain, sankalp hain, bol hain, karma bhi shakti hai, yeh samay bhi shakti hai, khajaana hai। sabko saphal karna hai। chaahe sthool dhan, chaahe alaukik khajaane, sabko saphal karna hai। saphaltaamoorta ka certificate lena hi hai। saphal karo aur saphal karaao। agar koi asphal karta hai, to bol dvaara shiksha dvaara nahin, apne shubh bhaavna, shubh kaamna aur sada shubh sammaan dene dvaara saphal karaao। sirf shiksha nahin do, agar shiksha deni bhi padti hai to kshama aur shiksha, kshama roop bankar shiksha do। merciful bano, merciful bano। aapka merciful roop avashya shiksha ka phal dikhaayega। dekho, aajkal science vaale doctors bhi jab operation karte hain, to pahle kya karte hain? pahle sula dete hain, peechhe kaatte hain, pahle hi nahin kaatte hain। tinchar bhi lagaate hain to pahle phoonk dete hain phir tinchar lagaate hain। to aap bhi pahle merciful bano phir shiksha do to prabhaav daalegi, nahin to kya hota hai, aap shiksha dene lagte ho, woh pahle hi aapse jyaada shikshak hai। to shikshak, shikshak ki shiksha nahin maanta। jo point aap denge, aise nahin karo, aise karo, uske paas kat karne ki 10 point hongi, iseelie kshama aur shiksha saath-saath ho, to is 70 ven varsha ka theme hai - saphal karo, saphal karaao। saphalta moorta bano sab saphal karo। double light banna hai na to saphal kar lo। sanskaar ko bhi saphal karo। jo original aapke aadi sanskaar, devtaai sanskaar, anaadi sanskaar aatma ke hain usko emerge karo। ulte sanskaaron ka sanskaar karo। aadi anaadi sanskaar emerge karo। abhi sabhi ki complain vishesh ek hi rah gai hai, sanskaar nahin badalte, sanskaar nahin badalte।

sabhi ne mehnat mukta ka vaayda to kiya hai na! (sabhi ne haath uthaaya) achha - inka photo nikaalo। abhi ek minute ke liye apne dil se is vaayde ko dridhta ka underline lagaao। apne man mein pakka karo। (drill) achha।

sarva chaaron or ke svamaandhaari bachchon ko, sada baap ke dil ke snehi, sarva ke snehi shreshtha aatmaon ko, sada mehnat mukta, jeevanmukta anubhav karne vaale teevra purushaarthi bachchon ko, sada vaayda aur vaayde ka phaayda lene vaale, balance rakhne vaale blissful bachchon ko, sada mauj mein rahne vaale, mauj mein auron ko bhi rahaane vaale, aise sangamayugi shreshtha bhaagya ke adhikaari bachchon ko baapdaada ka yaadapyaar aur dilaaraam ke dil ki duaayen sveekaar hon। yaadapyaar aur namaste।

daadiyon se:- theek hai na! sabhi aap logon ko dekhkar khush hote hain। baap aur bachchon, donon ko dekhkar khush hote hain। donon samaan। sabhi ke sikeeldhe ho। sabhi ka daadiyon se vishesh pyaar hai na! bahut pyaar hai kyonki jo nimitta bante hain, to nimitta banne vaalon ke oopar jimmevaari bhi hoti hai, to sneh bhi itna hota hai kyonki sabke pyaar aur duaaon ki unke jeevan mein lift mil jaati hai। aap bhi jo nimitta bante ho unhon ko bhi lift milti hai lekin lift ki gift ko kaayam rakhen to bahut phaayda ho sakta hai। yeh extra vardaan milta hai। kisi bhi kaarya mein, eeshvareey kaarya mein va yagya seva mein jo vishesh nimitta banta hai usko duaayen aur pyaar donon ki lift milti hai। pyaar ek aisi cheez hai jo kya se kya bana deti hai। aaj duniya mein bhi kisi se poochho kya chaahiye? kahenge pyaar chaahiye। shanti chaahiye, woh bhi pyaar se milegi। to pyaar, aatmik pyaar sabse shreshtha hai। achha।

vardaan:- combined swaroop ki smriti dvaara abhul banne vaale nirantar yogi bhav

jo bachche svayan ko baap ke saath combined anubhav karte hain unhein nirantar yogi bhav ka vardaan svatah mil jaata hai kyonki vo jahaan bhi rehte hain milan mela hota rehta hai। unhein koi kitna bhi bhulaane ki koshish kare - lekin ve abhul hote hain। aise abhul bachche jo baap ko ati pyaare hain vahi nirantar yogi hain kyonki pyaar ki nishaani hai - svatah yaad। unke sankalp roopi naakhoon ko bhi maaya hila nahin sakti।

slogan:- kaaran sunaane ke bajaae uska nivaaran karo to duaaon ke adhikaari ban jaayenge।

avyakt ishaare-aatmik sthiti mein rahne ka abhyaas karo, antarmukhi bano

antarmukhi ban gyaan manan ke abhyaas dvaara alaukik masti mein sada masta raho to is duniya ki ulajhnen apni or aakarshit nahin karengi। jaise military vaale underground chale jaate hain to baahar ke bombs aadi ka asar nahin hota hai, aise aap antarmukhi, underground aatmik sthiti mein rahne ka abhyaas karo to baaharmukhta ki baaten disturb nahin karegi।