गुरुवार 19 जून 2025 की दैनिक मुरली

19-06-2025 praatahmurli om shanti "baapdaada"' madhuban

“meethe bachche - abhi tum eeshvareey aulaad bane ho, tumhaare mein koi aasuri gun nahin hone chaahiye, apni unnati karni hai, gaphlat nahin karni hai''

prashn:- aap sangamayugi brahman bachchon ko kaun-sa nishchay aur nasha hai?

uttar:- ham bachchon ko nishchay aur nasha hai ki abhi ham eeshvareey sampradaay ke hain। ham svargavaasi vishwa ke maalik ban rahe hain। sangam par ham transfer ho rahe hain। aasuri aulaad se eeshvareey aulaad ban 21 janmon ke liye svargavaasi bante hain, isse bhaari koi vastu hoti nahin।

om shanti। baap baith bachchon ko samjhaate hain, aksar karke manushya shanti ko pasanda karte hain। ghar mein agar bachchon ki khit-khit hai, to ashaanti rehti hai। ashaanti se duhkh bhaasta hai। shanti se sukh bhaasta hai। yahaan tum bachche baithe ho, tumko sachchi shanti hai। tumko kaha gaya hai baap ko yaad karo। apne ko aatma samjho। aatma mein jo aadhaakalpa se ashaanti hai, woh nikalni hai shanti ke saagar baap ko yaad karne se। tumko shanti ka varsa mil raha hai। yeh bhi tum jaante ho shanti ki duniya aur ashaanti ki duniya bilkul alag hai। aasuri duniya, eeshvareey duniya, satayug, kaliyug kisko kaha jaata hai, yeh koi manushya maatra nahin jaante। tum kahenge ham bhi nahin jaante the। bhal kitne bhi position vaale the। paise vaale ko position vaala kaha jaata hai। gareeb aur saahookaar samajh to sakte hain na। vaise tum bhi samajh sakte ho barobar eeshvareey aulaad aur aasuri aulaad। abhi tum meethe bachche samajhte ho ham eeshvareey santaan hain। yeh pakka nishchay hai na। tum brahman samajhte ho ham eeshvareey sampradaay svargavaasi vishwa ke maalik ban rahe hain। hardam woh khushi rahni chaahiye। bahut thode hain jo yathaartha reeti se samajhte hain। satayug mein hain eeshvareey sampradaay। kaliyug mein hain aasuri sampradaay। purushottam sangamayug par aasuri sampradaay badli hoti hai। abhi ham shivbaaba ki aulaad bane hain। beech mein bhool gaye the। abhi phir is samay jaana hai ki ham shivbaaba ki santaan hain। vahaan satayug mein koi apne ko eeshvareey aulaad nahin kahlaate। vahaan hain daivi aulaad। inke pahle ham aasuri aulaad the। abhi eeshvareey aulaad bane hain। ham brahman bi.ke. hain। rachna hai ek baap ki। tum sab bhaai-behen ho aur eeshvareey aulaad ho। tum jaante ho baba se raajya mil raha hai। bhavishya mein jaakar ham daivi svaraajya paayenge, sukhi honge। barobar satayug hai sukh ka dhaam, kaliyug hai duhkhadhaam। yeh sirf tum sangamayugi brahman jaante ho। aatma hi eeshvareey aulaad hai। yeh bhi jaante ho baba svarga ki sthaapna karte hain। woh rachta hai na। narka ka creator to nahin hai। unko kaun yaad karenge। tum meethe-meethe bachche jaante ho - baap svarga ki sthaapna kar rahe hain। woh hamaara bahut meetha baap hai। hamko 21 janmon ke liye svargavaasi banaate hain, isse bhaari vastu koi hoti nahin। yeh samajh rakhni chaahiye। ham eeshvareey aulaad hain, to hamaare mein koi aasuri avgun hona nahin chaahiye। apni unnati karni hai। samay baaki thoda hai, ismen gaphlat nahin karni chaahiye। bhool na jaao। dekhte ho baap sammukh baitha hai, jinki ham aulaad hain। ham eeshvar baap se padh rahe hain daivi aulaad banne ke liye, to kitni khushi honi chaahiye। baba sirf kehte hain mujhe yaad karo to vikarma vinaash ho jaaen। baap aaye hi hain sabko le jaane। jitna-jitna yaad karenge utna vikarma vinaash honge। agyaan mein jaise kanya ki sagaai hoti hai to yaad bilkul chhap jaati hai। bachcha paida hua aur yaad chhap jaati hai। yeh yaad to svarga mein bhi chhap jaati, narka mein bhi chhap jaati। bachcha kahega yeh hamaara baap hai, ab yeh to hai behad ka baap। jisse svarga ka varsa milta hai to unki yaad chhap jaani chaahiye। baap se ham bhavishya 21 janmon ka phir se varsa le rahe hain। buddhi mein varsa hi yaad hai।

yeh bhi jaante ho marna to sabko hai। ek bhi rahne ka nahin hai jo bhi dearest se dearest (pyaara se pyaara) hai, sab chale jaayenge। yeh sirf tum brahman hi jaante ho ki yeh puraani duniya ab gai ki gai। uske jaane ke pahle poora purushaartha karna hai। jabki eeshvareey aulaad hain to athaah khushi honi chaahiye। baap kehte rehte hain - bachche, apna jeevan heere jaisa banaao। woh hai deity world, yeh hai devil world। satayug mein kitna athaah sukh rehta hai। woh baap hi dete hain। yahaan tum baap ke paas aaye ho। yahaan baith to nahin jaayenge। aise to nahin sab ikatthe rahenge kyonki behad bachche hain। yahaan tum bahut umang se aate ho। ham jaate hain behad ke baap paas। ham eeshvareey aulaad hain। god father ke bachche hain, to ham kyon na svarga mein hone chaahiye। god father to svarga rachte hain na। ab tumhaari buddhi mein saare world ki history-geography hai। jaante ho heavenly god father hamko heaven ke laayak bana rahe hain। kalpa-kalpa baad banaate hain। ek bhi manushya nahin jisko yeh pata ho ki ham actor hain। god father ke bachche phir ham duhkhi kyon hain! aapas mein ladte kyon hain! ham aatmaayen sab brothers hain na। brothers aapas mein kaise ladte rehte hain। ladkar khatma ho jaayenge। yahaan ham baap se varsa le rahe hain। brothers ko aapas mein kabhi loon-paani nahin hona chaahiye। yahaan to baap se bhi loon-paani hote hain। achhe-achhe bachche loon-paani ho jaate hain। maaya kitni jabardasta hai। jo achhe-achhe bachche hain woh baap ko yaad to padte hain। baap ka kitna lav hai bachchon par। baap ko to sivaae bachchon ke aur koi hai nahin jisko yaad karen। tumhaare liye to bahut hain। tumhaari buddhi idhar-udhar jaati hai। dhandhe aadi mein bhi buddhi jaati hai। hamaare liye to koi dhandha aadi bhi nahin hai। tum anek bachchon ke anek dhandhe hain। hamaara to ek hi dhandha hai। ham aaye hi hain bachchon ko svarga ka vaaris banaane। behad ke baap ki property sirf tum bachche ho। god father hai na। sabhi aatmaayen unki property hain। maaya ne chhi-chhi bana diya hai। ab gul-gul banaate hain baap। baap kehte hain mere to tum hi ho। tumhaare oopar hamaara moh bhi hai। chitthi nahin likhte ho to ona ho jaata hai। achhe-achhe bachchon ki chitthi nahin aati hai। achhe-achhe bachchon ko ekdam maaya khatma kar deti hai। zaroor deh-abhimaan hai। baap kehte rehte hain apni khushkhairaaphat likho। baba bachchon se poochhte hain bachche tumko maaya hairaan to nahin karti hai? bahaadur ban maaya par jeet pahan rahe ho na! tum yuddha ke maidaan mein ho na। karmendriyaan aise vash karni chaahiye jo kuchh bhi chanchalta na ho। satayug mein sab karmendriyaan vash mein rehti hain। karmendriyon ki koi chanchalta nahin hoti hai। na mukh ki, na haath ki, na kaan ki… koi bhi chanchalta ki baat nahin hoti। vahaan koi bhi ganda ki cheez hoti nahin। yahaan yogbal se karmendriyon par jeet paate ho। baap kehte hain koi bhi gandi baat nahin। karmendriyon ko vash karna hai। achhi reeti purushaartha karna hai। time bahut thoda hai। gaayan bhi hai bahut gai thodi rahi। abhi thodi rehti jaati hai। naya makaan banta rehta hai to buddhi mein rehta hai na - baaki thoda samay hai। abhi yeh taiyaar ho jaayega, baaki yeh thoda kaam hai। woh hai had ki baat, yeh hai behad ki baat। yeh bhi bachchon ko samjhaaya gaya hai unhon ka hai science bal, tumhaara hai silence bal। hai unka bhi buddhi bal, tumhaara bhi buddhi bal। science ki kitni invention nikaalte rehte hain। abhi to aise bombs banaate rehte hain jo kehte hain vahaan baithe-baithe chhodenge to saara shahar khatma ho jaayega। phir yeh senaayen, aeroplane aadi bhi kaam mein nahin aayenge। to woh hai science buddhi। tumhaari hai silence buddhi। woh vinaash ke liye nimitta bane hue hain। tum avinaashi pad paane ke liye nimitta bane ho। yeh bhi samajhne ki buddhi chaahiye na।

tum bachche samajh sakte ho - baap kitna sahaj raasta bataate hain। bhal kitni bhi ahilyaayen, kubjaayen ho, sirf do akshar yaad karne hain - baap aur varsa। phir jitna jo yaad kare। aur sang tod ek baap ko yaad karna hai। baap kehte hain main jab apne ghar paramdham mein tha to bhakti maarga mein tum pukaarte the - baba aap aayenge to ham sab kuchh kurbaan karenge। yeh hue jaise karneeghor, karneeghor ko puraana saamaan diya jaata hai। tum baap ko kya denge? inko (brahma ko) to nahin dete ho na। isne bhi sab kuchh de diya। yeh thode hi yahaan baith mahal banaayenge। yeh sab kuchh shiv-baba ke liye hai। unke direction se kar rahe hain। woh karnakraavanhaar hai, direction dete rehte hain। bachche kehte hain baba aap hamaare liye ek hi ho। aapke liye to bahut bachche hain। baba phir kehte hamaare liye sirf tum bachche ho। tumhaare liye to bahut hain। kitne deh ke sambandhiyon ki yaad rehti hai। meethe-meethe bachchon ko baap kehte hain jitna ho sake baap ko yaad karo aur sabko bhulaate jaao। svarga ki raajaai ka makkhan tumko milta hai। zara khyaal to karo, kaise yeh khel ki rachna hai। tum sirf baap ko yaad karte ho aur svadarshan chakradhaari banne se chakravarti raaja bante ho। abhi tum bachche practical mein anubhvi ho। manushya to samajhte hain bhakti parampara se chali aai hai। vikaar bhi parampara se chale aaye hain। in lakshmi-naaraayan, raadhe-krishna ko bhi to bachche the na। are haan, bachche kyon nahin the parantu unhon ko kaha jaata hai sampoorn nirvikaari। yahaan hain sampoorn vikaari। ek-do ko gaaliyaan dete rehte hain। ab tum bachchon ko baap shri shri ki shreemat milti hai। tumko shreshtha banaate hain। agar baap ka kehna nahin maanenge to phir thode hi banenge। ab maano na maano। sapoot bachche to phauran maanenge। poori madad nahin dete hain to apne ko ghaata daalte hain। baap kehte hain main kalpa-kalpa aata hoon। kitna purushaartha karaata hoon। kitna khushi mein le aate hain। baap se poora varsa lene mein hi maaya gaphlat karaati hai। parantu tumhein us phande mein nahin phansana hai। maaya se hi ladaai hoti hai। bahut bade-bade toofaan aayenge। usmein bhi vaarison par jaasti maaya vaar karegi। roostam se roostam ho ladegi। jaise vaidya davaai dete hain to beemaari saari baahar nikal aati hai। yahaan bhi mere banenge to phir sabki yaad aane lag padegi। toofaan aayenge, ismen line clear chaahiye। ham pahle pavitra the phir aadhaakalpa apvitra banen। ab phir vaapis jaana hai। baap kehte hain mujhe yaad karo to is yog agni se tumhaare vikarma vinaash honge। jitna yaad karenge utna oonch pad paayenge। yaad karte-karte tum ghar chale jaayenge, ismen bilkul antarmukhta chaahiye। knowledge bhi aatma mein dhaaran hoti hai na। aatma hi padhti hai। aatma ka gyaan bhi paramatma baap hi aakar dete hain। itna bhaari gyaan tum lete ho vishwa ka maalik banne ke liye। mujhe tum kehte hi ho-patit-paavan, gyaan ka saagar, shanti ka saagar। jo mere paas hai woh tumko sab deta hoon। baaki sirf divya drishti ki chaabi nahin deta hoon। uske badle phir tumko vishwa ka maalik banaata hoon। saakshaatkaar mein kuchh hai nahin। mukhya hai padhaai। padhaai se tumko 21 janma ka sukh milta hai। meera ki bhent mein tum apne sukh ki bhent karo। woh to kaliyug mein thi, deedaar kiya phir kya। bhakti ki maala hi alag hai। gyaan maarga ki maala alag hai। raavan ki raajaai alag, tumhaari raajaai alag। unko din, unko raat kaha jaata hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) yaad ke bal se apni karmendriyaan aisi vash karni hai jo koi bhi chanchalta na rahe। time bahut thoda hai isliye achhi reeti purushaartha kar maayaajeet banna hai।

2) baap jo gyaan dete hain use antarmukhi ban dhaaran karna hai। kabhi bhi aapas mein loon-paani nahin hona hai। baap ko apni khushkhairaaphat ka samaachaar zaroor dena hai।

vardaan:- kalyaankaari vritti dvaara seva karne vaale sarva aatmaon ki duaaon ke adhikaari bhav

kalyaankaari vritti dvaara seva karna - yahi sarva aatmaon ki duaayen praapta karne ka saadhan hai। jab lakshya rehta hai ki ham vishwa kalyaankaari hain, to akalyaan ka kartavya ho nahin sakta। jaisa kaarya hota hai vaisi apni dhaarnaayen hoti hain, agar kaarya yaad rahe to sada merciful, sada mahaadaani rahenge। har kadam mein kalyaankaari vritti se chalenge, main pan nahin aayega, nimitta pan yaad rahega। aise sevaadhaari ko seva ke return mein sarva aatmaon ki duaaon ka adhikaar praapta ho jaata hai।

slogan:- saadhnon ki aakarshan saadhna ko khandit kar deti hai।

avyakt ishaare-aatmik sthiti mein rahne ka abhyaas karo, antarmukhi bano

antarmukhi aatmaayen teen prakaar ki bhaasha ke anubhvi hoti hainh 1- naynon ki bhaasha 2- bhaavna ki bhaasha 3- sankalp ki bhaasha। yeh teen prakaar ki bhaasha ruhaani yogi jeevan ki bhaasha hai, jitna-jitna aap antarmukhi sweet silence swaroop mein sthiti hote jaayenge - utna in teen bhaashaaon dvaara sarva aatmaon ko anubhav kara sakenge। ab isi ruhaani bhaasha ke abhyaas bano।