शुक्रवार 20 जून 2025 की दैनिक मुरली

20-06-2025 praatahmurli om shanti "baapdaada"' madhuban

“meethe bachche - baap ka pyaar lena ho to aatma-abhimaani hokar baitho, baap se ham svarga ka varsa le rahe hain, is khushi mein raho''

prashn:- sangamayug par tum brahman se farishta banne ke liye kaun-si gupta mehnat karte ho?

uttar:- tum braahmanon ko pavitra banne ki hi gupta mehnat karni padti hai। tum brahma ke bachche sangam par bhaai-behen ho, bhaai-behen ki gandi drishti rah nahin sakti। stri-purush saath rehte donon apne ko bi.ke. samajhte ho। is smriti se jab poora pavitra bano tab farishta ban sakenge।

om shanti। meethe-meethe bachchon, apne ko aatma samajhkar yahaan baithna hai। yeh raaz tum bachchon ko bhi samjhaana hai। aatma-abhimaani hokar baithenge to baap ke saath pyaar rahega। baba hamko raajayog sikhlaate hain। baba se ham svarga ka varsa le rahe hain। yeh yaad saara din buddhi mein rahe - ismen hi mehnat hai। yeh ghadi-ghadi bhool jaate hain to khushi ka paara dull ho jaata hai। baba saavdhaan karte hain ki bachche dehi-abhimaani hokar baitho। apne ko aatma samjho। abhi aatmaon aur paramatma ka mela hai na। mela laga tha, kab laga tha? zaroor kaliyug ant aur satayug aadi ke sangam par hi laga hoga। aaj bachchon ko topic par samjhaate hain। tumko topic to zaroor leni hai। oonch te oonch hai bhagwan phir neeche aao to brahma-vishnu-shankar। baap aur devtaayen। manushyon ko yeh pata nahin hai shiv aur brahma-vishnu-shankar ka sambandh kya hai? kisi ko bhi unhon ki jeevan kahaani ka pata nahin hai। trimoorti ka chitra naami-graami hai। yeh teenon hain devtaayen। sirf 3 ka dharma thode hi hota hai। dharma to bada hota hai, deity dharma। yeh hai sookshm vatan vaasi, oopar mein hai shivbaaba। mukhya hai brahma aur vishnu। abhi baap samjhaate hain tumko topic deni hai - brahma so vishnu, vishnu so brahma kaise bante hain। jaise tum kehte ho ham shoodra so brahman, brahman so devta, vaise inka bhi hai, pahle-pahle brahma so vishnu, vishnu so brahma। woh to kah dete aatma so paramatma, paramatma so aatma। yeh to hai wrong। ho bhi nahin sakta। to is topic par achhi reeti samjhaana hai, koi kehte hain paramatma shreekrishna ke tan mein aaye hain। agar shreekrishna mein aaye phir to brahma ka part khatma ho jaata hai। shreekrishna to hai satayug ka pahla prince। vahaan patit ho kaise sakte, jinko aakar paavan banaayen। bilkul hi galat hai। yeh baaten bhi mahaarthi serviceable bachche hi samajhte hain। baaki to kiski buddhi mein baithta hi nahin hai। yeh topic to bahut first class hai। brahma so vishnu, vishnu so brahma kaise bante hain। unki jeevan kahaani batlaate hain kyonki inka connection hai। shuru hi aise karna hai। brahma so vishnu ek second mein। vishnu so brahma banne mein 84 janma lagte hain। yeh badi samajhne ki baaten hain। abhi tum ho brahman kul ke। prajaapita brahma ka brahman kul kahaan gaya? prajaapita brahma ki to nai duniya chaahiye na। nai duniya hai satayug। vahaan to prajaapita hai nahin। kaliyug mein bhi prajaapita ho nahin sakta। woh hain sangamayug par। tum abhi sangam par ho। shoodra se tum brahman bane ho। baap ne brahma ko adopt kiya hai। shivbaaba ne inko kaise racha, yeh koi nahin jaante hain। trimoorti mein rachta shiv ka chitra hi nahin hai, to maaloom kaise pade ki oonch te oonch bhagwan hai। baaki sab hain unki rachna। yeh hai brahman sampradaay to zaroor prajaapita chaahiye। kaliyug mein to ho na sake। satayug mein bhi nahin। gaaya jaata hai brahman devi-devtaae namah। ab brahman kahaan ke hain? prajaapita brahma kahaan ka hai? zaroor sangamayug ka kahenge। yeh hai purushottam sangam yug। is sangamayug ka koi bhi shaastron mein varnan nahin hai। mahaabhaarat ladaai bhi sangam par lagi hai, na ki satayug ya kaliyug mein। paandav aur kaurav, yeh hain sangam par। tum paandav sangamayugi ho, to kaurav kaliyugi hain। geeta mein bhi bhagvaanuvaach hai na। tum ho paandav daivi sampradaay। tum roohaani pande bante ho। tumhaari hai roohaani yaatra, jo tum buddhi se karte ho।

baap kehte hain apne ko aatma samjho। yaad ki yaatra par raho। jismaani yaatra mein teerthon aadi par jaakar phir laut aate hain। woh aadhaakalpa chalti hai। yeh sangamayug ki yaatra ek hi baar ki hai। tum jaakar mrityulok mein vaapis nahin aayenge। pavitra ban phir tumko pavitra duniya mein aana hai isliye tum ab pavitra ban rahe ho। tum jaante ho abhi ham brahman sampradaay ke hain। phir daivi sampradaay, vishnu sampradaay bante hain। satayug mein devi-devtaayen vishnu sampradaay hain। vahaan chaturbhuj ki pratima rehti hai, jisse maaloom padta hai yeh vishnu sampradaay hain। yahaan pratima hai raavan ki, to raavan sampradaay hain। to yeh topic rakhne se manushya wonder khaayenge। ab tum devta banne ke liye raajayog seekh rahe ho। brahma mukh vanshaavli brahman, tum shoodra se brahman bane ho। adopt kiye hue ho। brahman bhi yahaan hain phir devta bhi yahaan banenge। dynasty yahaan hi hoti hai। dynasty raajaai ko kaha jaata hai। vishnu ki dynasty hai। braahmanon ki dynasty nahin kahenge। dynasty mein raajaai chalti hai। ek pichhaadi doosra phir teesra। abhi tum jaante ho ham hain brahman kul bhooshan। phir devta bante hain। brahman so vishnu kul mein, vishnu kul se aate hain kshatriy chandravanshi kul mein, phir vaishya kul mein phir shoodra kul mein। phir brahman so devta banenge। arth kitna clear hai। chitron mein kya-kya dikhaate hain। ham brahman so vishnupuri ke maalik bante hain। ismen moonjhana nahin chaahiye। baba jo essay (nibandh) dete hain us par phir vichaar saagar manthan karna chaahiye - kisko kaise samjhaayen, jo manushya wonder khaayen ki yeh inki samjhaani to bahut achhi hai। sivaae gyaan saagar aur to koi samjha na sake। vichaar saagar manthan kar phir baith likhna chaahiye। phir padho to khyaal mein aayega। yeh-yeh akshar add karne chaahiye। baba bhi pahle-pahle murli likhkar tumko haath mein de dete the। phir sunaate the। yahaan to tum ghar mein baba ke saath rehte ho। ab to tumko baahar mein jaakar sunaana padta hai, yeh topic badi wonderful hai, brahma so vishnu, inko koi nahin jaante। vishnu ki naabhi se brahma dikhaate hain। jaise gaandhi ki naabhi se nehru। parantu dynasty to chaahiye na। brahman kul mein raajaai nahin hai, brahman sampradaay so bante hain deity dynasty। phir chandravanshi dynasty mein jaayenge phir vaishya dynasty। aise har ek dynasty chalti hai na। satayug hai viceless world, kaliyug hai vicious world। yeh do akshar bhi koi ki buddhi mein nahin hain। nahin to yeh zaroor buddhi mein hone chaahiye ki vicious se viceless kaise bante hain। manushya na viceless ko jaante hain, na vicious ko। tumko samjhaaya jaata hai, devtaayen viceless hain। aise kabhi nahin suna ki brahman viceless hain। nai duniya hai viceless, puraani duniya hai vicious। to zaroor sangamayug dikhaana pade। iska kisko bhi pata nahin hai। purushottam maas manaate hain na। woh 3 varsha baad ek maas manaate hain। tumhaara 5 hazaar varsha baad ek sangamayug aata hai। manushya aatma aur paramatma ko yathaartha nahin jaante hain sirf kah dete hain chamakta hai - azab sitaara। bas jaise dikhaate hain, raamkrishna paramhans ka chela vivekaanand kehta tha main guru ke saamne baitha tha, guru ka bhi dhyaan to karte hain na। abhi baap kehte hain maamekam yaad karo। dhyaan ki to baat hi nahin, guru to yaad hai hi। khaas baith karke yaad karne se yaad aayega kya। unki guru mein bhaavna thi ki yeh bhagwan hai to dekha ki unki aatma nikal mere mein leen ho gai। unki aatma kahaan jaakar baithi phir kya hua, kuchh bhi varnan nahin, bas। khush hua hamko bhagwan ka saakshaatkaar hua। bhagwan kya hai, woh nahin jaante। baap samjhaate hain seedhi ke chitra par tum samjhaao। yeh hai bhakti maarga। tum jaante ho ek hai bhakti ki boat (naanv), doosri hai gyaan ki। gyaan alag, bhakti alag hai। baba kehte hain hamne tumko kalpa pahle gyaan diya tha, vishwa ka maalik banaaya tha। ab tum kahaan ho। tum bachchon ki buddhi mein saara gyaan hai, kaise aur dynasty aati, kaise jhaad badhta hai। jaise guldasta hota hai na। yeh srishti roopi jhaad bhi phooldaan hai। beech mein tumhaara dharma phir inse aur 3 dharma nikalte hain phir unse vriddhi hoti jaati hai। to is jhaad ko bhi yaad karna hai। kitni taal-taaliyaan aadi nikalti rehti hain। pichhaadi mein aane vaale ka maan bhi ho jaata hai। bad ka jhaad hota hai na, thur hai nahin। baaki saara jhaad khada hai। devi-devta dharma bhi khatma hua pada hai। bilkul sad gaya hai। bhaaratvaasi apne dharma ko bilkul nahin jaante aur sab apne dharma ko jaante hain, yeh kehte ham dharma ko maante hi nahin। mukhya hai hi 4 dharma। baaki chhote-chhote to anek hain। is jhaad aur srishti chakra ko tum abhi jaante ho। devi-devta dharma ka naam hi gum kar diya hai। phir baap uski sthaapna kar baaki sab dharma ka vinaash kar dete hain। gole ke chitra par bhi zaroor le jaana chaahiye। yeh satayug, yeh kaliyug। kaliyug mein kitne dharma hain, satayug mein hai ek dharma। ek dharma ki sthaapna, anek dharmon ka vinaash kaun karta hoga? bhagwan bhi zaroor kiske dvaara to karaayenge na। baap kehte hain brahma dvaara aadi sanaatan devi-devta dharma ki sthaapna karaata hoon। brahman so vishnupuri ke devta bante hain।

sangam par tum braahmanon ko pavitra banne ki hi gupta mehnat karni padti hai। tum brahma ke bachche sangam par bhaai-behen ho। gandi drishti bhaai-behen ki rah nahin sakti। stri-purush donon apne ko bi.ke. samajhte hainismen badi mehnat hai। stri-purush ki kashish aisi hai jo bas, haath lagaane ke bigar rah nahin sakte। yahaan bhaai-behen ko haath to lagaana hi nahin hai, nahin to paap ki feeling aati hai। ham bi.ke. hain, yeh bhool jaate hain to phir khatma ho jaate hain। ismen badi gupta mehnat hai। bhal yugal ho rehte hain kisko kya pata, woh khud jaante hain ham bi.ke. hain, farishte hain। haath lagaana nahin hai। aise karte-karte sookshm vatan vaasi farishte ban jaayenge। nahin to farishta ban nahin sakte। farishta banna hai to pavitra rehna pade। aisi jodi nikle to number one jaae। kehte hain daada ne to sab anubhav kiya, pichhaadi mein karke sannyaas kiya hai, bahut mehnat to unko hai jo joda ban jaate hain। phir usmein gyaan aur yog bhi chaahiye। bahuton ko aapasmaan banaayen tab bada raaja banen। sirf ek baat to nahin hai na। baap kehte hain tum shivbaaba ko yaad karo। yeh hai prajaapita। bahut aise bhi hain jo kehte hain hamaara kaam to shivbaaba se hai। ham brahma ko yaad hi kyon karen! unko patra hi kyon likhen! aise bhi hain। tumko yaad karna hai shivbaaba ko isliye baba photo aadi bhi nahin dete hain। inmen shivbaaba aata hai, yeh to dehdhaari hai na। abhi to tum bachchon ko baap se varsa milta hai। woh apne ko eeshvar kehte hain phir unse kya milta hai, kitna ghaata pada hai bhaaratvaasiyon ko। ekdam bhaaratvaasiyon ne devaala maara hai। praja se bheekh maangate rehte hain। 10-20 varsha ka loan lete hain phir dena thode hi hai। lene vaale, dene vaale donon hi khatma ho jaayenge। khel hi khatma ho jaana hai। anek museebten sir par hain। devaala, beemaariyaan aadi bahut hain। koi saahookaaron ke paas rakh dete hain aur woh devaala maar dete hain to gareebon ko kitna duhkh hota hai। kadam-kadam par duhkh hi duhkh hai। achaanak baithe-baithe mar jaate hain। yeh hai hi mrityulok। amarlok mein tum abhi ja rahe ho। amarpuri ke baadshaah bante ho। amarnaath tum paarvatiyon ko sachchi-sachchi amraktha suna rahe hain। tum jaante ho amar baba hai, unse ham amraktha sun rahe hain। ab amarlok jaana hai। is samay tum ho sangamayug par। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) vichaar saagar manthan kar “brahma so vishnu'' kaise bante hain, is topic par sunaana hai। buddhi ko gyaan manthan mein busy rakhna hai।

2) raajaai pad praapta karne ke liye gyaan aur yog ke saath-saath aapasmaan banaane ki service bhi karni hai। apni drishti bahut shuddh banaani hai।

vardaan:- sarva sambandhon ka anubhav ek baap se karne vaale athak aur vighna-vinaashak bhav

jin bachchon ke sarva sambandh ek baap ke saath hain unko aur sab sambandh nimitta maatra anubhav honge, woh sada khushi mein naachne vaale honge, kabhi thakaavat ka anubhav nahin karenge, athak honge। baap aur seva isi lagan mein magan honge। vighnon ke kaaran rukne ke bajaae sada vighna vinaashak honge। sarva sambandhon ki anubhooti ek baap se hone ke kaaran double light rahenge, koi bojh nahin hoga। sarva complain samaapta hongi। complete sthiti ka anubhav hoga। sahajyogi honge।

slogan:- sankalp mein bhi kisi dehdhaari taraph aakarshit hona arthaat bevpha banna।

avyakt ishaare-aatmik sthiti mein rahne ka abhyaas karo, antarmukhi bano

jaise antariksha yaan vaale oonche hone ke kaaran saare prithvi ke jahaan ke bhi chitra kheenchane chaahen kheench sakte hain, aise silence ki shakti se antarmukhi yaan dvaara, mansa shakti dvaara kisi bhi aatma ko charitravaan banne ki, shreshtha aatma banne ki prerna de sakte ho।