रविवार 10 अगस्त 2025 की दैनिक मुरली

10-08-25 praatahmurli om shanti ''avyakt-baapdaada'' revise 31-10-06 madhuban

“sada snehi ke saath akhanda mahaadaani bano to vighna-vinaashak, samaadhaan swaroop ban jaayenge''

aaj prem ke saagar apne parmaatma prem ke paatra bachchon se milne aaye hain। aap sab bhi sneh ke alaukik vimaan se yahaan pahunch gaye ho na! saadhaaran plen mein aaye ho va sneh ke plen mein udkar pahunch gaye ho? sabhi ke dil mein sneh ki lahren lahra rahi hain aur sneh hi is brahman jeevan ka foundation hai। to aap sabhi bhi jab aaye to sneh ne kheencha na! gyaan to peechhe suna, lekin sneh ne parmaatma snehi bana diya। kabhi svapna mein bhi nahin hoga ki ham parmaatma sneh ke paatra banenge। lekin ab kya kehte ho? ban gaye। sneh bhi saadhaaran sneh nahin hai, dil ka sneh hai। aatmik sneh hai, sachcha sneh hai, nihsvaartha sneh hai। yeh parmaatma sneh bahut sahaj yaad ka anubhav karaata hai। snehi ko yaad karna mushkil nahin, bhoolna mushkil hota hai। sneh ek alaukik chumbak hai। sneh sahaj yogi bana deta hai, mehnat se chhuda deta hai। sneh se yaad karne mein mehnat nahin lagti। muhabbat ka phal khaate hain। sneh ki nishaani vishesh chaaron or ke bachche to hain hi lekin double videshi sneh mein daud-daud kar pahunch gaye hain। dekho, 90 deshon se kaise bhaagkar pahunch gaye hain! desh ke bachche to hain hi prabhu prem ke paatra, lekin aaj vishesh double videshiyon ko golden chance hai। aap sabka bhi vishesh pyaar hai na! sneh hai na! kitna sneh hai? kisi se tulna kar sakte ho? koi tulna nahin ho sakti। aap sabka ek geet hai na - na aasmaan mein itne taare hain, na saagar mein itna jal hai…, behad ka pyaar, behad ka sneh hai।

baapdaada bhi snehi bachchon se milne pahunch gaye hain। aap sab bachchon ne sneh se yaad kiya aur baapdaada aapke pyaar mein pahunch gaye hain। jaise is samay har ek ke chehre par sneh ki rekha chamak rahi hai। aise hi ab addition kya karna hai? sneh to hai, yeh to pakka hai। baapdaada bhi certificate dete hain ki sneh hai। abhi kya karna hai? samajh to gaye ho। abhi sirf underline karna hai - sada snehi rehna hai, sada। sometime nahin। sneh hai atoot lekin percentage mein antar pad jaata hai। to antar mitaane ke liye kya mantra hai? har samay mahaadaani, akhandadaani bano। sada daata ke bachche vishwa sevaadhaari samaan। koi bhi samay master daata banne ke bina nahin rahe kyonki vishwa kalyaan ke kaarya prati baap ke saath-saath aapne bhi madadgaar banne ka sankalp kiya hai। chaahe mansa dvaara shaktiyon ka daan va sahayog do। vaacha dvaara gyaan ka daan do, sahayog do। karma dvaara gunon ka daan do aur sneh samparka dvaara khushi ka daan do। kitne akhanda khajaanon ke maalik, richest in di world ho। akhut aur akhanda khajaane hain। jitne denge utne badhte jaate hain। kam nahin honge, badhenge kyonki vartamaan samay in khajaanon ke majority aap sabke aatmik bhaai aur bahnen pyaasi hain। to kya apne bhaai bahinon ke oopar taras nahin padta! kya pyaasi aatmaon ki pyaas nahin bujhaayenge? kaanon mein aavaaj nahin aata “he hamaare dev deviyaan humein shakti do, sachcha pyaar do''। aapke bhakta aur duhkhi aatmaayen donon hi - daya karo, kripa karo, he kripa ke dev aur deviyaan kahkar chilla rahe hain। samay ki pukaar sunaai deti hai na! aur samay bhi dene ka ab hai। phir kab denge? itna akhut akhanda khajaane jo aapke paas jama hain, to kab denge? kya last time, antim samay denge? us samay sirf anchali de sakenge। to apne jama hue khajaane kab kaarya mein lagaayenge? check karo har samay koi na koi khajaana saphal kar rahe hain! ismen double phaayda hai, khajaane ko saphal karne se aatmaon ka kalyaan bhi hoga aur saath mein aap sab bhi mahaadaani banne ke kaaran vighna-vinaashak, samasya swaroop nahin, samaadhaan swaroop sahaj ban jaayenge। double phaayda hai। aaj yeh aaya, kal yeh aaya, aaj yeh ho gaya, kal woh ho gaya। vighna-mukta, samasya mukta sada ke liye ban jaayenge। jo samasya ke peechhe samay dete ho, mehnat bhi karte ho, kabhi udaas ban jaate, kabhi ulhaas mein aa jaate, usse bach jaayenge kyonki baapdaada ko bhi bachchon ki mehnat achhi nahin lagti। jab baapdaada dekhte hain, bachche mehnat mein hain, to bachchon ki mehnat baap se dekhi nahin jaati। to mehnat mukta। purushaartha karna hai lekin kaun sa purushaartha? kya abhi tak apni chhoti-chhoti samasyaaon mein purushaarthi rahenge! ab purushaartha karo akhanda maha-daani, akhanda sahayogi। braahmanon mein sahayogi bano aur duhkhi aatmaayen, pyaasi aatmaon ke liye mahaadaani bano। ab is purushaartha ki aavashyakta hai। pasanda hai na! pasanda hai? peechhe vaale pasanda hai! to abhi kuchh change bhi karna chaahiye na, vahi sva prati purushaartha bahut time kiya। kaise paandav! pasanda hai? to kal se kya karenge? kal se hi shuru karenge ya ab se? ab se sankalp karo - mera samay, sankalp vishwa ki seva prati hai। ismen sva ka automatic ho hi jaayega, rahega nahin, badhega। kyon? kisi ko bhi aap uski aashaayen poori karenge, duhkh ke bajaae sukh denge, nirbal aatmaon ko shakti denge, gun denge, to woh kitni duaayen denge। aur sabse duaayen lena yahi aage badhne ka sabse sahaj saadhan hai। chaahe bhaashan nahin karo, programme jyaada nahin kar sakte ho, koi harja nahin, kar sakte ho to aur hi karo। lekin nahin bhi kar sakte ho to koi harja nahin, khajaanon ko saphal karo। sunaaya na - mansa se shaktiyon ka khajaana dete jaao। vaani se gyaan ka khajaana, karma se gunon ka khajaana aur buddhi se samay ka khajaana, sambandh-samparka se khushi ka khajaana saphal karo। to saphal karne se sahaj saphalta moorta ban hi jaayenge। sahaj udte rahenge kyonki duaayen ek lift ka kaam karti hain, seedhi ka nahin। samasya aai, mitaaya, kabhi do din lagaaya, kabhi do ghanta lagaaya, yeh seedhi chadhna hai। saphal karo, saphalta moorta bano, to duaaon ki lift se jahaan chaaho vahaan second mein pahunch jaayenge। chaahe sookshm vatan mein pahuncho, chaahe paramdham mein pahuncho, chaahe apne raajya mein pahuncho, second mein। london mein programme kiya tha na one minute। baapdaada to kehte hain one second। one second mein duaaon ki lift mein chadh jaao। sirf smriti ka switch dabaao bas, mehnat mukta।

aaj double videshiyon ka din hai na to baapdaada pahle double videshiyon ko kis swaroop mein dekhne chaahte hain? mehnat mukta, saphalta moorta, duaaon ke paatra। banenge na? kyonki double videshiyon ka baap se pyaar achha hai, shakti chaahiye lekin pyaar achha hai। kamaal to ki hai na? dekho 90 deshon se alag-alag desh, alag-alag rasam-rivaaj lekin 5 hi khandon ke ek chandan ke vriksha ban gaye hain। ek vriksha mein aa gaye hain। ek hi brahman culture ho gaya, abhi english culture hai kya? hamaara culture english hai... nahin na! brahman hai na? jo samajhte hain abhi to hamaara brahman culture hai woh haath uthaao। brahman culture aur addition nahin। ek ho gaye na! baapdaada iski mubaarak de rahe hain ki sabhi ek vriksha ke ban gaye। kitna achha lagta hai! kisi se bhi poochho, America se poochho, Europe se poochho, aap kaun ho? to kya kahenge? brahman hain na! ya kahenge yu.ke. ke hain, African hain, American hain nahin, sab ek brahman ho gaye, ek mat ho gaye, ek swaroop ke ho gaye। brahman aur ek mat shreemat। ismen maza aata hai na! maza hai ya mushkil hai? mushkil to nahin hai na! kaandh hila rahe hain, achha hai।

baapdaada seva mein naveenta kya chaahta hai? jo bhi seva kar rahe ho - bahut-bahut-bahut achhi kar rahe ho, uski to mubaarak hai hi। lekin aage addition kya karna hai? aap logon ke man mein hai na koi naveenta chaahiye। to baapdaada ne dekha, jo bhi programme kiye hain, samay bhi diya hai, aur muhabbat se hi kiya hai, mehnat bhi muhabbat se ki hai aur agar sthool dhan bhi lagaaya hai to woh to padamguna hoke aapke parmaatma bank mein jama ho gaya hai। woh lagaaya kya, jama kiya hai। result mein dekha gaya ki sandesh pahunchaane ka kaarya, parichay dene ka kaarya sabhi ne bahut achha kiya hai। chaahe kahaan bhi kiya, abhi dilli mein ho raha hai, london mein hua aur double foreigners jo call oph time va pees oph mind ka programme karte hain, woh sab programme baapdaada ko bahut achhe lagte hain। aur jo bhi kaam kar sako karte raho। sandesh to milta hai, snehi bhi bante hain, sahayogi bhi bante hain, sambandh mein bhi koi-koi aa jaate hain lekin abhi addition chaahiye - jab bhi koi bada programme karte ho usmein sandesh to milta hai, lekin kuchh anubhav karke jaayen, woh anubhav bahut jaldi aage badhaata hai। jaise yeh call oph time mein ya pees oph mind mein anubhav thoda jyaada karte hain। lekin jo bade programme hote hain usmein sandesh to achha mil jaata hai, lekin jo bhi aave uski peeth karke anubhav karaane ka lakshya rakho, kuchh na kuchh anubhav kare, kyonki anubhav kabhi bhoolta nahin hai aur anubhav aisi cheez hai jo na chaahte hue bhi us taraph kheechenge। to baapdaada poochhte hain - pahle jo sabhi brahman hain, woh gyaan ki jo bhi points hain, unke svayan anubhvi bane ho? har shakti ka anubhav kiya hai, har gun ka anubhav kiya hai? aatmik sthiti ka anubhav kiya hai? parmaatma pyaar ka anubhav kiya hai? gyaan samajhna ismen to paas ho, knowledgeful to ban gaye ho, ismen to baapdaada bhi rimaarksa dete hain, theek hai। aatma kya, paramatma kya, drama kya, gyaan to samajh liya hai, lekin jab chaahe jitna samay chaahe, jis bhi paristhiti mein ho, us paristhiti mein aatmik bal ka anubhav ho, parmaatma shakti ka anubhav ho, woh hota hai? jis samay, jitna samay, jaise anubhav karne chaaho vaise hota hai? ki kabhi kaise, kabhi kaise? socho aatma hoon, aur phir baar-baar dehbhaan aa jaae, to anubhav kya kaam mein aaya? anubhvi moorta har subject ke anubhvi moorta, har shaktiyon ke anubhvi moorta। to svayan mein bhi anubhav ko aur badhaao। hai, aise nahin ki nahin hai, lekin kabhi-kabhi hai, sometime। to baapdaada sometime nahin chaahte hain, something ho jaata hai, to sometime bhi ho jaata hai kyonki aap sabka lakshya hai, poochhte hain kya banne ka lakshya hai? to kehte ho baap samaan। ek hi javaab sabhi dete ho। to baap samaan, ab baap to sometime aur something nahin tha, brahma baap sada raazayukta, yogayukta, har shakti mein sada, kabhi-kabhi nahin। anubhav jo hota hai, woh sadaakaal chalta hai, woh sam time nahin hota hai। to svayan anubhvi moorta ban har baat mein, har subject mein anubhvi, gyaan swaroop mein anubhvi, yogayukta mein anubhvi, dhaarna swaroop mein anubhvi। all-round seva mansa, vaacha, karmana, sambandh-samparka sabmen anubhvi, tab kahenge paas with honour। to kya banne chaahte ho? paas hone chaahte ho ya paas with honour banne chaahte ho? paas karne vaale to peechhe bhi aayenge, aap to toolate se pahle aa gaye ho, chaahe abhi naye bhi aaye hain lekin toolate ka board nahin laga hai। let ka laga hai, toolate ka nahin laga hai। iseelie chaahe koi naye bhi hain lekin abhi bhi teevra purushaartha kare, purushaartha nahin teevra, to aage ja sakta hai kyonki number out nahin hua hai। sirf do number out hue hain, baap aur maa। abhi koi bhi bhaai behen ka teesra number out nahin hua hai। bhale aap kahenge daadiyon se bahut pyaar hai, baap ka bhi daadiyon se pyaar hai, lekin number out nahin hua hai। iseelie aap bahut-bahut sikeeldhe, laadle bhaagyavaan ho, jitna udne chaaho udo kyonki dekho jo chhote bachche hote hain na usko baap apni anguli deke chalaata hai, extra pyaar karta hai, aur bade ko anguli se nahin chalaata hai, woh apne paanv se chalta hai। to naya bhi koi make up kar sakta hai। golden chance hai। lekin jaldi mein jaldi toolate ka board lagna hai, isliye pahle hi kar lo। naye jo pahli baar aaye hain, woh haath uthaao। achha। mubaarak ho। pahle baari apne ghar madhuban mein pahunch gaye ho, isliye baapdaada aur saara parivaar chaahe desh vaale, chaahe videsh vaale sabki taraph se padam-padamguna mubaarak ho। achha - abhi second mein jis sthiti mein baapdaada direction de usi sthiti mein second mein pahunch sakte ho! ki purushaartha mein samay chala jaayega? abhi practice chaahiye second ki kyonki aage jo final samay aane vaala hai, jismen paas with honour ka certificate milna hai, uska abhyaas abhi se karna hai। second mein jahaan chaahe, jo sthiti chaahiye us sthiti mein sthit ho jaaen। to ever ready। ready ho gaye।

abhi pahle ek second mein purushottam sangamayugi shreshtha brahman hoon, is sthiti mein sthit ho jaao.... abhi main pharishta roop hoon, double light hoon..., abhi vishwa kalyaankaari ban mansa dvaara chaaron or shakti ki kirnen dene ka anubhav karo। aise saare din mein second mein sthit ho sakte hain! iska anubhav karte raho kyonki achaanak kuchh bhi hona hai। jyaada samay nahin milega। halchal mein second mein achal ban saken iska abhyaas svayan hi apna samay nikaal beech-beech mein karte raho। isse man ka control sahaj ho jaayega। controlling power, ruling power badhti jaayegi। achha!

chaaron or ke bachchon ke patra bhi bahut aaye hain, anubhav bhi bahut aaye hain, to baapdaada bachchon ko return mein bahut-bahut dil ki duaayen aur dil ka yaad pyaar padam-padamguna de rahe hain। baapdaada dekh rahe hain - chaaron or ke bachche sun bhi rahe hain, dekh bhi rahe hain। jo nahin bhi dekh rahe hain, woh bhi yaad mein to hain। sabki buddhi is samay madhuban mein hi hai। to chaaron or ke har ek bachche ko naam sahit yaadapyaar sveekaar ho।

sabhi sada umang-utsaah ke pankhon dvaara oonchi sthiti mein udte rahne vaale shreshtha aatmaon ko, sada sneh mein lavleen rahne vaale samaaye hue bachchon ko, sada mehnat mukta, samasya mukta, vighna-mukta, yogayukta, raazayukta bachchon ko, sada har paristhiti mein second mein paas hone vaale, har samay sarva shakti swaroop rahne vaale master sarvashaktivaan bachchon ko baapdaada ka yaadapyaar aur namaste।

vardaan:- golden aged svabhaav dvaara golden aged seva karne vaale shreshtha purushaarthi bhav

jin bachchon ke svabhaav mein eershya, siddha aur jid ke bhaav ki athva kisi bhi puraane sanskaar ki alloy mix nahin hai ve hain golden aged svabhaav vaale। aisa golden aged svabhaav aur sada haan ji ka sanskaar banaane vaale shreshtha purushaarthi bachche jaisa samay, jaisi seva vaise svayan ko mould kar real gold ban jaate hain। seva mein bhi abhimaan va apmaan ki alloy mix na ho tab kahenge golden aged seva karne vaale।

slogan:- kyon kya ke prashnon ko samaapta kar sada prasannachit raho।

avyakt ishaare - sahajyogi banna hai to parmaatma pyaar ke anubhvi bano

lavleen sthiti vaali samaan aatmaayen sada ke yogi hain। yog lagaane vaale nahin lekin hain hi lavleen। alag hi nahin hain to yaad kya karenge! svatah yaad hai hi। jahaan saath hota hai to yaad svatah rehti hai। to samaan aatmaon ki stage saath rahne ki hai, samaaye hue rahne ki hai।