सोमवार 6 अक्टूबर 2025 की दैनिक मुरली

06-10-2025 praatahmurli om shanti "baapdaada"' madhuban

“meethebachche - shreemat par bhaarat ko svarga banaane ki seva karni hai, pahle svayan nirvikaari banna hai phir doosron ko kehna hai''

prashn:- tum mahaaveer bachchon ko kis baat ki parvaah nahin karni hai? sirf kaun si checking karte svayan ko sambhaalna hai?

uttar:- agar koi pavitra banne mein vighna daalta hai to tumhein uski parvaah nahin karni hai। sirf check karo ki main mahaaveer hoon? main apne aapko thagta to nahin hoon? behad ka vairaagya rehta hai? main aap samaan banaata hoon? mere mein krodh to nahin hai? jo doosron ko kehta hoon woh khud bhi karta hoon?

geet:- tumhein paake hamne…

om shanti। ismen bolne ka nahin rehta, yeh samajhne ki baat hai। meethe-meetheroohaani bachche samajh rahe hain ki ham phir se devta ban rahe hain। sampoorn nirvikaari ban rahe hain। baap aakar kehte hain - bachche, kaam ko jeeto arthaat pavitra bano। bachchon ne geet suna। ab phir se bachchon ko smriti aai hai - ham behad ke baap se behad ka varsa lete hain, jo koi chheen na sake, vahaan doosra koi chheenne vaala hota hi nahin hai। usko kaha jaata hai advait raajya। phir baad mein raavan raajya doosre ka hota hai। abhi tum samajh rahe ho। samjhaana bhi aise hai। ham phir se bhaarat ko shreemat par viceless bana rahe hain। oonch te oonch bhagwan to sab kahenge। unko hi baap kaha jaata hai। to yeh bhi samjhaana hai, likhna bhi hai bhaarat jo sampoorn nirvikaari svarga tha woh ab vikaari narka ban gaya hai। phir ham shreemat par bhaarat ko svarga bana rahe hain। baap jo bataate hain usko note kar phir us par vichaar saagar manthan kar likhne mein madad karni chaahiye। aisa kya-kya likhen jo manushya samjhen bhaarat barobar svarga tha? raavan ka raajya tha nahin। bachchon ko buddhi mein hai - abhi ham bhaaratvaasiyon ko baap viceless bana rahe hain। pahle apne ko dekhna hai - ham nirvikaari bane hain? eeshvar ko main thagta to nahin hoon? aise nahin ki eeshvar hamko dekhta thode hi hai। tumhaare mukh se yeh akshar nikal na saken। tum jaante ho pavitra banaane vaala patit-paavan ek hi baap hai। bhaarat viceless tha to svarga tha। yeh devtaayen sampoorn nirvikaari hain na। yatha raaja raani tatha praja hogi,tab to saare bhaarat ko svarga kaha jaata hai na। abhi narka hai। yeh 84 janmon ki seedhi bahut achhi cheez hai। koi achha ho to unko saugaat bhi de sakte hain। bade-bade aadmiyon ko badi saugaat milti hai na। to tum bhi jo aate hain, unko samjhaakar aisi-aisi saugaat de sakte ho। cheez hamesha dene ke liye taiyaar rehti hai। tumhaare paas bhi knowledge taiyaar rahni chaahiye। seedhi mein poora gyaan hai। hamne kaise 84 janma liye hain - yeh yaad rehna chaahiye। yeh samajh ki baat hai na। zaroor jo pahle aaye hain unhonne hi 84 janma liye hain। baap 84 janma bataakar phir kehte hain inke bahut janmon ke ant mein saadhaaran tan mein pravesh karta hoon। phir inka naam rakhta hoon brahma। in dvaara brahman rachta hoon। nahin to brahman kahaan se laaoon। brahma ka baap kabhi suna hai kya? zaroor bhagwan hi kahenge। brahma aur vishnu ko dikhaate hain sookshm vatan mein hain। baap to kehte hain main inke 84 janmon ke ant mein pravesh karta hoon। adopt kiya jaata hai to naam badli kiya jaata hai। sannyaas bhi karaaya jaata hai। sannyaasi bhi jab sannyaas karte hain to phauran bhool nahin jaate hain, yaad zaroor rehti hai। tumko bhi yaad rahegi parantu tumko unke liye vairaagya hai kyonki tum jaante ho yeh sab kabradaakhil hone hain isliye ham unko yaad kyon karen। gyaan se sab kuchh samajhna hai achhi reeti। woh bhi gyaan se hi gharbaar chhodte hain। unse poochha jaae gharbaar kaise chhoda to bataate nahin। phir unko yukti se kaha jaata hai - aapko kaise vairaagya aaya hai, hamko sunaao to ham bhi aisa karen। tum temptation dete ho ki pavitra bano, baaki tumko yaad sab hai। chhotepan se lekar sab bata sakte ho। buddhi mein saara gyaan hai। kaise yeh sab drama ke actors hain jo part bajaate aaye hain। abhi sabke kaliyugi karmabandhan tootne hain। phir jaayenge shantidham। vahaan se phir sabka naya sambandh jutega। samjhaane ki points bhi baba achhi-achhi dete rehte hain। yahi bhaaratvaasi aadi sanaatan devi-devta dharma vaale the to viceless the phir 84 janmon ke baad vicious banen। ab phir viceless banna hai। parantu purushaartha karaane vaala chaahiye। abhi tumko baap ne bataaya hai। baap kehte hain tum vahi ho na। bachche bhi kehte hain baba aap vahi hain। baap kehte hain kalpa pahle bhi tumko padhaakar raajya-bhaagya diya tha। kalpa-kalpa aise karte rahenge। drama mein jo kuchh hua, vighna pade, phir bhi padenge। jeevan mein kya-kya hota hai, yaad to rehta hai na। inko to sab yaad hai। batlaate bhi hain gaanvade ka chhora tha aur vaikuntha ka maalik bana। vaikuntha mein gaanvada kaise hoga - yeh tum abhi jaante ho। is samay tumhaare liye bhi yeh puraani duniya gaanvada hai na। kahaan vaikuntha, kahaan yeh narka। manushya to bade-bade mahal building aadi dekh samajhte hain yahi svarga hai। baap kehte hain yeh to sab mitti, patthar hain, inki koi value nahin। value sabse jaasti heere ki hoti hai। baap kehte hain vichaar karo satayug mein tumhaare sone ke mahal kaise the। vahaan to sab khaaniyaan bhari hoti hain। dher ka dher sona hota hai। to bachchon ko kitni khushi honi chaahiye। koi samay murjhaais aati hai to baba ne samjhaaya hai - kai aise record hain jo tumko phauran khushi mein la denge। saara gyaan buddhi mein aa jaata hai। samajhte ho baba hamko vishwa ka maalik banaate hain। woh kabhi koi chheen na sake। aadhaakalpa ke liye ham sukhdhaam ka maalik bante hain। raaja ka bachcha samajhta hai ham is had ki raajaai ke vaaris hain। tumko kitna nasha rehna chaahiye - ham behad ke baap ke vaaris hain। baap svarga ki sthaapna karte hain, ham 21 janma ke liye vaaris bante hain। kitni khushi honi chaahiye। jiska vaaris bante hain unko bhi zaroor yaad karna hai। yaad karne bigar to vaaris ban nahin sakte। yaad kare to pavitra banen tab hi vaaris ban saken। tum jaante ho shreemat par ham vishwa ke maalik double sirtaaj bante hain। janma by janma ham raajaai karenge। manushyon ka bhakti maarga mein hota hai vinaashi daan-punya। tumhaara hai avinaashi gyaan dhan। tumko kitni badi lottery milti hai। karmon anusaar phal milta hai na। koi bade raaja ka bachcha banta hai to badi had ki lottery kahenge। single taaj vaale saare vishwa ke maalik to ban na saken। double taaj vaale vishwa ke maalik tum bante ho। us samay doosri koi raajaai hai hi nahin। phir doosre dharma baad mein aate hain। woh jab tak vriddhi ko paayen to pahle vaale raajaayen vikaari banne ke kaaran matbhed mein tukde-tukde alag kar dete hain। pahle to saare vishwa par ek hi raajya tha। vahaan aise nahin kahenge yeh agle janma ke karmon ka phal hai। abhi baap tum bachchon ko shreshtha karma sikhla rahe hain। jaisa-jaisa jo karma karega, service karega to uska return bhi aisa milega। achha karma hi karna hai। koi karma karte hain, samajh nahin sakte to uske liye shreemat leni hai। ghadi-ghadi poochhna chaahiye patra mein। abhi prime minister hai, tum samajhte ho kitni post aati hogi। parantu woh koi akele nahin padhte hain। unke aage bahut secretary hote hain, woh saari post dekhte hain। jo bilkul mukhya hogi, paas karenge tab prime minister ke table par rakhenge। yahaan bhi aise hota hai। mukhya-mukhya patron ka to phauran respond de dete hain। baaki ke liye yaadapyaar likh dete hain। ek-ek ko alag baith patra likhen yeh to ho na sake, bada mushkil hai। bachchon ko kitni khushi hoti hai - oho! aaj behad ke baap ki chitthi aai hai। shivbaaba brahma dvaara respond karte hain। bachchon ko badi khushi hoti hai। sabse jaasti gad-gad hoti hain baandheliyaan। oho! ham bandhan mein hain, behad ka baap hamko kaise chitthi likhte hain। naynon par rakhti hain। agyaankaal mein bhi pati ko paramatma samajhne vaalon ko pati ki chitthi aati hogi to unko chumman karengi। tumhaare mein bhi baapdaada ka patra dekh kar kai bachchon ke ekdam romaanch khade ho jaate hain। prem ke aansu aa jaate hain। chumman karengi, aankhon par rakhengi। bahut prem se patra padhti hain। baandheliyaan koi kam hain kya। kai bachchon par maaya jeet pa leti hai। koi to samajhte hain hamko to pavitra zaroor banna hai। bhaarat viceless tha na। ab vicious hai। abhi jo viceless banne honge, vahi purushaartha karenge - kalpa pahle misal। tum bachchon ko samjhaana bahut sahaj hai। tumhaara bhi yeh plan hai na। geeta ka yug chal raha hai। geeta ka hi purushottam yug gaaya jaata hai। tum likho bhi aise - geeta ka yeh purushottam yug hai। jabki puraani duniya badal nai hoti hai। tumhaari buddhi mein hai - behad ka baap jo hamaara teacher bhi hai, unse ham raajayog seekh rahe hain। achhi reeti padhenge to double sirtaaj banenge। kitna bada school hai। raajaai sthaapan hoti hai। praja bhi zaroor anek prakaar ki hogi। raajaai vriddhi ko paati rahegi। kam gyaan uthaane vaale peechhe aayenge। jaisa jo purushaartha karenge woh pahle aate rahenge। yeh sab bana-banaaya khel hai। yeh drama ka chakra repeat hota hai na। abhi tum baap se varsa le rahe ho। baap kehte hain pavitra bano। ismen koi vighna daalta hai to parvaah nahin karni chaahiye। roti tukad to mil sakti hai na। bachchon ko purushaartha karna chaahiye to yaad rahegi। baba bhakti maarga ka misaal bataate hain - pooja ke time buddhiyog baahar mein jaata tha to apna kaan pakadte the, chamaat lagaate the। ab to yeh hai gyaan। ismen bhi mukhya baat hai yaad ki। yaad na rahe to apne ko thappad maarna chaahiye। maaya mere oopar jeet kyon paati। kya main itna kachcha hoon। mujhe to in par jeet paani hai। apne aapko achhi reeti sambhaalna hai। apne se poochho main itna mahaaveer hoon? auron ko bhi mahaaveer banaane ka purushaartha karna hai। jitna bahuton ko aapasmaan banaayenge to oonch darja hoga। apna raajya-bhaagya lene ke liye race karni hai। agar hamaare mein hi krodh hai to doosre ko kaise kahenge ki krodh nahin karna hai। sachchaai nahin hui na। lajja aani chaahiye। doosron ko samjhaayen aur woh oonch ban jaae, ham neeche hi rah jaayen, yeh bhi koi purushaartha hai! (pandit ki kahaani) baap ko yaad karte tum is vishay saagar se ksheer saagar mein chale jaate ho। baaki yeh sab misaal baap baith samjhaate hain, jo phir bhakti maarga mein repeat karte hain। bhramri ka bhi misaal hai। tum braahmaniyaan ho na - bi.ke., yeh to sachche-sachche brahman hue। prajaapita brahma kahaan hai? zaroor yahaan hoga na। vahaan thode hi hoga। tum bachchon ko bahut hoshiyaar banna chaahiye। baba ka plan hai manushya ko devta banaane ka। yeh chitra bhi hain samjhaane ke liye। inmen likhat bhi aisi honi chaahiye। geeta ke bhagwan ka yeh plan hai na। ham brahman hain choti। ek ki baat thode hi hoti hai। prajaapita brahma to choti braahmanon ki hui na। brahma hai hi braahmanon ka baap। is samay bada bhaari kutumba (parivaar) hoga na। jo phir tum daivi kutumba mein aate ho। is samay tumko bahut khushi hoti hai kyonki lottery milti hai। tumhaara naam bahut hai। vande maatram, shiv ki shakti sena tum ho na। woh to sab hain jhoothe। bahut hone ke kaaran moonjh padte hain isliye raajdhaani sthaapan karne mein mehnat lagti hai। baap kehte hain yeh drama bana hua hai। inmen mera bhi part hai। main hoon sarva shaktimaan। mere ko yaad karne se tum pavitra ban jaate ho। sabse jaasti chumbak hai shivbaaba, vahi oonch te oonch rehte hain। achha!

meethe-meethesikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) sada isi nashe va khushi mein rehna hai ki ham 21 janmon ke liye behad baba ke vaaris bane hain, jinke vaaris bane hain unko yaad bhi karna hai aur pavitra bhi zaroor banna hai।

2) baap jo shreshtha karma sikhla rahe hain, vahi karma karne hain। shreemat lete rehna hai।

vardaan:- sthool desh aur shareer ki smriti se pare sookshm desh ke veshdhaari bhav

jaise aajkal ki duniya mein jaisa kartavya vaisa vesh dhaaran kar lete hain, aise aap bhi jis samay jaisa karma karna chaahte ho vaisa vesh dhaaran kar lo। abhi-abhi saakaari aur abhi-abhi aakaari। aise bahuroopi ban jaao to sarva svaroopon ke sukhon ka anubhav kar sakenge। yeh apna hi swaroop hai। doosre ke vastra fit ho ya na hon lekin apne vastra sahaj hi dhaaran kar sakte ho isliye is vardaan ko practical abhyaas mein laao to avyakt milan ke vichitra anubhav kar sakenge।

slogan:- sabka aadar karne vaale hi aadarsha ban sakte hain। sammaan do tab sammaan milega।

avyakt ishaare - svayan aur sarva ke prati mansa dvaara yog ki shaktiyon ka prayog karo

jaise apne sthool kaarya ke programme ko dincharya pramaan set karte ho, aise apni mansa samartha sthiti ka programme set karo to kabhi upset nahin honge। jitna apne man ko samartha sankalpon mein busy rakhenge to man ko upset hone ka samay hi nahin milega। man sada set arthaat ekaagra hai to svatah achhe vibration phailte hain। seva hoti hai।