मंगलवार 7 अक्टूबर 2025 की दैनिक मुरली

07-10-2025 praatahmurli om shanti "baapdaada"' madhuban

“meethebachche - bhinna-bhinna yuktiyaan saamne rakh yaad ki yaatra par raho, is puraani duniya ko bhool apne sweet hom aur nai duniya ko yaad karo''

prashn:- kaun si act athva purushaartha abhi hi chalta hai, saare kalpa mein nahin?

uttar:- yaad ki yaatra mein rah aatma ko paavan banaane ka purushaartha, saari duniya ko patit se paavan banaane ki act saare kalpa mein sirf isi sangam samay par chalti hai। yeh act har kalpa repeat hoti hai। tum bachche is anaadi avinaashi drama ke wonderful raaz ko samajhte ho।

om shanti। roohaani baap baith roohaani bachchon ko samjhaate hain isliye roohaani bachchon ko dehi-abhimaani ya roohaani avastha mein nishchaybuddhi hokar baithna va sunna hai। baap ne samjhaaya hai - aatma hi sunti hai in organs ke dvaara, yeh pakka yaad karte raho। sadgati aur durgati ka yeh chakra to har ek ki buddhi mein rehna hi chaahiye, jismen gyaan aur bhakti sab aa jaati hai। chalte-phirte buddhi mein yeh rahe। gyaan aur bhakti, sukh aur duhkh, din aur raat ka khel kaise chalta hai। ham 84 ka part bajaate hain। baap ko yaad hai to bachchon ko bhi yaad mein rahne ka purushaartha karaate hain, isse tumhaare vikarma bhi vinaash hote hain aur tum raajya bhi paate ho। jaante ho yeh puraani duniya to ab khalaas honi hai। jaise koi puraana makaan hota hai aur naya banaate hain to andar mein nishchay rehta hai - abhi ham naye makaan mein jaayenge। phir makaan banne mein kabhi varsha do lag jaate hain। jaise nai dehli mein government house aadi bante hain to zaroor government kahegi ham transfer ho nai dehli mein jaayenge। tum bachche jaante ho yeh saari behad ki duniya puraani hai। ab jaana hai nai duniya mein। baba yuktiyaan bataate hain - aisi-aisi yuktiyon se buddhi ko yaad ki yaatra mein lagaana hai। hamko ab ghar jaana hai isliye sweet hom ko yaad karna hai, jiske liye manushya maatha maarte hain। yeh bhi meethe-meethebachchon ko samjhaaya hai ki yeh duhkhadhaam ab khatma hona hai। bhal tum yahaan rahe pade ho parantu yeh puraani duniya pasanda nahin hai। hamko phir nai duniya mein jaana hai। bhal chitra aage koi bhi na ho to bhi tum samajhte ho ab puraani duniya ka ant hai। ab ham nai duniya mein jaayenge। bhaktimaarga ke to kitne dher chitra hain। unki bhent mein tumhaare to bahut thode hain। tumhaare yeh gyaan maarga ke chitra hain aur woh sab hain bhakti maarga ke। chitron par hi saari bhakti hoti hai। ab tumhaare to hain real chitra, isliye tum samjha sakte ho - wrong kya, right kya hai। baba ko kaha hi jaata hai knowledgeful। tumko yeh knowledge hai। tum jaante ho hamne saare kalpa mein kitne janma liye hain। yeh chakra kaise phirta hai। tumko nirantar baap ki yaad aur is knowledge mein rehna hai। baap tumko saare rachta aur rachna ki knowledge dete hain। to baap ki bhi yaad rehti hai। baba ne samjhaaya hai - main tumhaara baap, teacher, satguru hoon। tum sirf yeh samjhaao - baba kehte hain tum mujhe patit-paavan, liberator, guide kehte ho na। kahaan ka guide? shanti-dhaam, muktidhaam ka। vahaan tak baap le jaakar chhodenge। bachchon ko padhaakar, sikhlaakar, gul-gul banaakar ghar le jaae chhodenge। baap ke sivaae to koi le ja nahin sakte। bhal koi kitna bhi tatva gyaani va brahm gyaani ho। woh samajhte hain ham brahm mein leen ho jaayenge। tumhaari buddhi mein hai ki shantidham to hamaara ghar hai। vahaan jaakar phir nai duniya mein ham pahle-pahle aayenge। woh sab baad mein aane vaale hain। tum jaante ho kaise sab dharma nambarvaar aate hain। satayug-treta mein kiska raajya hai। unhon ka dharma shaastra kya hai। sooryavanshi-chandravanshi ka to ek hi shaastra hai। parantu woh geeta koi real nahin hai kyonki tumko jo gyaan milta hai woh to yahaan hi khatma ho jaata hai। vahaan koi shaastra nahin। dvaapar se jo dharma aate hain unhon ke shaastra kaayam hain। chale aa rahe hain। ab phir ek dharma ki sthaapna hoti hai to baaki sab vinaash ho jaane hain। kehte rehte hain ek raajya, ek dharma, ek bhaasha, ek mat ho। woh to ek dvaara hi sthaapan ho sakta hai। tum bachchon ki buddhi mein satayug se lekar kaliyug ant tak saara gyaan hai। baap kehte hain ab paavan banne ke liye purushaartha karo। aadhaakalpa laga hai tumko patit banne mein। vaastav mein saara kalpa hi kahen, yeh yaad ki yaatra to tum abhi hi seekhte ho। vahaan yeh hai nahin। devtaayen patit se paavan hone ka purushaartha nahin karte। woh pahle raajayog seekh yahaan se paavan ho jaate hain। usko kaha jaata hai sukhdhaam। tum jaante ho saare kalpa mein sirf ab hi ham yaad ki yaatra ka purushaartha karte hain। phir yahi purushaartha athva jo act chalti hai - patit duniya ko paavan banaane liye - phir kalpa baad repeat hogi। chakra to zaroor lagaayenge na। tumhaari buddhi mein yeh sab baaten hain - ki yeh naatak hai, sabhi aatmaayen paartadhaari hain jinmen avinaashi part bhara hua hai। jaise woh drama chalta rehta hai। parantu woh film ghiskar puraani ho jaati hai। yeh hai avinaashi। yeh bhi wonder hai। kitni chhoti aatma mein saara part bhara hua hai। baap tumhein kitni guhya-guhya maheen baaten samjhaate hain। abhi koi bhi sunte hain to kehte hain yeh to badi wonderful baaten samjhaate ho। aatma kya hai, woh abhi samjha hai। shareer ko to sab samajhte hain। doctor log to manushya ke heart ko bhi nikaalkar baahar rakhte phir daal dete hain। parantu aatma ka kisko pata nahin hai। aatma patit se paavan kaise banti hai, yeh bhi koi nahin jaante। patit aatma, paavan aatma, mahaan aatma kehte hain na। sab pukaarte bhi hain ki he patit-paavan aakar mujhe paavan banaao। parantu aatma kaise paavan banegi - uske liye chaahiye avinaashi surgeon। aatma pukaarti usko hai jo punarjanma rahit hai। aatma ko pavitra banaane ki davaai unke paas hi hai। to tum bachchon ke khushi mein romaanch khade ho jaane chaahiye - bhagwan padhaate hain, zaroor tumko bhagwan-bhagavti banaayenge। bhakti maarga mein in lakshmi-naaraayan ko bhagwan-bhagavti hi kehte hain। to yatha raaja-raani tatha praja hogi na। aapasmaan pavitra bhi banaate hain। gyaan saagar bhi banaate hain phir apne se bhi jaasti, vishwa ka maalik banaate hain। pavitra, apvitra ka complete part tumko bajaana hota hai। tum jaante ho baba aaya hua hai phir se aadi sanaatan devi-devta dharma sthaapan karne। jiske liye hi kehte hain yeh dharma praayahlop ho gaya hai। unki bad ke jhaad se hi bhent ki gai hai। shaakhaayen dher nikalti hain, thur hai nahin। yeh bhi kitne dharmon ki shaakhaayen nikli hain, foundation devta dharma hai nahin। praayahlop hai। baap kehte hain woh dharma hai parantu dharma ka naam phira diya hai। pavitra na hone ke kaaran apne ko devta kah na saken। na ho tab to baap aakar rachna rache na। abhi tum samajhte ho ham pavitra devta the। abhi patit banen hain। har cheez aise hoti hai। tum bachchon ko yeh bhoolna nahin chaahiye। pahli mukhya manzil hai baap ko yaad karne ki, jisse hi paavan banna hai। bolte sab aise hain, hamko paavan banaao। aise nahin kahenge ki hamko raaja-raani banaao। to tum bachchon ko bahut phakhur hona chaahiye। tum jaante ho ham to bhagwan ke bachche hain। abhi hamko zaroor varsa milna chaahiye। kalpa-kalpa yeh part bajaaya hai। jhaad badhta hi jaayega। baba ne chitron par bhi samjhaaya hai ki yeh hai sadgati ke chitra। tum orally bhi samjhaate ho, chitron par bhi samjhaate ho। tumhaare in chitron mein srishti ke aadi-madhya-ant ka raaz aa jaata hai। bachche jo service karne vaale hain, aapasmaan banaate jaate hain। padhkar padhaane ki koshish karni chaahiye। jitna jaasti padhenge utna oonch pad paayenge। baap kehte hain main tadbeer to karaata hoon, parantu takdeer bhi ho na। har ek drama anusaar purushaartha karte rehte hain। drama ka raaz bhi baap ne samjhaaya hai। baap, baap bhi hai, teacher bhi hai। saath le jaane vaala sachcha-sachcha satguru bhi hai। woh baap hai akaal moorta। aatma ka yeh takhta hai na, jisse yeh part bajaate hain। to baap ko bhi part bajaane,sadgati karne ke liye takhta chaahiye na। baap kehte hain mujhe saadhaaran tan mein hi aana hai। bhabhka va thaath kuchh bhi nahin rakh sakta hoon। vo gurooon ke followers log to guru ke liye sone ke sinhaasan, mahal aadi banaate hain। tum kya banaayenge? tum bachche bhi ho, student bhi ho। to tum unke liye kya karenge? kahaan banaayenge? yeh hai to saadhaaran na।

bachchon ko yeh bhi samjhaate rehte hain - veshyaaon ki service karo। gareebon ka bhi uddhaar karna hai। bachche koshish bhi karte hain, banaaras mein bhi gaye hain। unhon ko tumne uthaaya to kahenge vaah bi.ke. ki to kamaal hai - veshyaaon ko bhi yeh gyaan deti hain। unko bhi samjhaana hai abhi tum yeh dhandha chhod shivaalay ki maalik bano। yeh knowledge seekhkar phir sikhlaao। veshyaayen bhi phir auron ko sikhla sakti hain। seekhkar hoshiyaar ho jaayenge to phir apne officers ko bhi samjhaayenge। haal mein chitra aadi rakh baithkar samjhaao to sab kahenge vaah veshyaaon ko shivaalay vaasi banaane ke liye yeh bi.ke. nimitta bani hain। bachchon ko service ke liye khyaalaat chalne chaahiye। tumhaare oopar bahut responsibility hai। ahilyaayen, kubjaayen, bheelniyaan, ganikaayen in sabka uddhaar karna hai। gaayan bhi hai saadhuon ka bhi uddhaar kiya hai। yeh to samajhte ho saadhuon ka uddhaar hoga pichhaadi mein। abhi woh tumhaare ban jaaen to bhakti maarga hi saara khatma ho jaae। rivolooshan ho jaae। sannyaasi log hi apna aashram chhod den, bas hamne haar khaai। yeh pichhaadi mein hoga। baba direction dete rehte hain - aise-aise karo। baba to kahaan baahar nahin ja sakte। baap kahenge bachchon se jaakar seekho। samjhaane ki yuktiyaan to sab bachchon ko bataate rehte hain। aisa kaarya karke dikhaao jo manushyon ke mukh se vaah-vaah nikle। gaayan bhi hai shaktiyon mein gyaan baan bhagwan ne bhare the। yeh hain gyaan baan। tum jaante ho yeh baan tumko is duniya se us duniya mein le jaate hain। to tum bachchon ko bahut vishaal buddhi banna hai। ek jagah bhi tumhaara naam hua, government ko maaloom pada to phir bahut prabhaav niklega। ek jagah se hi koi achhe 5-7 officers nikle to woh akhbaaron mein daalne lag padenge। kahenge yeh bi.ke. veshyaaon se bhi woh dhandha chhudaae shivaalay ka maalik banaati hain। bahut vaah-vaah niklegi। dhan aadi sab woh le aayenge। tum dhan kya karenge! tum bade-bade centres kholenge। paise se chitra aadi banaane hote hain। manushya dekhkar bada wonder khaayenge। kahenge pahle-pahle to tumko prize deni chaahiye। government house mein bhi tumhaare chitra le jaayenge। in par bahut aashik honge। dil mein chaahna honi chaahiye - manushya ko devta kaise banaayen। yeh to jaante ho jinhonne kalpa pahle liya hai vahi lenge। itna dhan aadi sab kuchh chhod de, mehnat hai। baba ne bataaya - hamaara apna gharghaat mitra-sambandhi aadi kuchh bhi nahin, hamko kya yaad padega, sivaae baap ke aur tum bachchon ke kuchh nahin hai। sab kuchh exchange kar diya। baaki buddhi kahaan jaayegi। baba ko rath diya hai। jaise tum vaise ham padh rahe hain। sirf rath baba ko loan par diya hai।

tum jaante ho ham purushaartha kar rahe hain, sooryavanshi gharaane mein pahle-pahle aane ke liye। yeh hai hi nar se naaraayan banne ki katha। teesra netra aatma ko milta hai। ham aatma padhkar knowledge sun devta ban rahe hain। phir so raajaaon ka raaja banenge। shivbaaba kehte hain main tumko double sirtaaj banaata hoon। tumhaari abhi kitni buddhi khul gai hai, drama anusaar kalpa pahle muaaphik। ab yaad ki yaatra mein bhi rehna hai। srishti chakra ko bhi yaad karna hai। puraani duniya ko buddhi se bhoolna hai। achha!

meethe-meethesikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) buddhi mein rahe ab hamaare liye nai sthaapna ho rahi hai, yeh duhkh ki puraani duniya khatma hui ki hui। yeh duniya bilkul pasanda nahin aani chaahiye।

2) jaise baba ne apna sab kuchh exchange kar diya to buddhi kahaan jaati nahin। aise follow father karna hai। dil mein bas yahi chaahna rahe ki ham manushya ko devta banaane ki seva karen, is veshyaalay ko shivaalay banaayen।

vardaan:- deh abhimaan ke royal roop ko bhi samaapta karne vaale saakshi aur drishta bhav

doosron ki baaton ko regard na dena, kat kar dena - yeh bhi deh abhimaan ka royal roop hai jo apna va doosron ka apmaan karaata hai kyonki jo kat karta hai use abhimaan aata hai aur jiski baat ko kat karta use apmaan lagta hai isliye saakshi drishta ke vardaan ko smriti mein rakh, drama ki dhaal va drama ke patte par har karma aur sankalp karte hue, main pan ke is royal roop ko bhi samaapta kar har ek ki baat ko sammaan do, sneh do to woh sada ke liye sahayogi ho jaayega।

slogan:- parmaatma shreemat roopi jal ke aadhaar se karma roopi beej ko shaktishaali banaao।

avyakt-ishaare - svayan aur sarva ke prati mansa dvaara yog ki shaktiyon ka prayog karo

har samay, har aatma ke prati mansa svatah shubhbhaavna aur shubhkaamna ke shuddh vibration vaali svayan ko aur doosron ko anubhav ho। man se har samay sarva aatmaon prati duaayen nikalti rahen। mansa sada isi seva mein busy rahe। jaise vaacha ki seva mein busy rahne ke anubhvi ho gaye ho। agar seva nahin milti to apne ko khaali anubhav karte ho। aise har samay vaani ke saath-saath mansa seva svatah hoti rahe।