रविवार 9 नवंबर 2025 की दैनिक मुरली

09-11-25 praatahmurli om shanti ''avyakt-baapdaada'' revise 30-11-07 madhuban

satyata aur pavitrata ki shakti ko swaroop mein laate baalak aur maalikpan ka balance rakho

aaj sat baap, sat shikshak, satguru apne chaaron or ke satyata swaroop, shakti swaroop bachchon ko dekh rahe hain kyonki satyata ki shakti sarvashreshtha hai। is satyata ki shakti ka aadhaar hai - sampoorn pavitrata। man-vachan-karma, sambandh-samparka, svapna mein bhi apvitrata ka naam nishaan na ho। aisi pavitrata ka pratyaksha swaroop kya dikhaai deta? aisi pavitra aatma ke chalan aur chehre mein spashta divyata dikhaai deti hai। unke naynon mein roohaani chamak, chehre mein sada harshitmukhta aur chalan mein har kadam mein baap samaan karmayogi। aise satyavaadi sat baap dvaara is samay aap sabhi ban rahe ho। duniya mein bhi kai apne ko satyavaadi kehte hain, sach bhi bolte hain lekin sampoorn pavitrata hi sachchi satyata ki shakti hai। jo is samay is sangamayug mein aap sabhi ban rahe ho। is sangamayug ki shreshtha praapti hai - satyata ki shakti, pavitrata ki shakti। jiski praapti satayug mein aap sabhi brahman so devta ban aatma aur shareer donon se pavitra bante ho। saare srishti chakra mein aur koi bhi aatma aur shareer donon se pavitra nahin bante। aatma se pavitra bante bhi hain lekin shareer pavitra nahin milta। to aisi sampoorn pavitrata is samay aap sab dhaaran kar rahe ho। falak se kehte ho, yaad hai kya phalak se kehte ho? yaad karo। sabhi dil se kehte hain, anubhav se kehte hain ki pavitrata to hamaara janma siddha adhikaar hai, janma siddha adhikaar sahaj praapta hota hai kyonki pavitrata va satyata praapta karne ke liye aap sabhi ne pahle apne sat swaroop aatma ko jaan liya। apne sat baap, shikshak, satguru ko pahchaan liya। pahchaan liya aur pa liya। jab tak koi apne sat swaroop va sat baap ko nahin jaante to sampoorn pavitrata, satyata ki shakti aa nahin sakti।

to aap sabhi satyata aur pavitrata ki shakti ke anubhvi hai na! hain anubhvi? anubhvi hain? woh log prayatna karte hain lekin yathaartha roop mein na apne swaroop, na sat baap ke yathaartha swaroop ko jaan sakte। aur aap sabne is samay ke anubhav dvaara pavitrata ko aise sahaj apnaaya jo is samay ke praapti ki praalabdha devtaaon ki pavitrata natural hai aur nature hai। aisi natural nature ka anubhav aap hi praapta karte ho। to check karo ki pavitrata va satyata ki shakti natural nature ke roop mein bani hai? aap kya samajhte ho? jo samajhte hain ki pavitrata to hamaara janma siddha adhikaar hai, woh haath uthaao। janma siddha adhikaar hai ki mehnat karni padti hai? mehnat karni to nahin padti hai na! sahaj hai na! kyonki janma siddha adhikaar to sahaj praapta hota hai। mehnat nahin karni padti। duniya vaale asambhav samajhte hain aur aapne asambhav ko sambhav aur sahaj bana diya hai।

jo naye naye bachche aaye hain, jo pahle baari aaye hain woh haath uthaao। achha jo naye naye bachche hain, mubaarak ho naye pahli baar aane vaalon ko kyonki baapdaada kehte hain ki bhale let to aaye ho lekin tu let mein nahin aaye ho। aur naye bachchon ko baap-daada ka vardaan hai ki last vaala bhi fast purushaartha kar first division mein aa sakte hain। first number nahin lekin first division mein aa sakte hain। to naye bachchon ko itni himmat hai, haath uthaao jo first aayenge। dekhna T.vi. mein aapka haath dikhaai de raha hai। achha। himmat vaale hain। mubaarak ho himmat ki। aur himmat hai to baap ki to madad hai hi lekin sarva brahman parivaar ki bhi shubh bhaavna, shubh kaamna aap sabke saath hai isliye jo bhi naye pahle baari aaye hain un sabke prati baapdaada aur parivaar ki taraph se dubaara padamguna badhaai ho, badhaai ho, badhaai ho। aap sabhi jo pahle aane vaale hain unhon ko bhi khushi ho rahi hai na! bichhudi hui aatmaayen phir se apne parivaar mein pahunch gaye hain। to baapdaada bhi khush ho rahe hain aur aap sab bhi khush ho rahe hain।

baapdaada ne vatan mein daadi ke saath ek result dekhi। kya result dekhi? aap sabhi jaante ho, maante ho ki ham maalik so baalak hain। hain na! maalik bhi ho, baalak bhi ho। sabhi hain? haath uthaao। soch ke uthaana, aise nahin। hisaab lenge na! achha, haath neeche karo। baapdaada ne dekha ki baalakpan ka nishchay aur nasha yeh to sahaj rehta hai kyonki brahmaakumaar aur brahmaakumaari kahlaate ho to baalak ho tabhi to brahmaakumaar kumaari kahlaate ho। aur saara din mera baba, mera baba yahi smriti mein laate ho phir bhool bhi jaate ho lekin beech-beech mein yaad aata hai। aur seva mein bhi baba baba shabd natural mukh se nikalta hai। agar baba shabd nahin nikalta to gyaan ka koi prabhaav nahin padta। to jo bhi seva karte ho, bhaashan karte ho, course karaate ho, bhinna-bhinna topic par karte ho, sachchi seva ka pratyaksha swaroop va pratyaksha pramaan yahi hai ki sunne vaale bhi anubhav karen ki main bhi baba ka hoon। unke mukh se bhi baba baba shabd nikle। koi taakat hai, yeh nahin। achha hai, yeh nahin। lekin mera baba anubhav karen isko kahenge seva ka pratyaksha phal। to baalakpan ka nasha va nishchay phir bhi achha rehta hai। lekin maalikpan ka nishchay aur nasha nambarvaar rehta hai। baalakpan se maalikpan ka practical chalan aur chehre se nasha kabhi dikhaai deta hai, kabhi kam dikhaai deta hai। vaastav mein aap double maalik ho, ek - baap ke khajaanon ke maalik ho। sabhi maalik ho na khajaanon ke? aur baap ne sabhi ko ek jitna hi khajaana diya hai। koi ko laakh diya ho, koi ko hajaar diya ho, aisa nahin hai। sabhi ko sab khajaane behad ke diye hain kyonki baap ke paas behad ke khajaane hain, kam nahin hain। to baap-daada ne sabhi ko sarva khajaane diye hain aur ek jaise, ek jitne diye hain। aur doosra - sva raajya ke maalik ho iseelie baap-daada falak se kehte hain ki mera ek ek bachcha raaja bachcha hai। to raaja bachche ho na! praja to nahin? raajayogi ho ki praja-yogi ho? raajayogi ho na! to svaraajya ke maalik ho। lekin baapdaada ne daadi ke saath result dekha - to jitna nasha baalakpan ka rehta hai, utna maalikpan ka kam rehta hai। kyon? agar svaraajya ke maalikpan ka nasha sada rehta to yeh jo beech-beech mein samasyaayen va vighna aate hain woh aa nahin sakte। vaise dekha jaata hai to samasya va vighna aane ka aadhaar vishesh man hai। man hi halchal mein aata haiiseelie baapdaada ka mahaamantra bhi hai manamnaabhav। tanamnaabhav, dhanamnaabhav nahin hai, manamnaabhav hai। to agar svaraajya ka maalik hai to man maalik nahin hai। man aapka karmachaari hai, raaja nahin hai। raaja arthaat adhikaari। adheen vaale ko raaja nahin kaha jaata hai। to result mein kya dekha? ki man ka maalik main raajya adhikaari maalik hoon, yeh smriti, yeh aatma sthiti kam rehti hai, sada nahin rehti। hai pahla paath, aap sabne pahla paath kya kiya tha? main aatma hoon, paramatma ka paath doosra number hai। lekin pahla paath main maalik raaja in karmendriyon ka adhikaari aatma hoon, shaktishaali aatma hoon। sarvashaktiyaan aatma ke niji gun hain। to baapdaada ne dekha ki jo main hoon, jaisa hoon, usko natural swaroop smriti mein chalna, rehna, chehre se anubhav hona, samasya se kinaara hona, ismen abhi aur attention chaahiye। sirf main aatma nahin, lekin kaun si aatma hoon, agar yeh smriti mein rakho to master sarvashaktivaan aatma ke aage samasya va vighna ki koi shakti nahin jo aa sake। abhi bhi result mein koi na koi samasya va vighna dikhaai deta hai। jaante hain lekin chalan aur chehre mein nishchay ka pratyaksha swaroop roohaani nasha woh aur hi pratyaksha hona hai। iske liye yeh maalikpan ka nasha isko baar-baar check karo। second ki baat hai check karna। karma karte, koi bhi karma aarambha karte ho, aarambha karne time check karo - maalikpan ki authority se karmendriyon dvaara karma karaane vaali controlling power, ruling power vaali aatma samajh karma shuru kiya ya saadhaaran karma shuru hua? smriti swaroop se karma aarambha karna aur saadhaaran sthiti se karma aarambha karna usmein bahut farka hai। jaise had ke martabe vaale apna kaarya karte hain to kaarya ki seat par set hoke phir kaarya aarambha karte hain, aise apne maalikpan ke svaraajya adhikaari ki seat par set hoke phir har kaarya karo। is maalikpan ke authority ki checking ko aur badhaana hai। aur is maalikpan ke authority ki nishaani hai - sada har kaarya mein double light aur khushi ki anubhooti hogi aur result saphalta sahaj anubhav hogi। abhi tak bhi kahaan-kahaan adhikaari ke bajaae adheen ban jaate ho। adheenta ki nishaani kya dikhaai deti? jo baar-baar kehte hain - mere sanskaar hain, chaahte nahin hain lekin mere sanskaar hain, meri nature hai।

baapdaada ne pahle bhi sunaaya ki jis samay yeh kehte hain ki mere sanskaar hain, meri nature hai, kya yeh kamjori ke sanskaar aapke sanskaar hain? mere hain? yeh to raavan ke madhya ke sanskaar hain, raavan ki den hai। usko mera kehna hi wrong hai। aapke sanskaar to jo baap ke sanskaar hain vahi sanskaar hain। us samay socho ki mera-mera kahne se hi woh adhikaari ban gaye hain aur aap adheen ban jaate hain। samaan baap jaise banna hai to woh mere sanskaar nahin, jo baap ke sanskaar woh mere sanskaar hain। baap ke sanskaar kya hain? vishwa kalyaankaari, shubh bhaavna, shubh kaamnaadhaari। to us samay baap ke sanskaar saamne laao, lakshya hai baap samaan banne ka aur lakshan rahe hue hain raavan ke। to mix ho jaate hain, kuchh achhe baap ke sanskaar, kuchh woh mere past ke sanskaar, donon mix rehte hain na isliye khitkhit hoti rehti hai। aur sanskaar bante kaise hain, woh to sabhi jaante hain na! man aur buddhi ke sankalp aur kaarya se sanskaar bante hain। pahle man sankalp karta, buddhi sahayog deti aur achhe ya bure sanskaar ban jaate।

to baapdaada ne daadi ke saath-saath result mein dekha ki maalikpan ka natural aur nature ka nasha rahe woh baalakpan ki bhent mein abhi bhi kam hai। isliye baapdaada dekhte hain ki samaadhaan karne ke liye phir yuddha karne lag padte hain। hain brahman lekin beech-beech mein kshatriy ban jaate hain। to kshatriy nahin banna hai। brahman so devta banna hai। kshatriy banne vaale to bahut aane vaale hain, woh peechhe aane vaale hain aap to adhikaari aatmaayen hain। to suna result। isliye baar-baar main kaun, yeh smriti mein laao। hai hi, nahin lekin smriti swaroop mein laao। theek hai na। achha। result bhi sunaai। abhi samasya ka naam, vighna ka naam, halchal ka naam, vyartha sankalp ka naam, vyartha karma ka naam, vyartha sambandh ka naam, vyartha smriti ka naam samaapta karo aur karaao। theek hai na, karenge? karenge to dridh sankalp ka haath uthaao। yeh haath uthaana to common ho gaya hai isliye haath nahin uthvaate hain, man mein dridh sankalp ka haath uthaao। shareer ka haath nahin, woh bahut dekh liya hai। jab sabhi ka milkar man se dridh sankalp ka haath uthega tab hi vishwa ke kone-kone mein sabhi ka khushi se haath uthega - hamaara sukhdaata, shaantidaata baap aa gaya।

baap ko pratyaksha karne ka beeda uthaaya hai na! uthaaya hai? pakka? teachers ne uthaaya hai? paandavon ne uthaaya hai? pakka। achha date fix ki hai। date nahin fix hai? kitna time chaahiye? ek varsha chaahiye, do varsha chaahiye? kitna varsha chaahiye? baapdaada ne kaha tha har ek apne purushaartha ki yatha shakti pramaan apni natural chalne ki ya udne ki vidhi samaan apni date sampanna banne ki khud hi fix karo। baapdaada to kahega ab karo, lekin yathaashakti apne purushaartha anusaar apni date fix karo aur samay prati samay usko check karo ki samay pramaan mansa ki stage, vaacha ki stage, sambandh-samparka ki stage mein progress ho raha hai? kyonki date fix karne se svatah hi attention jaata hai।

baaki sabhi ki taraph se, chaaron or ki taraph se sandesh bhi aaye hain। email bhi aaye hain। to baapdaada ke paas to email jab tak pahunche uske pahle hi pahunch jaata hai, dil ke sankalp ka email bahut raphtaar ka hota hai। woh pahle pahunch jaata hai। to jinhonne bhi yaadapyaar, samaachaar apne sthiti ka, apni seva ka bheja hai, un sabko baapdaada ne sveekaar kiya, yaadapyaar sabhi ne bahut achhe umang-utsaah se bhi bheji hai। to baapdaada un sabhi ko chaahe videsh chaahe desh sabhi ko return mein yaadapyaar aur dil ki duaaon sahit pyaar aur shakti ki sakaash bhi de rahe hain। achha।

sab kuchh suna। jaise sunna sahaj lagta hai na! aise hi sunne se pare sweet silence ki sthiti bhi jab chaaho jitna samay chaaho utna samay maalik hoke, pahle vishesh hai man ke maalik, iseelie kaha jaata hai - man jeete jagatjeet। to abhi suna, dekha, aatma raaja ban man-buddhi-sanskaar ko apne control mein kar sakte ho? man-buddhi-sanskaar teenon ke maalik ban order karo sweet silence, to anubhav karo ki order karne se, adhikaari banne se teenon hi order mein rehte hain? abhi-abhi adhikaari ki stage par sthit ho jaao। (baapdaada ne drill karaai) achha।

chaaron or ke sada svamaandhaari, satyata ke shakti swaroop, pavitrata ke siddhi swaroop, sada achal adol sthiti ke anubhvi sva parivartak aur vishwa parivartak, sada adhikaari sthiti dvaara sarva aatmaon ko baap dvaara adhikaar dilaane vaale chaaron taraph ke baapdaada ke lucky aur lovely aatmaon ko parmaatma yaadapyaar aur dil ki duaayen sveekaar ho aur baapdaada ka meethe meethe bachchon ko namaste।

vardaan:- svayan ko svayan hi parivartan kar vishwa ke aadhaarmoorta banne vaale shreshtha pad ke adhikaari bhav

shreshtha pad paane ke liye baapdaada ki yahi shiksha hai ki bachche svayan ko badlo। svayan ko badalne ke bajaae, paristhitiyon ko va anya aatmaon ka badalne ka sochte ho ya sankalp aata hai ki yeh salvation mile, sahayog va sahaara mile to parivartit hon - aise kisi bhi aadhaar par parivartan hone vaale ki praalabdha bhi aadhaar par hi rahegi kyonki jitnon ka aadhaar lenge utna jama ka khaata sheyarsa mein bant jaayega। isliye sada lakshya rakho ki svayan ko parivartan hona hai। main svayan vishwa ka aadhaarmoorta hoon।

slogan:- sangathan mein umang-utsaah aur shreshtha sankalp se saphalta hui padi hai।

avyakt ishaare - ashareeri va videhi sthiti ka abhyaas badhaao

jaise koi kamjor hota hai to unko shakti bharne ke liye glookoz chadhaate hain, aise jab apne ko shareer se pare ashareeri aatma samajhte ho to yeh saaksheepan ki avastha shakti bharne ka kaam karti hai aur jitna samay saakshi avastha ki sthiti rehti hai, utna hi baap saathi bhi yaad rehta hai arthaat saath rehta hai।