गुरुवार 4 दिसंबर 2025 की दैनिक मुरली

04-12-2025 praatahmurli om shanti "baapdaada"' madhuban

“meethe bachche - tumhein abhi baap dvaara divya drishti mili hai, us divya drishti se hi tum aatma aur paramatma ko dekh sakte ho''

prashn:- drama ke kis raaz ko samajhne vaale kaun-si raay kisi ko bhi nahin denge?

uttar:- jo samajhte hain ki drama mein jo kuchh past ho gaya woh phir se accurate repeat hoga, woh kabhi kisi ko bhakti chhodne ki raay nahin denge। jab unki buddhi mein gyaan achhi reeti baith jaayega, samjhenge ham aatma hain, humein behad ke baap se varsa lena hai। jab behad ke baap ki pahchaan ho jaayegi to had ki baaten svatah khatma ho jaayengi।

om shanti। apni aatma ke svadharma mein baithe ho? roohaani baap roohaani bachchon se poochhte hain kyonki yeh to bachche jaante hain ek hi behad ka baap hai, jisko rooh kehte hain। sirf unko supreme kaha jaata hai। supreme rooh ya param aatma kehte hain। paramatma hai zaroor, aise nahin kahenge ki paramatma hai hi nahin। param aatma maana paramatma। yeh bhi samjhaaya gaya hai, moonjhana nahin chaahiye kyonki 5 hazaar varsha pahle bhi yeh gyaan tumne suna tha। aatma hi sunti hai na। aatma bahut chhoti sookshm hai। itna hai jo in aankhon se dekha nahin jaata। aisa koi manushya nahin hoga jisne aatma ko in aankhon se dekha hoga। dekhne mein aati hai parantu divya drishti se। so bhi drama plan anusaar। achha, samjho koi ko aatma ka saakshaatkaar hota hai, jaise aur cheez dekhne mein aati hai। bhakti maarga mein bhi kuchh saakshaatkaar hota hai to in aakhon se hi। woh divya drishti milti hai jisse chaitanya mein dekhte hain। aatma ko gyaan chakshu milti hai jisse dekh sakte hain, parantu dhyaan mein। bhakti maarga mein bahut bhakti karte hain tab saakshaatkaar hota hai। jaise meera ko saakshaatkaar hua, dance karti thi। baikuntha to tha nahin। 5-6 sau varsha hua hoga। us samay baikuntha tha thode hi। jo past ho gaya hai woh divya drishti se dekha jaata hai। jab bahut bhakti karte-karte ekdam bhaktimay ho jaate hain tab deedaar hota hai parantu unse mukti nahin milti। mukti-jeevanmukti ka raasta bhakti se bilkul nyaara hai। bhaarat mein kitne dher mandir hain। shiv ka ling rakhte hain। bada ling bhi rakhte hain, chhota bhi rakhte hain। ab yeh to bachche jaante hain jaisi aatma hai vaise parampita paramatma hai। size sabka ek hi hai। jaise baap vaise bachche। aatmaayen sab bhaai-bhaai hain। aatmaayen is shareer mein aati hain part bajaane, yeh samajhne ki baaten hain। yeh koi bhakti maarga ki danta kathaayen nahin hain। gyaan maarga ki baaten sirf ek baap hi samjhaate hain। pahle-pahle samjhaane vaala behad ka baap niraakaar hi hai, unke liye poori reeti koi bhi samajh nahin sakte। kehte hain woh to sarvavyaapi hai। yeh koi right nahin। baap ko pukaarte hain, bahut pyaar se bulaate hain। kehte hain baba aap jab aayenge to aap par ham vaari jaayenge। mera to aap, doosra na koi। to zaroor unko yaad karna pade। woh khud bhi kehte hain he bachchon। aatmaon se hi baat karte hain। isko roohaani knowledge kaha jaata hai। gaaya bhi jaata hai aatma aur paramatma alag rahe bahukaal… yeh bhi hisaab bataaya hai। bahut-kaal se tum aatmaayen alag rehti ho, jo hi phir is samay baap ke paas aai ho। phir se apna raajayog seekhne। yeh teacher servant hai। teacher hamesha obedient servant hote hain। baap bhi kehte hain ham to sab bachchon ka servant hoon। tum kitna hujjat se bulaate ho he patit-paavan aakar hamko paavan banaao। sab hain bhaktiyaan। kehte hain - he bhagwan aao, hamko phir se paavan banaao। paavan duniya svarga ko, patit duniya narka ko kaha jaata hai। yeh sab samajhne ki baate hain। yeh college athva god fatherly world university hai। iski em object hai manushya se devta banna। bachche nishchay karte hain hamko yeh banna hai। jisko nishchay hi nahin hoga woh school mein baithega kya? em object to buddhi mein hai। ham barrister va doctor banenge to padhenge na। nishchay nahin hoga to aayenge hi nahin। tumko nishchay hai ham manushya se devta, nar se naaraayan bante hain। yeh sachchi-sachchi satya nar se naaraayan banne ki katha hai। vaastav mein yeh hai padhaai parantu inko katha kyon kehte hain? kyonki 5 hazaar varsha pahle bhi suni thi। past ho gai hai। past ko katha kaha jaata hai। yeh hai nar se naaraayan banne ki shiksha। bachche dil se samajhte hain nai duniya mein devtaayen, puraani duniya mein manushya rehte hain। devtaaon mein jo gun hain woh manushyon mein nahin hain, isliye unko devta kaha jaata hai। manushya devtaaon ke aage naman karte hain। aap sarvagun sampanna... ho phir apne ko kehte hain ham paapi neench hain। manushya hi kehte hain, devtaaon ko to nahin kahenge। devtaayen the satayug mein, kaliyug mein ho na saken। parantu aajkal to sabko shri shri kah dete hain। shri maana shreshtha। sarvashreshtha to bhagwan hi bana sakte hain। shreshtha devta satayug mein the, is samay koi manushya shreshtha hain nahin। tum bachche abhi behad ka sannyaas karte ho। tum jaante ho yeh puraani duniya khatma hone vaali hai, isliye in sabse vairaagya hai। woh to hain hathayogi sannyaasi। gharbaar chhod nikle, phir aakar mahlon mein baithe hain। nahin to kutiya par koi kharcha thode hi lagta hai, kuchh bhi nahin। ekaanta ke liye kutiya mein baithna hota hai, na ki mahlon mein। baba ki bhi kutiya bani hui hai। kutiya mein sab sukh hain। abhi tum bachchon ko purushaartha kar manushya se devta banna hai। tum jaante ho drama mein jo kuchh past ho gaya woh phir se accurate repeat hoga, isliye kisko bhi aisi raay nahin deni hai ki bhakti chhodo। jab gyaan buddhi mein aa jaayega to samjhenge ham aatma hain, hamko ab to behad ke baap se varsa lena hai। behad ke baap ki jab pahchaan hoti hai to phir had ki baaten khatma ho jaati hain। baap kehte hain grihastha vyavhaar mein rehte sirf buddhi ka yog baap se lagaana hai। shareer nirvaah ke liye karma bhi karna hai, jaise bhakti mein bhi koi-koi bahut naudha bhakti karte hain। niyam se roz jaakar darshan karte hain। dehdhaariyon ke paas jaana, woh sab hai jismaani yaatra। bhakti maarga mein kitne dhakke khaane padte hain। yahaan kuchh bhi dhakka nahin khaana hai। aate hain to samjhaane ke liye bithaaya jaata hai। baaki yaad ke liye koi ek jagah baith nahin jaana hai। bhakti maarga mein koi shreekrishna ka bhakta hota hai to aise nahin chalte-phirte shreekrishna ko yaad nahin kar sakte isliye jo padhe likhe manushya hote hain, kehte hain shreekrishna ka chitra ghar mein rakha hai phir tum mandiron mein kyon jaate ho। shreekrishna ke chitron ki pooja tum kahaan bhi karo। achha, chitra na rakho, yaad karte raho। ek baar cheez dekhi to phir woh yaad rehti hai। tumko bhi yahi kehte hain, shivbaaba ko tum ghar baithe yaad nahin kar sakte ho? yeh to hai nai baat। shivbaaba ko koi bhi jaante nahin। naam, roop, desh, kaal ko jaante hi nahin, kah dete sarvavyaapi hai। aatma ko paramatma to nahin kaha jaata hai। aatma ko baap ki yaad aati hai। parantu baap ko jaante nahin to samjhaana pade 7 roj। phir rezgaari points bhi samjhaai jaati hain। baap gyaan ka saagar hai na। kitne samay se sunte aaye ho kyonki knowledge hai na। samajhte ho hamko manushya se devta banne ki knowledge milti hai। baap kehte hain tumko nai-nai guhya baaten sunaate hain। murli tumko nahin milti hai to tum kitna chillaate ho। baap kehte hain tum baap ko to yaad karo। murli padhte ho phir bhi bhool jaate ho। pahle-pahle to yeh yaad karna hai - main aatma hoon, itni chhoti bindi hoon। aatma ko bhi jaanna hai। kehte hain inki aatma nikal doosre mein pravesh kiya। ham aatma hi janma lete-lete ab patit, apvitra bane hain। pahle tum pavitra grihastha dharma ke the। lakshmi-naaraayan donon pavitra the। phir donon hi apvitra bane, phir donon pavitra hote hain to kya apvitra se pavitra banen? ya pavitra janma liya? baap baith samjhaate hain, kaise tum pavitra the। phir vaam maarga mein jaane se apvitra bane ho। pujaari ko apvitra, poojya ko pavitra kahenge। saare world ki history-geography tumhaare buddhi mein hai। kaun-kaun raajya karte the? kaise unhon ko raajya mila, yeh tum jaante ho, aur koi nahin jo jaanta ho। tumhaare paas bhi aage yeh knowledge, rachta aur rachna ke aadi-madhya-ant ki nahin thi, goya naastik the। nahin jaante the। naastik banne se kitna duhkhi ban jaate hain। ab tum yahaan aaye ho yeh devta banne। vahaan kitne sukh honge। daiveegun bhi yahaan dhaaran karne hain। prajaapita brahma ki aulaad bhaai-behen thahre na। criminal drishti jaani nahin chaahiye, ismen hai mehnat। aankhen badi criminal hain। sab angon se criminal hain aankhen। aadhaakalpa criminal, aadhaakalpa civil rehti hain। satayug mein criminal nahin rehti hain। aankhen criminal hain to asur kahlaate hain। baap khud kehte hain main patit duniya mein aata hoon। jo patit bane hain, unko hi paavan banna hai। manushya to kehte hain yeh apne ko bhagwan kahlaate hain। jhaad mein dekho ekdam tamopradhaan duniya ke ant mein khada hai, vahi phir tapasya kar rahe hain। satayug se lakshmi-naaraayan ki dynasty chalti hai। sanvat bhi in lakshmi-naaraayan se gina jaayega isliye baba kehte hain lakshmi-naaraayan ka raajya dikhaate ho to likho isse 1250 varsha ke baad treta। shaastron mein phir laakhon varsha likh diye hain। raat-din ka pharka ho gaya na। brahma ki raat aadhaakalpa, brahma ka din aadhaakalpa - yeh baaten baap hi samjhaate hain। phir bhi kehte hain - meethe bachche, apne ko aatma samjho, baap ko yaad karo। unko yaad karte-karte tum paavan ban jaayenge, phir ant mati so gati ho jaayegi। baba aise nahin kehte hain yahaan baith jaao। serviceable bachchon ko to bithaayenge nahin। centres museum aadi kholte rehte hain। kitne ko nimantran baantate hain, aakar godly birth right vishwa ki baadshaahi lo। tum baap ke bachche ho। baap hai svarga ka rachayita to tumko bhi svarga ka varsa hona chaahiye। baap kehte hain main ek hi baar svarga ki sthaapna karne aata hoon। ek hi duniya hai jinka chakra phirta rehta hai। manushyon ki to anek maten, anek baaten hain। mat-mataantar kitne hain, isko kaha jaata hai advait mat। jhaad kitna bada hai। kitni taal-taaliyaan nikalti hain। kitne dharma phail rahe hain, pahle to ek mat, ek raajya tha। saare vishwa par inka raajya tha। yeh bhi abhi tumko maaloom pada hai। ham hi saare vishwa ke maalik the। phir 84 janma bhog kangaal bane hain। abhi tum kaal par jeet paate ho, vahaan kabhi akaale mrityu hota nahin। yahaan to dekho baithe-baithe akaale mrityu hoti rehti hai। chaaron taraph maut hi maut hai। vahaan aise nahin hota, poori ez life chalti hai। bhaarat mein purity, pees, prosperity thi। 150 varsha average aayu thi, abhi kitni aayu rehti hai।

eeshvar ne tumko yog sikhaaya to tumko yogeshvar kehte hain। vahaan thode hi kahenge। is samay tum yogeshvar ho, tumko eeshvar raajayog sikha rahe hain। phir raaj-raajeshvar banna hai। abhi tum gyaaneshvar ho phir raajeshvar arthaat raajaaon ka raaja banenge। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) aankhon ko civil banaane ki mehnat karni hai। buddhi mein sada rahe ham prajaapita brahma ke bachche bhaai-behen hain, criminal drishti rakh nahin sakte।

2) shareer nirvaah arth karma karte buddhi ka yog ek baap se lagaana hai, had ki sab baaten chhod behad ke baap ko yaad karna hai। behad ka sannyaasi banna hai।

vardaan:- baba shabd ki smriti se kaaran ko nivaaran mein parivartan karne vaale sada achal adol bhav

koi bhi paristhiti jo bhal halchal vaali ho lekin baba kaha aur achal banen। jab paristhitiyon ke chintan mein chale jaate ho to mushkil ka anubhav hota hai। agar kaaran ke bajaae nivaaran mein chale jaao to kaaran hi nivaaran ban jaae kyonki master sarvashaktimaan braahmanon ke aage paristhitiyaan cheenti samaan bhi nahin। sirf kya hua, kyon hua yeh sochne ke bajaae, jo hua usmein kalyaan bhara hua hai, seva samaai hui hai.. bhal roop circumstance ka ho lekin samaai seva hai - is roop se dekhenge to sada achal adol rahenge।

slogan:- ek baap ke prabhaav mein rahne vaale kisi bhi aatma ke prabhaav mein aa nahin sakte।

avyakt ishaare - ab sampanna va karmaateet banne ki dhun lagaao

karmaateet sthiti ko praapta karne ke liye sada saakshi ban kaarya karo। saakshi arthaat sada nyaari aur pyaari sthiti mein rah karma karne vaali alaukik aatma hoon, alaukik anubhooti karne vaali, alaukik jeevan, shreshtha jeevan vaali aatma hoon - yeh nasha rahe। karma karte yahi abhyaas badhaate raho to karmaateet sthiti ko praapta kar lenge।