रविवार 14 दिसंबर 2025 की दैनिक मुरली

14-12-25 praatahmurli om shanti ''avyakt-baapdaada'' revise 18-02-08 madhuban

vishwa parivartan ke liye shanti ki shakti ka prayog karo

aaj baapdaada apne vishwa parivartak baap ki aashaaon ke deepak bachchon ko chaaron or dekh harshit ho rahe hain। baapdaada jaante hain ki bachchon ka baapdaada se ati ati ati pyaar hai aur baapdaada ka bhi har bachche ke saath padamguna se bhi jyaada pyaar hai aur yeh pyaar to sada hi is sangamayug mein milna hi hai। baapdaada jaante hain jaise-jaise samay sameep aa raha hai usi pramaan har ek bachche ke dil mein yeh sankalp, yeh umang-utsaah hai ki abhi kuchh karna hi hai kyonki dekh rahe ho ki aaj ki teenon sattaayen ati halchal mein hain। chaahe dharma satta, chaahe raajya satta, chaahe science ki satta, science bhi abhi prakriti ko yathaartha roop mein chala nahin sakti। yahi kehte, hona hi hai kyonki science ki satta prakriti dvaara kaarya karti hai। to science ke saadhan hote, prayatna karte bhi prakriti abhi control mein nahin hai aur aage chalkar yeh prakriti ke khel aur bhi badhte jaayenge kyonki prakriti mein bhi abhi aadi samay ki shakti nahin rahi hai। aise samay par abhi socho, abhi kaun si satta parivartan kar sakti hai? yeh silence ki shakti hi vishwa parivartan karegi। to chaaron or ki halchal mitaane vaale kaun hain? jaante ho na! yeh sivaae parmaatma paalna ke adhikaari aatma ke aur koi nahin kar sakta। to aap sabhi ko yeh umang-utsaah hai ki ham hi brahman aatmaayen baapdaada ke saath bhi hain aur parivartan ke kaarya ke saathi bhi hain।

baapdaada ne vishesh amritvele tatha saare din mein chalte hue bhi dekha hai ki jitna duniya mein teenon sattaaon ki halchal hai utna aap shanti ki deviyaan, shanti ke devon ko jo shaktishaali shanti ki shakti ka prayog karna chaahiye, usmein abhi kami hai। to baapdaada abhi sabhi bachchon ko yeh umang dila rahe hain। seva ke kshetra mein to aavaaj achha phaila rahe ho, lekin silence ki shakti ko chaaron or phailaao। (aaj baar-baar khaansi aa rahi hai) baaja kharaab hai phir bhi baapdaada bachchon se milne ke bina to rah nahin sakte aur bachche bhi rah nahin sakte। to baapdaada yeh vishesh ishaara de rahe hain ki abhi shanti ki shakti ke vibration chaaron or phailaao।

abhi vishesh brahma baba aur jagdamba ko dekha ki svayan aadi dev hote shanti ki shakti ka kitna gupta purushaartha kiya। aapki daadi ne karmaateet banne ke liye isi baat ko kitna pakka kiya। jimmevaari hote, seva ka plan banaate shanti ki shakti jama ki। (khaansi baar-baar aa rahi hai) baaja kitna bhi kharaab ho lekin baapdaada ka pyaar hai! to seva ki jimmevaari kitni bhi badi ho lekin seva ke saphalta ka pratyaksha phal shanti ki shakti ke bina, jitna chaahte hain utna nahin nikal sakta aur apne liye saare kalpa ki praalabdha ko bhi silence ki shakti se hi bana sakte hain। iske liye abhi har ek ko sva ke prati, saare kalpa ki praalabdha raajya ki aur poojya ki ikattha karne ke liye abhi samay hai kyonki samay naazuk aana hi hai। aise samay par shanti ki shakti dvaara touching power catching power bahut aavashyak hogi। aisa samay aayega jo yeh saadhan kuchh nahin kar sakenge, sirf aadhyaatmik bal, baapdaada ke directions ki touching kaarya kara sakegi। to apne mein check karo - baapdaada ki aise samay mein man aur buddhi mein touching aa sakegi? ismen bahutkaal ka abhyaas chaahiye, iska saadhan hai man buddhi sada hi kabhi kabhi nahin, sada clean aur clear chaahiye। abhi rehearsal badhti jaayegi aur second mein real ho jaayegi। jara bhi agar man mein buddhi mein kisi bhi aatma ke prati ya kisi bhi kaarya ke prati, kisi bhi saathi sahayogi ke prati jara bhi negative hoga to usko clean aur clear nahin kaha jaayega isliye baapdaada yeh attention khinchava raha hai। saare din mein check karo - silence power kitni jama ki? seva karte bhi silence ki shakti agar vaani mein nahin hai to pratyaksha phal saphalta jitna chaahte hain utna nahin hogi। mehnat jyaada hai phal kam। seva karo lekin shanti ke shakti sampanna seva karo। usmein jitni result chaahte ho usse adhik milegi। baar-baar check karo। baaki baapdaada ko khushi hai ki dinapratidin jo bhi jahaan bhi seva kar rahe hain woh achhi kar rahe hain lekin sva prati shanti ki shakti jama karne ka, parivartan karne ka aur attention।

abhi saari duniya dhoondh rahi hai ki aakhir vishwa parivartak nimitta kaun banta hai! kyonki din pratidin duhkh aur ashaanti badh rahi hai aur badhni hi hai। to bhakta apne ishta ko yaad kar rahe hain, koi ati mein jaake pareshaani se ji rahe hain। dharma gurooon ke taraph nazar ghuma rahe hain aur science vaale bhi abhi yahi soch rahe hain - kaise karen, kab tak hoga! to in sabko javaab dene vaale kaun? sabki dil mein yahi pukaar hai ki aakhir bhi golden morning kab aani hai। to aap sabhi laane vaale ho na! ho? haath uthaao jo samajhte hain ham nimitta hain? nimitta ho? (sabhi ne haath uthaaya) achha। itne saare nimitta hain to kitne samay mein hona chaahiye! aap sabhi bhi khush ho jaate hain aur baapdaada bhi khush ho jaate hain। dekho, yeh golden chance har ek ko golden samay pramaan praapta hua hai।

abhi aapas mein jaise service ki meeting karte ho, problem hal karne ke liye bhi meeting karte ho na। aise yeh meeting karo, yeh plan banaao। yaad aur seva। yaad ka arth hai shanti ki power aur woh praapta hogi, jab aap top ki stage par honge। jaise koi top sthaan hota hai na to vahaan khade ho jaao to kitna saara spashta dikhaai deta hai। aise aapki top ki stage, sabse top kya hai? paramdham। baapdaada kehte hain seva ki aur phir top ki stage par baap ke saath aakar baith jaao। jaise thak jaate hain na to 5 minute bhi kahaan shanti se baith jaate hain to farka pad jaata hai na। aise hi beech-beech mein baap ke saath aakar baith jaao। aur doosra top ka sthaan hai srishti chakra ko dekho, srishti chakra mein top sthaan kaun sa hai? sangam par aake sui top par dikhaate ho na। to neeche aaye, seva ki phir top sthaan par chale jaao। to samjha kya karna hai? samay aapko pukaar raha hai ya aap samay ko sameep la rahe ho? rachta kaun? to aapas mein aise-aise plan banaao। achha।

bachchon ne kaha aana hi hai to baap ne kaha haan ji। aise hi ek do ki baaton ko, svabhaav ko, vritti ko samajhte, haan ji, haan ji karne se sangathan ki shakti silence ki jvaala pragat karegi। jvaalaamukhi dekha hai na। to yeh sangathan ki shakti shanti ki jvaala pragat karegi। achha।

mahaaraashtra, aandhra pradesh, bombe ki seva ka tarna hai:- naam hi mahaaraashtra hai। mahaaraashtra ko vishesh draamaanusaar golden gift praapta hui hai। kaun si? brahma baap aur maa ki paalna mahaaraashtra ko direct mili hai। dilli aur yu.pi. mein bhi mili hai lekin mahaaraashtra ko jyaada। abhi mahaaraashtra, maha to ho hi। abhi kya karna hai! mahaaraashtra milke aisa plan banaao, aisi meeting karo jismen sabke ek hi svabhaav, ek hi sanskaar, ek hi seva ka lakshya, shanti ki shakti kaise phailaayen, uske plan banaao। banaayenge na! banaayenge? achha baapdaada ko ek maas ke baad report denge ki kya plan banaaya hai! aapke is roohrihaan se aur bhi addition ho jaayegi। bhinna-bhinna zone hain na, to woh bhi addition karenge usmein ghaat aap banaao aur heere woh jodenge। hai na himmat। teachers himmat hai! pahli line himmat hai? sanskaar milan yeh raas kaun sa zone karega? koi zone shubh vritti, shubh drishti aur shubh kriti yeh kaise ho, ek zone yeh uthaaye। doosra zone - agar koi aatma svayan sanskaar parivartan nahin kar sakti hai, chaahti bhi hai lekin kar nahin paati to unhon ke prati merciful ban, kshama, sahayog, sneh dekar kaise apne brahman parivaar ko shaktishaali banaayen - iska plan banaaye। yeh ho sakta hai? ho sakta hai? pahli line bataao ho sakta hai? haath uthaao ho sakta hai। kyonki pahli line mein sab mahaarthi baithe hain। abhi baapdaada naam nahin sunaate hain, har ek zone ko jo achha lage woh roohrihaan kar phir shivraatri ke baad bhi ek maas mein result sunaayen। mahaaraashtra hai na aur achha hai। vriddhi to sab jagah ho rahi hai uski baapdaada mubaarak, mubaarak de hi rahe hain। abhi jo kiya uski to mubaarak hai lekin abhi quality ki vriddhi karo। quality ka arth yeh nahin ki saahookaar ho, quality ka matlab hai yaad ko niyam pramaan jeevan mein saboot ban karke dikhaave। baaki mike aur vaaris woh to jaante hi ho। nishchaybuddhi aur nishchint ho। achha।

double foreigners mein, yuglon aur kumaariyon ki vishesh retreat chali hai:- yeh nishaani lagaake aaye hain। achha lagta hai। kumaariyaan aise ghoom jaao jo doosre dekhen, chakra lagaao। achha hai। sabhi lucky hain lekin kumaariyaan double lucky hain। kyon? aise to kumaar bhi lucky hain lekin kumaariyon ko agar kumaari jeevan mein amar rehti hain to baapdaada ka, guroobhaai ka takhta milta hai। diltakhta to hai hi। woh to sabhi ko hai lekin guru ka takhta hai jahaan baith karke murli sunaate hain। teacher banke teach karte ho iseelie baapdaada kehte hain ki kumaariyaan double lucky hain। kumaariyon ke liye gaayan hai ki 21 parivaar ka uddhaar karne vaali hain। to aapne apna 21 janma ka to uddhaar kiya lekin aur jinhon ke nimitta banti ho unhon ka bhi 21 janma ke liye uddhaar ho jaata hai। to aisi kumaariyaan ho na। aisi ho? pakka। jo thoda thoda kachcha hai woh haath uthaao। pakke hain। aapne dekha (daadiyon se) pakki kumaariyaan hain? pakki hain! mohini behen (New York) bataayen, pakki hain? kumaariyon ka group pakka hai? inki teacher kaun! (meera behen) pakki hain to taali bajaao। baapdaada ko bhi khushi hai। achha। (yeh kumaariyon ki aathveen retreat hai - inka vishay tha apne pan ka anubhav, 30 deshon ki 80 kumaariyaan aai hain, sabne apnepan ka bahut achha anubhav kiya hai) mubaarak ho। yeh to kumaariyaan hui, aap sab kaun ho? aap kaho yeh to kumaariyaan hain ham brahmaakumaar aur brahmaakumaariyaan hain। aap bhi kam nahin hain। yeh kumaaron ka group hai, milaajula group hai। achha hai। yuglon ko kaun sa nasha hai? extra nasha, maaloom hai! jabse pravritti vaale is knowledge ko dhaaran karne lage hain to majority abhi logon mein himmat aai hai ki ham bhi kar sakte hain। pahle samajhte the ki brahmaakumaariyaan banna arthaat sab kuchh chhodna lekin abhi samajhte hain ki brahmaakumaar kumaari banke parivaar, vyavhaar sab chal sakta hai। aur yuglon ki ek visheshta aur hai, unhonne mahaatmaaon ko bhi challenge ki hai ki ham saath rehte, vyavhaar karte, hamaara parmaartha shreshtha hai। vijayi hain। to vijay ki himmat dilaana, yeh yuglon ka kaam hai iseelie baapdaada yuglon ko bhi mubaarak dete hain। theek hai na। challenge karne vaale ho na, pakka। koi aake si.aai.D. kare to karne do। kaho karne do। hai taakat? hai? haath uthaao। achha।

baapdaada sada hi double foreigners ko himmat vaale samajhte hain। kyon? baapdaada ne dekha hai ki kaam par bhi jaate, class bhi karte, kai class bhi karaate lekin all-round centre ki seva mein bhi madadgaar bante hain। iseelie baapdaada title dete hain, yeh hai all-round group। achha। aise hi aage badhte rehna aur auron ko bhi aage badhaate rehna। achha।

teachers se:- teachers theek hain? bahut hain teachers। achha hai dekho, baap samaan title aapko bhi hai। baap bhi teacher ban karke aata hai to teacher maana sva anubhav ke aadhaar se auron ko bhi anubhvi banaana। anubhav ki authority sabse jyaada hai। agar ek baar bhi koi baat ka anubhav kar lete hain, to jeevan bhar nahin bhoolta hai। suni hui baat, dekhi hui baat bhool jaati hai lekin anubhav ki hui baat kabhi bhi bhoolti nahin hain। to teachers arthaat anubhvi ban anubhvi banaana। yahi kaam karte ho na। achha hai। jo bhi anubhav mein kami ho na, woh ek maas mein bhar dena। phir baapdaada result mangaayenge। achha।

chaaron or ke baapdaada ke diltakhtansheen aur vishwa raajya ke takhtansheen, sada apne silence ki shakti ko aage badhaate aur auron ko bhi aage badhaane ka umang-utsaah dene vaale, sada khush rahne vaale aur sabko khushi ki gift dene vaale chaaron or ke baapdaada ke lucky aur lovely bachchon ko baapdaada ka yaadapyaar aur duaayen, namaste।

vardaan:- har condition mein safe rahne vaale air-condition ki ticket ke adhikaari bhav

air-condition ki ticket unheen bachchon ko milti hai jo yahaan har condition mein safe rehte hain। koi bhi paristhiti aa jaae, kaisi bhi samasyaayen aa jaaen lekin har samasya ko second mein paar karne ka certificate chaahiye। jaise us ticket ke liye paise dete ho aise yahaan “sada vijayi'' banne ki mani chaahiye - jisse ticket mil sake। yeh mani praapta karne ke liye mehnat karne ki jaroorat nahin, sirf baap ke sada saath raho to anginat kamaai jama hoti rahegi।

slogan:- kaisi bhi paristhiti ho, paristhiti chali jaae lekin khushi nahin jaae।

avyakt ishaare - ab sampanna va karmaateet banne ki dhun lagaao

jaise aapki rachna kachhua second mein sab ang samet leta hai। sametne ki shakti rachna mein bhi hai। aap master rachta sametne ki shakti ke aadhaar se second mein sarva sankalpon ko samaakar ek sankalp mein sthit ho jaao। jab sarva karmendriyon ke karma ki smriti se pare ek hi aatmik swaroop mein sthit ho jaayenge tab karmaateet avastha ka anubhav hoga।