शुक्रवार 19 दिसंबर 2025 की दैनिक मुरली

19-12-2025 praatahmurli om shanti "baapdaada"' madhuban

“meethe bachche - ab ghar jaana hai isliye dehi-abhimaani bano, ek baap ko yaad karo to ant mati so gati ho jaayegi''

prashn:- wonderful baap ne tumhein kaun sa ek wonderful raaz sunaaya hai?

uttar:- baba kehte - bachche, yeh anaadi avinaashi drama bana hua hai, ismen har ek ka part noondha hua hai। kuchh bhi hota hai nothing new। baap kehte hain bachche ismen meri bhi koi badaai nahin, main bhi drama ke bandhan mein hoon। baap yeh wonderful raaz sunaakar jaise apne part ko bhi mahatva nahin dete hain।

geet:- aakhir woh din aaya aaj…

om shanti। meethe-meethe roohaani bachche yeh geet ga rahe hain। bachche samajhte hain ki kalpa baad phir se hamko dhanvaan, healthy aur wealthy banaane, pavitrata, sukh, shanti ka varsa dene baap aate hain। brahman log bhi aasheervaad dete hain na ki aayushvaan bhav, dhanvaan bhav, putravaan bhav। tum bachchon ko to varsa mil raha hai, aasheervaad ki koi baat nahin hai। bachche padh rahe hain। jaante hain 5 hazaar varsha pahle bhi hamko baap ne aakar manushya se devta, nar se naaraayan banne ki shiksha di thi। bachche jo padhte hain, woh jaante hain ham kya padh rahe hain। padhaane vaala kaun hai? unmein bhi nambarvaar purushaartha anusaar jaante hain। yeh to kahenge hi ki ham bachchon ko maaloom hai - yeh raajdhaani sthaapan ho rahi hai va deity kingdom sthaapan ho rahi hai। aadi sanaatan devi-devta dharma ki sthaapna ho rahi hai। pahle shoodra the phir brahman bane phir devta banna hai। duniya mein kisi ko yeh pata nahin hai ki abhi ham shoodra varna ke hain। tum bachche samajhte ho yeh to satya baat hai। baap satya bataakar, sachkhanda ki sthaapna kar rahe hain। satayug mein jhooth, paap aadi kuchh bhi nahin hota। kaliyug mein hi ajaamil, paap aatmaayen hoti hain। yeh samay bilkul raurav narka ka hi hai। din-pratidin raurav narka dikhaai padega। manushya aisa-aisa kartavya karte rahenge jo samjhenge bilkul hi tamopradhaan duniya banti ja rahi hai। ismen bhi kaam mahaashatru hai। koi mushkil pavitra shuddh rah sakta hai। aage jangam (phakeer) log kehte the - aisa kaliyug aayega jo 12-13 varsha ki kumaariyaan bachcha paida karengi। ab woh samay hai। kumaar-kumaariyaan aadi sab ganda karte rehte hain। jab bilkul hi tamopradhaan ban jaate hain tab baap kehte hain main aata hoon, mera bhi drama mein part hai। main bhi drama ke bandhan mein bandha hua hoon। tum bachchon ke liye koi nai baat nahin hai। baap samjhaate hi aise hain। chakra lagaaya, naatak poora hota hai। ab baap ko yaad karo to tum satopradhaan ban, sato pradhaan duniya ke maalik ban jaayenge। kitna saadhaaran reeti samjhaate hain। baap koi apne part ko itna mahatva nahin dete hain। yeh to mera part hai, nai baat nahin। har 5 hazaar varsha baad mujhe aana padta hai। drama mein main bandhaaymaan hoon। aakar tum bachchon ko bahut sahaj yaad ki yaatra bataata hoon। ant mati so gati... woh is samay ke liye hi kaha gaya hai। yeh antakaal hai na। baap yukti bataate hain - maamekam yaad karo to satopradhaan ban jaayenge। bachche bhi samajhte hain ham nai duniya ke maalik banenge। baap ghadi-ghadi kehte hain nothing new। ek jinna ki kahaani sunaate hain na - usne kaha kaam do, to kaha seedhi utro aur chadho। baap bhi kehte hain yeh khel bhi utarne aur chadhne ka hai। patit se paavan, paavan se patit banna hai। yeh koi difficult baat nahin hai। hai bahut sahaj, parantu yuddha kaun si hai, yeh na samajhne ke kaaran shaastron mein ladaai ki baat likh di hai। vaastav mein maaya raavan par jeet paana to bahut badi ladaai hai। bachche dekhte hain ham ghadi-ghadi baap ko yaad karte hain, phir yaad toot jaati hai। maaya deeva bujha deti hai। is par gulabkaavli ki bhi kahaani hai। bachche jeet paate hain। bahut achhe chalte hain phir maaya aakar deeva bujha deti hai। bachche bhi kehte hain baba maaya ke toofaan to bahut aate hain। toofaan bhi anek prakaar ke bachchon ke paas aate hain। kabhi-kabhi to aisa toofaan zor se aata hai jo 8-10 varsha ke puraane achhe-achhe jhaad bhi gir padte hain। bachche jaante hain, varnan bhi karte hain। achhe-achhe maala ke daane the। aaj hai hi nahin। yeh bhi misaal hai, gaz ko graah ne khaaya। yeh hai maaya ka toofaan।

baap kehte hain in 5 vikaaron se sambhaal rakhte raho। yaad mein rahenge to majboot ho jaayenge। dehi-abhimaani bano। yeh shiksha baap ki ek hi baar milti hai। aisa kabhi aur koi kahenge nahin ki tum aatma-abhimaani bano। satayug mein bhi aisa nahin kahenge। naam, roop, desh, kaal sab yaad rehta hi hai। is samay tumko samjhaata hoon - ab vaapis ghar jaana hai। tum pahle satopradhaan the, sato-rajo-tamo mein tumne poore 84 janma liye hain। usmein bhi number one yeh (brahma) hai। auron ke 83 janma bhi ho sakte hain inke liye poore 84 janma hain। yeh pahle-pahle shri naaraayan the। inke liye kehte goya sabke liye samajh jaate, bahut janmon ke ant mein gyaan lekar phir woh naaraayan bante hain। jhaad mein bhi dikhaaya hai na - yahaan shri naaraayan aur pichhaadi mein brahma khada hai। neeche raajayog seekh rahe hain। prajaapita ko kabhi parampita nahin kahenge। parampita ek ko kaha jaata hai। prajaapita phir inko kaha jaata। yeh dehdhaari hai, woh videhi, vichitra hai। laukik baap ko pita kahenge, inko prajaapita kahenge। woh parampita to paramdham mein rehte hain। prajaapita brahma paramdham mein nahin kahenge। woh to yahaan saakaari duniya mein ho gaya। sookshm vatan mein bhi nahin hai। praja to hai sthoolavtan mein। prajaapita ko bhagwan nahin kaha jaata hai। bhagwan ka koi shareer ka naam nahin। manushya tan jis par naam padte hain, unse woh nyaara hai। aatmaayen vahaan rehti hain to sthool naam-roop se nyaari hain। parantu aatma to hai na। saadhu-santa aadi sirf gharbaar chhodte hain, baaki duniya ke vikaaron ke anubhvi to hain na। chhote bachche ko kuchh bhi pata nahin rehta hai isliye unko mahaatma kaha jaata hai। 5 vikaaron ka unko pata hi nahin rehta isliye chhote bachche ko pavitra kaha jaata hai। is samay to koi pavitra aatma ho nahin sakti। chhote se bada hoga phir bhi patit to kahenge na। baap samjhaate hain sabka alag-alag part is drama mein noondha hai। is chakra mein kitne shareer lete hain, kitne karma karte hain, jo sab phir repeat hona hai। pahle-pahle aatma ko pahchaanna hai। itni chhoti aatma mein 84 janmon ka avinaashi part bhara hua hai। yahi hai sabse wonderful baat। aatma bhi avinaashi hai। drama bhi avinaashi hai, bana-banaaya hai। aise nahin kahenge kab se shuru hua। kudrat kehte hain na। aatma kaisi hai, yeh drama kaise bana hua hai, ismen koi kuchh bhi kar nahin sakta। jaise samudra athva aakaash ka ant nahin nikaal sakte। yeh avinaashi drama hai। kitna wonder lagta hai। jaise baba wonderful vaise gyaan bhi bada wonderful hai। kabhi koi bata na sake। itne sab actors apna-apna part bajaate hi aate hain। naatak kab bana, yeh koi prashn utha nahin sakta। bahut kehte hain bhagwan ko kya padi thi jo duhkh sukh ki duniya baith banaai। are yeh to anaadi hai। pralay aadi hoti nahin। bani-banaai hai, aise thode hi kah sakte yeh kyon banaai! aatma ka gyaan bhi baap tumko tab sunaate hain jab samajhdaar bante ho। to tum din-pratidin unnati ko paate rehte ho। pahle-pahle to baba bahut thoda-thoda sunaata tha। wonderful baaten thi phir bhi kashish to thi na। usne kheencha। bhatthi ki bhi kashish thi। shaastron mein phir dikhaaya hai krishna ko kansapuri se nikaal le gaye। ab tum jaante ho kans aadi to vahaan hote hi nahin। geeta, bhaagvat, mahaabhaarat yeh sab connection rakhte hain, hai to kuchh bhi nahin। samajhte hain yeh dashahra aadi to parampara se chala aata hai। raavan kya cheez hai, yeh bhi koi jaante nahin। jo bhi devi-devta the woh neeche utarte-utarte patit ban gaye hain। radiyaan bhi woh maarte hain jo jaasti patit bane hain isliye pukaarte bhi hain he patit-paavan। yeh sab baaten baap hi baith samjhaate hain। srishti chakra ke aadi-madhya-ant ko aur koi nahin jaante। tum jaanne se chakravarti raaja ban jaate ho। trimoorti mein likha hua hai - yeh tumhaara eeshvareey janma siddha adhikaar hai। brahma dvaara sthaapna, shankar dvaara vinaash, vishnu dvaara paalna..... vinaash bhi zaroor hona hai। nai duniya mein bahut thode hote hain। abhi to anek dharma hain। samajhte hain ek aadi sanaatan devi-devta dharma hai nahin। phir zaroor woh ek dharma chaahiye, mahaabhaarat bhi geeta se sambandh rakhti hai। yeh chakra phirta rehta hai। ek second bhi banda nahin ho sakta। koi nai baat nahin hai, bahut baari raajaai li hai, jiska pet bhara hua hota hai, woh gambheer rehte hain। andar mein samajhte ho hamne kitna baar raajaai li thi, kal ki hi baat hai। kal hi devi-devta the phir chakra lagaae aaj ham patit bane hain phir ham yog-bal se vishwa ki baadshaahi lete hain। baap kehte hain kalpa-kalpa tum hi baadshaahi lete ho। zara bhi pharka nahin pad sakta। raajaai mein koi kam, koi oonch banenge। yeh purushaartha se hi hota hai।

tum jaante ho pahle ham bandar se bhi badtar the। ab baap mandir laayak bana rahe hain। jo achhe-achhe bachche hain unki aatma realise karti hai, barobar ham to koi kaam ke nahin the। abhi ham worth pound ban rahe hain। kalpa-kalpa baap hamko penny se pound banaate hain। kalpa pahle vaale hi in baaton ko achhi reeti samjhenge। tum bhi pradarshani aadi karte ho, nothing new। in dvaara hi tum amarpuri ki sthaapna kar rahe ho। bhakti maarga mein deviyon aadi ke kitne mandir hain। yeh sab hai pujaareepne ki saamagri। poojyapne ki saamagri kuchh bhi nahin hai। baap kehte hain din-pratidin tumko guhya points samjhaate rehte hain। aage ki dher points tumhaare paas rakhi hain। woh abhi kya karenge। aise hi padi rehti hain। present to baapdaada nai-nai point samjhaate rehte hain। aatma itni chhoti si bindi hai, unmein saara part bhara hua hai। yeh point koi aage vaali kaapiyon mein thode hi hongi। phir puraani points ko tum kya karenge। pichhaadi ki result hi kaam aati hai। baap kehte hain kalpa pahle bhi tumko aise hi sunaaya tha। nambarvaar padhte rehte hain। koi subject mein neeche oopar hote rehte hain। vyaapaar mein bhi grahchaari baithti hai, ismen heartfail nahin hona hota hai। phir uthkar purushaartha kiya jaata hai। manushya devaala nikaalte hain phir dhandha aadi kar bahut dhanvaan ban jaate hain। yahaan bhi koi vikaar mein gir padte hain phir bhi baap kahenge achhi reeti purushaartha kar oonch pad paao। phir se chadhna shuru karna chaahiye। baap kehte hain gire ho phir chadho। aise bahut hain, girte hain to phir chadhne ki koshish karte hain। baba mana thode hi karenge। baap jaante hain aise bhi bahut aayenge। baap kahenge purushaartha karo। phir bhi kuchh na kuchh madadgaar to ban jaayenge na। drama plan anusaar hi kahenge। baap kahenge - achha bachche, ab tripta hue, bahut gote khaaye ab phir se purushaartha karo। behad ka baap to aise kahenge na। baba ke paas kitne aate hain milne। kehta hoon behad ke baap ka kehna nahin maanenge, pavitra nahin banenge! baap aatma samajh aatma ko kehte hain to teer zaroor lagega। samjho stri ko teer lag jaata hai to kahenge ham to pratigya karte hain। purush ko nahin lagta hai। phir aage chal unko bhi chadhaane ki koshish karenge। phir aise bhi bahut aate hain, jinko stri gyaan mein le aati hai। to kehte hain stri hamaara guru hai। woh brahman log hathiyaala baandhane samay kehte hain yeh tumhaara guru eeshvar hai। yahaan baap kehte hain tumhaara ek hi baap sab kuchh hai। mera to ek doosra na koi। sab unko hi yaad karte hain। us ek se hi yog lagaana hai। yeh deh bhi meri nahin। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) koi bhi grahchaari aati hai to dilshikasta ho baith nahin jaana hai। phir se purushaartha kar, baap ki yaad mein rah oonch pad paana hai।

2) svayan ki sthiti yaad se aisi majboot banaani hai jo koi bhi maaya ka toofaan vaar na kar sake। vikaaron se apni sambhaal karte rehna hai।

vardaan:- sarva shaktiyon ki light dvaara aatmaon ko raasta dikhaane vaale chaitanya light house bhav

yadi sada is smriti mein raho ki main aatma vishwa kalyaan ki seva ke liye paramdham se avatrit hui hoon to jo bhi sankalp karenge, bol bolenge usmein vishwa kalyaan samaaya hua hoga। aur yahi smriti light house ka kaarya karegi। jaise us light house se ek rang ki light nikalti hai aise aap chaitanya light house dvaara sarva shaktiyon ki light aatmaon ko har kadam mein raasta dikhaane ka kaarya karti rahegi।

slogan:- sneh aur sahayog ke saath shakti roop bano to raajdhaani mein number aage mil jaayega।

avyakt ishaare - ab sampanna va karmaateet banne ki dhun lagaao

jaise karma mein aana svaabhaavik ho gaya hai vaise karmaateet hona bhi svaabhaavik ho jaae। karma bhi karo aur yaad mein bhi raho। jo sada karmayogi ki stage par rehte hain, woh sahaj hi karmaateet ho sakte hain। jab chaahe karma mein aayen aur jab chaahen nyaare ban jaayen, yeh practice karma ke beech-beech mein karte raho।