रविवार 4 जनवरी 2026 की दैनिक मुरली

04-01-26 praatahmurli om shanti ''avyakt-baapdaada'' revise 30-11-08 madhuban

fullstop lagaakar, sampoorn pavitrata ki dhaarna kar, mansa sakaash dvaara sukh-shanti ki anchali dene ki seva karo

aaj baapdaada chaaron or ke mahaan bachchon ko dekh rahe hain। kya mahaanta ki? jo duniya asambhav kehti hai usko sahaj sambhav kar dikhaaya, woh hai pavitrata ka vrat। aap sabhi ne pavitrata ka vrat dhaaran kiya hai na! baapdaada se parivartan ke dridh sankalp ka vrat liya hai। vrat lena arthaat vritti ka parivartan karna। kya vritti parivartan ki? sankalp kiya ham sab bhaai-bhaai hain, is vritti parivartan ke liye bhakti mein bhi kitni baaton mein vrat lete hain lekin aap sabne baap se dridh sankalp kiya kyonki brahman jeevan ka foundation hai pavitrata aur pavitrata dvaara hi parmaatma pyaar aur sarva parmaatma praaptiyaan ho rahi hain। mahaatma jisko kathin samajhte hain, asambhav samajhte hain aur aap pavitrata ko svadharma samajhte ho। baapdaada dekh rahe hain kai achhe achhe bachche hain jinhonne sankalp kiya aur dridh sankalp dvaara practical mein parivartan dikha rahe hain। aise chaaron or ke mahaan bachchon ko baapdaada bahut-bahut dil se duaayen de rahe hain।

aap sabhi bhi man-vachan-karma, vritti drishti dvaara pavitrata ka anubhav kar rahe ho na! pavitrata ki vritti arthaat har ek aatma prati shubh bhaavna, shubh kaamna। drishti dvaara har ek aatma ko aatmik svarup mein dekhna, svayan ko bhi sahaj sada aatmik sthiti mein anubhav karna। brahman jeevan ka mahatva man-vachan-karma ki pavitrata hai। pavitrata nahin to brahman jeevan ka jo gaayan hai - sada pavitrata ke bal se svayan bhi svayan ko dua dete hain, kya dua dete? pavitrata dvaara sada svayan ko bhi khush anubhav karte aur doosron ko bhi khushi dete। pavitra aatma ko teen vishesh vardaan milte hain - ek svayan svayan ko vardaan deta, jo sahaj baap ka pyaara ban jaata। 2- vardaata baap ka nearest aur dearest bachcha ban jaata isliye baap ki duaayen svatah praapta hoti hain aur sada praapta hoti hain। 3- jo bhi brahman parivaar ke vishesh nimitta bane hue hain, unhon dvaara bhi duaayen milti rehti। teenon ki duaaon se sada udta rehta aur udaata rehta। to aap sabhi bhi apne se poochho, apne ko check karo to pavitrata ka bal aur pavitrata ka phal sada anubhav karte ho? sada roohaani nasha, dil mein phalak rehti hai? kabhi-kabhi koi-koi bachche jab amritvele milan manaate hain, roohrihaan karte hain to maaloom hai kya kehte hain? pavitrata dvaara jo ateendriy sukh ka phal milta hai woh sada nahin rehta। kabhi rehta hai, kabhi nahin rehta kyonki pavitrata ka phal hi ateendriy sukh hai। to apne se poochho main kaun hoon? sada ateendriy sukh ki anubhooti mein rehte va kabhi-kabhi? apne ko kahlaate kya ho? sabhi apna naam likhte to kya likhte ho? bi.ke. phalaana…, bi.ke. phalaani aur apne ko master sarvashaktivaan kehte ho। sab master sarvashaktivaan hain na! jo samajhte hain ham master sarvashaktivaan hain, sada, kabhi-kabhi nahin, woh haath uthaao। sada? dekhna, sochna, sada hain? double foreigners nahin haath utha rahe hain, thode utha rahe hain। teachers uthaao, hain sada? aise hi nahin uthaao, jo sada hain, woh sada vaale uthaao। bahut thode hain। paandav uthaao, peechhe vaale, bahut thode hain। saari sabha nahin haath uthaati। achha master sarvashaktivaan hain to us samay shaktiyaan kahaan chali jaati? master hain, iska arth hi hai, master to baap se bhi ooncha hota hai। to check karo - avashya purity ke foundation mein kuchh kamjor ho। kya kamjori hai? man mein arthaat sankalp mein kamjori hai, bol mein kamjori hai ya karma mein kamjori hai, ya svapna mein bhi kamjori hai kyonki pavitra aatma ka man-vachan-karma, sambandh-samparka, svapna svatah shaktishaali hota hai। jab vrat le liya, vritti ko badalne ka, to kabhi kabhi kyon? samay ko dekh rahe ho, samay ki pukaar, bhakton ki pukaar, aatmaon ki pukaar sun rahe ho aur achaanak ka paath to sabko pakka hai। to foundation ki kamjori arthaat pavitrata ki kamjori। agar bol mein bhi shubh bhaavna, shubh kaamna nahin, pavitrata ke vipreet hai to bhi sampoorn pavitrata ka jo sukh hai ateendriy sukh, uska anubhav nahin ho sakta kyonki brahman jeevan ka lakshya hi hai asambhav ko sambhav karna। usmein jitna aur utna shabd nahin aata। jitna chaahiye utna nahin hai। to kal amritvele vishesh har ek apne ko check karna, doosre ko nahin sochna, doosre ko nahin dekhna, lekin apne ko check karna ki kitni percentage mein pavitrata ka vrat nibha rahe hain? chaar baaten check karna - ek vritti, doosra - sambandh-samparka mein shubh bhaavna, shubh kaamna, yeh to hai hi aisa, nahin। lekin us aatma prati bhi shubh bhaavna। jab aap sabne apne ko vishwa parivartak maana hai, hain sabhi? apne ko samajhte hain ki ham vishwa parivartak hain? haath uthaao। ismen to bahut achhe haath uthaaye hain, mubaarak ho। lekin baapdaada aap sabhi se ek prashn poochhte hain? prashn poochhen? jab aap vishwa parivartak ho to vishwa parivartan mein yeh prakriti, 5 tatva bhi aa jaate hain, unhon ko parivartan kar sakte aur apne ko ya saathiyon ko, parivaar ko parivartan nahin kar sakte? vishwa parivartak arthaat aatmaon ko, prakriti ko, sabko parivartan karna। to apna vaayda yaad karo, sabhi ne baap se vaayda kai baar kiya hai lekin baapdaada yahi dekh rahe hain ki samay bahut fast aa raha hai, sabki pukaar bahut badh rahi hai, to pukaar sunne vaale aur parivartan karne vaale upkaari aatmaayen kaun hain? aap hi ho na!

baapdaada ne pahle bhi sunaaya hai, par upkaari va vishwa upkaari banne ke liye teen shabd ko khatma karna padega - jaante to ho। jaanne mein to hoshiyaar ho, baapdaada jaanta hai sabhi hoshiyaar hain। ek pahla shabd hai parchintan, doosra hai pardarshan aur teesra hai parmat, in teenon hi par shabd ko khatma kar, par upkaari banenge। yeh teen shabd hi vighna roop bante hain। yaad hain na! nai baat nahin hai। to kal check karna amritvele, baapdaada bhi chakkar lagaata hai, dekhenge kya kar rahe ho? kyonki abhi aavashyakta hai - samay pramaan, pukaar pramaan har ek duhkhi aatma ko mansa sakaash dvaara sukh shanti ki anchali dene ka। kaaran kya hai? baapdaada kabhi-kabhi bachchon ko achaanak dekhte hain, kya kar rahe hain? kyonki bachchon se pyaar to hai na, aur bachchon ke saath jaana hai, akela nahin jaana hai। saath chalenge na! saath chalenge? yeh aage vaale nahin utha rahe hain? nahin chalenge? chalna hai na! baapdaada bhi bachchon ke kaaran intajaar kar rahe hain, advance party aapki daadiyaan, aapke vishesh paandav, aap sabka bhi intajaar kar rahe hain, unhonne bhi dil mein pakka vaayda kiya hai ki ham sab saath mein chalenge। thode nahin, sabke sab saath chalenge। to kal amritvele apne ko check karna ki kis baat ki kami hai? kya mansa ki, vaani ki va karmana mein aane ki। baapdaada ne ek baari sabhi centres ka chakkar lagaaya। bataayen kya dekha? kami kis baat ki hai? to yahi dikhaai diya ki ek second mein parivartan kar fullstop lagaana, iski kami hai। jab tak fullstop lagaao tab tak pata nahin kya kya ho jaata hai। baapdaada ne sunaaya hai ki ek last time ki last ek ghadi hogi jismen fullstop lagaana padega। lekin dekha kya? lagaana fullstop hai lekin lag jaata hai comma, doosron ki baaten yaad karte, yeh kyon hota, yeh kya hota, ismen aashcharya ki maatra lag jaati। to fullstop nahin lagta lekin comma, aashcharya ki nishaani aur kyoon, question ki queue lag jaati hai। to isko check karna। agar fullstop lagaane ki aadat nahin hogi to ant mate so gati shreshtha nahin hogi। oonchi nahin hogi isliye baapdaada homework de rahe hain ki khaas kal amritvele check karna aur change karna padega। to abhi 18 January tak second mein fullstop lagaane ka baar-baar abhyaas karo। January maas mein sabhi ko baap samaan banne ka umang aata hai na, to 18 January mein sabhi ko apni chitki likh karke box mein daalna hai ki 18 taareekh tak kya result rahi? fullstop laga va aur maatraayen lag gai? pasanda hai? pasanda hai? kaandh hilaao kyonki baapdaada ka bachchon se bahut pyaar hai, akela nahin jaane chaahta, to kya karenge? abhi fast teevra purushaartha karo। abhi dheela-dhaala purushaartha saphalta nahin dila sakega।

purity ko personality, reality, royalty kaha jaata hai। to apni royalty ko yaad karo। anaadi roop mein bhi aap aatmaayen baap ke saath apne desh mein vishesh aatmaayen ho। jaise aakaash mein vishesh sitaare chamakte hain aise aap anaadi roop mein vishesh sitaara chamakte ho। to apne anaadi kaal ki royalty yaad karo। phir satayug mein jab aate hain to devta roop ki royalty yaad karo। sabhi ke sir par royalty ki light ka taaj hai। anaadi, aadi kitni royalty hai। phir dvaapar mein aao to bhi aapke chitron jaisi royalty aur kiski nahin hai। netaaon ke, abhinetaaon ke, dharma aatmaon ke chitra bante hain lekin aapke chitron ki pooja aur aapke chitron ki visheshta kitni royal hai। chitra ko dekhkar hi sab khush ho jaate hain। chitron dvaara bhi kitni duaayen lete hain। to yeh sab royalty pavitrata ki hai। pavitrata brahman jeevan ka janma siddha adhikaar hai। pavitrata ki kami samaapta hona chaahiye। aise nahin ho jaayega, us samay vairaagya aa jaayega to ho jaayega, baaten bahut achhi-achhi sunaate hain। baba aap phikra nahin karo ho jaayega। lekin baapdaada ko is January maas tak special pavitrata mein har ek ko sampanna karna hai। pavitrata sirf brahmacharya nahin, vyartha sankalp bhi apvitrata hai। vyartha bol, vyartha bol rob ke, jisko kehte hain krodh ka ansh rob, woh bhi samaapta ho jaae। sanskaar aise banaao jo door se hi aapko dekh pavitrata ke vibration len kyonki aap jaisi pavitrata, jo result mein aatma bhi pavitra, shareer bhi pavitra, double pavitrata praapta hai।

jab bhi koi bhi bachcha pahle aata hai to baap ka vardaan kaun sa milta hai? yaad hai? pavitra bhav, yogi bhav। to donon baaten - ek pavitrata aur doosra fullstop, yogi। pasanda hai? baapdaada amritvele chakra lagaayenge, centre ke bhi chakra lagaayenge। baap-daada to ek second mein chaaron or ka chakra laga sakta। to is January, avyakti maas ka koi naya plan banaao। mansa seva, mansa sthiti aur avyakt karma aur bol isko badhaao। to 18 January ko baapdaada sabhi ki result dekhenge। pyaar hai na, 18 January ko amritvele se pyaar ki hi baaten karte ho। sabhi ulhana dete hain, baba avyakt kyon hua? to baap bhi ulhana deta hai ki saakaar mein hote baap samaan kab tak banenge?

to aaj thoda sa vishesh attention khinchava rahe hain। pyaar bhi kar rahe hain, sirf attention nahin khinchava rahe hain, pyaar bhi hai kyonki baap yahi chaahte hain ki mera ek bachcha bhi rah nahin jaae। har karma ki shreemat check karna, amritvele se leke raat tak jo bhi har karma ki shreemat mili hai woh check karna। majboot hai na! saath chalna hai na! chalna hai to haath uthaao। chalna hai? achha, teachers? peechhe vaale, kursi vaale, paandav haath uthaao। to samaan banenge tab to haath mein haath dekar chalenge na! karna hi hai, banna hi hai, yeh dridh sankalp karo। 15-20 din yeh dridhta rehti hai phir dheere-dheere thoda albelaapan aa jaata hai। to albelepan ko khatma karo। jyaada mein jyaada dekha hai ek maas full umang rehta hai, dridhta rehti hai phir ek maas ke baad thoda-thoda albelaapan shuru ho jaata hai। to abhi yeh varsha samaapta hoga, to kya samaapta karenge? varsha samaapta karenge ki varsha ke saath jo bhi jis sankalp mein bhi dhaarna mein bhi kamjori hai, usko samaapta karenge? karenge na! haath nahin uthaate hain? to automatic dil mein yeh record bajna chaahiye, ab ghar chalna hai। sirf chalna nahin hai lekin raajya mein bhi aana hai। achha, jo pahli baari aaye hain, baapdaada se milne, woh haath uthaao, khade ho jaao।

to pahli baari aane vaalon ko vishesh mubaarak de rahe hain। let aaye ho, toolate mein nahin aaye ho। lekin teevra purushaartha ka vardaan sada yaad rakhna, teevra purushaartha karna hi hai। karenge, ge ge nahin karna, karna hi hai। last so fast aur first aana hai। achha।

chaaron or ke mahaan pavitra aatmaon ko baapdaada ka vishesh dil ki duaayen, dil ka pyaar aur dil mein samaane ki mubaarak ho। baapdaada jaante hain ki jab bhi padhraamni hoti hai to email ya patra bhinna-bhinna saadhnon se chaaron or ke bachche yaadapyaar bhejte hain aur baapdaada ko sunaane ke pahle koi deve, uske pahle hi sabke yaadapyaar pahunch jaate hain kyonki aise jo sikeeldhe yaad karne vaale bachche hain unka connection bahut fast pahunchta hai, aap log teen chaar din ke baad sammukh milte ho lekin unhon ka yaadapyaar jo sachche paatra aatmaayen hain unka usi ghadi baapdaada ke paas yaadapyaar pahunch jaata hai। to jinhonne bhi dil mein bhi yaad kiya, saadhan nahin mila, unhon ka bhi yaadapyaar pahuncha hai, aur baapdaada har ek bachche ko padam padam padam guna yaadapyaar ka respond de rahe hain।

baaki chaaron or abhi do shabd ki laat-taat lagaao - ek fullstop aur doosra sampoorn pavitrata saare brahman parivaar mein phailaani hai। jo kamjor hain unko bhi sahayog deke banaao। yeh bada punya hai। chhod nahin do, yeh to hai hi aisa, yeh to badalna hi nahin hai, yeh shraap nahin de do, punya ka kaam karo। badalke dikhaayenge, badalna hi hai। unki ummeeden badhaao, gire hue ko giraao nahin, sahaara do, shakti do। to chaaron or khushanseeb khushmijaaj, khushi baantane vaale bachchon ko bahut-bahut yaadapyaar aur namaste।

vardaan:- checking karne ki visheshta ko apna niji sanskaar banaane vaale mahaan aatma bhav

jo bhi sankalp karo, bol bolo, karma karo, sambandh va samparka mein aao sirf yeh checking karo ki yeh baap samaan hai! pahle milaao phir practical mein laao। jaise sthool mein bhi kai aatmaon ke sanskaar hote hain, pahle check karenge phir sveekaar karenge। aise aap mahaan pavitra aatmaayen ho, to checking ki machinery tej karo। ise apna niji sanskaar bana do - yahi sabse badi mahaanta hai।

slogan:- sampoorn pavitra aur yogi banna hi sneh ka return dena hai।

avyakt ishaare - is avyakti maas mein bandhanmukta rah jeevanmukta sthiti ka anubhav karo

abhi jo bhi paristhitiyaan aa rahi hain ya aane vaali hain, prakriti ke paanchon hi tatva achhi tarah se hilaane ki koshish karenge parantu jeevanmukta videhi avastha ki abhyaasi aatma achal-adol paas with honour hokar sab baaten sahaj paas kar legi isliye nirantar karmayogi, nirantar sahaj yogi, nirantar mukta aatma ke sanskaar abhi se anubhav mein laane hain।