शनिवार 24 जनवरी 2026 की दैनिक मुरली

24-01-2026 praatahmurli om shanti "baapdaada"' madhuban

“meethe bachche - baap tumhein jo padhaai padhaate hain woh buddhi mein rakh sabko padhaani hai, har ek ko baap ka aur srishti chakra ka parichay dena hai''

prashn:- aatma satayug mein bhi part bajaati aur kaliyug mein bhi lekin antar kya hai?

uttar:- satayug mein jab part bajaati hai to usmein koi paap karma nahin hota hai, har karma vahaan akarma ho jaata hai kyonki raavan nahin hai। phir kaliyug mein jab part bajaati hai to har karma vikarma va paap ban jaata hai kyonki yahaan vikaar hain। abhi tum ho sangam par। tumhein saara gyaan hai।

om shanti। ab yeh to bachche jaante hain ki ham baba ke saamne baithe hain। baba bhi jaante hain - bachche hamaare saamne baithe hain। yeh bhi tum jaante ho - baap hamko shiksha dete hain, jo phir auron ko deni hai। pahle-pahle to baap ka hi parichay dena hai kyonki sab baap ko aur baap ki shiksha ko bhoole hue hain। abhi jo baap padhaate hain, yeh padhaai phir 5 hazaar varsha baad milegi। yeh gyaan aur koi ko hai nahin। mukhya hua baap ka parichay। phir yeh bhi samjhaana hai ham sab bhaai-bhaai hain। saari duniya ki jo sab aatmaayen hain, sab aapas mein bhaai-bhaai hain। sab apna mila hua part is shareer dvaara bajaate hain। ab to baap aaye hain nai duniya mein le jaane ke liye, jisko svarga kaha jaata hai। parantu ham sab bhaai patit hain, ek bhi paavan nahin। sabhi patiton ko paavan banaane vaala hai hi ek baap। yeh hai hi patit, vikaari, bhrashtaachaari raavan ki duniya। raavan ka arth hi hai 5 vikaar stri mein, 5 vikaar purush mein। baba bahut simple reeti samjhaate hain। tum bhi aise samjha sakte ho। to pahle-pahle yeh samjhaao ham aatmaon ka woh baap hai। ham sab brothers hain। poochho yeh theek hai? likho - ham sab bhaai-bhaai hain। hamaara baap bhi ek hai, ham sab souls ka woh hai supreme soul, unko father kaha jaata hai। yeh pakka-pakka buddhi mein bithaao to sarvavyaapi aadi pahle nikal jaae। alpha pahle padhna hai। bolo, yeh achhi reeti baith likho। aage sarvavyaapi kehta tha, ab samajhta hoon ki sarvavyaapi nahin hai। ham sab bhaai-bhaai hain, sab aatmaayen kehti hain - god father, parampita। pahle to yeh nishchay bithaana hai ki ham aatma hain, paramatma nahin hain। na hamaare mein paramatma vyaapak hai। sabmen aatma vyaapak hai। aatma shareer ke aadhaar se part bajaati hai, yeh pakka karaao। achha, phir woh baap srishti ke aadi-madhya-ant ka gyaan bhi sunaate hain, aur to koi bhi jaante nahin ki is srishti chakra ki ej kitni hai। baap hi teacher ke roop mein baith samjhaate hain। laakhon varsha ki to baat hi nahin। yeh chakra anaadi, accurate bana-banaaya hai, isko jaanna pade। satayug-treta past hue, note karo। usko kaha jaata hai svarga aur semi svarga। jahaan devi-devtaaon ka raajya chalta hai, woh 16 kala, woh 14 kala। dheere-dheere kalaayen kam hoti jaati hain। duniya puraani to zaroor hogi na। satayug ka prabhaav bahut bhaari hai। naam hi hai svarga, heaven, nai duniya… uski hi mahima karni hai। nai duniya mein hai hi ek aadi sanaatan devi-devta dharma। pahle baap ka parichay phir chakra ka parichay diya jaata hai। chitra bhi tumhaare paas hain - nishchay karaane ke liye। yeh srishti ka chakra phirta rehta hai। satayug mein lakshmi-naaraayan ka raajya tha, treta mein raam-seeta ka। yeh hua aadhaakalpa, do yug past hue phir aata hai dvaapar-kaliyug। dvaapar mein raavan raajya। devta vaam maarga mein chale jaate hain to vikaar ki system ban jaati hai। satayug-treta mein sab nirvikaari rehte hain। ek aadi sanaatan devi-devta dharma rehta hai। chitra bhi dikhaana hai, orally bhi samjhaana hai। baap hamko teacher ban aise padhaate hain। baap apna parichay khud hi aakar dete hain। khud kehte hain main aata hoon patiton ko paavan banaane to mujhe shareer zaroor chaahiye। nahin to baat kaise karoon। main chaitanya hoon, sat hoon aur amar hoon। aatma sato, rajo, tamo mein aati hai। aatma hi paavan aur patit banti hai isliye kaha jaata hai patit aatma, paavan aatma। aatma mein hi sab sanskaar hain। past ke karma va vikarma ka sanskaar aatma le aati hai। satayug mein vikarma hota hi nahin। karma karte hain, part bajaate hain parantu woh karma akarma ho jaata hai। geeta mein bhi akshar hain, abhi tum practical mein samajh rahe ho। jaante ho baba aaya hua hai puraani duniya ko badalne, nai duniya banaane। jahaan karma akarma ho jaate hain usko hi satayug kaha jaata hai aur phir jahaan sab karma, vikarma hote hain usko kaliyug kaha jaata hai। tum abhi ho sangam par। baba donon taraph ki baat samjhaate hain। satayug-treta to hai pavitra duniya, vahaan koi paap hota nahin। jab raavan raajya shuru hota hai tab hi paap hote hain। vahaan vikaar ka naam nahin hota। chitra to saamne hain raam raajya aur raavan raajya। baap samjhaate hain yeh padhaai hai। baap ke sivaae aur koi nahin jaanta। yeh padhaai to tumhaari buddhi mein rahni chaahiye, baap bhi yaad aata hai, chakra bhi buddhi mein aa jaata hai। second mein sab yaad aa jaata hai। varnan karne mein deri lagti hai। inke 3 fountain hain। jhaad aisa hota hai, beej aur jhaad second mein yaad aa jaayenge। yeh beej phalaane jhaad ka hai, aise inse phal nikalta hai। yeh behad ka manushya srishti roopi jhaad kaise hai, inka raaz tum samjhaate ho। bachchon ko saara samjhaaya hai - aadha-kalpa dynasty kaise chalti hai phir raavan raajya hota hai to jo satayug-tretaavaasi hain, vahi dvaaparvaasi bante hain। jhaad vriddhi ko paata rehta hai। aadhaakalpa ke baad raavan raajya hota hai, vikaari ban jaate hain। baap se jo varsa mila woh aadhaakalpa chala। knowledge sunaakar varsa diya, woh praalabdha bhogi arthaat satayug-treta mein sukh paaya। usko sukhdhaam, satayug kaha jaata hai। vahaan duhkh hota hi nahin। kitna simple samjhaate hain। ek ko samjhaate ho ya bahuton ko samjhaate ho - to aise attention dena hai, samajhta hai, haan-haan karta hai? bolo note karte jaao। koi shanka ho to poochhna। jo baat koi nahin jaanta woh ham samjhaate hain। tum kuchh bhi jaante nahin ho, poochhenge phir kya?

baba to is behad jhaad ka raaz samjhaate hain। yeh knowledge abhi tum samajhte ho। baap ne samjhaaya hai tum 84 ke chakra mein kaise aate ho। yeh achhi reeti note karo phir is par vichaar karna hai। jaise teacher essay (nibandha) dete hain phir ghar mein jaakar revise kar aate hain na। tum bhi yeh knowledge dete ho phir dekho kya hota hai। poochhte raho। ek-ek baat achhi reeti samjhaao। baap-teacher ka kartavya samjhaakar phir guru ka samjhaao। unko bulaaya hi hai ki aakar ham patiton ko paavan banaao। aatma paavan banti hai to phir shareer bhi paavan milta hai। jaisa sona vaisa jevar banta hai। 24 carat ka sona uthaayenge, khaad nahin daalenge to jevar bhi aise satopradhaan banenge। alloy daalne se tamopradhaan ban pade hain। pahle-pahle bhaarat 24 carat pakke sone ki chidiya tha arthaat satopradhaan nai duniya thi phir tamopradhaan bani hai। yeh baap hi samjhaate hain, aur koi manushya guru log nahin jaante। bulaate hain aakar paavan banaao। so to guru ka kaam hai। vaanaprastha avastha mein manushya guru karte hain। vaani se pare sthaan to hai incorporeal world, jahaan aatmaayen rehti hain। yeh hai corporeal world। donon ka yeh mel hai। vahaan to shareer hai nahin। vahaan koi karma nahin hota hai। baap mein to saari knowledge hai। drama plan anusaar unko kaha hi jaata hai knowledgeful। woh chaitanya sat-chit-aanand svarup hone ke kaaran unko knowledgeful kaha jaata hai। bulaate bhi hain he patit-paavan, knowledgeful shivbaaba, unka naam sadaiv shiv hi hai। baaki aatmaayen sab aati hain part bajaane। to bhinna-bhinna naam dhaaran karti hain। baap ko bulaate hain parantu unko kuchh bhi samajh nahin rehti। zaroor bhaagyashaali rath bhi hoga, jismen baap pravesh kar tumko paavan duniya mein le jaaye। to baap samjhaate hain - meethe-meethe bachchon, main unke tan mein aata hoon jo bahut janmon ke ant mein hai, poora 84 janma lete hain। bhaagyashaali rath par aana padta hai। pahle number mein to hai shreekrishna। woh hai nai duniya ka maalik। phir vahi neeche utarte hain। golden se silver, copper, iron ej mein aakar padte hain। abhi phir tum iron se golden ban rahe ho। baap kehte hain sirf mujh apne baap ko yaad karo। jismen pravesh kiya hai unki aatma mein to zara bhi knowledge nahin thi। inmen main pravesh karta hoon isliye inko bhaagyashaali rath kaha jaata hai। nahin to sabse oonch to yeh lakshmi-naaraayan hain, inmen pravesh karna chaahiye। parantu unmein paramatma pravesh nahin karte isliye unko bhaagyashaali rath nahin kaha jaata hai। rath mein aakar patiton ko paavan banaana hai, to zaroor kaliyugi tamopradhaan hoga na। khud kehte hain main bahut janmon ke ant mein aata hoon। geeta mein bhi akshar accurate hain। geeta ko hi sarva shaastramai shiromni kaha jaata hai। is sangamayug par hi baap aakar brahman kul aur devta kul sthaapan karte hain। bahut janmon ke ant mein arthaat sangamayug par hi baap aate hain। baap kehte hain main beejroop hoon। shreekrishna to hai satayug ka rahvaasi। unko doosri jagah to koi dekh na sake। punarjanma mein to naam, roop, desh, kaal sab badal jaata hai। features hi badal jaate hain। pahle chhota bachcha sundar hota hai phir bada hota hai woh phir shareer chhod doosra chhota leta hai। yeh bana-banaaya khel drama ke andar fix hai। doosra shareer liya to unko shreekrishna nahin kahenge। us doosre shareer par naam aadi phir doosra padega। samay, features, tithi-taareekh aadi sab badal jaata hai। world ki history-geography hoobhu repeat kaha jaata hai। to yeh drama repeat hota rehta hai। sato, rajo, tamo mein aana hi hai। srishti ka naam, yug ka naam sab badalte rehte hain। abhi yeh hai sangamayug। main aata hi hoon sangam par। main tumko saari duniya ki history-geography satya bataata hoon। aadi se lekar ant tak aur koi bhi jaanta hi nahin। satayug ki aayu kitni thi, yeh pata na hone kaaran laakhon varsha kah dete hain। abhi tumhaari buddhi mein sab baaten hain। tumhein andar mein yeh pakka karna hai ki baap, baap-teacher-satguru hai, jo phir se satopradhaan banne ke liye bahut achhi yukti bataate hain। geeta mein bhi hai deh sahit deh ke sab dharma chhod apne ko aatma samjho। vaapis apne ghar zaroor jaana hai। bhakti maarga mein kitni mehnat karte hain, bhagwan paas jaane ke liye। woh hai muktidhaam, karma se mukta। ham incorporeal duniya mein jaakar baithte hain। paartadhaari ghar gaya to part se mukta hua। sab chaahte hain ham mukti paayen। moksha to kisko mil na sake। yeh drama anaadi-avinaashi hai। koi kahe yeh part aane-jaane ka hamko pasanda nahin, parantu ismen kuchh kar na saken। yeh anaadi drama bana hua hai। ek bhi moksha pa nahin sakte। woh sab hai anek prakaar ki manushya mat। yeh hai shreemat, shreshtha banaane ke liye। manushya ko shreshtha nahin kahenge। devtaaon ko shreshtha kaha jaata hai। unhon ke aage sab naman karte hain। to woh shreshtha thahre na। shreekrishna devta hai vaikuntha ka prince। woh yahaan kaise aayega। na usne geeta sunaai। shiv ke aage jaakar kehte hain hamko mukti do। woh to kabhi jeevanmukta, jeevanbandha mein aate hi nahin isliye unko pukaarte hain mukti do। jeevanmukti bhi woh dete hain। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) ham sab aatma roop mein bhaai-bhaai hain, yeh paath pakka karna aur karaana hai। apne sanskaaron ko yaad se sampoorn paavan banaana hai।

2) 24 carat sachcha sona (satopradhaan) banne ke liye karma-akarma-vikarma ki guhya gati ko buddhi mein rakh ab koi bhi vikarma nahin karna hai।

vardaan:- ghabraane ki dance chhod sada khushi ki dance karne vaale master knowledgeful bhav

jo bachche master knowledgeful hain woh kabhi ghabraane ki dance nahin kar sakte। second mein seedhi neeche, second mein oopar ab yeh sanskaar change karo to bahut fast jaayenge। sirf mili hui authority ko, knowledge ko, parivaar ke sahayog ko use karo, baap ke haath mein haath dekar chalte raho to khushi ki dance karte rahenge, ghabraane ki dance ho nahin sakti। lekin jab maaya ka haath pakad lete ho to woh dance hoti hai।

slogan:- jinka sankalp aur karma mahaan hai vahi master sarvashaktimaan hai।

avyakt ishaare - is avyakti maas mein bandhanmukta rah jeevanmukta sthiti ka anubhav karo

master trikaaldarshi bankar har karma, har sankalp karo va vachan bolo, to koi bhi karma vyartha va anartha vaala nahin ho sakta। trikaaldarshi arthaat saaksheepan ki sthiti mein sthit hokar in karmendriyon dvaara karma karenge to karma ke vasheebhoot nahin honge। sada karma aur karma ke bandhan se mukta ban apni oonchi stage ko praapta kar lenge।