रविवार 25 जनवरी 2026 की दैनिक मुरली

25-01-26 praatahmurli om shanti ''avyakt-baapdaada'' revise 02-04-08 madhuban

is varsha chaaron hi subject mein anubhav ki authority bano, lakshya aur lakshan ko samaan banaao

aaj baapdaada apne chaaron or ke santushta rahne vaale santushta maniyon ko dekh rahe hain। har ek ke chehre par santushtata ki chamak dikhaai de rahi hai। santushta maniyaan svayan ko bhi priy hain, baap ko bhi priy hain aur parivaar ko bhi priy hain kyonki santushtata mahaan shakti hai। santushtata tab dhaaran hoti hai jab sarva praaptiyaan praapta hoti hain। agar praaptiyaan kam to santushtata bhi kam hoti hai। santushtata aur shaktiyon ko bhi aahvaan karti hai। santushtata ka vaayumandal auron ko bhi yatha shakti santushtata ka vibration deta hai। jo santushta rehta hai uski nishaani sada prasannachit dikhaai deta hai। sada chehra harshitmukh svatah hi rehta hai। santushta aatma ke saamne koi bhi paristhiti sva sthiti ko hila nahin sakti। kitni bhi badi paristhiti ho lekin santushta aatma ke liye cartoon show ka manoranjan dikhaai deta hai, iseelie woh paristhiti mein pareshaan nahin hota aur paristhiti uske oopar vaar nahin kar sakti, haar jaati hai isliye ateendriy sukhmay manoranjan ki jeevan anubhav karta hai। mehnat nahin karni padti, manoranjan anubhav hota hai। to har ek apne ko check kare। check karna to aata hai na! aata hai? jise apne ko check karna aata hai, doosre ko nahin apne ko check karna aata hai, woh haath uthaao। check karna aata hai? achha। mubaarak ho।

baapdaada ka vardaan bhi har bachche ko roz amritvele bhinna-bhinna roopon se yahi milta hai, khush raho aabaad raho। roz ka vardaan milta sabhi ko hai, baapdaada sabhi ko ek hi jaisa ek hi saath vardaan deta hai। lekin farka kya ho jaata hai? nambarvaar kyon ban jaate? daata ek hai, aur dete bhi ek jaisa hai, kisko thoda kisko bahut nahin dete hain, phraakdili se dete hain lekin farka kya pad jaata hai, iska anubhav bhi sabhi ko hai kyonki abhi tak baapdaada ke paas yeh aavaaj pahunchta hai। kaun sa aavaaj, jaante ho na? “kabhi-kabhi'' “thoda-thoda'', yeh aavaaj abhi tak bhi aata hai। baapdaada ne kaha hai ki brahman aatmaon ke jeevan roopi dictionary se yeh donon shabd nikal jaane chaahiye। avinaashi baap hai, avinaashi khajaane hain, aap sab bhi avinaashi shreshtha aatmaayen ho। to kaun sa shabd hona chaahiye? kabhi-kabhi ki sada? har khajaane ke aage check karo - sarva shaktiyaan sada hain? sarva gun sada hain? aap sabke bhakta jab aapke gun gaate to kya kehte hain? kabhi-kabhi gundaata, aise kehte hain? baapdaada ne har vardaan mein sada shabd kaha hai। sada sarvashaktivaan, kabhi shaktivaan, kabhi sarvashaktivaan nahin kaha hai। har samay do shabd aap bhi kehte ho, baap bhi kehte hain, samaan bano। yeh nahin kehte thoda-thoda samaan bano। sampanna aur sampoorn, to bachche kabhi-kabhi kya karte hain? baapdaada bhi khel to dekhte hain na! bachchon ka khel to dekhte hi rehte hain। bachche kya karte, koi-koi, sab nahin। jo vardaan mila us vardaan ko sochkar, varnan kar kaapi mein note karte, yaad bhi karte lekin vardaan roopi beej ko phaleebhoot nahin karte। beej se phal nahin nikaal sakte। sirf varnan karte khush hote bahut achha vardaan hai। vardaan hai beej lekin beej ko jitna phaleebhoot karte hain utna hi woh vriddhi ko paata hai। phaleebhoot karne ka rahasya kya hai? samay par kaarya mein lagaana। kaarya mein lagaana bhool jaate, sirf kaapi mein dekh, varnan karte bahut achha, bahut achha। baba ne vardaan bahut achha diya hai। lekin kislie diya hai? usko phaleebhoot karne ke liye diya hai। beej se phal ka vistaar hota hai। vardaan ko simran karte hain, lekin vardaan svarup banne mein nambarvaar ban jaate hain। aur baapdaada har ek ke bhaagya ko dekh harshit hote rehte hain lekin baapdaada ki dil ki aash pahle bhi sunaaya hai। sabhi ne haath uthaaya tha, yaad hai ki ham kaaran ko samaapta kar samaadhaan svarup banenge। yaad hai homework? kai bachchon ne rooh-rihaan mein ya patron dvaara, email dvaara result likhi bhi hai। achha hai, attention gaya hai lekin jo baapdaada ko shabd achha lagta hai - sada। woh hai? aap sabhi jo bhi aaye hain, chaahe suna hai, chaahe padha hai lekin ek maas ke hom work mein, ek maas hua hai bas, jyaada nahin hua hai to ek maas mein lakshya to rakha hai। ek do mein varnan bhi kiya hai lekin jo ek maas mein hom-work mein achhi marks lene vaale bane hain woh haath uthaao। jo paas hue hain, paas hue hain। paas with honour? paas with honour, utho। paas with honour ka darshan karna chaahiye na। maataayen nahin hain। bahinon mein, teachers ne haath nahin uthaaya? koi nahin। madhuban vaale। yeh to bahut kam result hai। (bahut thode uthe hain) achha centre mein bhi honge। mubaarak ho, taali to bajaao। baapdaada muskaraata hai ki jab baapdaada poochhte hain ki baapdaada se pyaar kiska hai aur kitna hai? to kya javaab dete hain? baba, itna hai jo kah nahin sakte। javaab bahut achha dete hain। baapdaada bhi khush ho jaate hain। lekin pyaar ka saboot kya?aajkal ki duniya mein body-conscious ke pyaar vaale to jaan bhi kurbaan kar dete hain। parmaatma pyaar ke peechhe mushkil ka anubhav kyon? baap ne kaha aur bachchon ne kiya। geet to bahut achhe-achhe gaate ho, baba ham sab kuchh nyochhaavar karne vaale parvaane hain, shama par phida hone vaale hain…। to yeh kaaran shabd ko svaaha nahin kar sakte?

abhi to is varsha ka last tarna aa gaya। doosre varsha mein kya hota woh to aap aur baap dekh rahe hain, dekhenge lekin kya yeh ek shabd samay ko dekh, aap log kehte ho na, samay ki pukaar hai। bhakton ki pukaar, samay ki pukaar, duhkhi aatmaon ki pukaar, aapke snehi, sahayogi aatmaon ki pukaar aap hi poorn karenge na! aapka title kya hai? aapka kartavya kya hai? kis kartavya ke liye brahman banen? vishwa parivartak aapka title hai। vishwa parivartan aapka kaarya hai aur saathi kaun hai? baapdaada ke saath-saath is kaarya mein nimitta bane ho। to kya karna hai? abhi bhi haath uthvaayenge, karenge to haath to sabhi utha dete hain। lakshya rakha hai, baapdaada ne dekha, total is varsha ki season mein sabhi ne sankalp kiya lekin saphalta ki chaabi dridhta - karna hi hai, uske bajaae kabhi-kabhi kar rahe hain, chal rahe hain, kar hi lenge। yeh sankalp dridhta ko saadhaaran bana deta hai। dridhta mein kaaran shabd aata hi nahin hai। nivaaran ho jaata hai। kaaran aate bhi hain lekin checking hone ke kaaran, kaaran nivaaran mein badal jaata hai।

baapdaada ne result mein check kiya to kya dekha? gyaani, yogi, dhaarna svarup, sevaadhaari, chaar hi subject mein har ek yathaashakti gyaani bhi hai, yogi bhi hai, dhaarna bhi kar raha hai, seva bhi kar raha hai। lekin chaar hi subject mein anubhav svarup, anubhav ke authority - uski kami dikhaai di। anubhvi svarup, gyaan svarup mein bhi anubhvi svarup arthaat gyaan ko knowledge kaha jaata hai to anubhvi moorta aatma mein knowledge arthaat samajh hai ki kya karna hai, kya nahin karna hai। knowledge ki light aur might, to anubhvi svarup ka arth hi hai gyaani tu aatma ke har karma mein light aur might natural hona chaahiye। gyaani maana gyaan, knowledge ko jaanna, varnan karna, uske saath-saath har karma mein light might ho। anubhvi svarup se har karma natural shreshtha aur saphal hoga। mehnat nahin karni padegi kyonki gyaan ke anubhveemoorta hain। anubhav ki authority sab authority se shreshtha hai। gyaan ko jaanna aur gyaan ke anubhav svarup ke authority mein har karma karna, usmein antar hai। to anubhvi svarup hain? check karo। chaar hi subject mein, aatma hoon lekin anubhvi svarup hoke har karma karte hain? anubhav ki authority ki seat par set hain to shreshtha karma, saphalta svarup karma authority ke saamne natural nature dikhaai dega। sochte hain lekin anubhvi svarup banna, yogayukta raazayukta nature ho jaae, natural ho jaae। dhaarna mein bhi sarva gun svatah hi har karma mein dikhaai den। aise anubhvi svarup mein sada rehna, anubhav ki seat par set hona iski aavashyakta ka attention rakhna, yeh aavashyak hai। anubhav ke authority ki seat bahut mahaan hai। anubhvi ko maaya bhi mita nahin sakti kyonki maaya ki authority se anubhav ki authority padamguna oonchi hai। sochna alag hai, manan karna alag hai, anubhvi svarup bankar chalna, abhi iski aavashyakta hai।

to abhi is varsha mein kya karenge? baapdaada ne dekha ek subject mein majority paas hain। kaun si subject? seva ki subject। chaaron or se baapdaada ke paas seva ke record bahut achhe-achhe aaye hain। aur seva ka umang-utsaah is varsha ke seva samaachaaron ke hisaab se achha dikhaai diya। har ek varga ne, har ek zone ne bhinna-bhinna roop se seva mein saphalta praapta ki hai। iski baapdaada har ek zone, har ek varga ko padam padamguna mubaarak de rahe hain। mubaarak ho। plan bhi achhe-achhe banaaye hain। lekin abhi samay ke pramaan achaanak ki season hai। aapne dekha suna hoga ki is varsha mein kitne brahman achaanak gaye hain। to achaanak ki ghanti abhi tej ho rahi hai। usi anusaar abhi is varsha chaar hi subject mein main anubhvi svarup kahaan tak bana hoon, kyonki chaar hi subject mein achhi marks chaahiye। agar ek bhi subject mein paas marks se kam hongi to paas with honour maala ka manka, baapdaada ke gale ka haar kaise banenge! kisi bhi roop mein haar khaane vaala baap ke gale ka haar nahin ban sakta। aur yahaan haath uthvaate hain to sabhi kya kehte hain? lakshmi-naaraayan banenge। chalo lakshmi-naaraayan va lakshmi-naaraayan ke parivaar mein saathi, woh bhi banna shreshtha pad hai isliye baapdaada sirf ek shabd kehte hain, abhi teevra gati se udti kala mein udte raho aur apne udti kala ke vibration se vaayumandal mein sahayog ka vaayumandal phailaao। kya jab prakriti ke liye aap sabne challenge ki hai, ki prakriti ko bhi parivartan karke hi chhodenge। hai na vaayda? vaayda kiya hai? kiya hai। kaandh hilaao, haath nahin। to kya apne hamjinsa manushyaatmaaon ko duhkh aur ashaanti se parivartan nahin kar sakte? ek to aapne challenge kiya hai aur doosra baapdaada ko bhi vaayda kiya hai, ham sabhi abhi bhi aapke kaarya mein saathi hain, paramdham mein bhi saathi hain aur raajya mein bhi brahma baap ke saathi rahenge। yeh vaayda kiya hai na! to saath chalenge, saath rahenge, aur abhi bhi saath hain। to baap ka ishaara samay prati samay practical dekh rahe ho - achaanak ever ready। kya daadi ke liye socha tha ki ja sakti hai? achaanak ka khel dekha na।

to is varsha ever ready। baap ke dil ki aashaaon ko poorn karne vaale aashaaon ke deepak banna hi hai। baap ki aashaaon ko to jaante hi ho। banna hai ya ban jaayenge, dekh lenge...! jo samajhte hain banna hi hai, woh haath uthaao। dekho camera mein aa raha hai। baapdaada ko khush to bahut achha karte ho। baapdaada bhi bachchon ke bina akela ja nahin sakta। dekho, brahma baba bhi aap bachchon ke liye mukti ka get kholne ke liye intajaar kar rahe hain। advance party bhi intajaar kar rahi hai। aap intajaam karne vaale hain। aap intajaar karne vaale nahin, intajaam karne vaale hain। to is varsha lakshya rakho lekin lakshya aur lakshan ko samaan rakhna। aise nahin ho lakshya bahut ooncha aur lakshan mein kamjori, nahin। lakshya aur lakshan samaan ho। jo aapke dil ki aash hai samaan banne ki, woh tab poorn hogi jab lakshya aur lakshan samaan honge। abhi thoda-thoda antar pad jaata hai, lakshya aur lakshan mein। plan bahut achhe banaate ho, aapas mein roohrihaan bhi bahut achhi-achhi karte ho। ek do ko attention bhi dilaate ho। abhi dridhta hamaara janma siddha adhikaar hai, is sankalp ko anubhav ke svarup mein laao। check karo - jo kehte hain uska anubhav bhi karte hain? pahla shabd main aatma hoon, isi ko hi check karo। is aatma svarup ke anubhav ki authority hoon? kyonki anubhav ki authority number one hai। achha। kisi bhi paristhiti mein sva-sthiti par sthit rah sakte ho?

man ki ekaagrata (drill) achha। teen bindiyon ka smriti svarup ban sakte ho na! bas fullstop। achha।

abhi ek second mein apne shreshtha svamaan baapdaada ke diltakhta nasheen hain, is roohaani svamaan ke nashe mein sthit ho jaao। takhtansheen aatma hoon, is anubhav mein lavleen ho jaao। achha।

chaaron or ke ati lovely sada baap ke lav mein leen rahne vaale, sada svamaandhaari, svaraajyadhaari vishesh aatmaon ko, chaaron or ke umang-utsaah ke pankhon se udne vaale aur apne man ke vibration se vaayumandal ko shant shreshtha banaane vaale sabhi ko baap ka sandesh de duhkh se chhudaae mukti ka varsa dilaane vaale, sada dridhta dvaara saphalta praapta karne vaale aise chaaron or ke dil ke sameep rahne vaale aur sammukh aane vaale sabhi bachchon ko dil ka dulaar aur dil ki duaayen, yaadapyaar aur namaste।

vardaan:- dharma aur karma donon ka theek balance rakhne vaale divya va shreshtha buddhivaan bhav

karma karte samay dharma arthaat dhaarna bhi sampoorn ho to dharma aur karma donon ka balance theek hone se prabhaav badhega। aise nahin jab karma samaapta ho tab dhaarna smriti mein aaye। buddhi mein donon baaton ka balance theek ho tab kahenge shreshtha va divya buddhivaan। nahin to saadhaaran buddhi, karma bhi saadhaaran, dhaarnaayen bhi saadhaaran hoti hain। to saadhaaranta mein samaanta nahin laani hai lekin shreshthata mein samaanta ho। jaise karma shreshtha vaise dhaarna bhi shreshtha ho।

slogan:- apne man-buddhi ko anubhav ki seat par set kar do to kabhi upset nahin honge।

avyakt ishaare - is avyakti maas mein bandhanmukta rah jeevanmukta sthiti ka anubhav karo

gyaan-svarup master knowledgeful, master sarvashaktimaan hone ke baad agar koi aisa karma jo yuktiyukta nahin hai, woh kar lete ho to is karma ka bandhan agyaan kaal ke karmabandhan se padamguna jyaada hai। is kaaran bandhanayukta aatma svatantra na hone kaaran jo chaahe woh nahin kar paati isliye yuktiyukta karma dvaara mukti ko praapta karo।