मंगलवार 27 जनवरी 2026 की दैनिक मुरली

27-01-2026 praatahmurli om shanti "baapdaada"' madhuban

“meethe bachche - kadam-kadam shreemat par chalo, nahin to maaya devaala nikaal degi, yeh aankhe bahut dhokha deti hain, inki bahut-bahut sambhaal karo''

prashn:- kin bachchon se maaya bahut vikarma karaati hai? yagya mein vighna roop kaun hain?

uttar:- jinhen apna anhakaar rehta hai unse maaya bahut vikarma karaati hai। aise mithya anhakaar vaale murli bhi nahin padhte। aisi gaphlat karne se maaya thappad lagaae worth not penny bana deti hai। yagya mein vighna roop vo hain jinki buddhi mein jharmui jhagmui (parchintan) ki baaten rehti hain, yeh bahut kharaab aadat hai।

om shanti। roohaani bachchon ko baap ne samjhaaya hua hai, yahaan tum bachchon ko is khyaal se zaroor baithna hota hai - yeh baap bhi hai, teacher bhi hai, supreme guru bhi hai aur yeh bhi mahsoos karte ho ki baap ko yaad karte-karte pavitra ban jaakar pavitra-dhaam mein pahunchenge। baap ne samjhaaya hai - pavitradhaam se hi tum neeche utre ho। pahle tum satopradhaan the phir sato-rajo-tamo mein aaye। abhi tum samajhte ho ham neeche gire hue hain। bhal tum sangamayug par ho parantu gyaan se tum yeh jaante ho - hamne kinaara kar liya hai। phir agar ham shivbaaba ki yaad mein rehte hain to shivaalay door nahin। shivbaaba ko yaad hi nahin karte to shivaalay bahut door hai। sazaayen khaani padti hain na to bahut door ho jaata hai। to baap bachchon ko koi jaasti takleeph nahin dete hain। ek to baar-baar kehte hain - mansa-vaacha-karmana pavitra banna hai। yeh aankhen bhi bada dhokha deti hain। bahut sambhaal kar chalna hota hai।

baba ne samjhaaya hai - dhyaan aur yog bilkul alag hai। yog arthaat yaad। aankhen khuli hote yaad kar sakte ho। dhyaan ko yog nahin kaha jaata। dhyaan mein jaate hain to unko na gyaan, na yog kaha jaata। dhyaan mein jaane vaalon par maaya bhi bahut vaar karti hai, isliye ismen bahut khabardaar rehna hota hai। baap ki kaayde anusaar yaad chaahiye। kaayde ke virooddha koi kaam kiya to ekdam maaya gira degi। dhyaan ki to kabhi ichchha bhi nahin rakhni hai, ichchha maatram avidya। tumhein koi bhi ichchha nahin rakhni hai। baap tumhaari sab kaamnaayen bigar maange poori kar dete hain, agar baap ki aagya par chalte ho to। agar baap ki aagya ka ullanghan kar ulta raasta liya to ho sakta hai svarga mein jaane ke badle narka mein gir jaayen। gaayan bhi hai gaj ko graah ne khaaya। bahuton ko gyaan dene vaale, bhog lagaane vaale aaj hain nahin kyonki kaayde ka ullanghan karte hain to poore maayaavi ban jaate hain। deity bante-bante devil ban jaate hain isliye is maarga mein khabardaari bahut chaahiye। apne oopar control rakhna hota hai। baap to bachchon ko saavdhaan karte hain। shreemat ka ullanghan nahin karna hai। aasuri mat par chalne se hi tumhaari utarti kala hui hai। kahaan se ekdam kahaan pahunch gaye hain। ekdam neeche pahunch gaye hain। ab bhi shreemat par na chale, beparvaah bane to pad bhrashta ban jaayenge। baba ne kal bhi samjhaaya jo kuchh shreemat ke aadhaar bigar karte hain to bahut disservice karte hain। bigar shreemat karenge to girte hi jaayenge। baba ne shuru se maataaon ko nimitta rakha hai kyonki kalash bhi maataaon ko milta hai। vande maatram gaaya hua hai। baba ne bhi maataaon ki ek committee banaai। unhon ke havaale sab kuchh kar diya। bachchiyaan trustworthy (vishvaaspaatra) hoti hain। purush aksar karke devaala maarte hain। to baap bhi kalash maataaon par rakhte hain। is gyaan maarga mein maataayen bhi devaala maar sakti hain। padmaapadma bhaagyashaali jo banne vaale hain, woh bhi maaya se haar khaae devaala maar sakte hain। ismen stri-purush donon devaala maar sakte hain। usmein sirf purush devaala maarte hain। yahaan to dekho kitne haar khaakar chale gaye, goya devaala maar diya na। baap baith samjhaate hain - bhaaratvaasiyon ne poora devaala maara hai। maaya kitni jabardasta hai। samajh nahin sakte hain ham kya the? kahaan se ekdam neeche aakar gire hain! yahaan bhi oonch chadhte-chadhte phir shreemat ko bhool apni mat par chalte hain to devaala maar dete। phir bataao unka kya haal hoga। woh to devaala maarte hain phir 5-7 varsha baad khade ho jaate hain। yeh to 84 janmon ke liye devaala maar dete hain। phir oonch pad pa na saken, devaala maarte hi rehte hain। kitne mahaarthi bahuton ko uthaate the, aaj hain nahin। devaale mein hain। yahaan oonch pad to bahut hai, parantu phir khabardaar nahin rahenge to oopar se ekdam neeche gir padenge। maaya hap kar leti hai। bachchon ko bahut khabardaar hona hai। apni mat par committee aadi banaana, usmein kuchh rakha nahin hai। baap se buddhiyog rakho - jisse hi satopradhaan banna hai। baap ka bankar aur phir baap se yog nahin lagaate, shreemat ka ullanghan karte hain to ekdam gir padte hain। connection hi toot padta hai। link toot padta hai। link toot jaae to check karna chaahiye ki maaya hamko itna kyon tang karti hai। koshish kar baap ke saath link jodni chaahiye। nahin to battery charge kaise hogi। vikarma karne se battery discharge ho jaati hai। oonch chadhte-chadhte gir padte hain। jaante ho aise kai hain। shuru mein kitne dher aakar baba ke bane। bhatthi mein aaye phir aaj kahaan hain? gir pade kyonki puraani duniya yaad aai। abhi baap kehte hain ham tumko behad ka vairaagya dila raha hoon। is puraani patit duniya se dil nahin lagaani hai। dil lagaao svarga se, mehnat hai। agar yeh lakshmi-naaraayan banna chaahte ho to mehnat karni pade। buddhiyog ek baap ke saath hona chaahiye। puraani duniya se vairaagya। achha, puraani duniya ko bhool jaaen yeh to theek hai। bhala yaad kisko karen? shantidham-sukhdhaam ko। jitna ho sake uthte-baithte, chalte-phirte baap ko yaad karo। behad sukh ke svarga ko yaad karo। yeh to bilkul sahaj hai। agar in donon aashaaon se ulta chalte hain to pad bhrashta ho padte hain। tum yahaan aaye hi ho nar se naaraayan banne ke liye। sabko kehte ho tamopradhaan se satopradhaan banna hai kyonki return journey hoti hai। world ki history-geography repeat maana narka se svarga, phir svarga se narka। yeh chakra phirta hi rehta hai। baap ne kaha hai yahaan svadarshan chakradhaari hokar baitho। isi yaad mein raho, hamne kitna baari yeh chakra lagaaya hai। ham svadarshan chakradhaari hain, abhi phir se devta bante hain। duniya mein koi bhi is raaz ko nahin jaante hain। yeh gyaan devtaaon ko to sunaana nahin hai। woh to hain hi pavitra। unmein gyaan hai nahin jo shankh bajaayen। pavitra bhi hain isliye unko nishaani dene ki darkaar hi nahin। nishaani tab hoti hai jab donon ikatthe chaturbhuj hote hain। tumko bhi nahin dete hain kyonki tum aaj devta kal phir neeche gir jaate ho। maaya giraati hai na। baap deity banaate hain, maaya phir devil bana deti hai। anek prakaar se maaya pareeksha leti hai। baap jab samjhaate hain tab pata padta hai। sachmuch hamaari avastha giri hui hai। kitne bichaare apna sab kuchh shivbaaba ke khajaane mein jama karaae phir bhi kabhi maaya se haar kha lete hain। shivbaaba ke ban gaye phir bhool kyon jaate, ismen yog ki yaatra mukhya hai। yog se hi pavitra banna hai। knowledge ke saath-saath pavitrata bhi chaahiye। tum bulaate bhi ho baba hamko aakar paavan banaao, jo ham svarga mein ja saken। yaad ki yaatra hai hi paavan ban oonch pad paane ke liye। jo chale jaate hain phir bhi kuchh na kuchh suna hai to shivaalay mein aayenge zaroor। phir pad bhal kaisa bhi paayen parantu aate hain zaroor। ek baar bhi yaad kiya to svarga mein aa jaayenge, baaki oonch pad nahin। svarga ka naam sun khush nahin hona chaahiye। fail hokar paai paise ka pad pa lena, ismen khush nahin hona chaahiye। bhal svarga hai parantu usmein pad to bahut hain na। feeling to aati hai na - main naukar hoon, mehtar hoon। pichhaadi mein tumko sab saakshaatkaar hoga - ham kya banenge, hamse kya vikarma hua hai jo aisi haalat hui hai? main mahaaraani kyon nahin bani? kadam-kadam par khabardaari se chalne se tum padmapti ban sakte ho। khabardaari nahin to padmapti ban nahin sakenge। mandiron mein devtaaon ko padmapti ki nishaani dikhaate hain। farka to samajh sakte hain na। darje ka bhi bahut farka hai। abhi bhi dekho darje kitne hain। kitna thaath rehta hai। hai to alpakaal ka sukh। to ab baap kehte hain yeh oonch pad paana hai, jiske liye sab haath uthaate hain to itna purushaartha karna hai। haath uthaane vaale bhi khud khatma ho jaate hain। kahenge yeh devta banne vaale the। purushaartha karte khatma ho gaye। haath uthaana sahaj hai। bahuton ko samjhaana bhi sahaj hai, mahaarthi samjhaate bhi gaayab ho jaate hain। auron ka kalyaan kar khud apna akalyaan kar baithte hain, isliye baap samjhaate hain khabardaar raho। antarmukh ho baap ko yaad karna hai। kis prakaar se? baba hamaara baap bhi hai, teacher bhi hai, satguru bhi hai, ham ja rahe hain - apne sweet hom mein। yeh sab gyaan andar mein hona chaahiye। baap mein gyaan aur yog donon hain। tumhaare mein bhi hona chaahiye। jaante hain shivbaaba padhaate hain to gyaan bhi hua, yaad bhi hui। gyaan aur yog donon ikattha chalta hai। aise nahin, yog mein baithe shivbaaba ko yaad karte rahe, knowledge bhool jaae। baap yog sikhaate hain to knowledge bhool jaati hai kya! saari knowledge unmein rehti hai। tum bachchon mein yeh knowledge honi chaahiye। padhna chaahiye। jaise karma main karunga, mujhe dekh aur bhi karenge। main murli nahin padhoonga to aur bhi nahin padhenge। main jaise durgati ko paaoonga to aur bhi durgati ko pa lenge। main nimitta ban jaaoonga auron ko giraane ke। kai bachche murli nahin padhte hain, mithya ahankaar aa jaata hai। maaya jhat vaar kar leti hai। kadam-kadam par shreemat chaahiye। nahin to kuchh na kuchh vikarma ban jaate hain। bahut bachche bhoolen karte hain phir satyaanaash ho jaati hai। gaphlat hone se maaya thappad lagaae worth not A penny bana deti hai, ismen badi samajh chaahiye। ahankaar aane se maaya bahut vikarma karaati hai। jab koi committee aadi banaate ho to usmein head ek-do female zaroor honi chaahiye, jinki raay par kaam ho। kalash to lakshmi par rakha jaata hai na। gaayan bhi hai amrit pilaati thi to asur bhi baith peete the। phir kahaan yagya mein vighna daalte hain, anek prakaar ke vighna daalne vaale hain। saara din buddhi mein jharmui jhagmui ki baaten rehti hain, yeh bahut kharaab hai। koi bhi baat hai to baap ko report karo। sudhaarne vaala to ek hi baap hai। tum apne haath mein law nahin uthaao। tum baap ki yaad mein raho। sabko baap ka parichay do tab aisa ban sakenge। maaya bahut kadi hai, kisko bhi nahin chhodti hai। sadaiv baap ko samaachaar likhna chaahiye। direction lete rehna chaahiye। yoon to har ek direction milte hi rehte hain। bachche samajhte hain baba ne to aapehi is baat par samjha diya to antaryaami hai। baap kehte - nahin, main to knowledge padhaata hoon। ismen antaryaami ki to baat hi nahin। haan, yeh jaante hain ki yeh sab mere bachche hain। har ek ke andar ki aatma mere bachche hain। baaki aise nahin baap sabmen viraajmaan hai। manushya ulta samajh lete hain।

baap kehte hain main jaanta hoon sabke takhta par aatma viraajmaan hai। yeh to kitni sahaj baat hai। phir bhi bhool kar paramatma sarvavyaapi kah dete hain। yeh hai ekaz bhool, jis kaaran hi itna neeche gire hain। vishwa ka maalik banaane vaale ko tum gaali dete ho isliye baap kehte hain yada yadaahi… baap yahaan aate hain to bachchon ko achhi reeti vichaar saagar manthan karna hai। knowledge par bahut-bahut manthan karna chaahiye, time dena chaahiye tab tum apna kalyaan kar sakenge, ismen paise aadi ki bhi baat nahin। bhookh to koi mar na sake। jitna jo baap ke paas jama karte hain, utna bhaagya banta hai। baap ne samjhaaya hai gyaan aur bhakti ke baad hai vairaagya। vairaagya maana sab kuchh bhool jaana padta hai। apne ko detach kar dena chaahiye, shareer se ham aatma ab ja rahi hain। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) apne oopar bahut control rakhna hai। shreemat mein kabhi beparvaah nahin banna hai। bahut-bahut khabardaar rehna hai, kabhi koi kaayde ka ullanghan na ho।

2) antarmukh ho ek baap se buddhi ki link jodni hai। is patit puraani duniya se behad ka vairaagya rakhna hai। buddhi mein rahe - jo karma main karunga, mujhe dekh sab karenge।

vardaan:- gyaan ki points ko har roz revise kar samaadhaan svarup banne vaale begampur ke baadshaah bhav

gyaan ki points jo daayriyon mein athva buddhi mein rehti hain unhein har roz revise karo aur unhein anubhav mein laao to kisi bhi prakaar ki samasya ka sahaj hi samaadhaan kar sakenge। kabhi bhi vyartha sankalpon ke hammer se samasya ke patthar ko todne mein samay nahin ganvaao। “drama'' shabd ki smriti se high jump de aage badho। phir ye puraane sanskaar aapke daas ban jaayenge, lekin pahle baadshaah bano, takhtansheen bano।

slogan:- har ek ko sammaan dena hi sammaan praapta karna hai।

avyakt ishaare - is avyakti maas mein bandhanmukta rah jeevanmukta sthiti ka anubhav karo

jeevan-bandha ke saath hi jeevan-mukta ka anubhav hota hai, vahaan to jeevan-bandha ki baat hi nahin। vahaan to sirf usi praarabdha mein honge, muktidhaam ki mukti ka anubhav jo abhi kar sakte ho woh vahaan nahin kar sakenge isliye sangamayug par mukti-jeevan-mukti ka anubhav karo। varse ke adhikaari to bane ho ab use jeevan mein dhaaran kar poora laabh uthaao।