शनिवार 14 फ़रवरी 2026 की दैनिक मुरली

14-02-2026 praatahmurli om shanti "baapdaada"' madhuban

“ meethe bachche - tum sarvottam saubhaagyashaali brahman kul bhooshan ho , tumhein svayan bhagwan badhaaiyaan dete hain ''

prashn:- baap bachchon ko sangam par hi srishti ka samaachaar sunaate hain, satayug mein nahin, kyon?

uttar:- kyonki satayug to hai hi aadi ka samay, us samay saari srishti ka samaachaar arthaat srishti ke aadi-madhya-ant ka gyaan kaise sunaayen, jab tak circle repeat hi nahin hua hai tab tak samaachaar suna hi kaise sakte। sangam par hi tum bachche baap dvaara poora samaachaar sunte ho। tumhein hi gyaan ka teesra netra milta hai।

om shanti। aaj hai trimoorti shivjayanti so brahman jayanti so sangamayug jayanti ka shubh divas। bahut hain jinko baba eeshvareey janma siddha adhikaar ki greetings bhi nahin de sakte। bahut hain jinko pata nahin hai ki shivbaaba kaun hain, usse kya milna hai। woh greetings kya samajh sakte hain। naye bachche bilkul samajh na saken। yeh hai gyaan ka dance। kehte hain na - shreekrishna dance karta tha। yahaan bachchiyaan raadhe-krishna ban dance karti hain। parantu dance ki to baat hi nahin। woh to vahaan satayug mein bachpan mein prince-princess ke saath dance karenge। bachche jaante hain - yeh baapdaada hai। daada ko grand father kaha jaata hai। yeh daada to hua jismaani father। yahaan to wonderful baat hain! woh daada hai roohaani aur yeh hai jismaani, inko kehte hain baapdaada। baap se daada dvaara varsa milta hai। varsa hai daade ka (grand father ka)। sab aatmaayen brothers hain to varsa baap se milta hai। baap kehte hain tum aatmaon ko apna shareer, apni karmendriyaan hain। mujhe niraakaar kehte hain - zaroor mujhe shareer chaahiye। tab to bachchon ko raajayog sikhaaoon athva manushya se devta, patit se paavan banne ka maarga bataaoon va moot paleeti kapad dhooon… zaroor bada dhobi hoga। saare vishwa ki aatmaayen aur shareer dhota hai। gyaan aur yog se tumhaari aatmaon ko dhoya jaata hai।

aaj tum bachche aaye ho, jaante ho ham shivbaaba ko badhaaiyaan dene aaye hain। baap phir kehte hain ki tum jisko greetings dete ho woh baap bhi tum bachchon ko greetings dete hain kyonki tum bahut sarvottam saubhaagyashaali brahman kul bhooshan ho। devtaayen itne uttam nahin hain jitne tum ho। brahman devtaaon se oonch hain। oonch te oonch hai baap। phir woh aate hain brahma tan mein। unke tum bachche bahut oonch te oonch brahman bante ho। braahmanon ki hai choti। uske neeche hain devtaayen। sabse oopar hai baba। baba ne tum bachchon ko brahman-braahmaniyaan banaaya hai - svarga ka varsa dene। in lakshmi-naaraayan ke dekho kitne mandir banaaye hain। maatha tekte hain। bhaaratvaasiyon ko yeh to maaloom hona chaahiye ki yeh bhi manushya hain। lakshmi-naaraayan donon alag-alag hain। yahaan to ek manushya ke donon naam rakhe hain। ek ka naam lakshmi-naaraayan arthaat apne ko vishnu chaturbhuj kehte hain। lakshmi-naaraayan athva raadhe-krishna naam rakhaaye hain, to chaturbhuj ho gaye na। woh vishnu to hai sookshm vatan ka em object। tum is vishnu-puri ke maalik banenge। yeh lakshmi-naaraayan vishnupuri ke maalik hain। vishnu ki hain 4 bhuja। do lakshmi ki, do naaraayan ki। tum kahenge ham vishnupuri ke maalik ban rahe hain। achha baap ki mahima ka geet sunaao। (kitna meetha kitna pyaara shiv bhola bhagwan..)

saari duniya mein shuru se lekar ab tak koi ki bhi itni mahima nahin hain sivaae ek ke। nambarvaar to hain hi। sabse jyaada sarvottam mahima hai oonch te oonch parampita paramatma ki, jiske tum sab bachche ho। kehte ho ham eeshvareey santaan hain। eeshvar to svarga rachta hai phir tum narka mein kyon pade ho। eeshvar ka yahaan janma hai। Christian kahenge ham Christ ke hain। yahi bhaaratvaasiyon ko bhool gaya hai ki ham parampita paramatma shiv ke direct bachche hain। baap yahaan aate hain bachchon ko apna banaae phir raajya-bhaagya dene। aaj baba achhi reeti samjhaate hain kyonki naye bhi bahut hain। inhon ke liye samajhna mushkil hai। haan phir bhi svargavaasi bante hain। svarga mein sooryavanshi raaja-raani bhi hain, daas-daasiyaan bhi hain। praja bhi hoti hai। unmein koi gareeb, koi saahookaar hote hain। unki bhi daas-daasiyaan hoti hain। saari raajdhaani yahaan sthaapan ho rahi hai। yeh to aur koi ko maaloom nahin hai। sabki aatma tamopradhaan hai, gyaan ka teesra netra koi ko hai nahin। (geet) abhi baap ki mahima suni। woh hai sabka baap। bhagwan ko baap kehte hain, behad ka sukh dene vaala pita। yahi bhaarat hai jismen behad ka sukh tha, lakshmi-naaraayan ka raajya tha। yeh lakshmi-naaraayan chhotepan mein raadhe-krishna hain phir svayanvar baad lakshmi-naaraayan naam padta hai। is bhaarat mein 5 hajaar varsha pahle devtaaon ka raajya tha। sivaae lakshmi-naaraayan ke koi ka raajya nahin tha। koi khanda nahin। to ab bhaaratvaasiyon ko bhi zaroor maaloom hona chaahiye ki lakshmi-naaraayan ne aage janma mein kaun se karma kiye। jaise kahenge bidla ne kaun se karma kiye jo itna dhanvaan bana। zaroor kahenge agle janma mein daan-punya kiya hoga। koi ke paas bahut dhan hai, koi ko khaane ke liye nahin milta kyonki karma aise kiye hain। karmon ko to maante ho। karma-akarma-vikarma ki gati geeta ke bhagwan ne sunaai thi। jiski mahima suni। shiv bhagwan hai ek। manushya ko bhagwan nahin kaha jaata hai। ab baap kahaan aaya hai! samjhaate hain saamne mahaabhaarat ladaai khadi hai to meethe te meetha baba samjhaate hain, inko duhkh mein sab yaad karte hain। duhkh mein simran sab karen.... shivbaaba ko duhkh mein sab yaad karte hain। sukh mein koi nahin karta। svarga mein to duhkh nahin tha। vahaan baap ka paaya hua varsa tha। 5 hazaar varsha pahle jab shivbaaba aaya to bhaarat ko svarga banaaya। ab narka hai। baap aaye hain svarga banaane। duniya ko to pata bhi nahin। kehte hain ham sab andhe hain। andhon ki laathi aap prabhu aao, aakar aankhen pradaan karo। tum bachchon ko gyaan ka teesra netra mila hai। jahaan ham aatmaayen rehti hain woh hai shanti-dhaam। baap bhi vahaan rehte hain। tum aatmaayen aur ham rehte hain। inki aatma ko kehte hain - main tum sab aatmaon ka baap vahaan rehta hoon। tum punarjanma ka part bajaate ho, main nahin bajaata hoon। tum vishwa ke maalik bante ho, main nahin banta hoon। tumko 84 janma lene padte hain। tumko samjhaaya tha ki he bachche tum apne janmon ko nahin jaante ho। 84 laakh janma kehte hain - yeh jhoothi baaten hain। main gyaan ka saagar patit-paavan hoon, main aata tab hoon jab sab patit hain। tab hi aakar srishti ke aadi-madhya-ant ka raaz samjhaae trikaaldarshi banaata hoon। bahut poochhte hain pahle-pahle manushya kaise rache? bhagwan ne srishti kaise rachi? ek shaastra mein bhi dikhaate hain - pralay hui phir saagar mein peepal ke patte par bachcha shreekrishna aaya। baap kehte hain aisi koi baat nahin, yeh behad ka drama hai। din hai satayug-treta, raat hai dvaapar-kaliyug।

bachche baap ko badhaaeeyaan dete hain। baap kehte hain tatatvam। tum bhi 100 percent durbhaagyashaali se 100 percent saubhaagyashaali bante ho। tum bhaaratvaasi woh the parantu tumko pata nahin hai। baap aakar bataate hain। tum apne janmon ko nahin jaante ho। main aakar bataata hoon - tumne 84 janma liye hain। baap tumko sangam par saare srishti ka samaachaar sunaate hain। satayug mein thode hi sunaayenge। jis samay srishti ki aadi-madhya-ant hui nahin to uska samaachaar kaise samjhaayen? main aata hoon ant mein, kalpa ke sangamayuge। shaastron mein likha hai yuge-yuge, shreekrishna bhagvaanuvaach - geeta mein likh diya hai। sab dharma vaale shreekrishna ko bhagwan thode hi maanenge। bhagwan to niraakaar hai na। woh hai sab aatmaon ka baap। baap se varsa milta hai। tum sab aatmaayen bhaai-bhaai ho। paramatma ko sarvavyaapi kahne se to fatherhood ho jaata hai। father ko kabhi varsa milta hai kya? varsa bachchon ko milta hai। tum aatmaayen sab bachche ho। baap ka varsa zaroor chaahiye। had ke varse se tum raazi nahin hote ho isliye pukaarte ho - tumhaari kripa se sukh ghanere mile the। ab phir raavan dvaara duhkh milne se pukaarne lage ho। sabki aatmaayen pukaarti hain kyonki inko duhkh hai isliye yaad karti hain, baba aakar sukh do। abhi is gyaan se svarga ke maalik bante ho। tumhaari sadgati hoti hai isliye gaaya jaata hai, sarva ka sadgati daata ek baap। abhi sab durgati mein hain phir sarva ki sadgati hoti hai। jab lakshmi-naaraayan ka raajya tha to tum svarga mein the। baaki sab muktidhaam mein the। ab ham baap dvaara raajayog seekhte hain। baap kehte hain kalpa ke sangam par main tumko padhaata hoon। manushya se devta banaata hoon।

abhi tum bachchon ko saara raaz samjhaata hoon - shivraatri kab hui hai, yeh to maaloom hona chaahiye। kya hua, shivbaaba kab aaya? kuchh nahin jaante। to pattharbuddhi thahre na। abhi tum paarasbuddhi bante ho। bhaarat paaraspuri golden ej tha। lakshmi-naaraayan ko bhi bhagwan-bhagavti kehte hain। unhon ko varsa bhagwan ne diya, phir de rahe hain। tumko phir se bhagwan-bhagavti bana rahe hain। abhi yeh tumhaara bahut janmon ke ant ka janma hai। baap kehte hain vinaash saamne khada hai। inko kaha jaata hai roodra gyaan yagya। woh sab material yagya hote hain। yeh hai gyaan ki baat। ismen baap aakar manushya ko devta banaate hain। tum badhaaeeyaan dete ho shivbaaba ke aane ki। baba phir kehte hain main akela thode hi aata hoon। mujhe bhi shareer chaahiye। brahma tan mein aana pade। pahle-pahle sookshm vatan rachna pade isliye inmen pravesh kiya hai, yeh to patit tha। 84 janma le patit bana hai। sab pukaarte the। ab baap kehte hain main phir se tum bachchon ko varsa dene aaya hoon। baap hi bhaarat ko svarga ka varsa dete hai। svarga ka rachayita baap hai, zaroor svarga ki saugaat hi denge। abhi tum svarga ke maalik ban rahe ho। yeh paathshaala hai - bhavishya mein manushya se 21 janmon ke liye devta banne ki। tum svarga ke maalik ban rahe ho। 21 peedhi tum sukh paate ho। vahaan akaale mrityu hoti nahin। jab shareer ki aayu poori hoti hai tab saakshaatkaar ho jaata hai। ek shareer chhod doosra lete hain। sarpa ka bhi misaal hai na!

tum bachche abhi baap ko badhaaiyaan dete ho। baap phir tumko badhaaiyaan dete hain। tum abhi durbhaagyashaali se saubhaagyashaali ban rahe ho। patit manushya se paavan devta bante ho। chakra to phirta hai। yeh to tum bachchon ko samjhaana hai। phir yeh praayahlop ho jaata hai। satayug mein gyaan ki darkaar nahin rehti। abhi tum durgati mein ho tab is gyaan se sadgati milti hai। baap hi aakar svarga ki sthaapna karte hain। sarva ka satguru ek hi hai। baaki bhaktimaarga ke karmakaanda se koi ki sadgati nahin hoti। sabko seedhi neeche utarna hi hai। bhaarat satopradhaan tha phir 84 janma lene pade phir ab tumko chadhna hai। muktidhaam apne ghar jaana hai। ab naatak poora hota hai। yeh puraani duniya khatma ho jaayegi। bhaarat ko avinaashi khanda kaha jaata hai। baap ka janma-sthaan kab khatma nahin hota। tum shantidham mein jaakar phir aayenge, aakar raajya karenge। paavan aur patit bhaarat mein hi hote hain। 84 janma lete-lete patit bane ho। yogi se bhogi bane ho। yeh hai raurav narka। mahaan duhkh ka samay hai। abhi to bahut duhkh aane ka hai। khoone naahek khel hai। baithe-baithe bombs girenge। tumne kya gunaah kiya? naahek sabka vinaash ho jaayega। vinaash ka saakshaatkaar to bachchon ne kiya hai। ab tum srishti chakra ka gyaan jaan gaye ho। tumhaare paas gyaan ki talvaar, gyaan khadag hai। tum ho brahma ki mukh vanshaavli brahman। prajaapita bhi baba hai। kalpa pahle bhi isne mukh vanshaavli paida ki thi। baap kehte hain main kalpa-kalpa aata hoon। ismen pravesh kar tumko mukh vanshaavli banaata hoon। brahma ke dvaara svarga ki sthaapna karaata hoon। svarga mein to bhavishya mein hi jaayenge। chhi-chhi duniya to khatma honi chaahiye। behad ka baap aate hi hain nai duniya rachne। baap kehte hain - main tum bachchon ke liye hatheli par bahishta le aaya hoon। tumko koi bhi takleeph nahin deta hoon। tum sab dropdiyaan ho। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) devtaaon se bhi oonch ham sarvottam brahman hain - is roohaani nashe mein rehna hai। gyaan aur yog se aatma ko svachchha banaana hai।

2) sabko shivbaaba ke avatran ki badhaaeeyaan deni hain। baap ka parichay dekar patit se paavan banaana hai। raavan dushman se mukta karna hai।

vardaan:- vistaar ki rang - birangi baaton se kinaara kar mushkil ko sahaj banaane vaale sahajyogi bhav

jab baap ko dekhne ke bajaae baaton ko dekhne lag jaate ho to kai question utpanna hote hain aur sahaj baat bhi mushkil anubhav hone lagti hai kyonki baaten hain vriksha aur baap hai beej। jo vistaar vaale vriksha ko haath mein uthaate hain woh baap ko kinaare kar dete hain, phir vistaar ek jaal ban jaata hai jismen phansate jaate hain। baaton ke vistaar mein rang-birangi baaten hoti hain jo apni or aakarshit kar leti hain, isliye beejroop baap ki yaad se bindi lagaakar usse kinaara kar lo to sahaj yogi ban jaayenge।

slogan:- main aur mere pan ki alloy ko samaapta karna hi real gold banna hai।

ye avyakt ishaare - ekta aur vishvaas ki visheshta dvaara saphalta sampanna bano

abhi sabhi milkar ekmat ho seva ke koi bhi kaarya ko dhoomdhaam se aage badhaao। har brahman aatma ke sahayog se, shubh kaamnaaon, shubh bhaavnaaon se sevaaon ki dhoom machaao। agar koi mukh se bol nahin sakte to mansa vaayumandal se sukh ki vritti, sukhmay sthiti se sukhmay sansaar banaaye। kahaan ja nahin sakte ho, tabiyat theek nahin hai to ghar baithe yeh seva karo, seva mein sahayogi zaroor bano tab sarva ke sahayog se sukhmay sansaar banega।