मंगलवार 17 फ़रवरी 2026 की दैनिक मुरली

17-02-2026 praatahmurli om shanti "baapdaada"' madhuban

“meethe bachche - tum abhi amarlok sthaapan karne ke nimitta ho, jahaan koi bhi duhkh va paap nahin hoga, woh hai hi viceless world''

prashn:- godly family ka wonderful plan kaun sa hai?

uttar:- godly family ka plan hai - “family planning karna''। ek sat dharma sthaapan kar anek dharmon ka vinaash karna। manushya birth control karne ke plans banaate, baap kehte unke plans chal na saken। main hi nai duniya ki sthaapna karta hoon to baaki sab aatmaayen oopar ghar mein chali jaati hain। bahut thodi aatmaayen hi rehti hain।

om shanti। yeh ghar bhi hai, university bhi hai aur institution bhi hai। tum bachchon ki aatma jaanti hai ki woh hai shivbaaba। aatmaayen hain saaligraam। jinka yeh shareer hai, shareer nahin kahega hamaari aatma। aatma kehti hai hamaara shareer। aatma hai avinaashi, shareer hai vinaashi। abhi tum apne ko aatma samajhte ho। hamaara baba shiv hai, woh hai supreme father। aatma jaanti hai woh hamaara supreme baba bhi hai। supreme teacher bhi hai, supreme guru bhi hai। bhaktimaarga mein bhi bulaate hain - O god father। marne samay bhi kehte hain - he bhagwan, he eeshvar। pukaarte hain na। parantu kiski buddhi mein yathaartha reeti baithta nahin hai। father to sab aatmaon ka ek ho gaya, phir kaha jaata hai - he patit-paavan। to guru bhi ho gaya। kehte hain duhkh se hamko liberate kar shantidham mein le jaao। to baap bhi hua phir patit-paavan satguru bhi hua, phir srishti chakra kaise phirta hai, manushya 84 janma kaise lete hain, woh behad ki history-geography sunaate hain isliye supreme teacher bhi hua। agyaan-kaal mein baap alag, teacher alag, guru alag hote hain। yeh behad ka baap, teacher, guru ek hi hai। kitna farka ho gaya। behad ka baap behad ka varsa dete hain bachchon ko। woh bhi had ka varsa dete hain। padhaai bhi had ki hai। world ki history-geography ko to koi jaante nahin। yeh kisko pata nahin hai - lakshmi-naaraayan ne raajya kaise paaya? kitna samay woh raajya chala? phir treta ke raam-seeta ne kitna samay raajya kiya? kuchh nahin jaante। abhi tum bachche samajhte ho behad ka baap aaye hain hamko padhaane। phir baba sadgati ka raasta bataate hain। tum 84 janma lete-lete patit bante ho। ab paavan banna hai। yeh hai tamopradhaan duniya। sato, rajo, tamo mein har cheez aati hai। yeh jo srishti hai, unki bhi aayu hai nai so puraani, puraani so phir nai hoti hai। yeh to sab jaante hain। satayug mein bhaarat hi tha, unmein devi-devtaaon ka raajya tha। god goddess ka raajya tha। achha phir kya hua? unhonne punarjanma liya। satopradhaan se sato, sato se rajo tamo mein aaye। itne-itne janma liye। bhaarat mein 5 hazaar varsha pahle jab lakshmi-naaraayan ka raajya tha to vahaan manushyon ki aayu average 125-150 varsha hoti hai। usko amarlok kaha jaata hai। akaale mrityu kabhi hota nahin। yeh hai mrityulok। amarlok mein manushya amar rehte hain, aayu badi rehti hai। satayug mein pavitra grihastha aashram tha। viceless world kaha jaata hai। abhi hai vicious world। abhi tum bachche jaante ho ham shivbaaba ki santaan hain। varsa shivbaaba se milta hai। yeh daada, woh daada (grand-father) varsa daade ka milta hai। daade ki property par sabka hak rehta hai। brahma ko kaha jaata hai prajaapita। Adam aur Eve, Adam beebi। woh hai niraakaar god father। yeh (prajaapita) ho gaya saakaari father। inko apna shareer hai। shivbaaba ko apna shareer nahin hai। to tumko varsa milta hai shivbaaba se brahma dvaara। daade ki milkiyat milegi to baap dvaara na। shivbaaba se bhi brahma dvaara tum phir manushya se devta ban rahe ho। manushya se devta kiye karat na laagi vaar… kisne banaaya? bhagwan ne। mahima karte hain na granth mein। mahima bahut hai। jaise baba kehte hain alpha ko yaad karo to be baadshaahi tumhaari। guroonaanak bhi kehte jap saaheb ko to sukh mile। us niraakaar akaalmoorta baap ki hi mahima gaate hain। baap kehte hain mujhe yaad karo to sukh mile। abhi baap ko hi yaad karte hain। ladaai poori hogi phir lakshmi-naaraayan ke raajya mein ek hi dharma hoga। yeh samajhne ki baaten hain। bhagvaanuvaach - patit-paavan gyaan ka saagar bhagwan ko kaha jaata hai। vahi duhkh harta sukh karta hai। jab ham baap ke bachche hain to zaroor ham sukh mein hone chaahiye। barobar bhaaratvaasi satayug mein the। baaki sab aatmaayen shanti-dhaam mein thi। abhi to sab aatmaayen yahaan aa rahi hain। phir ham jaakar devi-devta banenge। svarga mein part bajaate hain। yeh puraani duniya hai duhkhadhaam, nai duniya hai sukhdhaam। puraana ghar hota hai to phir unmein choohe sarpa aadi nikalte hain। yeh duniya bhi aisi hai। is kalpa ki aayu 5 hazaar varsha hai। abhi hai ant। gaandhi ji bhi chaahte the nai duniya nai dehli ho, raamraajya ho। parantu yeh to baap ka hi kaam hai। devtaaon ke raajya ko hi raamraajya kehte hain। nai duniya mein to zaroor lakshmi-naaraayan ka raajya hoga। pahle to raadhe-krishna donon alag-alag raajdhaani ke hain phir unhon ki sagaai hui to lakshmi-naaraayan bante hain। zaroor is samay aise karma karte honge। baap tumko karma-akarma-vikarma ki gati baith samjhaate hain। raavan raajya mein manushya jo karma karenge woh karma vikarma ban jaate hain। satayug mein karma akarma hote hain। geeta mein bhi hai parantu naam badal liya hai। yeh hai bhool। krishna jayanti to hoti hai satayug mein। shiv hai niraakaar parampita, shreekrishna to saakaar mein hai। pahle shivjayanti hoti hai phir shreekrishna jayanti bhaarat mein hi manaate hain। shivraatri kehte hain। baap aakar bhaarat ko svarga ka raajya dete hain। shivjayanti ke baad hai krishna jayanti। unke beech mein hoti hai raakhi kyonki pavitrata chaahiye। puraani duniya ka vinaash bhi chaahiye। phir ladaai lagti hai to sab khatma ho jaate hain phir tum aakar nai duniya mein raajya karenge। tum is puraani duniya, mrityulok ke liye nahin padhte ho। tumhaari padhaai hai nai duniya amarlok ke liye। aisa to koi college nahin hoga। ab baap kehte hain is mrityulok ka ant hai isliye jaldi padhkar hoshiyaar hona hai। woh baap bhi hai, patit-paavan bhi hai, padhaate bhi hain। to yeh god fatherly university hai। bhagvaanuvaach hai na। krishna to satayug ka prince hai। woh bhi shivbaaba se varsa lete hain। is samay sab bhavishya ke liye varsa le rahe hain phir jitna padhenge utna varsa milega। nahin padhenge to pad kam ho jaayega। kahaan bhi raho, padhte raho। murli to vilaayat mein bhi ja sakti hai। baba roz saavdhaani bhi dete rehte hain। bachche baap ko yaad karo isse tumhaare vikarma vinaash honge। aatma mein jo khaad padi hai woh nikal jaayegi। aatma 100 percent pure banni hai। abhi to impure hai। bhakti to manushya bahut karte hain, teerthon par, melon par laakhon manushya jaate hain। yeh to janma-janmaantar se chala aata hai। kitne mandir aadi banaate, mehnat karte hain। phir bhi seedhi utarte aate hain। abhi tum jaante ho - ham chadhti kala se sukhdhaam mein jaayenge, phir hamko utarna hai। phir kala kamti hoti jaati hai। naye makaan ka 10 varsha ke baad bhabhka zaroor kam ho jaayega। tum nai duniya satayug mein the। 1250 varsha ke baad raamraajya shuru ho gaya, abhi to bilkul hi tamopradhaan hain। manushya kitne ho gaye hain। duniya puraani ho gai hai। ve log to family planning ke plan banaate rehte hain। kitna moonjhate rehte hain। ham likhte hain yeh to god father ka hi kaam hai। satayug mein 9-10 laakh manushya jaakar rahenge। baaki sab apne ghar sweet hom mein chale jaayenge। yeh godly family planning hai। ek dharma ki sthaapna, baaki sab dharmon ka vinaash। yeh to baap apna kaam kar rahe hain। woh kehte hain vikaar mein bhal jaao parantu bachcha na ho। aise karte-karte hoga kuchh bhi nahin। yeh planning to behad baap ke haath mein hain। baap kehte hain main hi duhkhadhaam se sukhdhaam banaane aaya hoon। har 5 hazaar varsha baad main aata hoon। kaliyug ke ant aur satayug ke aadi mein। abhi yeh hai sangam jabki patit duniya se paavan duniya banti hai। puraani duniya ka vinaash aur nai duniya ki sthaapna yeh to baap ka hi kaam hai। satayug mein tha hi ek dharma। yeh lakshmi-naaraayan vishwa ke maalik, mahaaraaja-mahaaraani the। yeh bhi tum jaante ho, yeh maala kiski bani hui hai। oopar mein hai phool shivbaaba phir hai yugal daana brahma-sarasvati। unhon ki yeh maala hai jo vishwa ko narka se svarga, patit se paavan banaate hain। jo service karke jaate hain, unhon ki hi yaad rehti hai। to baap samjhaate hain - yeh satayug mein pavitra the na। pravritti maarga pavitra tha। abhi to patit hain। gaate bhi hain patit-paavan aao, aakar hamko paavan banaao। satayug mein thode hi aise pukaarenge। sukh mein koi bhi baap ka simran nahin karte hain। duhkh mein sab simran karte hain। baap hai hi liberator, merciful, blissful, aakar sabko mukti-jeevanmukti dete hain। bulaate bhi unko hain, aakar sweet hom mein le chalo। abhi sukh hai nahin। yeh hai praja ka praja par raajya। satayug mein to raaja, raani, praja hote hain। baap bataate hain - tum kaise vishwa ke maalik bante ho। vahaan tumhaare paas athaah, anginat dhan rehta hai। sone ki eeton ke makaan bante hain। masheen se sone ki eeten nikalti rehti hain। phir usmein bhi heere-javaahron ki jadit karte hain। dvaapar mein bhi kitne heere the, jo lootkar le gaye। abhi to kuchh sona dikhaai hi nahin padta hai। yeh bhi drama mein noondh hai। baap kehte hain main har 5 hazaar varsha baad aata hoon। puraani duniya ke vinaash ke liye yeh atomic bombs aadi bane hain। yeh hai science। buddhi se aisi-aisi cheejen nikaali hain, jisse apne hi kul ka vinaash karenge। yeh koi rakhne ke liye thode hi banaate hain। yeh rehearsal hoti rahegi। jab tak raajdhaani sthaapan nahin hui hai tab tak ladaai nahin lag sakti। taiyaariyaan to ho rahi hain, uske saath natural calamities bhi hogi। itne aadmi honge nahin।

ab bachchon ko is puraani duniya ko bhool jaana hai। baaki sweet hom svarga ki baadshaahi ko yaad karna hai। jaise naya ghar banaate hain to phir buddhi mein naya ghar hi yaad rehta hai na। ab bhi nai duniya ki sthaapna ho rahi hai। baap hai sarva ka sadgati daata। aatmaayen sab chali jaayengi। baaki shareer yahaan khatma ho jaayenge। aatma pavitra banegi, baap ki yaad se। pavitra zaroor banna hai। devtaayen pavitra hain na। unhon ke aage kab beedi tobacco aadi nahin rakhi jaati hai, woh vaishnav hain। vishnupuri kaha jaata hai। woh hai hi viceless world। yeh hai vicious world। ab viceless world mein jaana hai। samay baaki thoda hai। yeh to khud bhi samajhte hain - atomic bombs se sab khatma ho jaayenge। ladaai to lagni hi hai। bolte hain hamko koi prerna karne vaala hai, jo ham bana rahe hain। jaante bhi hain apne kul ka vinaash ho raha hai। parantu banaane bigar rah nahin sakte। shankar dvaara vinaash, yeh bhi drama mein noondh hai। vinaash saamne khada hai। gyaan yagya se yeh vinaash jvaala prajjvalit hui hai। abhi tum svarga ka maalik banne liye padh rahe ho। yeh puraani duniya khatma ho nai ban jaayegi। yeh chakra phirta rehta hai। history must repeat। pahle aadi sanaatan devi-devta dharma tha phir chandravanshi kshatriy dharma phir uske baad islaami bauddhi aadi aaye phir zaroor pahle number vaala aayega aur sab vinaash ho jaayenge। tum bachchon ko kaun padha rahe hain? woh niraakaar shivbaaba। vahi shikshak hai, satguru hai। aane se hi padhaai shuru karte hain, isliye likha hua hai shivjayanti so geeta jayanti। geeta jayanti so shreekrishna jayanti। shivbaaba satayug ki sthaapna karte hain। krishnapuri satayug ko kaha jaata hai। abhi tumko padhaane vaala koi saadhu, santa, manushya nahin hai। yeh to duhkh harta, sukh karta, behad ka baap hai। 21 janmon ke liye tumko varsa dete hain। vinaash to hona hi hai, is samay ke liye hi kaha jaata hai - kinki dabi rahi dhool mein, kinki raaja khaae..... choraakaari bhi bahut hogi। aag bhi lagni hai। is yagya mein sab svaaha ho jaayenge। abhi thodi-thodi aag lagegi phir banda ho jaayegi। thodi ajun deri hai। sab aapas mein ladenge। chhudaane vaala koi rahega nahin। rakta ki nadiyon ke baad phir doodh ki nadiyaan bahengi, isko kaha jaata hai khoone naahek khel। bachchon ne saakshaatkaar bhi kiya hai phir in aankhon se bhi dekhenge। vinaash ke pahle baap ko yaad karna hai to tamopradhaan se aatma satopradhaan ban jaae। baap nai duniya sthaapan karne ke liye tumko taiyaar kar rahe hain। raajdhaani poori sthaapan ho jaayegi phir vinaash hoga। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) vishnupuri mein chalne ke liye svayan ko laayak banaana hai। sampoorn paavan banna hai, ashuddha khaan-paan tyaag kar dena hai। vinaash ke pahle apna sab kuchh saphal karna hai।

2) jaldi-jaldi padhkar hoshiyaar hona hai। koi bhi vikarma na ho iska dhyaan rakhna hai।

vardaan:- phariyaad ko yaad mein parivartan karne vaale svatah aur nirantar yogi bhav

sangamayug ki visheshta hai - abhi-abhi purushaartha, abhi-abhi pratyakshaphal। abhi smriti swaroop abhi praapti ka anubhav। bhavishya ki guarantee to hai hi lekin bhavishya se shreshtha bhaagya abhi ka hai। is bhaagya ke nashe mein raho to svatah yaad rahegi। jahaan yaad hai vahaan phariyaad nahin। kya karen, kaise karen, yeh hota nahin hai, thodi madad de do - yeh hai fariyaad। to phariyaad ko chhodkar svatah yogi nirantar yogi bano।

slogan:- jo svayan ko mehmaan samajhkar chalte hain vahi mahaan sthiti ka anubhav karte hain।

ye avyakt ishaare - ekta aur vishvaas ki visheshta dvaara saphalta sampanna bano

sangathan ka bal, sneh ka bal, ek do ko sahayog dene ka bal aur sahansheelta ka bal jama karo to maaya kabhi vaar nahin kar sakegi, phir jayjaykaar ka naara lagega। jab itne sabhi anek hote bhi ek dikhaai denge, ek ki hi lagan mein magan, ekras sthiti mein sthit honge tab pratyakshata ki nishaani dekhne mein aayegi। aap sabki pratigya hi pratyakshata ko sameep laayegi।