बुधवार 18 फ़रवरी 2026 की दैनिक मुरली

18-02-2026 praatahmurli om shanti "baapdaada"' madhuban

“meethe bachche - tum is university mein aaye ho puraani duniya se markar nai duniya mein jaane, abhi tumhaari preet ek bhagwan se hui hai''

prashn:- kis vidhi se baap ki yaad tumhein saahookaar bana deti hai?

uttar:- baap hai bindu। tum bindu ban bindu ko yaad karo to saahookaar ban jaayenge। jaise ek ke saath bindu lagaao to 10 phir bindu lagaao to 100, phir 1000 ho jaata। aise baap ki yaad se bindu lagti jaati hai। tum dhanvaan bante jaate ho। yaad mein hi sachchi kamaai hai।

geet:- mahphil mein jal uthi shama…

om shanti। is geet ka arth kitna vichitra hai - preet bani hai kiske liye? kisse bani hai? bhagwan se kyonki is duniya se markar unke paas jaana hai। aise kabhi kiske saath preet hoti hai kya? jo yeh khyaal mein aaye ki mar jaayenge। phir koi preet rakhenge? geet ka arth kitna wonderful hai। shama se parvaane preet rakh pheri pahan-pahan jal marte hain। tumko bhi baap ki preet mein yeh shareer chhodna hai arthaat baap ko yaad karte-karte shareer chhodna hai। yeh gaayan sirf ek ke liye hai। woh baap jab aata hai to unse jo preet rakhte hain, unko is duniya se marna padta hai। bhagwan se preet rakhte hain to markar kahaan jaayenge। zaroor bhagwan ke paas hi jaayenge। manushya daan-punya teertha yaatra aadi karte hain bhagwan ke paas jaane ke liye। shareer chhodne samay bhi manushya ko kehte hain bhagwan ko yaad karo। bhagwan kitna naameegraami hai। woh aate hain to saari duniya ko khatma kar dete hain। tum jaante ho ham is university mein aate hain puraani duniya se markar nai duniya mein jaane ke liye। puraani duniya ko patit duniya, hell kaha jaata hai। baap nai duniya mein jaane ka raasta bataate hain। sirf mujhe yaad karo, main hoon heavenly god father। us father se tumko dhan milta, milkiyat, makaan aadi milenge। bachchiyon ko to varsa milna nahin hai। unko doosre ghar bhej dete hain। goya woh vaaris nahin thahri। yeh bhagwan to hai sabhi aatmaon ka baap, inke paas sabko aana hai। koi samay zaroor baap aate hain sabko ghar le jaate hain kyonki nai duniya mein bahut thode manushya hote hain। puraani duniya mein to bahut hain। nai duniya mein manushya bhi thode aur sukh bhi bahut hota hai। puraani duniya mein bahut manushya hain to duhkh bhi bahut hai, isliye pukaarte hain। baapu gaandhi bhi kehte the he patit-paavan aao। sirf unko jaante nahin the। samajhte bhi hain patit-paavan parampita paramatma hai, vahi world ka liberator hai। raam-seeta ko to saari duniya nahin maanengi। saari duniya parampita paramatma ko liberator, guide maanti hai। liberate karte hain duhkh se। achha duhkh dene vaala kaun? baap to duhkh de na sake kyonki woh to patit-paavan hai। paavan duniya sukhdhaam mein le jaane vaala hai। tum ho us roohaani baap ke roohaani bachche। jaisa baap, vaise bachche। laukik baap ke hain laukik arthaat jismaani bachche। abhi tum bachchon ko yeh samajhna hai ham aatma hain, parampita paramatma hamko varsa dene aaye hain। ham unke bachche banenge to svarga ka varsa zaroor milega। woh hai hi svarga sthaapan karne vaala। ham student hain, yeh bhoolna nahin chaahiye। bachchon ki buddhi mein rehta hai shivbaaba madhuban mein murli bajaate hain। woh (kaath ki) murli to yahaan nahin hai। shreekrishna ka dance karna, murli bajaana - woh sab bhakti maarga ka hai। baaki gyaan ki murli to shivbaaba hi bajaate hain। tumhaare paas achhe-achhe geet banaane vaale aayenge। geet aksar karke purush hi banaate hain। tumko gyaan ke geet hi gaane chaahiye jisse shivbaaba ki yaad aaye।

baap kehte hain mujh alpha ko yaad karo। shiv ko kehte hain bindu। vyaapaari log bindu likhenge to kahenge shiv। ek ke aage bindu likho to 10 ho jaayega phir bindu likho to 100 ho jaata। phir bindi likho to 1000 ho jaayega। to tumko bhi shiv ko yaad karna hai। jitna shiv ko yaad karenge bindi-bindi lagti jaayegi। tum aadhaakalpa ke liye saahookaar ban jaate ho। vahaan gareeb hota hi nahin। sab sukhi rehte hain। duhkh ka naam nahin। baap ki yaad se vikarma vinaash hote jaayenge। tum bahut dhanvaan banenge। isko kaha jaata hai sachche baap dvaara sachchi kamaai। yahi saath chalegi। manushya sab khaali haath jaate hain। tumko bhartu haath jaana hai। baap ko yaad karna hai। baap ne samjhaaya hai purity hogi to pees, prosperity milegi। tum aatma pahle pure thi phir impure bani ho। sannyaasiyon ko bhi semi pure kahenge। tumhaara hai full sannyaas। tum jaante ho woh kitna sukh lete hain। thoda sukh hai phir to duhkh hi hai। aage ve log sarvavyaapi nahin kehte the। sarvavyaapi kahne se girte jaate hain। duniya mein anek prakaar ke mele lagte hain kyonki aamadni to hoti hai na। yeh bhi unhon ka dhandha hai। kehte hain dhandhe sabmen dhool, bigar dhandhe nar se naaraayan banne ke। yeh dhandha koi virla kare। baap ka bankar sab kuchh deh sahit baap ko de dena hai kyonki tum chaahte ho naya shareer mile। baap kehte hain tum krishnapuri mein ja sakte ho parantu aatma jab tamopradhaan se satopradhaan banen। shreekrishnapuri mein aise nahin kahenge - hamko paavan banaao। yahaan sabhi manushya maatra pukaarte hain he liberator aao। is paap aatmaon ki duniya se hamko liberate karo।

abhi tum jaante ho baap aaya hai hamko apne saath le jaane। vahaan jaana to achha hai na। manushya shanti chaahte hain। ab shanti kisko kehte hain? karma bigar to koi rah na sake। shanti to hai hi shantidham mein। phir bhi shareer lekar karma to karna hi hai। satayug mein karma karte hue bhi shanti rehti hai। ashaanti mein manushya ko duhkh hota hai isliye kehte hain shanti kaise mile। abhi tum bachche jaante ho shantidham to hamaara ghar hai। satayug mein shanti bhi hai, sukh bhi hai। sab kuchh hai। ab woh chaahiye ya sirf shanti chaahiye। yahaan to duhkh hai isliye patit-paavan baap ko bhi yahaan pukaarte hain। bhakti karte hi hain bhagwan se milne। bhakti bhi pahle avyabhichaari phir vyabhichaari hoti hai। vyabhichaari bhakti mein dekho kya-kya karte hain। seedhi mein kitna achha dikhaaya hua hai parantu pahle-pahle to siddha karna chaahiye - bhagwan kaun hai? shreekrishna ko aisa kisne banaaya? aage janma mein kaun tha? samjhaane ki badi yukti chaahiye। jo achhi service karte hain unki dil bhi shaaydi (gavaahi) deti hai। university mein jo achhi reeti padhenge woh zaroor teekhe jaayenge। nambarvaar to hote hi hain। koi dull-head bhi hote hain। shivbaaba ko aatma kehti hai - meri buddhi ka taala kholo। baap kehte hain buddhi ka taala kholne ke liye hi to aaya hoon। parantu tumhaare karma aise hain jo taala khulta hi nahin। phir baba kya karenge? bahut paap kiye hue hain। ab baba unko kya karenge? teacher ko agar student kahen ki ham kam padhte hain to teacher kya karenge? teacher koi kripa to nahin karenge! karke uske liye extra time rakhenge। woh to tumko mana nahin hai। pradarshani khuli padi hai baithkar practice karo। bhakti maarga mein to koi kahenge maala phero, koi kahenge yeh mantra yaad karo। yahaan to baap apna parichay dete hain। baap ko yaad karna hai, jisse varsa mil jaata hai। to achhi tarah se baap se poora varsa lena chaahiye na। ismen bhi baap kehte hain vikaar mein kabhi nahin jaana। thodi bhi vikaar ki taste baithi to phir vriddhi ho jaayegi। cigarette aadi ki ek baar bhi taste karte hain to sang ka rang jhat lag jaata hai। phir aadat chhodna bhi mushkil ho jaati। bahaana kitna karte hain। aadat koi nahin padni chaahiye। chhi-chhi aadten bhi mitaani hain। baap kehte hain jeete ji shareer ka bhaan chhod mujhe yaad karo। devtaaon ko bhog hamesha pavitra hi lagaaya jaata hai, to tum bhi pavitra bhojan khaao। aajkal to sachcha ghi milta nahin, tel khaate hain। vahaan tel aadi hota nahin। yahaan to dairy mein dekho pure ghi rakha hai, jhootha bhi rakha hai। donon par likha hua hai - pure ghi, daam mein farka pad jaata hai। ab tum bachchon ko phool muaaphik khila hua harshit rehna chaahiye। svarga mein to natural beauty rehti hai। vahaan prakriti bhi satopradhaan ho jaati hai। lakshmi-naaraayan jaisi natural beauty yahaan koi bana na sake। unko in aankhon se koi dekh thode hi sakte hain। haan, saakshaatkaar hota hai parantu saakshaatkaar hone se koi hoobhu chitra bana thode hi sakenge। haan, koi artist ko saakshaatkaar hota jaae aur us samay baith banaaye.... parantu hai bada mushkil। to tum bachchon ko bahut nasha rehna chaahiye। abhi hamko baba lene liye aaya hai। baap se hamko svarga ka varsa milna hai। abhi hamaare 84 janma poore hue। aise-aise khyaal buddhi mein rahne se khushi hogi। vikaar ka jara bhi khyaal nahin aana chaahiye। baap kehte hain kaam mahaashatru hai। dropdi ne bhi isliye pukaara hai na। unko koi 5 pati nahin the। woh to pukaarti thi ki hamko yeh dushaasan nangan karte hain, isse bachaao। phir 5 pati kaise ho sakte hain। aisi baat ho nahin sakti। ghadi-ghadi tum bachchon ko nai-nai points milti rehti hain to change karna pade, kuchh na kuchh change kar akshar daal dena chaahiye।

tum likhte ho thode samay ke andar ham is bhaarat ko paristaan banaayenge। tum challenge karte ho। baap kahenge bachchon se, san shows father, father shows san। father kaun sa? shiv aur saaligraam, gaayan inka hai। shivbaaba jo samjhaate hain us par follow karo। follow father bhi gaayan unka hai। laukik father ko follow karne se to tum patit ban jaate ho। yeh to follow karaate hain paavan banaane ke liye। pharka hai na। baap kehte hain - meethe bachche, follow kar pavitra bano। follow karne se hi svarga ke maalik banenge। laukik baap ko follow karne se 63 janma tum seedhi neeche utre ho। ab baap ko follow kar oopar chadhna hai। baap ke saath jaana hai। baap kehte hain yeh ek-ek ratna laakhon roopayon ka hai। tum baap ko jaankar baap se varsa paate ho। woh to kehte brahm mein leen ho jaayenge। leen to hona nahin hai, phir aayenge। baap roz samjhaate rehte hain - meethe-meethe bachchon, pahle-pahle sabko baap ka parichay dena hai। paarlaukik baap varsa dete hain paavan banaane ka, isliye behad ke baap ko kehte bhi hain paavan banaao। woh hai patit-paavan। laukik baap ko patit-paavan nahin kahenge। woh khud hi pukaarte rehte hain he patit-paavan aao। to do baap ka parichay sabko dena hai। laukik baap kahenge shaadi kar patit bano, paarlaukik baap kehte hain paavan bano। mere ko yaad karne se tum paavan ban jaayenge। ek baap sabko paavan banaane vaala hai। yeh points bahut achhi hai samjhaane ki। bhinna-bhinna prakaar ki points vichaar saagar manthan kar samjhaate raho। yeh tumhaara hi dhandha hua। tum ho hi patiton ko paavan banaane vaale। paarlaukik baap abhi kehte hain paavan bano jabki vinaash saamne khada hai। ab kya karna chaahiye? zaroor paarlaukik baap ki mat par chalna chaahiye na। yeh bhi pratigya likhaani chaahiye pradarshani mein। paarlaukik father ko follow karenge। patit banna chhodenge। likho baap se guarantee lete hain। saari baat hai purity ki। tum bachchon ko din-raat khushi honi chaahiye - baap hamko svarga ka varsa de rahe hain। alpha aur be, baadshaahi। abhi tum samajhte ho shiv jayanti maana hi bhaarat ke svarga ki jayanti। geeta hi sarva shaastra mai shiromni hai। geeta maata। varsa to baap se hi milega। geeta ka rachayita hai hi shivbaaba। paarlaukik baap se paavan banne ka varsa milta hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) ham godly students hain, yeh sadaiv smriti mein rakhna hai। koi bhi chhi-chhi aadat nahin daalni hai। unhein mitaana hai। vikaar ka zara bhi khyaal nahin aana chaahiye।

2) jeete ji shareer ka bhaan bhoolkar baap ko yaad karna hai। bhinna-bhinna points vichaar saagar manthan kar patiton ko paavan banaane ka dhandha karna hai।

vardaan:- santushtata ke trimoorti certificate dvaara sada saphalta praapta karne vaale oonch pad ke adhikaari bhav

sada saphal hone ke liye baap aur parivaar se theek connection chaahiye। har ek ko teen certificate lene hain - baap, aap aur parivaar। parivaar ko santushta karne ke liye chhoti si baat yaad rakho - ki regard dene ka record nirantar chalta rahe, ismen nishkaam bano। baap ko santushta karne ke liye sachche bano। aur svayan se santushta rahne ke liye sada shreemat ki lakeer ke andar raho। ye teen certificate oonch pad ka adhikaari bana denge।

slogan:- jo chitra ko na dekh chaitanya aur charitra ko dekhte hain vahi shreshtha charitravaan hain।

ye avyakt ishaare - ekta aur vishvaas ki visheshta dvaara saphalta sampanna bano

jaise sarva aatmaon ko gyaan ki roshni dene ke liye sadaiv shubh bhaavna va kalyaan ki bhaavna rakhte ho। aise apne is daivi sangathan ko bhi ek-ras sthiti mein sthit kar sangathan ki shakti ko badhaane ka prayatna karo tab aapke is daivi sangathan ki moorta mein ekta aur ekras sthiti ka pratyaksha roop mein saakshaatkaar hoga।