सोमवार 23 फ़रवरी 2026 की दैनिक मुरली

23-02-2026 praatahmurli om shanti "baapdaada"' madhuban

“meethe bachche - yeh sangamayug hai chadhti kala ka yug, ismen sabhi ka bhala hota hai isliye kaha jaata chadhti kala tere bhaane sarva ka bhala''

prashn:- baba sabhi brahman bachchon ko bahut-bahut badhaaeeyaan dete hain - kyon?

uttar:- kyonki baba kehte tum mere bachche manushya se devta bante ho। tum abhi raavan ki janjeeron se chhootte ho, tum svarga ki raajaai paate ho, paas with honour bante ho, main nahin isliye baba tumhein bahut-bahut badhaaeeyaan dete hain। tum aatmaayen patang ho, tumhaari dor mere haath mein hain। main tumhein svarga ka maalik banaata hoon।

geet:- aakhir woh din aaya aaj…

om shanti। yeh amar katha kaun suna rahe hain? amar katha kaho, satya naaraayan ki katha kaho va teejri ki katha kaho - teenon mukhya hain। abhi tum kiske saamne baithe ho aur kaun tumko suna rahe hain? satsang to isne bhi bahut kiye hain। vahaan to sab manushya dekhne mein aate hain। kahenge phalaana sannyaasi katha sunaate hain। shivaanand sunaate hain। bhaarat mein to dher satsang hain। gali-gali mein satsang hain। maataayen bhi pustak uthaae baith satsang karti hain। to vahaan manushya ko dekhna padta hai lekin yahaan to wonderful baat hai। tumhaari buddhi mein kaun hai? paramatma। tum kehte ho abhi baba saamne aaya hua hai। niraakaar baba hamko padhaate hain। manushya kahenge woh eeshvar to naam-roop se nyaara hai। baap samjhaate hain ki naam-roop se nyaari koi cheez hai nahin। tum bachche jaante ho yahaan koi bhi saakaar manushya nahin padhaate hain aur kahaan bhi jaao, saari world mein saakaar hi padhaate hain। yahaan to supreme baap hai, jisko niraakaar god father kaha jaata hai, woh niraakaar saakaar mein baith padhaate hain। yeh bilkul nai baat hui। janma by janma tum sunte aaye ho, yeh phalaana pandit hai, guru hai। dher ke dher naam hain। bhaarat to bahut bada hai। jo bhi kuchh sikhaate hain, samjhaate hain woh manushya hi hain। manushya hi shishya bane hue hain। anek prakaar ke manushya hain। phalaana sunaate hain। hamesha shareer ka naam liya jaata hai। bhakti maarga mein niraakaar ko bulaate hain ki he patit-paavan aao। vahi aakar bachchon ko samjhaate hain। tum bachche jaante ho ki kalpa-kalpa saari duniya jo patit ban jaati hai, unko paavan karne vaala ek hi niraakaar baap hai। tum yahaan jo baithe ho, tumhaare mein bhi koi kachche hain, koi pakke hain kyonki aadhaakalpa tum deh-abhimaani bane ho। ab dehi-abhimaani is janma mein banna hai। tumhaari deh mein rahne vaali jo aatma hai unko paramatma baith samjhaate hain। aatma hi sanskaar le jaati hai। aatma kehti hai organs dvaara ki main phalaana hoon। parantu aatma-abhimaani to koi hai nahin। baap samjhaate hain jo is bhaarat mein sooryavanshi-chandravanshi the vahi is samay aakar brahman banenge phir devta banenge। manushya deh-abhimaani rahne ke aadti hain, dehi-abhimaani rehna bhool jaate hain isliye baap ghadi-ghadi kehte hain dehi-abhimaani bano। aatma hi bhinna-bhinna chola lekar part bajaati hai। yeh hain unke organs। ab baap bachchon ko kehte hain manamnaabhav। baaki sirf geeta padhne se koi raajya-bhaagya thode hi mil sakta hai। tumko is samay trikaaldarshi banaaya jaata hai। raat-din ka farka ho gaya hai। baap samjhaate hain main tumko raajayog sikhaata hoon। shreekrishna to satayug ka prince hai। jo sooryavanshi devtaayen the unmein koi gyaan nahin। gyaan to praayahlop ho jaayega। gyaan hai hi sadgati ke liye। satayug mein durgati mein koi hota hi nahin। woh hai hi satayug। abhi hai kaliyug। bhaarat mein pahle sooryavanshi 8 janma phir chandravanshi 12 janma। yeh ek janma abhi tumhaara sabse achha janma hai। tum ho prajaapita brahma mukh vanshaavli। yeh hai sarvottam dharma। devta dharma sarvottam dharma nahin kahenge। brahman dharma sabse oonch hai। devtaayen to praalabdha bhogte hain।

aajkal bahut social worker hain। tumhaari hai roohaani service। woh hai jismaani seva karna। roohaani service ek hi baar hoti hai। aage yeh social worker aadi nahin the। raaja-raani raajya karte the। satayug mein devi-devta the। tum hi poojya the phir pujaari bane। lakshmi-naaraayan dvaapar mein jab vaam maarga mein jaate hain to mandir banaate hain। pahle-pahle shiv ka banaate hain। woh hai sarva ka sadgati daata to unki zaroor pooja honi chaahiye। shivbaaba ne hi aatmaon ko nirvikaari banaaya tha na। phir hoti hai devtaaon ki pooja। tum hi poojya the phir pujaari bane। baba ne samjhaaya hai - chakra ko yaad karte raho। seedhi utarte-utarte ekdam pat par aakar pade ho। ab tumhaari chadhti kala hai। kehte hain chadhti kala tere bhaane sarva ka bhala। saari duniya ke manushya maatra ki ab chadhti kala karta hoon। patit-paavan aakar sabko paavan banaate hain। jab satayug tha to chadhti kala thi aur baaki sab aatmaayen muktidhaam mein thi।

baap baith samjhaate hain meethe-meethe bachchon mera janma bhaarat mein hi hota hai। shivbaaba aaya tha, gaaya hua hai। ab phir aaya hua hai। isko kaha jaata hai raajasva ashvamedh avinaashi roodra gyaan yagya। svaraajya paane ke liye yagya racha hua hai। vighna bhi pade the, ab bhi pad rahe hain। maataaon par atyaachaar hote hain। kehte hain baba hamko yeh nangan karte hain। hamko yeh chhodte nahin hain। baba hamaari raksha karo। dikhaate hain dropdi ki raksha hui। abhi tum 21 janmon ke liye behad ke baap se varsa lene aaye ho। yaad ki yaatra mein rahkar apne ko pavitra banaate ho। phir vikaar mein gaye to khalaas, ekdam gir padenge isliye baap kehte hain pavitra zaroor rehna hai। jo kalpa pahle bane the vahi pavitrata ki pratigya karenge phir koi pavitra rah sakte hain, koi nahin rah sakte hain। mukhya baat hai yaad ki। yaad karenge, pavitra rahenge aur svadarshan chakra phiraate rahenge to phir oonch pad paayenge। vishnu ke do roop raajya karte hain na। parantu vishnu ko jo shankh chakra de diya hai woh devtaaon ko nahin tha। lakshmi-naaraayan ko bhi nahin tha। vishnu to sookshm vatan mein rehte hain, unko chakra ke knowledge ki darkaar nahin hai। vahaan movie chalti hai। abhi tum jaante ho ki ham shantidham ke rahne vaale hain। woh hai niraakaari duniya। ab aatma kya cheez hai, woh bhi manushya maatra nahin jaante। kah dete aatma so paramatma। aatma ke liye kehte hain ek chamakta hua sitaara hai, jo bhrikuti ke beech rehta hai। in aankhon se dekh na saken। bhal koi kitna bhi koshish karen, sheeshe aadi mein banda karke rakhen ki dekhen ki aatma nikalti kaise hai? koshish karte hain parantu kisko bhi pata nahin padta hai - aatma kya cheez hai, kaise nikalti hai? baaki itna kehte hain aatma star misal hai। divya drishti bigar usko dekha nahin jaata। bhakti maarga mein bahuton ko saakshaatkaar hota hai। likha hua hai arjun ko saakshaatkaar hua akhanda jyoti hai। arjun ne kaha ham sahan nahin kar sakte। baap samjhaate hain itna tejomay aadi kuchh hai nahin। jaise aatma aakar shareer mein pravesh karti hai, pata thode hi padta hai। ab tum bhi jaante ho ki baba kaise pravesh kar bolte hain। aatma aakar bolti hai। yeh bhi drama mein saari noondh hai, ismen koi ke taakat ki baat nahin। aatma koi shareer chhod jaati nahin hai। yeh saakshaatkaar ki baat hai। wonderful baat hai na। baap kehte hain main bhi saadhaaran tan mein aata hoon। aatma ko bulaate hain na। aage aatmaon ko bulaakar unse poochhte bhi the। abhi to tamopradhaan ban gaye hain na। baap aate hi isliye hain ki ham jaakar patiton ko paavan banaayen। kehte bhi hain 84 janma। to samajhna chaahiye ki jo pahle aaye hain, unhonne hi zaroor 84 janma liye honge। woh to laakhon varsha kah dete hain। ab baap samjhaate hain tumko svarga mein bheja tha। tumne jaakar raajya kiya tha। tum bhaaratvaasiyon ko svarga mein bheja tha। raajayog sikhaaya tha sangam par। baap kehte hain main kalpa ke sangamayuge aata hoon। geeta mein phir yuge-yuge akshar likh diya hai।

abhi tum jaante ho ham seedhi kaise utarte hain phir chadhte hain। chadhti kala phir utarti kala। abhi yeh sangamayug hai sarva ki chadhti kala ka yug। sab chadh jaate hain। sab oopar mein jaayenge phir tum aayenge svarga mein part bajaane। satayug mein doosra koi dharma nahin tha। unko kaha jaata hai viceless world। phir devi-devtaayen vaam maarga mein jaakar sab vicious hone lagte hain, yatha raaja-raani tatha praja। baap samjhaate hain he bhaaratvaasi tum viceless world mein the। ab hai vicious world। anek dharma hain baaki ek devi-devta dharma nahin hai। zaroor jab na ho tab to phir sthaapan ho। baap kehte hain main brahma dvaara aakar aadi sanaatan devi-devta dharma ki sthaapna karta hoon। yahaan hi karega na। sookshm vatan mein to nahin karenge। likha hua hai brahma dvaara aadi sanaatan devi-devta dharma ki rachna rachte hain। tumko is samay paavan nahin kahenge। paavan ban rahe hain। time to lagta hai na। patit se paavan kaise banen, yeh koi bhi shaastron mein nahin hai। vaastav mein mahima to ek baap ki hai। us baap ko bhoolne ke kaaran hi orphan ban pade hain। ladte rehte hain। phir kehte hain sab milkar ek kaise hon। bhaai-bhaai hain na। baba to anubhvi hai। bhakti bhi isne poori ki hai। sabse adhik guru kiye hue hain। ab baap kehte hain in sabko chhodo। ab main tumko mila hua hoon। sarva ka sadgati daata ek sat shri akaal kehte hain na। arth nahin samajhte। padhte to bahut rehte hain। baap samjhaate hain abhi sab patit hain phir paavan duniya banegi। bhaarat hi avinaashi hai। yeh koi ko pata nahin hai। bhaarat ka kabhi vinaash nahin hota aur na kabhi pralay hoti hai। yeh jo dikhaate hain saagar mein peepal ke patte par shreekrishna aaye - ab peepal ke patte par to bachcha aa na sake। baap samjhaate hain tum garbha se janma lenge, bade aaraam se। vahaan garbha mahal kaha jaata hai। yahaan hai garbha jel। satayug mein hai garbha mahal। aatma ko pahle se hi saakshaatkaar hota hai। yeh tan chhod doosra lena hai। vahaan aatma-abhimaani rehte hain। manushya to na rachayita ko, na rachna ke aadi-madhya-ant ko jaante hain। abhi tum jaante ho baap hai gyaan ka saagar। tum master saagar ho। tum (maataayen) ho nadiyaan aur yeh gop hain gyaan maanasrovar। yeh gyaan nadiyaan hain। tum ho sarovar। pravritti maarga chaahiye na। tumhaara pavitra grihastha aashram tha। abhi patit hai। baap kehte hain yeh sadaiv yaad rakho ki ham aatma hain। ek baap ko yaad karna hai। baba ne pharmaan diya hai koi bhi dehdhaari ko yaad na karo। in aankhon se jo kuchh dekhte ho woh sab khatma ho jaana hai isliye baap kehte hain manamnaabhav, madhyaajeebhav। is kabristaan ko bhoolte jaao। maaya ke toofaan to bahut aayenge, inse darna nahin hai। bahut toofaan aayenge parantu karmendriyon se karma nahin karna hai। toofaan aate hain tab jab tum baap ko bhool jaate ho। yeh yaad ki yaatra ek hi baar hoti hai। woh hai mrityulok ki yaatraayen, amarlok ki yaatra yeh hai। to ab baap kehte hain koi bhi dehdhaari ko yaad na karo।

bachche, shiv jayanti ki kitni taaren bhejte hain। baap kehte hain tatatvam। tum bachchon ko bhi baap badhaaeeyaan dete hain। vaastav mein tumko badhaaeeyaan ho kyonki manushya se devta tum bante ho। phir jo paas with honour hoga unko jaasti marks aur achha number milega। baap tumko badhaaeeyaan dete hain ki ab tum raavan ki janjeeron se chhootte ho। sabhi aatmaayen patangen hain। sabki rassi baap ke haath mein hai। woh sabko le jaayenge। sarva ke sadgati daata hain। parantu tum svarga ki raajaai paane ke liye purushaartha kar rahe ho। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) paas with honour hone ke liye ek baap ko yaad karna hai, kisi bhi dehdhaari ko nahin। in aankhon se jo dikhaai deta hai, use dekhte bhi nahin dekhna hai।

2) ham amarlok ki yaatra par ja rahe hain isliye mrityulok ka kuchh bhi yaad na rahe, in karmendriyon se koi bhi vikarma na ho, yeh dhyaan rakhna hai।

vardaan:- apne shiksha swaroop dvaara shiksha dene vaale shiksha sampanna yogya shikshak bhav

yogya shikshak use kaha jaata hai jo apne shiksha swaroop dvaara shiksha de। unka swaroop hi shiksha sampanna hoga। unka dekhna-chalna bhi kisko shiksha dega। jaise saakaar roop mein kadam-kadam har karma shikshak ke roop mein practical mein dekha, jisko doosre shabdon mein charitra kehte hain। kisi ko vaani dvaara shiksha dena to common baat hai lekin sabhi anubhav chaahte hain। to apne shreshtha karma, shreshtha sankalp ki shakti se anubhav karaao।

slogan:- sankalpon ki siddhi praapta karne ke liye aatma shakti ki udaan bharte chalo।

ye avyakt ishaare - ekta aur vishvaas ki visheshta dvaara saphalta sampanna bano

sangathan ko ekta ke sootra mein pirone ke liye vaani ki shakti par vishesh dhyaan do। vaani sada nirmal ho, kam bolo, dheere bolo aur meetha bolo। sammaanajnak bol hi bolo। abhi tak saadhaaran bol jyaada hain। ‘alaukik bol hon, pharishton ke bol hon', har bol madhur ho। abhi is baat par underline karo tab pratyakshata hogi।