गुरुवार 5 मार्च 2026 की दैनिक मुरली

05-03-2026 praatahmurli om shanti "baapdaada"' madhuban

“meethe bachche - baap ko gyaani tu aatma bachche hi priy hain isliye baap samaan master gyaan saagar bano''

prashn:- kalyaankaari yug mein baap sabhi bachchon ko kaun si smriti dilaate hain?

uttar:- bachche tumhein apna ghar chhode 5 hazaar varsha hue hain। tumne 5 hazaar varsha mein 84 janma liye, ab yeh antim janma hai, vaanaprastha avastha hai isliye ab ghar jaane ki taiyaari karo phir sukhdhaam mein aayenge। bhal grihastha vyavhaar mein raho lekin is antim janma mein pavitra ban baap ko yaad karo।

geet:- mahphil mein jal uthi shama…

om shanti। bachchon ne yeh samjha hai ki bhagwan ek hai, god is one। sabhi aatmaon ka pita ek hai। unko parampita paramatma kaha jaata hai। srishti ka rachayita ek hai। anek ho hi nahin sakte। is siddhaanta anusaar manushya apne ko bhagwan kahla nahin sakte। abhi tum eeshvareey service ke nimitta bane ho। eeshvar nai duniya sthaapan kar rahe hain, jisko satayug kaha jaata hai, uske liye tum laayak ban rahe ho। satayug mein koi patit nahin rehte। abhi tum paavan ban rahe ho। kehte hain patit-paavan main hoon aur tum bachchon ko shreshtha mat deta hoon ki mujh apne niraakaar baap ko yaad karne se tum patit tamopradhaan se paavan satopradhaan ban jaayenge। yaad roopi yog agni se tumhaare paap naash ho jaayenge। saadhu aadi to kah dete hain eeshvar sarvavyaapi hai। ek taraph kehte bhagwan ek hai phir yahaan to bahut apne ko bhagwan kahlaate hain। shri-shri 108 jagatguru kahlaate hain। ab jagat ka guru to ek hi baap hai। saare jagat ko paavan banaane vaala ek paramatma saari duniya ko liberate karta hai duhkh se। vahi duhkh harta sukh karta hai। manushyon ko yeh nahin kaha ja sakta hai। yeh bhi tum bachche samajhte ho। yeh hai hi patit duniya। sab patit hain। paavan duniya mein hain yatha mahaaraaja-mahaaraani tatha praja। satayug mein poojya mahaaraaja-mahaaraani hote hain। phir bhakti maarga mein pujaari ban jaate hain। satayug mein jo mahaaraaja-mahaaraani hain, unki jab do kalaayen kam hoti hain to raaja-raani kaha jaata hai। yeh sab baaten detail ki hain। nahin to ek second mein jeevanmukti। baap samjhaate hain bhal grihastha vyavhaar mein raho parantu yeh antim janma pavitra raho। ab vaanaprastha avastha hai। vaanaprastha va shantidham ek hi baat hai। yahaan aatmaayen brahm tatva mein rehti hain, jisko brahmaanda kehte hain। vaastav mein aatmaayen koi ande misal nahin hain। aatma to star hai। baba ne samjhaaya hai jo bhi aatmaayen hain is drama mein actors hain। jaise actors naatak mein dress badalte hain, bhinna-bhinna part bajaate hain, yeh bhi behad ka naatak hai। aatmaayen is srishti par 5 tatvon ke bane hue shareer mein pravesh kar part bajaati hain - shuru se lekar। paramatma aur brahma, vishnu, shankar sab actors hain। naatak mein bhinna-bhinna prakaar ki dress milti hai part bajaane। ghar mein aatmaayen sab shareer ke bigar rehti hain। phir jab 5 tatvon ka shareer taiyaar hota hai, tab unmein pravesh karti hai। 84 shareer milte hain to naam bhi itne badalte hain। aatma ka naam ek hai। ab shivbaaba to hai hi patit-paavan। unko apna shareer nahin hai। shareer ka aadhaar lena padta hai। kehte hain mera naam shiv hi hai। bhal puraane shareer mein aata hoon। inke shareer ka naam apna hai। inka vyakta naam hai, phir avyakti naam pada hai। ek dharma vaala doosre dharma mein jaata hai to naam badalta hai। tum bhi shoodra dharma se badal brahman dharma mein aaye ho to naam badla hai। tum likhte ho shivbaaba through brahma। shivbaaba parampita paramatma hai, unka naam nahin badalta hai। shivbaaba brahma dvaara sthaapna kara rahe hain aadi sanaatan devi-devta dharma ki। jo praayahlop ho gaya hai, jo paavan poojya the ve hi patit pujaari bante hain। 84 janma poore kiye hain। ab phir se devi-devta dharma sthaapan hota hai। gaaya hua hai parampita paramatma aakar brahma dvaara phir se sthaapna karaate hain to brahman zaroor chaahiye। brahma aur brahman kahaan se aaye? shivbaaba aakar brahma dvaara adopt karte hain। kehte hain tum hamaare ho। shivbaaba ke bachche to ho hi phir brahma dvaara potre ho jaate ho। pita to ek hai saari praja ka। itne sab bachche kumaar-kumaariyaan hain। unko shivbaaba brahma dvaara adopt karte hain। manushyon ko pata thode hi hai। baap aakar aadi sanaatan devi-devta dharma sthaapan karte hain। to aise nahin ki nayesir aate rehte hain। jaise dikhaate hain pralay hui phir patte par saagar mein aaya....। ab yeh to sab kahaaniyaan banaai hui hain। yeh world ki history-geography repeat hoti rehti hai। aatma amar hai। usmein part bhi amar hai। part kabhi ghista nahin hai। satayug mein vahi lakshmi-naaraayan ki sooryavanshi raajdhaani chalti aati hai। kabhi badalti nahin। duniya nai se puraani, puraani se nai hoti rehti hai। har ek ko avinaashi part mila hua hai।

baap kehte hain bhakti maarga mein bhakta jis-jis bhaavna se bhakti karte hain vaisa saakshaatkaar karaata hoon। koi ko hanoomaan ka, ganesh ka bhi saakshaatkaar karaata hoon। unki woh shubh bhaavna poori karta hoon। yeh bhi drama mein noondh hai। manushya phir samajhte hain ki bhagwan sabmen hai isliye sarvavyaapi kah dete hain। bhakta maala bhi hai, males mein naarad shiromni gaaya jaata hai, female mein meera। bhakta maala alag hai, roodra maala alag hai, gyaan ki maala alag hai। bhakton ki maala kabhi poojte nahin। runda maala (vaijayanti maala) pooji jaati hai। oopar hai phool phir meru... phir hain bachche, jo raajgaddi par baithte hain। vaijayanti maala hi vishnu ki maala hai। bhakton ki maala ka sirf gaayan hota hai। yeh roodra maala to sab pherte hain। tum bhakta nahin gyaani ho। baap kehte hain mujhe gyaani tu aatma priy lagte hain। baap hi gyaan ka saagar hai, tum bachchon ko gyaan de rahe hain। maala bhi tumhaari pooji jaati hai। 8 ratnon ka bhi poojan hota hai kyonki gyaani tu aatma hain to unki pooja hoti hai। angoothi banaakar pahante hain kyonki yeh bhaarat ko svarga banaate hain। paas with honour hote hain to unka gaayan hai। 9 vaan daana beech mein shivbaaba ko rakhte hain। usko kehte hain 9 ratna। yeh hai detail ki samjhaani। baap to sirf kehte hain baap aur varse ko yaad karo to tumhaare vikarma vinaash honge phir tum chale jaayenge। patit aatmaayen paavan duniya mein ja na saken। yahaan sab patit hain। devtaaon ke shareer to pavitra nirvikaari hain। woh hain poojya, yatha raaja-raani tatha praja poojya hain। yahaan sab hain pujaari। vahaan duhkh ki baat nahin। unko kaha jaata hai svarga, sukh-dhaam। vahaan sukh, sampatti, shanti sab thi। ab to kuchh nahin hai isliye isko narka, unko svarga kaha jaata hai। ham aatmaayen shantidham mein rahne vaali hain। vahaan se aati hain part bajaane। 84 janma poore bhogne padte hain। abhi duhkhadhaam hai phir ham jaate hain shantidham phir sukhdhaam mein aayenge। baap sukhdhaam ka maalik banaane, manushya se devta banaane purushaartha karva rahe hain। tumhaara hai yeh sangamayug। baap kehte hain main kalpa ke sangamayuge aata hoon, yuge-yuge nahin। main sangamayug mein ek hi baar srishti ko badalne aata hoon। satayug tha, ab kaliyug hai phir satayug aana chaahiye, yeh hai kalyaankaari sangamayug। sabka kalyaan hona hai, sabko raavan ki jel se chhudaate hain। unko duhkh harta sukh karta kaha jaata hai। yahaan sab duhkhi hain। tum purushaartha karte ho sukhdhaam mein jaane ke liye। sukhdhaam jaana hai to pahle shantidham mein jaana hai। tumko part bajaate-bajaate 5 hazaar varsha hue hain।

baap samjhaate hain tumko apna ghar chhode 5 hazaar varsha hue hain। usmein tum bhaaratvaasiyon ne 84 janma liye hain। ab tumhaara antim janma hai, sabki vaanaprastha avastha hai। sabko jaana hai। gaayan bhi hai gyaan ka saagar va roodra। yeh hai shiv gyaan yagya। patit-paavan shiv hai, paramatma bhi shiv hai। roodra naam bhakton ne rakh diya hai। unka asul naam ek hi shiv hai। shivbaaba prajaapita brahma dvaara sthaapna karvaate hain। brahma ek hi hai। yeh patit phir vahi brahma paavan banta hai to pharishta ban jaata hai। jo sookshm-vatan mein dikhaate hain, woh doosra brahma nahin hai। brahma ek hai। yeh vyakta woh avyakt। yeh sampoorn paavan ho jaayenge to sookshm vatan mein dekhenge। vahaan haddi aadi hoti nahin।

baba ne samjhaaya tha - jis aatma ko shareer nahin milta hai woh bhatakti rehti hai। unko bhoot kehte hain। jab tak shareer mile tab tak bhatakti hai। koi achhi hoti hai, koi buri hoti hai। to baap har ek baat ki samjhaani dete hain। woh gyaan ka saagar hai to zaroor samjhaayenge na। ek second mein jeevanmukti hai। alpha aur be ko yaad karo to second mein jeevanmukti ka varsa milega। kitna sahaj hai। naam hi hai sahaj raajayog। woh samajhte hain bhaarat ka yog yeh tha। parantu woh sannyaasiyon ka hathayog hai। yeh to bilkul hi sahaj hai। yog maana yaad। unka hai hathayog। yeh hai sahaj। baap kehte hain mujhe is prakaar yaad karo। koi locket aadi lagaane ki darkaar nahin hai। tum to bachche ho baap ke। baap ko sirf yaad karo। tum yahaan part bajaane aaye ho। ab sabko vaapis ghar jaana hai phir vahi part bajaana hai। bhaaratvaasi hi sooryavanshi, chandravanshi, vaishya vanshi, shoodra vanshi bante hain। is beech mein aur dharma vaale bhi aate hain। 84 janma tum lete ho। phir tumko hi number one mein jaana hai। phir tum satayug mein aayenge to aur sabhi shantidham mein honge। aur dharma vaalon ke varna nahin hain। varna bhaarat ke hi hain। tum hi sooryavanshi-chandravanshi bane the। abhi brahman varna mein ho। brahma vanshi brahman bane ho। yeh sab baaten baap baith samjhaate hain। jinki buddhi mein dhaarna nahin ho sakti, unko kehte hain sirf baap ko yaad karo। jaise baap ko jaanne se bachche ko maaloom pad jaata hai yeh milkiyat hai। bachchi ko to varsa nahin milta hai। yahaan tum sab shivbaaba ke bachche ho, sabka hak hai। mel athva female sabka hak hai। sabko sikhaana hai - shivbaaba ko yaad karo। jitna yaad karenge utna vikarma vinaash honge, patit se paavan banenge। aatma mein jo khaad padi hai woh nikle kaise? baap kehte hain yog se hi tumhaari khaad khatma ho jaayegi। yeh patit shareer to yahaan hi chhodna hai। aatma pavitra ban jaayegi। sab machchharon sadrishya jaayenge। buddhi bhi kehti hai satayug mein bahut thode rehte hain। is vinaash mein kitne manushya marenge। baaki thode jaakar rahenge। raajaayen to thode rahenge, baaki 9 laakh praja satayug mein rehti hai। is par gaate bhi hai na - 9 laakh taare, yaani praja। jhaad pahle chhota hota hai phir vriddhi ko paata hai। abhi to kitni aatmaayen hain। baap aate hain sabka guide ban le jaate hain। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) yog agni se vikarmon ki khaad ko bhasma kar paavan banna hai। ab vaanaprastha avastha hai isliye vaapis ghar jaane ke liye sampoorn satopradhaan banna hai।

2) is kalyaankaari yug mein baap samaan duhkh harta sukh karta banna hai।

vardaan:- sada combined swaroop ki smriti dvaara mushkil kaarya ko sahaj banaane vaale double light bhav

jo bachche nirantar yaad mein rehte hain ve sada saath ka anubhav karte hain। unke saamne koi bhi samasya aayegi to apne ko combined anubhav karenge, ghabraayenge nahin। ye combined swaroop ki smriti koi bhi mushkil kaarya ko sahaj bana deti hai। kabhi koi badi baat saamne aaye to apna bojh baap ke oopar rakh svayan double light ho jaao। to pharishte samaan din-raat khushi mein man se dance karte rahenge।

slogan:- kisi bhi kaaran ka nivaaran kar santushta rahne aur karne vaale hi santushtamni hain।

ye avyakt ishaare - “nishchay ke foundation ko majboot kar sada nirbhay aur nishchint raho"

shreemat pramaan har kadam ho to sada nishchint rahenge aur nishchint hain to sada yathaartha nirnay denge। jab nirnay yathaartha hoga to vijayi honge। trikaaldarshi aatma sada hi nishchint rehti hai kyonki use nishchay hai ki hamaari vijay hui hi padi hai।