शनिवार 7 मार्च 2026 की दैनिक मुरली

07-03-2026 praatahmurli om shanti "baapdaada"' madhuban

“meethe bachche - tum is samay baap ke saath seva mein madadgaar bane ho isliye tumhaara simran hota hai, poojan nahin, kyonki shareer apvitra hai''

prashn:- kaun sa nasha tum bachchon ki buddhi mein nirantar rehna chaahiye?

uttar:- ham shivbaaba ke bachche hain, unse raajayog seekh svarga ki raajaai ka varsa lete hain, yeh nasha tumhein nirantar rehna chaahiye। vishwa ka maalik banna hai to bahut khabardaari se padhna aur padhaana hai। kabhi bhi baap ki ninda nahin karaani hai। kisi se bhi ladna jhagadna nahin hai। tum kaudi se heere jaisa bante ho to achhi reeti dhaarna karni hai।

geet:- jo piya ke saath hai…

om shanti। bachchon ne samjha। jo baap ke saath hain vo baapdaada ke saath hain। abhi to double hain na। yeh achhi tarah samjhaaya jaata hai - brahma dvaara parampita paramatma shiv sthaapna kaise karenge? woh to jaante nahin hain। tum bachche hi jaante ho unko apna shareer hai nahin। shreekrishna ko to apna shareer hai। aise to kaha nahin ja sakta ki paramatma shreekrishna ke shareer dvaara... nahin। krishna to hai satayug ka prince। parampita paramatma brahma dvaara sthaapna karaate hain to zaroor brahma mein pravesh karna pade। aur koi upaay hai nahin। prerna aadi ki baat nahin। baap brahma dvaara sab samjha dete hain। vijay maala jisko roonda maala kaha jaata hai, jo manushya poojte hain, simarte hain। tum bachche samajhte ho ki roodra maala to sirf simri jaati hai। meru kaha jaata hai brahma sarasvati ko। baaki maala hui bachchon ki। vishnu ki maala to ek hai, pooji ja sakti hai। is samay tum purushaarthi ho। tumhaara simran hota hai ant mein। aatmaon ki maala hai ya jeev aatmaon ki? prashn uthega na। vishnu ki maala to kahenge chaitanya jeev aatmaon ki maala। lakshmi naaraayan pooje jaate hain na kyonki unhon ki aatma aur shareer donon pavitra hain। roodra maala woh to sirf aatmaon ki hai kyonki shareer to apvitra hain। woh to pooje nahin ja sakte। aatma kaise pooji jaati hai? tum kehte ho roodra maala pooji jaati hai। parantu nahin, pooji nahin jaati। jab naam hi hai simarni। jo bhi daane hain woh tum bachchon ke simran hote hain, jab shareer mein hain। daane to braahmanon ke hain। simran kisko karte hain? yeh to kisi ko pata nahin hai। yeh hain brahman jo bhaarat ki seva karte hain। unko yaad karte hain। jagat amba deviyaan aadi bahut hain, unko yaad karna chaahiye? poojne laayak lakshmi-naaraayan bante hain। tum nahin, kyonki tumhaare shareer patit hain। aatma pavitra hai parantu woh pooji nahin ja sakti hai, simri ja sakti hai। koi bhi tumse poochhe to samjha hua hona chaahiye। tum ho braahmaniyaan। tumhaare yaadgaar deviyon ke roop mein hain। tum shreemat par khud paavan bante ho to yeh maala first braahmanon ki samjhi jaae phir devtaaon ki। vichaar saagar manthan karne se result niklegi। jab aatmaayen saaligraam roop mein hain tab pooji jaati hain। shiv ki pooja hoti hai to saaligraam ki bhi hoti hai kyonki aatma pavitra hai, shareer nahin। simran sirf tumhaara kiya jaata hai kyon? tum shareer ke saath seva karte ho। tumhaari pooja nahin ho sakti hai phir jab shareer chhodte ho to tum bhi shiv ke saath pooje jaate ho। vichaar kiya jaata hai na। tum is samay brahman ho। shivbaaba bhi brahma mein aate hain to brahma bhi saakaar mein hai। tum mehnat karte ho। yeh maala jaise saakaari hai। brahma sarasvati aur tum gyaan gangaayen। tumne bhaarat ko svarga banaaya, yeh roodra yagya racha। jo pooja karte hain usmein sirf shiv aur saaligraam hote hain। unmein brahma sarasvati ka athva tum bachchon ka naam nahin hai। yahaan to sabka naam hai। tumhaara simran karte hain। kaun-kaun gyaan gangaayen thi। woh to hai gyaan saagar। yeh hai brahmaputra badi nadi। yeh brahma maata bhi hai। saagar ek hai, baaki gangaayen to kisam-kisam ki anek prakaar ki hoti hain। nambarvaar jinmen achha gyaan hai, unko sarovar kaha jaata hai। mahima bhi hai। kehte hain maanasrovar mein snaan karne se pareezaada ban jaate hain। to tumhaari maala simri jaati hai। simarni kehte hain na। simran karo, woh to sirf raam-raam kehte hain। parantu tum jaante ho simran kiska hoga? jo jaasti service karte hain। pahle to baba hai phool phir meru, jo bahut mehnat karte hain phir roodra maala so vishnu ki maala banti hai। tumhaari sirf aatma pooji jaati hai। tum ab simran laayak ho। simarni tumhaari hai। baaki pooja nahin ho sakti kyonki aatma pavitra, shareer apvitra hai। apvitra cheez kabhi pooji nahin jaati। jab roodra maala banne laayak ban jaate ho phir ant mein tum shuddh ban jaate ho। tumko saakshaatkaar hoga paas with honour kaun-kaun hote hain। service karne se naamaachaar bahut ho jaata hai। maaloom padta jaayega - vijay maala mein nambarvaar kaun-kaun aayega! yeh baaten badi guhya hain।

manushya to sirf raam-raam kehte hain। Christian log Christ ko yaad karte hain। maala kiski hogi? god to ek hai। baaki jo paas baithe hain unki maala banti hogi। is maala ko tum abhi sirf samajh sakte ho। apne aadi sanaatan devi-devta dharma vaale hi nahin samajh sakte to aur kaise samjhenge। sabko patit se paavan banaane vaala to ek hi baap hai। Christ ke liye aise nahin kahenge ki woh patit ko paavan banaane vaala hai। unko janma-maran mein aakar neeche utarna hi hai। vaastav mein unko guru bhi nahin kahenge kyonki sarva ka sadgati daata ek hi baap hai। so to jab ant ho, jhaad jadajdeebhoot ho tab baap aakar sabko sadgati dete hain। aatma oopar se aati hai dharma ki sthaapna karne। unko to janma-maran mein aana hai। satguru ek hi hai। woh sarva ke sadgati daata hain। sachcha satguru manushya koi ho na sake। woh to sirf aate hi hain dharma sthaapan karne, unke pichhaadi sab aane lagte hain part bajaane। jab sab tamopradhaan avastha ko paate hain tab main aakar sarva ki sadgati karta hoon। sab vaapis jaate hain phir nayesir chakra shuru hota hai। tum raajayog seekhte ho। vahi raajaai paayenge phir raaja banen va praja banen। praja to dher banti hai। mehnat hai raajaai pad paane ki। ant mein poora pata padega। kaun vijay maala mein piroye jaate hain। anpadh padhe ke aage bhari dhoyenge। satayug mein aayenge parantu naukar chaakar banna padega। yeh sabko maaloom ho jaayega। jaise imtahaan ke dinon mein sabko maaloom pad jaata hai kaun-kaun paas honge। padhaai par attention nahin hota hai to fail ho jaate hain। tumhaari yeh hai behad ki padhaai। eeshvareey vishwa-vidyaalay to ek hai, jahaan manushya se devta banna hai, usmein nambarvaar paas hote hain। padhaai ek hi raajayog ki hai, raajaai pad paane mein mehnat hai aur service bhi karni hai। raaja jo banenge unko phir apni praja bhi banaani pade। achhi-achhi bachchiyaan bade-bade centres sambhaalti hain, badi praja banaati hain। baba bhi kehte hain bada bageecha banaao to baba bhi aakar dekhe। abhi to bahut chhota hai। baambe mein to laakhon ho jaayenge। sooryavanshi to saari dynasty hoti hai to dher ho jaayenge। jo mehnat karte hain ve raaja bante hain baaki to praja banti jaayegi। gaaya bhi hua hai he prabhu teri sadgati ki leela। tum kehte ho vaah baba! aapki gati mat... sarva ke sadgati karne ki shreemat, yeh sabse nyaari hai। baap saath mein le jaate hain, chhod nahin jaate hain। niraakaari, aakaari, saakaari lok ko bhi nahin jaante। sirf srishti ke aadi-madhya-ant ko jaanna woh bhi complete knowledge nahin। pahle to mool vatan ko jaanna pade। jahaan ham aatmaayen rehti hain। is saare srishti chakra ko jaanne se tum chakravarti raaja bante ho। yeh sab kitni samajhne ki baaten hain। woh to kah dete shiv naam roop se nyaara hai। chitra bhi hain phir bhi kehte naam roop se nyaara। phir kah dete sarvavyaapi hai। ek em.pi. ne kaha tha ki yeh main nahin maanta ki eeshvar sarvavyaapi hai। manushya ek do ko maarte hain, kya yeh eeshvar ka kaam hai? aage chalkar in baaton ko samjhenge। jab tumhaari bhi vriddhi hogi। baba ne raat ko bhi samjhaaya jo apne ko hoshiyaar samajhte hain woh aise-aise patra likhen। yeh poori knowledge kya hai, unko samjhaana chaahiye। likh sakte ho ham poori knowledge de sakte hain। mool vatan ki knowledge de sakte hain। niraakaar baap ka bhi parichay de sakte hain phir prajaapita brahma aur unke brahman dharma ke baare mein bhi samjha sakte hain। lakshmi-naaraayan phir raam seeta unhon ki dynasty kaise chalti hai, phir unse raajaai kaun chheente hain, woh svarga kahaan gaya। jaise kaha jaata hai narka kahaan gaya? khatma ho gaya। svarga bhi khatma ho jaayega। us samay bhi earthquake aadi hoti hai। woh heere javaahraat ke mahal aadi aise chale gaye jo koi nikaal na sake। sone heere javaahraat ke mahal kabhi neeche se nikle nahin hain। somnaath aadi ka mandir to baad mein bana hai, unse to unhon ke ghar oonche honge। lakshmi-naaraayan ka ghar kaisa hoga? woh saari milkiyat kahaan gai? aisi-aisi baaten jab vidvaan sunenge to wonder khaayenge, to inhon ki knowledge jabardasta hai। manushya to kuchh bhi nahin jaante sirf sarvavyaapi kah dete hain। yeh sab samajhne ki aur samjhaane ki baaten hain।

tumko dhan milta hai phir daan karna hai। baba tumko dete jaate hain, tum bhi dete jaao। yeh akhut khajaana hai, saara madaar dhaarna par hai। jitni dhaarna karenge utna oonch pad paayenge। khyaal karo kahaan kaudi, kahaan heera। heere ka moolya sabse jaasti। kaudi ka moolya sabse kam। abhi tum kaudi se heera bante ho। yeh baaten kabhi kiske svapna mein bhi na aayen। sirf samjhenge barobar lakshmi-naaraayan ka raajya tha, jo hokar gaye hain। baaki yeh raajya kab kisne diya, yeh kuchh nahin jaante। raajaai kisne di? yahaan to kuchh bhi nahin hai। raajayog se svarga ki raajaai milti hai। yeh wonder hai na। achhi tarah bachchon ki buddhi mein nasha rehna chaahiye। parantu maaya phir woh sthaai nasha rahne nahin deti hai। ham shivbaaba ke bachche hain। yeh knowledge padhkar ham vishwa ke maalik banenge। yeh kabhi kiski buddhi mein aata hoga kya! to baap samjhaate hain bachchon ko kitni mehnat karni chaahiye। guru ke nindak thaur na paayen। yeh yahaan ki baat hai। unki to em object hi nahin hai। tumhaari to em object hai। baap teacher guru teenon hi hain। tum jaante ho is padhaai se ham vishwa ke maalik bante hain। kitni khabardaari se padhna aur padhaana chaahiye। aisi koi baat na ho jo ninda kara do। na kisi se ladna jhagadna hai। sabse meetha bolna hai। baap ka parichay dena hai। baba kehte hain de daan to chhoote grahan। number one daan hai deh-abhimaan। is samay to tum aatma-abhimaani ho aur parmaatma-abhimaani bante ho। yeh amoolya jeevan hai। baap kehte hain kalpa-kalpa ham tumko aise padhaane aate hain phir tum bhool jaate ho। yeh bhi drama mein noondh hai। achha!

meethe-meethe sikeeldhe, gyaan ratna dhaaran karne vaale aur service karne vaale bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) sabse meetha bolna hai, aisi koi baat nahin karni hai, jisse baap ki ninda ho। deh-abhimaan ka daan kar aatma-abhimaani aur parmaatma-abhimaani banna hai।

2) jo gyaan dhan milta hai, uska daan karna hai, padhaai se raajaai milti hai is nashe mein sthaai rehna hai। attention dekar padhaai padhni hai।

vardaan:- saaksheepan ki seat dvaara pareshaani shabd ko samaapta karne vaale master trikaaldarshi bhav

is drama mein jo kuchh bhi hota hai usmein kalyaan bhara hua hai, kyon, kya ka question samajhdaar ke andar uth nahin sakta। nuksaan mein bhi kalyaan samaaya hua hai, baap ka saath aur haath hai to akalyaan ho nahin sakta। aise shaan ki sheet par raho to kabhi pareshaan nahin ho sakte। saaksheepan ki sheet pareshaani shabd ko khatma kar deti hai, isliye trikaaldarshi ban pratigya karo ki na pareshaan honge, na pareshaan karenge।

slogan:- apni sarva karmendriyon ko order pramaan chalaana hi svaraajya adhikaari banna hai।

ye avyakt ishaare - “nishchay ke foundation ko majboot kar sada nirbhay aur nishchint raho"

nishchaybuddhi ka arth hai bephikra baadshaah, vahi baap samaan hai। vinaashi dhan vaale jitna kamaate utna samay pramaan phikra mein rehte। lekin jinhen faith hai ki ham eeshvareey khajaanon ke maalik aur parmaatma baalak hain woh sada hi svapna mein bhi bephikra baadshaah hain, kyonki unko vishvaas hai ki yeh eeshvareey khajaane is janma mein to kya lekin anek janma saath hain, saath rahenge iseelie woh nishchaybuddhi, nishchint rehte hain।