मंगलवार 10 मार्च 2026 की दैनिक मुरली

10-03-2026 praatahmurli om shanti "baapdaada"' madhuban

“meethe bachche - sabse badi beemaari deh-abhimaan ki hai, isse hi down fall hua hai, isliye ab dehi-abhimaani bano''

prashn:- tum bachchon ki karmaateet avastha kab hogi?

uttar:- jab yogbal se karmabhog par vijay praapta karenge। poora-poora dehi-abhimaani banenge। yeh deh-abhimaan ka hi rog sabse bada hai, isse duniya patit hui hai। dehi-abhimaani bano to woh khushi, woh nasha rahe, chalan bhi sudhre।

geet:- raat ke raahi thak mat jaana…

om shanti। raahi ka arth to bachchon ne suna। aur to koi samjha nahin sakte sivaae tum brahma mukh vanshaavli braahmanon ke। tum jo devi devta the, the to manushya parantu tumhaari seerat bahut achhi thi। tum sarvagun sampanna, 16 kala sampoorn the। tum vishwa ke maalik the। heere jaise se kaudi jaisa kaise bane, yeh koi manushya nahin jaante hain। tumne bhi nambarvaar purushaartha anusaar palta khaaya hai (parivartan hue hai)। abhi tum devta bane nahin ho। rejuvenate ho rahe ho। koi thoda badle hain, koi ki 5 pratishat, koi ki 10 pratishat... seerat badalti jaati hai। duniya ko yeh pata nahin bhaarat hi heaven tha, kehte bhi hain Christ se 3 hajaar varsha pahle bhaarat mein devi-devta the, unmein aise gun the jo unhon ko bhagwan bhagavti kehte the। abhi to woh gun hain nahin। manushya ki samajh mein nahin aata, bhaarat jo itna saahookaar tha, unka phir down fall kaise hua। woh bhi baap hi baith samjhaate hain। tum bhi samjha sakte ho, jinki soorat sudhri hai। baap kehte hain bachche tum devi devta the to aatma-abhimaani the phir jab raavan raajya shuru hua to deh-abhimaani ban pade ho। yeh deh-abhimaan ki sabse badi beemaari tumko lag padi hai। satayug mein tum aatma-abhimaani the, bahut sukhi the, kisne tumko aisa banaaya? yeh koi bhi nahin jaante। baap baith samjhaate hain tumhaara down fall kyon hua। apne dharma ko bhool gaye ho। bhaarat worth not A penny ban gaya। unka mool kaaran kya hai? deh-abhimaan। yeh bhi drama bana hua hai। manushya yeh nahin jaante ki bhaarat itna saahookaar tha phir gareeb kaise bana, ham aadi sanaatan devi-devta dharma ke the phir ham kaise dharma bhrashta, karma bhrashta banen। baap samjhaate hain, raavan raajya hone se tum deh-abhimaani bane, to tumhaara yeh haal hone laga। seedhi bhi dikhaai hai - kaise down fall hua, worth not A penny ka bhi mukhya kaaran deh-abhimaan hai। yeh bhi baap baith samjhaate hain। shaastron mein kalpa ki aayu laakhon varsha laga di hai। aajkal samajhdaar hain Christian log। woh bhi kehte hain - Christ se 3 hajaar varsha pahle paradise tha, bhaaratvaasi yeh samajh nahin sakte ki praacheen bhaarat hi tha jisko svarga, heaven kaha jaata hai। aajkal to bhaarat ki full history-geography ko jaante hi nahin hain, thode bachchon mein thoda gyaan hai to deh-abhimaan aa jaata hai। samajhte hain hamaare jaisa koi hai nahin। baap samjhaate hain bhaarat ki aisi durdasha kyon hui? baapu gaandhi bhi kehte the - patit-paavan aao, aakar raamraajya sthaapan karo। aatma ko zaroor kabhi baap se sukh mila hai, to patit-paavan ko yaad karte hain।

baap samjhaate hain hamaare bachche jo shoodra se badal brahman bante hain woh bhi poora dehi-abhimaani nahin bante hain। ghadi-ghadi deh-abhimaan mein aa jaate hain। yeh hai sabse puraana rog, jisse yeh haal hua hai। dehi-abhimaani banne mein badi mehnat hai। jitna dehi-abhimaani banenge, utna baap ko yaad karenge। phir athaah khushi rahni chaahiye। gaaya jaata hai - parvaah thi paar brahm mein rahne vaale parmeshvar ki woh mil gaya, usse 21 janma ka varsa milta hai। baaki kya chaahiye। tum sirf dehi-abhimaani bano, maamekam yaad karo। bhal grihastha vyavhaar mein raho। saari duniya deh-abhimaan mein hai। bhaarat jo itna oonch tha uska down fall hua hai। history-geography kya hai, yeh koi bata na sake। yeh baaten koi bhi shaastron mein nahin hain। devtaayen aatma-abhimaani the। jaante the ek deh ko chhod doosri leni hai। parmaatma-abhimaani nahin the। tum jitna baap ko yaad karenge, dehi-abhimaani rahenge utna bahut meetha banenge। deh-abhimaan mein aane se hi ladna, jhagadna, bandarapna aa jaata hai, yeh baap samjhaate hain। yeh baba bhi samajh rahe hain। bachche deh-abhimaan mein aakar shivbaaba ko bhool jaate hain। achhe-achhe bachche deh-abhimaan mein rehte hain। dehi-abhimaani bante hi nahin hain। tum koi ko bhi yeh behad ki history-geography samjha sakte ho। barobar sooryavanshi chandravanshi raajdhaani thi। drama ka kisko bhi pata nahin hai। bhaarat jo itna gira, down fall ki jad hai deh-abhimaan। bachchon mein bhi deh-abhimaan aa jaata hai। yeh nahin samajhte ki hamko direction kaun dete hain। hamesha samjho - shivbaaba kehte hain। shivbaaba ko yaad na karne se hi deh-abhimaan mein aa jaate hain। saari duniya deh-abhimaani ban gai hai tab baap kehte hain maamekam yaad karo, apne ko aatma samjho। aatma is deh dvaara sunti hai, part bajaati hai। baap kitna achhi reeti samjhaate hain। bhal bhaashan to bahut achha kar lete hain parantu chalan bhi to achhi chaahiye na। deh-abhimaan hone kaaran fail ho jaate hain। woh khushi va nasha nahin rehta hai। phir bade vikarma bhi unse hote hain, jis kaaran bade danda ke bhaagi ban padte hain। deh-abhimaani banne se bahut nuksaan paate hain। bahut saja khaani padti hai। baap kehte hain yeh godly world government hai na। mujh god ki government ka right hand hai dharmaraaj। tum achhe karma karte ho to unka phal achha milta hai। bure karma karte ho to unki saja khaate ho। sab garbha jel mein bhi sajaayen khaate hain। us par bhi ek kahaani hai। yeh sab baaten is samay ki hain। mahima ek baap ki hai। doosre koi ki mahima hai nahin isliye likha jaata hai trimoorti shiv jayanti worth diamond। baaki sab hai worth kaudi। sivaae shivbaaba ke paavan koi bana na sake। paavan bante hain phir raavan patit banaate hain। jis kaaran sab deh-abhimaani ban pade hain। ab tum dehi-abhimaani bante ho। yeh dehi-abhimaani avastha 21 janma chalti hai। to balihaari ek ki gaai jaati hai। bhaarat ko svarga banaane vaala shivbaaba hai, yeh kisko pata nahin hai ki shivbaaba kab aaya, unki history to pahle-pahle chaahiye। shiv kaha hi jaata hai parampita paramatma ko।

tum jaante ho deh-abhimaan ke kaaran down fall hota hai। aisa ho tab to baap aaye rise karne। rise aur fall, din aur raat, gyaan soorya pragta, agyaan andher vinaash। sabse jaasti agyaan hai yeh deh-abhimaan। aatma ka to kisko pata nahin hai। aatma so paramatma kah dete hain to kitne paap aatma ho gaye hain isliye down fall hua hai। 84 janma liye hain, seedhi neeche utarte aaye hain। yeh khel bana hua hai। yeh world ki history-geography tum bachche jaante ho aur koi nahin jaante। vishwa ka down fall kaise hua। ve to samajhte hain ki science se bahut tarakki hui hai। yeh nahin samajhte ki duniya aur hi patit narka ban gai hai। deh-abhimaan bahut hai। baap kehte hain abhi tumko dehi-abhimaani banna hai। achhe-achhe mahaarthi dher hain। gyaan bada achha sunaate hain parantu deh-abhimaan poora hata nahin hain। deh-abhimaan ke kaaran koi mein krodh ka ansh, koi mein moh ka ansh, kuchh na kuchh hai। seerat sudharni chaahiye na। bahut-bahut meetha banna chaahiye। tab misaal dete hain - sher bakri ikatthe jal peete hain। vahaan koi aise duhkh dene vaale jaanvar bhi hote nahin। in baaton ko bhi mushkil koi samajhte hain। nambarvaar samajhne vaale hain। karmabhog nikal jaae, karmaateet avastha ho jaae, yeh mushkil hoti hai। bahut deh-abhimaan mein aate hain। pata nahin padta hai - hamko yeh mat kaun dete hain। shreemat, shreekrishna ke dvaara kaise milegi। shivbaaba kehte hain inke bigar shreemat kaise doonga। sthaai rath hamaara yeh hai। deh-abhimaan mein aakar ulte sulte kaarya karke muphta apni barbaadi mat karo। nahin to nateeja kya hoga! bahut kam pad paayenge। padhe ke aage anapdhe bhari dhoyenge। bahut kehte hain bhaarat ki history-geography jo full honi chaahiye so nahin hai। to unko samjhaana pade। tumhaare sivaae to koi samjha na sake। parantu dehi-abhimaani sthiti chaahiye, vahi oonch pad pa sakte hain।

abhi to karmaateet avastha kiski hui nahin hai। inke (baba ke) oopar to bahut jhanjhat hain। kitni phikraat rehti hai। bhal samajhte hain ki sab drama anusaar hota hai। phir bhi samjhaane ke liye yuktiyaan to rachni hoti hain na isliye baba kehte hain tum jaasti dehi-abhimaani ban sakte ho। tumhaare oopar koi bojha nahin hai, baap par to bojha hai। head to yeh hai na - prajaapita brahma। parantu yeh kisko pata nahin hai ki inmen shivbaaba baithe hain। tumhaare mein bhi koi mushkil is nishchay mein rehte hain। to yeh world ki history-geography jaanni chaahiye na। bhaarat mein svarga kab tha, phir kahaan gaya? kaise down fall hua? yeh kisko pata nahin hai। jab tak tum nahin samjhaao tab tak koi samajh na sake isliye baba direction dete hain। likha padhi karo to school mein world ki history-geography bataani chaahiye। down fall par bhaashan karna chaahiye। bhaarat heere jaisa tha woh phir kaudi jaisa kaise bana? kitne varsha lage? ham samjhaate hain। aise parche aeroplane dvaara gira sakte hain। samjhaane vaala bada hoshiyaar chaahiye। government chaahti hai to government ka hi haal vigyaan bhavan, jo dehli mein hai vahaan sabko bulaana chaahiye। akhbaar mein bhi daala jaae। card bhi sabko bhej den। ham aapko saare world ki history-geography aadi se ant tak samjhaate hain। aapehi aayenge, jaayenge। paise ki to baat hi nahin hai। samjho hamko koi mila, present (bhent) karte hain to ham le nahin sakte hain। service karne ke liye kaam mein laayenge, baaki ham le nahin sakte। baap kehte hain main tumse daan lekar kya karoonga jo phir bharkar dena pade। main pakka sharraaph hoon। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) deh-abhimaan mein aakar koi bhi ulta sulta kaarya nahin karna hai। dehi-abhimaani banne ka poora-poora purushaartha karna hai। apni seerat (chalan) sudhaarte rehna hai

2) bahut-bahut meetha, sheetal banna hai। andar mein krodh moh ka jo bhoot hai, use nikaal dena hai।

vardaan:- regard dene ka record theek rakh, khushi ka mahaadaan karne vaale punya aatma bhav

vartamaan samay chaaron or regard dene ka record theek karne ki aavashyakta hai। yahi record phir chaaron or bajega। regard dena aur regard lena, chhote ko bhi regard do, bade ko bhi regard do। yeh regard ka record abhi nikalna chaahiye, tab khushi ka daan karne vaale mahaadaani punya aatma banenge। kisi ko regard dekar khush kar dena - yeh bade se bada punya ka kaam hai, seva hai।

slogan:- har ghadi ko antim ghadi samajhkar chalo to ever ready rahenge।

maateshvari ji ke anmol mahaavaakya

1)“tamoguni maaya ka vistaar''

satoguni, rajoguni, tamoguni yeh teen shabd kehte hain isko yathaartha samajhna jaruri hai। manushya samajhte hain yeh teenon gun ikatthe chalte rehte hain, parantu vivek kya kehta hai - kya yeh teenon gun ikatthe chale aate hain va teenon gunon ka part alag-alag yug mein hota hai? vivek to aise hi kehta hai ki yeh teenon gun ikatthe nahin chalte, jab satayug hai to satogun hai, dvaapar hai to rajogun hai aur kaliyug hai to tamogun hai। jab sato hai to tamo rajo nahin, jab rajo hai to phir satogun nahin hai। yeh manushya to aise hi samajhkar baithe hain ki yeh teenon gun ikatthe chalte aate hain। yeh baat kehna saraasar bhool hai, vo samajhte hain jab manushya sach bolte hain, paap karma nahin karte hain to vo satoguni hote hain parantu vivek kehta hai jab ham kehte hain satogun, to is satogun ka matlab hai sampoorn sukh goya saari srishti satoguni hai। baaki aise nahin kahenge ki jo sach bolta hai vo satoguni hai aur jo jhooth bolta hai vo kaliyugi tamoguni hai, aise hi duniya chalti aati hai। ab jab ham satayug kehte hain to iska matlab hai saari srishti par satogun satopradhaan chaahiye। haan, koi samay aisa satayug tha jahaan saara sansaar satoguni tha। ab vo satayug nahin hai, abhi to hai kaliyugi duniya goya saari srishti par tamopradhaanta ka raajya hai। is tamoguni samay par phir satogun kahaan se aaya! ab hai ghor andhiyaara jisko brahma ki raat kehte hain। brahma ka din hai satayug aur brahma ki raat hai kaliyug, to ham donon ko mila nahin sakte।

2) “kaliyugi asaar sansaar se satayugi saar vaali duniya mein le chalna, ek paramatma ka hi kaam hai''

is kaliyugi sansaar ko asaar sansaar kyon kehte hain? kyonki is duniya mein koi saar nahin hai maana koi bhi vastu mein vo taakat nahin rahi arthaat sukh shanti pavitrata nahin hai, jo is srishti par koi samay sukh shanti pavitrata thi। ab vo taakat nahin hain kyonki is srishti mein 5 bhooton ki praveshta hai isliye hi is srishti ko bhay ka saagar athva karmabandhan ka saagar kehte hain isliye hi manushya duhkhi ho paramatma ko pukaar rahe hain, paramatma hamko bhav saagar se paar karo isse siddha hai ki zaroor koi abhay arthaat nirbhayta ka bhi sansaar hai jismen chalna chaahte hain isliye is sansaar ko paap ka saagar kehte hain, jisse paar kar punya aatma vaali duniya mein chalna chaahte hain। to duniyaayen do hain, ek satayugi saar vaali duniya, doosri hai kaliyugi asaar ki duniya। donon duniyaayen is srishti par hoti hain। abhi paramatma woh saar vaali duniya sthaapan kar rahe hain। achha - om shanti।

ye avyakt ishaare - “nishchay ke foundation ko majboot kar sada nirbhay aur nishchint raho"

jaise gyaan ki subject hai, vaise seva ki bhi subject hai, jo ismen faithful nishchaybuddhi hai vahi number aage ja sakta hai। subah se raat tak apna fix programme, daily diary banaao, kyonki jimmevaar aatmaayen ho, rivaaji aatmaayen nahin, vishwa kalyaankaari aatmaayen ho। to jo jitna bada aadmi hota hai, uski dincharya set hoti hai।