बुधवार 11 मार्च 2026 की दैनिक मुरली

11-03-2026 praatahmurli om shanti "baapdaada"' madhuban

“meethe bachche - yaad ki yaatra mein race karo to punya aatma ban jaayenge, svarga ki baadshaahi mil jaayegi''

prashn:- brahman jeevan mein agar ateendriy sukh ka anubhav nahin hota hai to kya samajhna chaahiye?

uttar:- zaroor sookshm mein bhi koi na koi paap hote hain। deh-abhimaan mein rahne se hi paap hote hain, jis kaaran us sukh ki anubhooti nahin kar sakte hain। apne ko gop gopiyaan samajhte hue bhi ateendriy sukh ki bhaasna nahin aati, zaroor koi bhool hoti hai isliye baap ko sach batlaakar shreemat lete raho।

om shanti। niraakaar bhagvaanuvaach। ab niraakaar bhagwan kaha hi jaata hai shiv ko, unke naam bhal kitne bhi bhakti-maarga mein rakhe hain, dher naam hain tabhi to vistaar hai। baap khud aakar batlaate hain ki he bachche, mujh apne baap shiv ko tum yaad karte aaye ho - he patit-paavan, naam to zaroor ek hi hoga। bahut naam chal na saken। shivaae namah kehte hain to ek hi shiv naam hua। rachta bhi ek hua। bahut naam se to moonjh jaayen। jaise tumhaara naam pushpa hai uske badle mein tumko sheela kahen to tum respond karengi? nahin। samjhengi aur kisi ko bulaate hain। yeh bhi aisi baat ho gai। uska naam ek hai, parantu bhakti maarga hone kaaran, bahut mandir banaane kaaran kisam-kisam ke naam rakh diye hain। nahin to naam har ek ka ek hota hai। ganga nadi ko jamuna nadi nahin kahenge। koi bhi cheej ka ek naam prasiddha hota hai। yeh shiv naam bhi prasiddha hai। shivaae namah gaaya hua hai। brahma devtaae namah, vishnu devtaae namah, phir kehte shiv parmaatmaae namah kyonki woh hai oonch te oonch। manushyon ki buddhi mein rehta hai oonch te oonch niraakaar ko kehte hain। unka naam ek hi hai। brahma ko brahma, vishnu ko vishnu hi kahenge। bahut naam rakhne se moonjh jaayenge। respond hi nahin milta hai aur na unke roop ko bhi jaante hain। baap bachchon se hi aakar baat karte hain। shivaae namah kehte hain to ek naam theek hai। shiv shankar kehna bhi wrong ho jaata hai। shiv, shankar naam alag hai। jaise lakshmi-naaraayan naam alag-alag hain। vahaan naaraayan ko to lakshmi-naaraayan nahin kahenge। aajkal to apne oopar do-do naam bhi rakhte hain। devtaaon ke oopar aise double naam nahin the। raadhe ka alag, shreekrishna ka alag, yahaan to ek ka hi naam raadhaakrishna, lakshmeenaaraayan rakh dete hain। baap baith samjhaate hain creator ek hi hai, unka naam bhi ek hai। unko hi jaanna hai। kehte hain aatma ek star misal hai, bhrakuti ke beech mein chamakta hai sitaara phir kehte aatma so paramatma। to paramatma bhi star hua na। aise nahin ki aatma chhoti va badi hoti hai। baaten badi sahaj hain।

baap kehte hain tum pukaarte the ki he patit-paavan aao। parantu woh paavan kaise banaate hain, yeh koi bhi nahin jaante। ganga ko patit-paavni samajh lete hain। patit-paavan to ek hi baap hai। baap kehte hain mainne aage bhi kaha tha - manamnaabhav, maamekam yaad karo। sirf naam badal diya hai। bachche samajhte hain ki baap ko yaad karne se varsa understood hai। manamnaabhav kahne ki bhi darkaar nahin hai। parantu bilkul hi baap ko aur varse ko bhool gaye hain isliye kehta hoon mujh baap aur varse ko yaad karo। baap hai svarga ka rachayita to zaroor baap ko yaad karne se hamko svarga ki baadshaahi milegi। bachcha paida hua aur baap kahega vaaris aaya। bachchi ke liye aise nahin kahenge। tum aatmaayen to sab bachche ho। kehte bhi hain aatma ek star hai। phir angushthe misal kaise ho sakti। aatma itni sookshm cheez hai, in aankhon se dekhne mein nahin aati। haan unko divya drishti se dekha ja sakta hai kyonki avyakt cheez hai। divya drishti mein chaitanya dekhne mein aaya phir gaayab ho gaya। mila to kuchh bhi nahin, sirf khush ho jaate hain। isko kahenge bhakti ka alpa sukh। yeh hai bhakti ka phal। jisne bahut bhakti ki hai unko automatically kaayde anusaar is gyaan se phal milna hota hai। brahma aur vishnu ikattha dikhaate hain। brahma so vishnu, bhakti ka phal vishnu ke roop mein mil raha hai, raajaai ka। vishnu va shreekrishna ka saakshaatkaar to bahut kiya hoga। parantu samjha jaata hai - bhinna-bhinna naam roop mein bhakti ki hai। saakshaatkaar ko yog va gyaan nahin kaha jaata। naudha bhakti se saakshaatkaar hua। abhi saakshaatkaar na bhi ho to harja nahi। em object hai hi manushya se devta banne ki। tum devi devta dharma ke bante ho। baaki purushaartha karaane ke liye baap sirf kehte hain aur sang buddhi ka yog hataao, deh se bhi hataae baap ko yaad karo। jaise aashik maashook kaam bhi karte rehte hain parantu dil maashook se lagi rehti hai। baap bhi kehte hain maamekam yaad karo phir bhi buddhi aur-aur taraph bhaag jaati hai। abhi tum jaante ho hamko utarne mein ek kalpa laga hai। satayug se lekar seedhi utarte hain। thodi-thodi khaad padti rehti hai। sato se tamo ban jaate hain। phir ab tamo se sato banne ke liye baap jump karaate hain। second mein tamopradhaan se satopradhaan।

to meethe-meethe bachchon ko purushaartha karna pade। baap to shiksha dete hi rehte hain। achhe-achhe sensible bachche khud anubhav karte hain - barobar bahut difficult hai। koi bataate hain, koi to bilkul bataate nahin। apni avastha ka bataana chaahiye। baap ko yaad hi nahin karte to varsa kaise milega। kaaydesir yaad nahin karte, samajhte hain ham to shivbaaba ke hain heen। yaad na karne se gir padte hain। baap ko nirantar yaad karne se khaad nikalti hai, attention dena padta hai। jab tak shareer hai tab tak purushaartha chalta rahega। buddhi bhi kehti hai - yaad ghadi-ghadi bhool jaati hai। is yogbal se tum baadshaahi praapta karte ho। sab to ek jaise daudi pahan nahin sakte, law nahin kehta। race mein bhi jara sa pharka pad jaata hai। number one, phir plus mein aa jaate hain। yahaan bhi bachchon ki race hai। mukhya baat hai yaad karne ki। yeh to samajhte ho ham paap aatma se punya aatma bante hain। baap ne direction diya hai, abhi paap karne se woh sau guna ho jaayega। bahut hain jo paap karte hain, bataate nahin hain। phir vriddhi hoti jaati hai। phir ant mein fail ho padte hain। sunaane mein lajja aati hai। sach na bataane se apne ko dhokha dete hain। koi ko dar lagta hai - baba hamaari yeh baat sunenge to kya kahenge। koi to chhoti bhool bhi sunaane aa jaate hain। parantu baba unse kehte hain, badi-badi bhool to bahut achhe-achhe bachche karte hain। achhe-achhe mahaarthiyon ko bhi maaya chhodti nahin hai। maaya pahalvaanon ko hi chakra mein laati hai, ismen bahaadur banna pade। jhooth to chal na sake। sach bataane se halke ho jaayenge। kitna bhi baba samjhaate hain phir bhi kuchh na kuchh chalta hi rehta hai। anek prakaar ki baaten hoti hain। ab jabki baap se raajya lena hai to baap kehte hain ki buddhi aur taraph se hataao। tum bachchon ko abhi knowledge mili hai, 5 hajaar varsha pahle bhaarat svarga tha। tum apne janmon ko bhi jaan gaye ho। koi ka ulta sulta janma hota hai, usko defected kaha jaata hai। apne karmon anusaar hi aisa hota hai। baaki manushya to manushya hi hote hain। to baap samjhaate hain ki ek to pavitra rehna hai, doosra jhooth, paap kuchh nahin karna hai। nahin to bahut ghaata pad jaayega। dekho ek se thodi bhool hui, aaya baba ke paas। baba kshama karna। aisa kaam phir kabhi nahin karoonga। baba ne kaha aisi bhoolen bahuton se hoti hain, tum to sach bataate ho, kai to sunaate bhi nahin hain। koi-koi first class bachchiyaan hain, kabhi bhi kahaan buddhi jaati nahin। jaise bambai mein nirmala doctor hai, number one। bilkul saaph dil, kabhi dil mein ulta khyaal nahin aayega isliye dil par chadhi hui hai। aise aur bhi bachchiyaan hain। to baap samjhaate hain sirf sachchi dil se baap ko yaad karo। karma to karna hi hai। buddhiyog baap se laga rahe। haath kaam taraph dil yaar taraph। woh avastha pichhaadi ki hai। jiske liye hi gaate hain - ateendriy sukh gop gopiyon se poochho jo is avastha ko paate hain। jo paap karma karte hain unki yeh avastha hoti nahin। baba achhi tarah jaante hain tab to bhakti maarga mein bhi achhe va bure karma ka phal milta hai। dene vaala to baap hai na। jo kisko duhkh denge to zaroor duhkh bhogenge। jaisa karma kiya hai to bhogna hi hoga। yahaan to baap khud haajir hai, samjhaate rehte hain phir bhi government hai, dharmaraaj to mere saath hua na। is samay mere se kuchh bhi chhipaao nahin। aise nahin ki baba jaanta hai, ham shivbaaba se dil andar kshama lete hain, kuchh bhi kshama nahin hoga। paap kabhi bhi kiska chhipa nahin rahega। paap karne se din pratidin paapaatma bante jaate hain। takdeer mein nahin hai to phir aisa hi hota hai। register kharaab ho jaata hai। ek baar jhooth bolte hain, sach nahin bataate, samjha jaata hai aisa kaam karte hi rehte hain। jhooth kabhi chhip nahin sakta। baap phir bhi bachchon ko samjhaate hain - kakh ka chor so lakh ka chor kaha jaata hai isliye kehna chaahiye na ki hamse yeh dosh hua। jab baba poochhte hain tab kehte hain bhool ho gai, aapehi khud kyon nahin bataate। baba jaante hain bahut bachche chhipaate hain। baap ko sunaane se shreemat milegi। kahaan se chitthi aati hai poochho kya javaab dena hai। sunaane se shreemat milegi। bahuton mein koi gandi aadat hai - to woh chhipaate hain। koi ko laukik ghar se milta hai। baba kehte bhal pahno to phir responsible baba ho gaya। avastha dekhkar kisko kehta hoon yagya mein bhej do। tumko badli karke den to theek hai, nahin to woh yaad rahega, baba bahut khabardaar karte hain। maarga bahut ooncha hai। kadam-kadam par surgeon ki raay leni hai। baba shiksha hi denge ki aise-aise chitthi likho to teer lagega, parantu deh-abhimaan bahuton mein hai। shreemat par nahin chalne se apna khaata kharaab karte hain। shreemat par chalne se har haalat mein phaayda hai। raasta kitna sahaj hai। sirf yaad se tum vishwa ka maalik bante ho। budhiyon ke liye kehte hain sirf baap aur varse ko yaad karo। praja nahin banaate to raaja raani bhi nahin ban sakte। phir bhi jo chhipaate hain, unse to oonch pad pa sakte hain। baap ka pharja hai samjhaana। jo phir aisa na kahen ki hamko pata nahin tha। baba sab direction dete hain। bhool ko jhat bataana chaahiye। harja nahin, phir nahin karna। ismen darne ki baat nahin। pyaar se samjhaaya jaata hai। baap ko bataane mein kalyaan hai। baap puchkaar de pyaar se samjhaayenge। nahin to dil se ekdam gir padte hain। inki dil se gira to shiv-baba ki dil se bhi gira। aise nahin ki ham direct le sakte hain, kuchh bhi nahin hoga। jitna samjhaaya jaata hai - baap ko yaad karo, utna buddhi baahar taraph bhaagti rehti hai। yeh sab baaten baap direct baith samjhaate hain, jinke baad mein shaastra bante hain। ismen geeta hi bhaarat ka sarvottam shaastra hai। gaaya hua bhi hai sarvashaastramai shiromni geeta, jo bhagwan ne gaai। baaki sab dharma to baad mein aate hain। geeta ho gai maat pita, baaki sab hue bachche। geeta mein hi bhagvaanuvaach hai। shreekrishna ko to daivi sampradaay kahenge। devta to sirf brahma vishnu shankar hain। bhagwan to devtaaon se bhi oonch thahra। brahma vishnu shankar teenon ko rachne vaala shiv thahra। bilkul clear hai। brahma dvaara sthaapna, aise to kabhi kehte nahin shreekrishna dvaara sthaapna। brahma ka roop dikhaaya hai। kiski sthaapna? vishnupuri ki। yeh chitra to dil mein chhap jaana chaahiye। ham shivbaaba se inke dvaara varsa lete hain। baap bigar daade ka varsa mil nahin sakta। jab koi bhi milta hai to yeh bataao ki baap kehte hain maamekam yaad karo। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) manzil bahut oonchi hai isliye kadam-kadam par surgeon se raay leni hai। shreemat par chalne mein hi phaayda hai, baap se kuchh bhi chhipaana nahin hai।

2) deh aur dehdhaariyon se buddhi ka yog hataae ek baap se lagaana hai। karma karte bhi ek baap ki yaad mein rahne ka purushaartha karna hai।

vardaan:- sada ekras sampanna mood mein rahne vaale purushaarthi so praalabdhi swaroop bhav

baapdaada vatan se dekhte hain ki kai bachchon ke mood bahut badalte hain, kabhi aashcharyavat ki mood, kabhi question mark ki mood, kabhi kanaphyooz ki mood, kabhi tension, kabhi attention ka jhoola…lekin sangamayug praalabdhi yug hai na ki purushaarthi isliye jo baap ke gun vahi bachchon ke, jo baap ki stage vahi bachchon ki - yahi hai sangamayug ki praalabdha। to sada ekras ek hi sampanna mood mein raho tab kahenge baap samaan arthaat praalabdhi swaroop vaale।

slogan:- baapdaada ke haath mein buddhi roopi haath ho to pareekshaaon roopi saagar mein hilenge nahin।

ye avyakt ishaare - “nishchay ke foundation ko majboot kar sada nirbhay aur nishchint raho"

faithful ki pahli nishaani hai - har second har kadam shreemat par accurate chalna। accurate moorti banna arthaat hammer lagna। hammer se hi to use thok-thok karke theek karte hain। aap log to hammer khaane ke anubhvi ho gaye ho, nothing new। khel lagta hai na। dekhte rehte ho aur muskaraate rehte ho, duaayen dete rehte ho। hero actor arthaat accurate part bajaane vaale, nishchaybuddhi nishchint aatma।

note:- aaj ham sabki ati priy baapdaada ke naynon ki noor, apne diltakhta par baapdaada ko bithaane vaali meethi daadi guljaar ji ke punya smriti divas par ham sab brahman kul bhooshan bhaai bahinen unke dvaara pyaare avyakt baapdaada ki jo paalna mili hai, us paalna ka return dene ke liye shubh sankalp len। jaise daadi ji ne har kadam shreemat par accurate chalkar, sada apne muskaraate hue chehre se sabko duaayen di aur duaayen li, accurate part bajaaya। aise ham sabhi unke padchinhon par chalkar unhein apne sneh suman arpit karen, yahi unke prati sachchi shrandhaajli hai। om shanti।