शनिवार 28 मार्च 2026 की दैनिक मुरली

28-03-2026 praatahmurli om shanti "baapdaada"' madhuban

“meethe bachche - har ek ke paap choosne vaala first class blotting paper ek shivbaaba hai, usko yaad karo to paap khatma ho''

prashn:- aatma par sabse gahre daag kaun se hain, usko mitaane liye kaun si mehnat karo?

uttar:- aatma par deh-abhimaan ke bahut gahre daag pade hue hain, ghadi-ghadi kisi dehdhaari ke naam-roop mein phans padti hai। baap ko yaad na kar dehdhaariyon ko yaad karti rehti। ek do ki dil ko duhkh deti hai। is daag ko mitaane ke liye dehi-abhimaani banne ki mehnat karo।

geet:- mukhda dekh le praani…

om shanti। meethe-meethe sabhi centres ke bachchon ne geet suna। ab apne ko dekh lo ki kitne punya hain aur kitne paap mite hain। saari duniya saadhu santa aadi pukaarte hain ki he patit-paavan, ek hi patit se paavan banaane vaala baap hai। baaki sabhi mein hain paap। yeh to tum jaante ho ki aatma mein hi paap hain। punya bhi aatma mein hain। aatma hi paavan, aatma hi patit banti hai। yahaan sab aatmaayen patit hain। paapon ke daag lage hue hain isliye paap aatma kaha jaata hai। ab paap nikle kaise? jab koi cheez par syaahi va tel gir jaata hai to blotting paper (sokhta) rakhte hain। woh saara choos leta hai। ab sabhi manushya yaad karte hain ek ko kyonki vahi blotting paper hai, patit-paavan hai। sivaae us ek ke aur koi blotting paper hai nahin। woh to janma janma ganga snaan karte aur hi patit hue hain। patiton ko paavan karne vaala ek hi shivbaaba blotting paper hai। hai bhi chhote te chhoti ek bindi। sabka paap nashta karte hain। kis yukti se? sirf kehte hain mujh blotting paper ko yaad karo। main to chaitanya hoon na। tumko aur koi takleeph nahin deta hoon। tum bhi aatma bindi, baap bhi bindi hai। kehte hain - sirf mujhe yaad karo to tumhaare sab paap mit jaayenge। ab har ek apni dil se poochhe ki yaad se kitne paap mite hain? aur kitne hamne kiye hain? baaki kitne paap rahe hain? yeh maaloom pade kaise? doosre ko bhi raasta bataate raho ki ek blotting paper ko yaad karo। sabko yeh raay dena to achha hai na, yeh bhi wonder hai, jinko raay dete hain woh to baap ko yaad karne mein lag jaate hain, aur raay dene vaale khud yaad nahin karte hain isliye paap katte nahin hain। patit-paavan to ek ko hi kaha jaata hai। anek paap lage hue hain। kaam ka paap, deh-abhimaan ka to pahle number paap hai, jo sabse kharaab hai। ab baap kehte hain dehi-abhimaani bano। jitna maamekam yaad karoge to jo tumhaare mein khaad padi hai, woh bhasma hogi। yaad karna hai। auron ko bhi yeh raasta bataana hai। jitna auron ko samjhaayenge to tumhaara bhi bhala hoga। is dhandhe mein hi lag jaao। auron ko bhi yeh samjhaana hai ki baap ko yaad karo to punya aatma ban jaayenge। tumhaara kaam hai doosron ko bhi yeh bataana ki patit-paavan ek hai। bhal tum gyaan nadiyaan anek ho lekin tum sabko kehte ho ki ek ko yaad karo। woh ek hi patit-paavan hai। unki bahut mahima hai। gyaan ka saagar bhi woh hai। us ek baap ko yaad karna, dehi-abhimaani ho rehna - yeh ek hi baat difficult hai। baap sirf tumhaare liye nahin kehte, balki baba ke dhyaan mein to sabhi centres ke bachche hain। baap to sab bachchon ko dekhte hain na, kahaan achhe serviceable bachche rehte hain, shivbaaba ki phulvaadi hai na। jo achhi phulvaadi hogi unko hi baba yaad karenge। saahookaar aadmi ko 4-5 bachche honge to jo bada bachcha hoga unko yaad karenge। phoolon ki variety hoti hai na। to baba bhi apne bade bageechon ko yaad karte hain। koi ko bhi yeh raasta bataana sahaj hai, shivbaaba ko yaad karo। vahi patit-paavan hai। khud kehte hain mujhe yaad karne se tumhaare paap bhasma honge। kitna first class blotting paper hai saari duniya ke liye। sabhi unko yaad karte hain। koi ko bhi yeh raasta bataana sahaj hai, shivbaaba ko yaad karo।

baap ne yukti bataai hai ki mujhe yaad karne se tumhaare par jo deh-abhimaan ke daag hain woh mit jaayenge। mehnat hai dehi-abhimaani banne ki। baba ko koi sach bataate nahin hain। koi-koi chart likh bhejte hain phir thak jaate hain। badi manzil hai। maaya nasha ekdam tod daalti hai to phir likhna bhi chhod dete hain। aadhaakalpa ka deh-abhimaan hai, woh chhootta nahin hai। baap kehte hain sirf yahi dhandha karte raho। baap ko yaad karo aur doosron ko karaao। bas sabse oonch dhandha hai yeh। jo khud yaad nahi karte woh yeh dhandha karenge hi nahin। baap ki yaad - yeh hai yog agni, jisse paap bhasma honge isliye poochha jaata hai kahaan tak paap bhasma hue hain? jitna baap ko yaad karenge utna khushi ka paara chadha rahega। har ek ki dil ko jaan sakte hain। doosre ko bhi unki service se jaan sakte hain। doosron ko raasta bataate hain - baba ko yaad karo। woh patit-paavan hai। yahaan yeh to hai patit tamopradhaan duniya। sabhi aatmaayen aur shareer tamopradhaan hain। abhi vaapis jaana hai। vahaan sabhi aatmaayen pavitra rehti hain। jab pavitra banen tab ghar jaayen। doosron ko bhi yahi raasta dikhaana chaahiye। baap yukti to bahut sahaj bataate hain। shivbaaba ko yaad karo। yahi blotting paper rakho to sab paap choos jaayenge। tumhaare vikarma vinaash honge। mool badi baat hai paavan banna। manushya patit bane hain tab to bulaate hain he patit-paavan aao, aakar ke sabhi ko paavan banaae saath le jaao। likha hua bhi hai। sab aatmaon ko paavan banaae le jaate hain phir koi bhi patit aatma rehti nahin hain। yeh bhi samjhaaya hai pahle-pahle svarga-vaasi hi aayenge। baap jo davaai dete hain - yeh sabke liye hai। jo bhi mile unko yahi davaai deni hai। tum father paas jaana chaahte ho - parantu aatma patit hai isliye ja nahin sakti। paavan bano tab ja sako। he aatmaayen mujhe yaad karo to main le jaaoonga phir vahaan se tumko sukh mein le jaaoonga phir jab puraani duniya hoti hai tab tum duhkh paate ho। main kisko duhkh nahin deta hoon। har ek apne ko dekhe main yaad karta hoon? jitna yaad karenge utna khushi ka paara chadhega। kitni sahaj davaai hai, aur koi saadhu santa aadi is davaai ko nahin jaante hain। kahaan bhi likha hua nahin hai। yeh bilkul nai baat hai। paapon ka khaata koi shareer mein laga hua nahin hai। itni chhoti aatma bindi mein hi saara part bhara hua hai। aatma patit hogi to jeev par bhi asar padega। aatma paavan ban jaati hai - phir shareer bhi pavitra milta hai। duhkhi, sukhi aatma banti hai। shareer ko chot lagne se aatma ko duhkh feel hota hai। kaha bhi jaata hai yeh duhkhi aatma hai, yeh sukhi aatma hai। itni chhoti si aatma kitna part bajaati hai, wonder hai na। baap hai hi sukh dene vaala, isliye unko yaad karte hain। duhkh dene vaala raavan hai। sabse pahle aata hai deh-abhimaan। abhi baap samjhaate hain tumko aatma-abhimaani banna hai, ismen badi mehnat hai। baba jaante hain sachchi dil se jis yukti se yaad karna chaahiye, koi mushkil yaad karta hai। yahaan rehte bhi bahut bhool jaate hain। agar dehi-abhimaani hote to koi paap nahin karte। baap ka pharmaan hai hear no evil...bandar ke liye to nahin hai। yeh to manushya ke liye hai। manushya bandar misal hain to bandar ka chitra banaaya hai। bahut hain jo saara din jharmui jhagmui karte hain। to baap ko samjhaani deni hoti hai। sab centres par koi na koi aise rehte hain jo ek do ko duhkh hi dete rehte hain। koi achhe bhi hain jo baap ki yaad mein rehte hain। samajhte hain mansa, vaacha, karmana koi ko duhkh nahin dena hai। vaacha bhi koi ko duhkh denge to duhkhi hokar marenge। baap kehte hain tum bachchon ko sabko sukh dena hai। sabko kehna hai ki dehi-abhimaani bano। baap ko yaad karo aur koi paise ke len den ki baat nahin। sirf lovely baap ko yaad karo to tumhaare vikarma bhasma ho jaayenge। tum vishwa ke maalik ban jaayenge। bhagvaanuvaach - manamnaabhav ek baap ko aur varse ko yaad karo। aur kuchh bhi aapas mein na bolo sirf baap ko yaad karo। doosre ka kalyaan karo।

tum bachchon ki avastha aisi meethi ho jo koi bhi aakar dekhe, bole baba ke bachche to blotting papers hain। abhi woh avastha nahin hai। baba se koi poochhe to blotting paper to kya abhi kaagaj bhi nahin hain। baba sabhi centres ke bachchon ko samjhaate hain। bambai, kalkatta, dehli...sab jagah bachche to hain na। report aati hai baba phalaane bahut tang karte hain। punya aatma banaane badle aur hi paap aatma bana dete hain। baba se koi poochhe to jhat bata denge। shivbaaba to sab kuchh jaante hain। unke paas saara hisaab-kitaab hai। yeh baba bhi bata sakte hain। shakla se hi sab maaloom pad jaata hai। yeh baba ki yaad mein masta hain, inka chehra hi khushnumah devtaaon jaisa hai। aatma khush hogi to shareer bhi khush dekhne mein aayega। shareer ko duhkh hone se aatma ko duhkh feel hota hai। ek baat sabko sunaate raho ki shivbaaba kehte hain mujhe yaad karo to tumhaare paap vinaash honge। unhonne likh diya hai shreekrishna bhagvaanuvaach, shreekrishna ko to dher yaad karte hain parantu paap to mitte hi nahin aur hi patit ban gaye hain। yeh pata hi nahin ki yaad kisko karna hai, paramatma ka roop kya hai। agar sarvavyaapi kahen to bhi jaise aatma star hai vaise paramatma bhi star hai kyonki aatma so paramatma kah dete hain to is hisaab se bhi bindi thahri। chhoti si bindi pravesh karti hai। sab bindiyon ko kehte hain bachchon maamekam yaad karo। organs dvaara bolte hain। organs bigar to aatma aavaaj kar na sake। tum kah sakte ho aatma paramatma ka roop to ek hai na। paramatma ko bada ling va kuchh kah na saken। baap kehte hain main bhi aisa bindi hoon parantu main patit-paavan hoon aur tum sabki aatmaayen patit hain। kitni seedhi baat hai। ab dehi-abhimaani ban mujh baap ko yaad karo, auron ko bhi raasta bataao। main akshar hi do kehta hoon - manamnaabhav। phir thoda detail mein bataata hoon ki yeh taal taaliyaan hain। pahle satopradhaan sato, rajo, tamo..... mein aate hain। paap aatma banne se kitne daag lag jaate hain। woh daag miten kaise? woh samajhte hain ganga snaan se paap mitenge। parantu woh to shareer ka snaan hai। aatma baap ko yaad karne se hi paavan ban sakti hai। isko yaad ki yaatra kaha jaata hai। kitni sahaj baat hai, jo roz-roz baap samjhaate rehte hain। geeta mein bhi jor is par hai - manamnaabhav। varsa to milega hi sirf mujhe yaad karo to paap miten। baap avinaashi blotting paper hai na। baap kehte hain mujhe yaad karne se tum paavan ban jaate ho phir raavan patit banaate hain to aise baap ko yaad karna chaahiye na। aisa bhi hota hai jo yaad nahin karte hain, unka kya haal hoga। baap samjhaate hain bachchon aur sab baaten chhod do। sirf ek baat ki dehi-abhimaani bano, maamekam yaad karo। bas। yeh to jaante ho aatma ek shareer chhod doosra leti hai। aatma hi duhkh sukh bhogti hai। kabhi bhi ek do ke dil ko nahin duhkhaana chaahiye। ek do ko sukh pahunchaana chaahiye। tumhaara dhandha yahi hai। bahut hain jo ek do ko duhkh dete rehte hain। ek do ki deh mein phanse rehte hain। saara din ek do ko yaad karte rehte hain। maaya bhi teekhi hai। baba naam nahin lete hain, isliye baba kehte hain bachche dehi-abhimaani bhav। gyaan to bada sahaj hai। yaad hi mushkil hai। woh knowledge to phir bhi 15-20 varsha padhte hain। kitni subjects hoti hain। yeh knowledge to badi sahaj hai। drama ko jaanna ek kahaani hai। murli chalaana badi baat nahin। yaad ki hi bahut mushkilaat hai। baba phir kah dete hain - drama। phir bhi purushaartha karte raho। baap ko yaad karo to yog agni se tumhaare paap bhasma honge। achhe-achhe bachche ismen fail ho jaate hain । achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) kabhi bhi kisi ki dil ko duhkhi nahin karna hai। sabko sukh pahunchaana hai। ek baap ki yaad mein rehna aur sabko yaad dilaana hai।

2) paapon ka daag mitaane ke liye dehi-abhimaani ban avinaashi blotting paper baap ko yaad karna hai। aisi meethi avastha banaani hai jo sabka kalyaan hota rahe।

vardaan:- apni shreshthata dvaara naveenta ka jhanda lahraane vaale shakti swaroop bhav

abhi samay pramaan, sameepta ke pramaan shakti roop ka prabhaav jab doosron par daalenge tab antim pratyakshata sameep la sakenge। jaise sneh aur sahayog ko pratyaksha kiya hai aise service ke aaine mein shakti roop ka anubhav karaao। jab apni shreshthata dvaara shakti roop ki naveenta ka jhanda lahraayenge tab pratyakshata hogi। apne shakti swaroop se sarvashaktimaan baap ka saakshaatkaar karaao।

slogan:- mansa dvaara shaktiyon ka aur karma dvaara gunon ka daan dena hi mahaadaan hai।

ye avyakt ishaare- “nishchay ke foundation ko majboot kar sada nirbhay aur nishchint raho"

baap ka bachchon mein poora faith hai ki yahi mere bachche vighna-vinaashak aatmaayen hain, poojya aatmaayen hain, yeh bachche baap se bhi aage hain। nimitta bane hue sada baap ko bhi nishchinta karne vaale hain, sada khushkhabri sunaane vaale har ek vishesh hain। svayan mein bhi aisa faith rakh isi smriti swaroop mein raho to vijayi ban jaayenge।