सोमवार 6 अप्रैल 2026 की दैनिक मुरली

06-04-2026 praatahmurli om shanti "baapdaada"' madhuban

“meethe bachche - baap ke paas jo vakkhar (saamaan) hai, uska poora hi ant tumhein mila hai, tum use dhaaran karo aur karaao''

prashn:- trikaaldarshi baap drama ke aadi-madhya-ant ko jaante hue bhi kal ki baat aaj nahin bataate hain - kyon?

uttar:- baba kehte - bachche agar main pahle se hi bata doon to drama ka maja hi nikal jaae। yeh law nahin kehta। sab kuchh jaante hue main bhi drama ke vash hoon। pahle suna nahin sakta, isliye kya hoga tum uski chinta chhod do।

geet:- marna teri gali mein…

om shanti। yeh hai paarlaukik aatmaon ka baap। aatmaon se hi baat karte hain। unko bachche-bachche kahne ki practice ho jaati hai। bhal shareer bachchi ka hai parantu aatmaayen to sab bachche hi hain। har aatma vaaris hai arthaat varsa lene ki hakdaar hai। baap aakar kehte hain bachchon tum har ek ko varsa lene ka hak hai। behad ke baap ko bahut yaad karna hai, ismen hi mehnat hai। baba paramdham se aaye hain hamko padhaane। saadhu-santa to apne ghar se aate hain va koi gaanvade se aate hain। baba to paramdham se aaye hain hamko padhaane। yeh kisko maaloom nahin hai। behad ka baap vahi patit-paavan god father hai। unko ocean oph knowledge bhi kehte hain, authority hai na। kaun si knowledge hai? eeshvareey knowledge hai। baap hai manushya srishti ka beej roop। sat-chit-aanand swaroop। unki badi bhaari mahima hai। unke paas yeh vakkhar (saamagri) hai। koi ke paas dukaan hota hai, kahenge hamaari dukaan mein yeh-yeh variety hai। baap bhi kehte hain main gyaan ka saagar, aanand ka saagar, shanti ka saagar hoon। mere paas yeh sab vakkhar maujood hai। main sangam par aata hoon delivery karne, jo kuchh mere paas hai sab delivery karta hoon phir jitna jo dhaaran kare athva jitna purushaartha kare। bachche jaante hain - baap ke paas kya-kya hai aur accurate jaante hain। aajkal kisko apna ant koi bataate nahin hain। gaaya hua hai - kinki dabi rahi dhool mein... yeh sab abhi ki baat hai। aag lagegi sab khatma ho jaayenge। raajaaon ke paas andar bahut badi mazboot guphaayen rehti hain। bhal earthquake ho, jor se aag lage to bhi andar se nikal aate hain। tum bachche jaante ho yahaan ki koi bhi cheez vahaan kaam nahin aani hai। khaaniyaan bhi sab nayesir bharpoor ho jaati hain। science bhi refine ho tumhaare kaam aati hai। tum bachchon ki buddhi mein ab saara gyaan hai। bachche jaante hain ham srishti ke aadi-madhya-ant ko jaante hain। baaki ant ka thoda tukda hai, jisko bhi jaan jaayenge। baba pahle se hi sab kaise bata de, baap kehte hain - main bhi drama ke vash hoon, jo gyaan ab tak mila hai vahi drama mein noondh hai। jo second paas hua, unko drama samajhna hai। baaki jo kal hoga woh dekha jaayega। kal ki baat aaj nahin sunaayenge। is drama ke raaz ko manushya samajhte nahin hain। kalpa ki aayu hi kitni lambi chaudi laga di hai। is drama ko samajhne ki bhi himmat chaahiye। amma mare to bhi halua khaana....samajhte hain mar gaye jaakar doosra janma liya। ham royen kyon? baba ne samjhaaya hai - akhbaar mein tum likh sakte ho, yeh pradarshani aaj se 5 hajaar varsha pahle is taareekh, is hi sthaan par is reeti hui thi। yeh world ki history-geography repeat ho rahi hai, likh dena chaahiye। yeh to jaante hain - yeh duniya baaki thode din hai, yeh sab khatma ho jaayenge। ham to purushaartha kar vikarmaajeet ban jaayenge phir dvaapar se vikram sanvat shuru hota hai arthaat vikarma hone ka sanvat। is samay tum vikarmon par jeet paate ho to vikarmaajeet ban jaate ho। paap karmon ko shreemat se jeet kar vikarmaajeet ban jaate ho। vahaan tum aatma-abhimaani hote ho। vahaan deh-abhimaan hota nahin। kaliyug mein deh-abhimaan hai। sangam par tum dehi-abhimaani bante ho। parampita paramatma ko bhi jaante ho। yeh hai shuddh abhimaan। tum brahman sabse oonch ho। tum ho sarvottam brahman kul bhooshan। yeh knowledge sirf tumko milti hai, doosre kisko milti nahin। tumhaara yeh sarvottam kul hai। gaaya bhi jaata hai ateendriy sukh gopi vallabh ke bachchon se poochho। tumko ab lottery milti hai। koi cheez mil jaati hai, uski itni khushi nahin hoti hai। jab gareeb se saahookaar ban jaate hain to khushi hoti hai। tum bhi jaante ho jitna ham purushaartha karenge utna baap se raajdhaani ka varsa lenge। jo jitna purushaartha karega utna paayega। mukhya baat baap kehte hain bachche apne most beloved baap ko yaad karo। woh sab ka beloved baap hai। vahi aakar sabko sukh shanti dete hain। abhi devi-devtaaon ki raaj-dhaani sthaapan ho rahi hai। vahaan king-queen nahin hote। vahaan kahenge mahaaraaja-mahaaraani। agar bhagwan-bhagavti kahen to phir yatha raaja-raani tatha praja, sab bhagwan-bhagavti ho jaayen isliye bhagwan-bhagavti kaha nahin jaata। bhagwan ek hai। manushya ko bhagwan nahin kaha jaata। sookshmavtanvaasi brahma, vishnu, shankar ko bhi devta kehte hain। sthoolavtan-vaasi ko ham bhagwan bhagavti kaise kahenge। oonch te oonch hai mool vatan phir sookshm vatan, yeh hai third number। yeh tumhaari buddhi mein rehna chaahiye। ham aatmaon ka baap shivbaaba hi hai phir shikshak bhi hai, guru bhi hai। sunaar, barrister aadi sab hai। sabko raavan ki jel se chhudaate hain। shivbaaba kitna bada barrister hai। to aise baap ko kyon bhoolna chaahiye। kyon kehte hain, baba ham bhool jaate hain। maaya ke bahut toofaan aate hain। baba kehte hain yeh to hoga। kuchh to mehnat karni pade। yeh hai maaya se ladaai। tum paandavon ki koi kaurvon se ladaai nahin hai। paandav kaise ladaai karenge। phir to hinsak ho jaayegi। baap kabhi hinsa nahin sikhaate hain। kuchh bhi samajh nahin sakte hain। vaastav mein hamaari koi ladaai hai nahin। baba sirf yukti bataate hain ki mujhe yaad karo, maaya ka vaar nahin hoga। is par bhi ek kahaani hai, poochha - pahle sukh chaahiye va duhkh? to bola sukh। duhkh ho na sake satayug mein।

tum jaante ho - is samay sabhi seetaayen raavan ki shok vaatika mein hain। yeh saari duniya saagar ke beech mein lanka hai। abhi sab raavan ki jel mein pade hain। sarva ki sadgati karne ke liye baap aaye hain। sab shok vaatika mein hain। svarga mein hai sukh, narka mein hai duhkh। isko shok vaatika kahenge। woh hai ashok, svarga। bahut bada antar hai। tum bachchon ko koshish kar baap ko yaad karna chaahiye to khushi ka paara chadhega। baap ki raay par nahin chalenge to sautele thahre। phir praja mein chale jaayenge। maatele honge to raajdhaani mein aa jaayenge। raajdhaani mein aana chaahte ho to shreemat par chalna pade। shreekrishna ki mat nahin milti hai। mat hain hi do। abhi tum shreemat lete ho phir satayug mein uska phal bhogte ho। phir dvaapar mein raavan ki mat milti hai। sab raavan ki mat par asur ban jaate hain। tumko milti hai eeshvareey mat। mat dene vaala ek hi baap hai। woh hai eeshvar। tum eeshvareey mat se kitna pavitra bante ho। pahla paap hai - vishay saagar mein gota khaana। devtaayen vishay saagar mein gota nahin khaayenge। kahenge kya vahaan bachche nahin hote hain? bachche kyon nahin hote! parantu woh hai hi viceless duniya, sampoorn nirvikaari। vahaan yeh koi vikaar hote nahin। baap ne samjhaaya hai - devta sirf aatma-abhimaani hain, parmaatma-abhimaani nahin hain। tum aatma-abhimaani bhi ho, parmaatma-abhimaani bhi ho। pahle donon nahin the। satayug mein paramatma ko nahin jaante। aatma ko jaante hain ki ham aatma yeh puraana shareer chhod phir jaae naya shareer lengi। pahle maaloom pad jaata hai, ab puraana chhod naya lena hai। bachcha hota hai to bhi pahle se saakshaatkaar ho jaata hai। yogbal se tum saare vishwa ke maalik ban jaate ho। to kya yogbal se bachche nahin ho sakte! yogbal se koi bhi cheez ko tum paavan bana sakte ho। parantu tum yaad bhool jaate ho। koi ko abhyaas pad jaata hai। bahut sannyaasi log bhi hote hain jinko bhojan ka kadar rehta hai, to us samay bahut mantra padhkar phir khaate hain। tumko bhi parhej to bataai hai। kuchh bhi maas-madira nahin khaana hai। tum devta bante ho na। devtaayen kabhi kichadpatti nahin khaate। to aisa pavitra banna hai। baap kehte hain mere dvaara tum mujhe jaanne se sab kuchh jaan jaayenge। phir jaanne ka kuchh rahega nahin। satayug mein phir padhaai bhi aur hoti hai। is mrityulok ki padhaai ka ab ant hai। mrityulok ki saari kaarobaar khatma ho phir amarlok ki shuru hogi। itna bachchon ko nasha chadhna chaahiye। amarlok ke maalik the, tum bachchon ko ateendriy sukh, param sukh mein rehna chaahiye। parampita paramatma ke ham bachche hain athva student hain। parampita paramatma hamko ab ghar le jaayenge, inko hi parmaananda kaha jaata hai। satayug mein yeh baaten hoti nahin। yeh tum abhi sunte ho, is samay eeshvareey family ke ho। abhi ka hi gaayan hai - ateendriy sukh gop gopiyon se poochho। paramdham ka rahne vaala baba aakar hamaara baap, teacher, guru bante hain। teenon hi servant thahre। koi abhimaan nahin rakhte। kehte hain ham tumhaari seva kar tumko sab kuchh de nirvaandhaam mein baith jaayenge, to servant hua na। viceroy aadi hamesha sahi karte hain to obedient servant likhte hain। baba bhi niraakaar, nirhankaari hain। kaise baith padhaate hain। itni oonch padhaai aur koi padha na sake। itni points koi de na sake। manushya to jaan nahin sakte, inko koi guru ne nahin sikhaaya। guru hota to bahuton ka hota। ek ka hota hai kya? yeh baap hi patiton ko paavan banaate hain। aadi sanaatan devi devta dharma ki sthaapna kar rahe hain। baba kehte hain main kalpa-kalpa, kalpa ke sangamayuge aata hoon। kehte hain na - baba ham kalpa pahle bhi mile the। baap hi aakar patiton ko paavan banaayenge। 21 janmon ke liye tum bachchon ko paavan banaata hoon। to yeh sab dhaarna karni chaahiye phir bataana chaahiye - baba ne kya samjhaaya। baap se ham bhavishya 21 janmon ka varsa lete hain। yeh yaad rahne se phir khushi mein rahenge। yeh parmaaananda hai। master knowledgeful, blissful yeh sab vardaan baap se abhi tumko milte hain। satayug mein to buddhu honge। in lakshmi-naaraayan ko to kuchh bhi knowledge nahin। inhon ko hoti to parampara se chali aati। tum jaisa param aananda devtaaon ko bhi nahin ho sakta hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) devta banne ke liye khaan-paan ki bahut shuddhi rakhni hai। bahut hi parhej se chalna hai। yogbal se bhojan ko drishti de shuddh banaakar sveekaar karna hai।

2) parampita paramatma ke ham bachche athva student hain, woh humein ab apne ghar le jaayenge, isi nashe mein rah param sukh, param aananda ka anubhav karna hai।

vardaan:- seva ki lagan dvaara laukik ko alaukik pravritti mein parivartan karne vaale nirantar sevaadhaari bhav

sevaadhaari ka kartavya hai nirantar seva mein rehna - chaahe mansa seva ho, chaahe vaacha va karmana seva ho। sevaadhaari kabhi bhi seva ko apne se alag nahin samajhte। jinki buddhi mein sada seva ki lagan rehti hai unki laukik pravritti badalkar eeshvareey pravritti ho jaati hai। sevaadhaari ghar ko ghar nahin samajhte lekin sevaasthaan samajhkar chalte hain। sevaadhaari ka mukhya gun hai tyaag। tyaag vritti vaale pravritti mein tapasveemoorta hokar rehte hain jisse seva svatah hoti hai।

slogan:- apne sanskaaron ko divya banaana hai to man-buddhi ko baap ke aage samarpit kar do।

ye avyakt ishaare - mahaan banne ke liye madhurta aur namrata ka gun dhaaran karo

kisi bhi aatma ko do ghadi meethi drishti de do। meethe bol bol do to us aatma ko sada ke liye bharpoor kar denge। yeh do ghadi ki madhur drishti, bol us aatma ki srishti badal denge। do madhur bol sada ke liye badalne ke nimitta ban jaayenge।