सोमवार 20 अप्रैल 2026 की दैनिक मुरली

20-04-2026 praatahmurli om shanti "baapdaada"' madhuban

“meethe bachche - tum eeshvareey salvation army ho, tumhein sabko sadgati deni hai, sabki preet ek baap se jutaani hai''

prashn:- manushya apna akla kis baat mein lagaate hain aur tumhein apna akla kahaan lagaana hai?

uttar:- manushya to apna akla aakaash aur srishti ka ant paane mein laga rahe hain lekin isse to koi phaayda nahin। iska ant to mil nahin sakta। tum bachche apna akla lagaate ho - poojya banne mein। unhein duniya nahin poojegi। tum bachche to poojya devta bante ho।

geet:- tumhein paake hamne…

om shanti। bachche samajh gaye hain, yeh hai gyaan maarga। woh hai bhakti maarga। ab prashn uthta hai ki bhakti maarga achha va gyaan maarga achha? do cheez hui na। kaha jaata hai gyaan se sadgati hoti hai। zaroor kahenge bhakti aur gyaan donon alag-alag hain। manushya samajhte hain ki bhakti karne se gyaan milega tab sadgati hogi। bhakti ke beech mein gyaan aa nahin sakta। bhakti sabke liye hai, gyaan bhi sabke liye hai। is samay hai bhi kaliyug ka ant to zaroor sabki durgati hogi isliye pukaarte bhi hain aur gaate bhi hain ki aur sang tod ab tum sang joden। ab woh kaun hai? kiske saath jodenge? yeh to samajhte nahin hain। aksar karke buddhi shreekrishna taraph jaati hai। ham sachchi preet tum sang joden। to jab shreekrishna se hi preet jodte hain to phir guru gosaai aur kiski darkaar hi nahin। shreekrishna ko hi yaad karna hai। shreekrishna ka chitra to sabke paas hai। shreekrishna jayanti bhi manaate hain phir aur koi ke paas jaane ki darkaar hi nahin। jaise meera ne ek sang jodi। kaam-kaaz karte shreekrishna ko hi yaad karti rahi। ghar mein rehna-karna, khaana-peena to hota hai। sachchi preet ek shreekrishna se jodi। jaise ki woh aashik aur woh maashook ho gaye। shreekrishna ko yaad karne se phal bhi milta hai। shreekrishna ko to sab jaante hain। gaate bhi hain sachchi preet hamne tumse jodi aur sang todi। ab oonch te oonch sachcha to parampita hi hai। sabko varsa dene vaala ek hi baap hai। usko koi bhi jaante nahin hain। bhal kehte hain - parampita paramatma shiv, parantu kab aate hain, yeh nahin jaante hain। shiv jayanti hoti hai to zaroor aate honge। kab, kaise aate, kya aakar karte? kisko pata nahin। koi bhi manushya maatra nahin jaante ki sarva ki sadgati karte hain। parantu kaise karte hain? sadgati ka arth kya hai! kuchh bhi nahin samajhte। shivbaaba ne to zaroor svarga ki baadshaahi di hogi na। tum bachche jo us dharma ke the, tumko yeh pata nahin tha, bhool gaye the to phir aur kaise jaan sakenge। abhi shivbaaba dvaara tumne jaana hai aur doosron ko bataate ho। tum ho eeshvareey salvation army। salvation kaho va sadgati ki army kaho। abhi tum bachchon par responsibility thahri। tum chitron par bhi samjha sakte ho। bhaashaayen bahut hain। mukhya bhaashaaon mein chitra banaane padte hain। bhaashaaon ka bhi bada jhanjhat hai, isliye pradarshani bhi banaani pade। chitron par samjhaana bada sahaj hota hai। gole mein bhi saara gyaan hai, seedhi sirf bhaaratvaasiyon ke liye hai। ismen aur koi dharma hai hi nahin। aise thode hi bhaarat tamopradhaan banta hai to aur nahin bante hain। tamopradhaan to sab bante hain। to unhon ke liye bhi hona chaahiye। yeh sab buddhi mein service ke khyaal aane chaahiye। do baap ka raaz bhi samjhaana hai। varsa rachayita se milta hai। yeh bhi sab dharma vaale jaante hain ki lakshmi-naaraayan bhaarat ke pahle mahaaraaja-mahaaraani the va bhagwan-bhagavti the। achha unhon ko yeh svarga ka raajya kaise mila? zaroor bhagwan dvaara mila। kaise kab mila, yeh kisko bhi pata nahin hai। geeta mein shreekrishna ka naam daal phir pralay dikha di hai। result kuchh bhi nahin। yeh tum bachchon ko samjhaana hai। chitra to sab taraph hain। lakshmi-naaraayan ke chitra bhi honge। bhale dress, features aadi aur honge। jisko jo aaya so baith banaaya hai। shreenaath-shreenaathini, yeh raadhe-krishna hain na। shri raadhe, shreekrishna to taaj vaale nahin hain। kaale bhi nahin hain। raajdhaani lakshmi naaraayan ki hai, na ki raadhe-krishna ki। mandir to anek prakaar ke banaaye hain। naam to ek hi rakhenge lakshmi-naaraayan। dynasty lakshmi-naaraayan ki kahenge। raam-seeta ka gharaana, lakshmi-naaraayan ka gharaana, raadhe-krishna ka gharaana nahin hota hai। yeh baaten manushyon ke khyaal mein hi nahin hain। tum bachche bhi nambarvaar purushaartha anusaar jaante ho, jinko service ka shauk hai - woh to phathakte hain। koi kehte hain ham samajhte hain parantu dheere-dheere mukh khulne ki bhi yuktiyaan rachni padti hain। kai samajhte hain ved-shaastra adhyayan karne se, yagya, tap aadi karne se, teertha aadi karne se paramatma ko pa sakte hain। parantu bhagwan kehte hain yeh sab mujhse door karne ke raaste hain। drama mein sabko durgati ko paana hi hai to phir aisi baaten bataate hain। aage ham bhi kehte the ki bhagwan jaise choti hai, koi kahaan se bhi jaaye, to manushyon ne anek prakaar ke raaste pakde hain। bhakti maarga ke raaste pakad-pakad kar jab thak jaate hain tab phir bhi bhagwan ko hi pukaarte hain, ki he patit-paavan, aap aakar paavan banne ka raasta bataao। aap bigar paavan ho nahin sakte hain, thak gaye hain। bhakti din-pratidin poora thakaayegi। abhi to mele aadi par kitne laakhon jaakar ikatthe hote hain, kitni gandagi hoti hai। ab to hai ant। duniya ko badalna hai। vaastav mein duniya ek hi hai। do bhaag banaaye hain। to manushya samjhenge svarga, narka alag-alag duniya hai parantu yeh aadha-aadha hai। oopar mein satayug phir treta, dvaapar, kaliyug। kaliyug mein tamopradhaan banna hi hai। srishti puraani hoti hai, in baaton ko koi samajhte nahin। moonjhe hue hain। koi shreekrishna ko bhagwan, to koi shreeraam ko bhagwan kah dete hain। aajkal to manushya apne ko bhagwan kah dete hain। ham eeshvar ke avtaar hain। devtaaon se bhi manushya teekhe ho gaye hain। devtaaon ko phir bhi devta hi kahenge। yeh to phir manushya ko bhagwan kah dete। yeh hai bhakti maarga। devtaayen to svarga mein rahne vaale the। abhi kaliyug iron ez mein phir manushya bhagwan kaise ho sakte? baap kehte hain - main aata hi hoon sangamayug par, jabki mujhe aakar duniya ko transfer karna hai। kaliyug se satayug ho baaki sab shantidham mein chale jaayenge। woh hai niraakaari duniya। yeh hai saakaari duniya। niraakaari jhaad bhi samjhaane liye bada banaana pade। brahm mahtatva bhi itna bada hai, jitna bada aakaash hai। donon ka ant nahin pa sakte hain। bhal koshish karte hain - aeroplane aadi mein jaayenge parantu ant nahin pa sakenge। samudra hi samudra... aakaash hi aakaash hai। vahaan to kuchh bhi hai nahin। bhal koshish bahut karte hain parantu in sab baaton se phaayda kya। samajhte hain ham apna akla nikaalte hain। yeh hai manushya ka akla, science ka ghamanda bhi manushyon mein hai। bhal kitna bhi koi ant paaye, parantu unko saari duniya poojegi to nahin। devtaaon ki to pooja hoti hai। tum bachchon ko baap kitna oonch banaate hain। sabko le jaate hain shantidham। bhal yeh sab jaante hain, ham mool vatan se aate hain parantu jis prakaar tum samajhte ho vaise duniya nahin jaanti। woh kya hai, kaise aatmaayen vahaan rehti hain phir nambarvaar aati hain। yeh koi nahin jaante। brahm mahtatva mein niraakaari jhaad hai। yeh nahin samajhte hain, satayug mein thode rehte hain। baaki sab aatmaayen mool vatan mein rehti hain। jaise yeh saakaari vatan hai vaise hi mool vatan hai। vatan kabhi khaali nahin hota, na yeh na woh। jab ant hota hai to transfer ho jaate hain। kuchh to is vatan mein rehte hain। saara vatan khaali ho jaae phir to pralay ho jaae। pralay hoti nahin। avinaashi khanda hai na। yeh sab baaten buddhi mein rakhni hai। saara din yahi khyaalaat chalte rahen ham kiska kalyaan karen। tum sang preet juti to unka parichay deve na। woh baap hai, usse varsa milta hai। kaise milta hai, so ham bata sakte hain। bataane vaalon mein bhi nambarvaar hain। koi to bahut achhi reeti bhaashan karte hain, koi nahin kar sakte hain to seekhna pade। har ek bachche ko apna kalyaan karna hai। jabki raasta mila hai to ek do ka kalyaan karna hai। dil hoti hai auron ko bhi baap se varsa dilaayen। roohaani khidmat karen। sab ek do ki seva karte hain।

baap aakar roohaani seva sikhaate hain aur koi bhi roohaani seva nahin jaante। roohaani baap hi roohon ki seva karte hain। jismaani seva to janma-janmaantar bahut ki, ab antim janma mein roohaani seva karni hai, jo baap ne sikhaai hai। kalyaan ismen hain aur koi mein phaayda nahin। grihastha vyavhaar mein bhi rehna hai, tod nibhaana hai। unko bhi yahi samjhaakar kalyaan karna hai। preet hogi to kuchh sunenge। kai to darte hain ki pata nahin hamko bhi sannyaas na karna pade। aajkal to sannyaasi bahut hain na। kaphni pahan do akshar sunaaya, khaana to mil hi jaata hai, kahaan na kahaan se। koi dukaan par jaayega, do poori de denge। phir doosre paas jaayenge, pet pooja ho jaati hai। bheekh maangane vaale bhi anek prakaar ke hote hain। is baap se to ek hi prakaar ka varsa milta hai। behad ki baadshaahi milti hai, sada nirogi bante hain। saahookaar mushkil uthte hain। gareebon ka bhi kalyaan karna chaahiye। baba pradarshaniyaan bahut banva rahe hain kyonki gaanvade bahut hain na। minister aadi samjhenge ki yeh knowledge achhi hai to sab sunne lag padenge। haan, aage chalkar tumhaara naam baala hoga, phir bahut aayenge। kat nikaalne mein time lagta hai। raat-din koi lag jaae to shaayad nikal pade। aatma pure ho jaayegi to phir yeh shareer bhi chhodegi। yeh sab samajhne ki baaten hain। pradarshani mein bhi samjhaana hai। mukhya hai saari bhaarat ki baat। bhaarat ka rise ho jaata hai to sab ka rise ho jaata hai। projector se bhi pradarshani mein jaasti service ho sakti hai। dheere-dheere vriddhi ko paate jaayenge। din-pratidin tumhaara naam baala hota jaayega। yeh bhi likhna chaahiye ki 5 hajaar varsha pahle bhi aise hua tha। yeh to badi wonderful baaten hain। baba ishaara dete hain। bachche bahut baaten bhool jaate hain। kuchh bhi hota hai to kahenge aaj se 5 hajaar varsha pahle bhi aise hua tha। hai bahut clear baat। parantu jab kiski buddhi mein yeh baithe। akhbaar mein daal sakte hain to kuchh samjhen to sahi। gyaan maarga mein badi first class avastha chaahiye। aisi-aisi baaton ko yaad kar harshit bhi rehna hota hai। practice pad jaae to phir avastha bahut khushmijaaz ho jaati hai। achha।

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) aur sabse buddhi ki preet tod ek baap se jodni hai aur sabki preet ek baap se judaane ki seva karni hai।

2) sachcha-sachcha roohaani khidmatgaar banna hai। apna bhi kalyaan karna hai aur doosron ko bhi raasta bataana hai। avastha bahut khushmizaaj banaani hai।

vardaan:- apne shreshtha vyavhaar dvaara sarva aatmaon ko sukh dene vaali mahaan aatma bhav

jo mahaan aatmaayen hoti hain unke har vyavhaar se sarva aatmaon ko sukh ka daan milta hai। woh sukh dete aur sukh lete hain। to check karo ki mahaan aatma ke hisaab se saare din mein sabko sukh diya, punya ka kaam kiya। punya arthaat kisko aisi cheez dena jisse us aatma se aasheervaad nikle। to check karo ki har aatma se aasheervaad mil rahi hai। kisi ko bhi duhkh diya va liya to nahin! tab kahenge mahaan aatma।

slogan:- karne ke baad sochna hi pashchaataap ka roop hai।

ye avyakt ishaare - mahaan banne ke liye madhurta aur namrata ka gun dhaaran karo

sanskaar va nature to har ek ki apni-apni hai lekin sarva ka snehi aur sarva baaton mein, sambandh mein saphal, mansa mein vijayi aur vaani mein madhurta tab aa sakti hai jab easy nature ho। easy nature arthaat jaisa samay, jaisa vyakti, jaisa circumstance usko parakhte hue apne ko easy kar deve। easy arthaat milansaar, mould kar lene vaala। easy maana albela nahin।