सोमवार 27 अप्रैल 2026 की दैनिक मुरली

27-04-2026 praatahmurli om shanti "baapdaada"' madhuban

“meethe bachche - tumhein phool ban sabko sukh dena hai, phool bachche mukh se ratna nikaalenge''

prashn:- phool banne vaale bachchon prati bhagwan ki kaun si aisi shiksha hai, jisse woh sada khushboodaar bana rahe?

uttar:- he mere phool bachche, tum apne andar dekho - ki mere andar koi aasuri avgun roopi kaanta to nahin hai! agar andar koi kaanta ho to jaise doosre ke avgun se naphrat aati hai vaise apne aasuri avgun se naphrat karo to kaanta nikal jaayega। apne ko dekhte raho - mansa-vaacha-karmana aisa koi vikarma to nahin hota hai, jiska danda bhogna pade!

om shanti। roohaani bachchon prati roohaani baap baith samjhaate hain। is samay yeh raavan raajya hone kaaran manushya sab hain deh-abhimaani isliye unhon ko jangal ka kaanta kaha jaata hai। yeh kaun samjhaate hain? behad ka baap। jo ab kaanton ko phool bana rahe hain। kahaan-kahaan maaya aisi hai jo phool bante-bante phat se phir kaanta bana deti hai। isko kaha hi jaata hai kaanton ka jangal, ismen anek prakaar ke jaanvar misal manushya rehte hain। hain manushya, parantu ek do mein jaanavron misal ladte-jhagadte rehte hain। ghar-ghar mein jhagda laga hua hai। vishay saagar mein hi sab pade hain, yeh saari duniya bada bhaari vish ka saagar hai, jismen manushya gote kha rahe hain। isko hi patit bhrashtaachaari duniya kaha jaata hai। abhi tum kaanton se phool ban rahe ho। baap ko baagvaan bhi kaha jaata hai। baap baith samjhaate hain - geeta mein hai gyaan ki baaten aur phir manushyon ki chalan kaisi hai - woh bhaagvat mein varnan hai। kya-kya baaten likh di hain। satayug mein aise thode hi kahenge। satayug to hai hi phoolon ka bageecha। abhi tum phool ban rahe ho। phool bankar phir kaante ban jaate hain। aaj bada achha chalte phir maaya ke toofaan aa jaate hain। baithe-baithe maaya kya haal kar deti hai। baap kehte rehte hain ham tumko vishwa ka maalik banaate hain। bhaaratvaasiyon ko kehte hain tum vishwa ke maalik the। kal ki baat hai। lakshmi-naaraayan ka raajya tha। heere javaahraaton ke mahal the। unko kehte hi hain garden oph allaah। jangal yahaan hai, phir bageecha bhi yahaan hoga na। bhaarat svarga tha, usmein phool hi phool the। baap hi phoolon ka bageecha banaate hain। phool bante-bante phir sangadosh mein aakar kharaab ho jaate hain। bas baba ham to shaadi karte hain। maaya ka bhabhka dekhte hain na। yahaan to hai bilkul shanti। yeh duniya saari hai jangal। jangal ko zaroor aag lagegi। to jangal mein rahne vaale bhi khatma honge na। vahi aag lagni hai jo 5 hajaar varsha pahle lagi thi, jiska naam mahaabhaarat ladaai rakha hai। atomic bombs ki ladaai to pahle yaadvon ki hi lagti hai। woh bhi gaayan hai। science se missiles banaaye hain। shaastron mein to bahut kahaaniyaan hain। baap bachchon ko samjhaate hain - aise koi pet se thode hi moosal aadi nikal sakte hain। abhi tum dekhte ho science dvaara kitne bombs aadi banaate hain। sirf 2 bomb hi lagaaye to kitne shahar khatma ho gaye। kitne aadmi mare। laakhon mare honge। ab is itne bade jangal mein karodon manushya rehte hain, inko aag lagni hai।

shivbaaba samjhaate hain, baap to phir bhi merciful hai। baap ko to sabka kalyaan karna hai। phir bhi jaayenge kahaan। dekhenge barobar aag lagti hai to phir bhi baap ki sharan lenge। baap hai sarva ka sadgati daata, punarjanma rahit। unko phir sarvavyaapi kah dete। abhi tum ho sangamayugi। tumhaari buddhi mein saara gyaan hai। mitra-sambandhiyon aadi ke saath bhi tod nibhaana hai। unmein hain aasuri gun, tumhaare mein hain daivi gun। tumhaara kaam hai auron ko bhi yahi sikhlaana। mantra dete raho। pradarshani dvaara tum kitna samjhaate ho। bhaaratvaasiyon ke 84 janma poore hue hain। ab baap aaye hain - manushya se devta banaane arthaat narkavaasi manushyon ko svargavaasi banaate hain। devta svarga mein rehte hain। abhi apne ko aasuri gunon se naphrat aati hai। apne ko dekha jaata hai, ham daiveegunon vaale bane hain? hamaare mein koi avgun to nahin hain? mansa-vaacha-karmana hamne koi aisa karma to nahin kiya jo aasuri kaam ho? ham kaanton ko phool banaane ka dhandha karte hain va nahin? baba hai baagvaan aur tum brahmaakumaar kumaariyaan ho maali। kisam-kisam ke maali bhi hote hain। koi to anaadi hain jo kisko aap samaan nahin bana sakte। pradarshani mein baagvaan to nahin jaayenge। maali jaayenge। yeh maali bhi shivbaaba ke saath hai, isliye yeh bhi nahin ja sakta। tum maali jaate ho service karne ke liye। achhe-achhe maaliyon ko hi bulaate hain। baba bhi kehte hain anaadiyon ko na bulaao। baba naam nahin batlaate hain। third class maali bhi hain na। baagvaan pyaar unko karenge jo achhe-achhe phool banaakar dikhaayenge। us par baagvaan khush bhi hoga। mukh se sadaiv ratna hi nikaalte rehte hain। koi ratna ke badle patthar nikaalenge to baba kya kahenge। shiv par ak ke phool bhi chadhaate hain na। to koi aise bhi chadhte hain na। chalan to dekho kaisi hai। kaante bhi chadhte hain, chadhkar phir jangal mein chale jaate hain। satopradhaan banne badle aur hi tamopradhaan bante jaate hain। unki phir kya gati hoti hai!

baap kehte hain - main ek to nishkaami hoon aur doosra par-upkaari hoon। par-upkaar karta hoon bhaaratvaasiyon par, jo hamaari glaani karte hain। baap kehte hain - main is samay hi aakar svarga ki sthaapna karta hoon। kisko kaho svarga chalo। to kehte svarga mein to ham yahaan hain na। are svarga hota hai satayug mein। kaliyug mein phir svarga kahaan se aaya। kaliyug ko kaha hi jaata hai narka। puraani tamopradhaan duniya hai। manushyon ko pata hi nahin hai ki svarga kahaan hota hai। svarga aasmaan mein samajhte hain। delvaada mandir mein bhi svarga oopar mein dikhaaya hai। neeche tapasya kar rahe hain। to manushya bhi isliye kah dete - phalaana svarga padhaara। svarga kahaan hai? sabke liye kah dete svargavaasi hua। yeh hai hi vishay saagar। ksheer saagar vishnupuri ko kaha jaata hai। unhonne phir pooja ke liye ek bada talaav banaaya hai। usmein vishnu ko bithaaya hai। abhi tum bachche svarga mein jaane ki taiyaari kar rahe ho। jahaan doodh ki nadiyaan hongi। abhi tum bachche phool bante jaao। aisi koi chalan kabhi nahin chalni hai jo koi kahe, yeh to kaanta hai। hamesha phool banne ke liye purushaartha karte raho। maaya kaanta bana deti hai, isliye apni bahut-bahut sambhaal karni hai।

baap kehte hain - grihastha vyavhaar mein rehte kamal phool samaan pavitra banna hai। baagvaan baba kaanton se phool banaane aaye hain। dekhna hai ham phool bane hain। phoolon ko hi service ke liye jahaan-tahaan bulaate hain। baba gulaab ka phool bhejo। dikhaai to padta hai na - kaun, kaunsa phool hai। baap kehte hain - main aata hi hoon tumko raajayog sikhlaane। yeh hai hi satya naaraayan ki katha। satya praja ki nahin hai। raaja raani banenge to praja bhi understood banengi। abhi tum samajhte ho raaja raani tatha praja kaise nambarvaar banti hai। gareeb jinke paas do paanch roopaya bhi nahin bachta hai, woh kya denge। unko bhi utna milta hai, jitna hajaar dene vaale ko milta hai। sabse jyaada bhaarat gareeb hai। kisko bhi yaad nahin hai ki ham bhaaratvaasi svargavaasi the। devtaaon ki mahima bhi gaate hain parantu samajh nahin sakte। jaise mendhak traan-traan karte hain। bulbul aavaaj kitna meetha karti hai, arth kuchh nahin। aajkal geeta sunaane vaale kitne hain। maataayen bhi nikli hain। geeta se kaun sa dharma sthaapan hua? yeh kuchh bhi nahin jaante hain। thodi riddhi-siddhi koi ne dikhaai to bas, samjhenge yeh bhagwan hai। gaate hain patit-paavan। to patit hain na। baap kehte hain - vikaar mein jaana yeh number one patitapna hai। yeh saari duniya patit hai। sab pukaarte hain - he patit-paavan aao। ab unko aana hai va ganga snaan karne se paavan banna hai? baap ko manushya se devta banaane ke liye kitni mehnat karni padti hai। baap kehte hain mujhe yaad karo to tum kaante se phool ban jaayenge। mukh se kabhi patthar nahin nikaalo। phool bano। yeh bhi padhaai hai na। chalte-chalte grahchaari baith jaati hai to fail ho jaate hain। hopphul se hopeless ho jaate hain। phir kehte hain ham baba ke paas jaayen। indra ki sabha mein gande thode hi aa sakte hain। yeh indra sabha hai na। braahmani jo le aati hai us par bhi badi javaabdaari hai। vikaar mein gaya to braahmani par bhi bojh padega, isliye sambhaal kar kisko le aana chaahiye। aage chal tum dekhenge saadhu santa aadi sab queue mein khade ho jaayenge। bheeshma pitaamah aadi ka naam to hai na। bachchon ki badi vishaal buddhi honi chaahiye। tum kisi ko bhi bata sakte ho - bhaarat garden oph flower tha। devi devtaayen rehte the। abhi to kaante ban gaye hain। tumhaare mein 5 vikaar hain na। raavan raajya maana hi jangal। baap aakar kaanton ko phool banaate hain। khyaal karna chaahiye - abhi ham gulaab ke phool nahin bane to janma janmaantar ak ke phool hi banenge। har ek ko apna kalyaan karna hai। shivbaaba par thode hi meharbaani karte hain। meharbaani to apne par karni hai। ab shreemat par chalna hai। bageeche mein koi jaayenge to khushboodaar phoolon ko hi dekhenge। ak ko thode hi dekhenge। flower show hota hai na। yeh bhi flower show hai। bada bhaari inaam milta hai। bahut first class phool banna hai। badi meethi chalan chaahiye। krodhi ke saath bada namra ho jaana chaahiye। ham shreemat par pavitra ban pavitra duniya svarga ka maalik banne chaahte hain। yuktiyaan to bahut hoti hain na। maataaon mein triya-charitra bahut hote hain। chaturaai se pavitrata mein rahne ke liye purushaartha karna hai। tum kah sakti ho ki bhagvaanuvaach kaam mahaashatru hai, pavitra bano to satopradhaan ban jaayenge। to kya ham bhagwan ki nahin maanen! yukti se apne ko bachaana chaahiye। vishwa ka maalik banne ke liye thoda sahan kiya to kya hua। apne liye tum karte ho na। woh raajaai ke liye ladte hain tum apne liye sab kuchh karte ho। purushaartha karna chaahiye। baap ko bhool jaane se hi girte hain। phir sharma aati hai। devta kaise banenge। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) maaya ki grahchaari se bachne ke liye mukh se sadaiv gyaan ratna nikaalne hain। sang dosh se apni sambhaal rakhni hai।

2) khushboodaar phool banne ke liye avgunon ko nikaalte jaana hai। shreemat par bahut-bahut namra banna hai। kaam mahaashatru se kabhi bhi haar nahin khaani hai। yukti se svayan ko bachaana hai।

vardaan:- shaktiyon ko karaamat ke bajaae kartavya samajhkar prayog karne vaale poojan va gaayan yogya bhav

yaad dvaara jo shaktiyon ki praapti hoti hai unhein karaamat samajhkar prayog nahin karna lekin kartavya samajhkar kaarya mein lagaana। un manushyon ke paas riddhi siddhi ki karaamat hoti hai lekin aapke paas hai shreemat। shreemat se shaktiyaan zaroor aati hain iseelie sankalp se kartavya siddha hote hain। sankalp se kisko kaarya ki prerna de sakte ho, yeh bhi shakti hai lekin shreemat mein jab apni manmat mix na ho tab gaayan aur poojan yogya banenge।

slogan:- kisi bhi prakaar ki halchal mein dilshikasta hone ke bajaae badi dil vaale bano।

ye avyakt ishaare - mahaan banne ke liye madhurta aur namrata ka gun dhaaran karo

jo saralchit hain vahi madhurta ke gun sampanna hain, vahi sada harshit rehte hain। harshitchit hain to sabko aakarshit karte hain। harshit ka arth hi hai ateendriy sukh mein jhoomna। gyaan ka sumiran karte, avyakt sthiti ka anubhav karte ateendriy sukh mein jhoomna, isko kaha jaata hai harshit। aisa jo harshit rehta hai vahi aakarshit karta hai।