गुरुवार 30 अप्रैल 2026 की दैनिक मुरली

30-04-2026 praatahmurli om shanti "baapdaada"' madhuban

“meethe bachche - tumhaari yeh wonderful university hai, jismen bigdi ko banaane vaala bholaanaath baap teacher bankar tumhein padhaate hain''

prashn:- is kayaamat ke samay mein tum bachche sabhi ko kaun sa lakshya dete ho?

uttar:- he aatmaayen ab paavan bano, paavan banne bigar vaapis ja nahin sakte। aadhaakalpa ka jo rog laga hua hai, usse mukta hone ke liye tum sabko 7 roz bhatthi mein bithaate ho। patiton ke sang se door rahe, koi bhi yaad na aaye tab kuchh buddhi mein gyaan ki dhaarna ho।

geet:- toone raat ganvaai…

om shanti। yeh bachchon ko kisne kaha? kyonki school mein baithe hue ho to zaroor teacher ne kaha। prashn uthta hai yeh teacher ne kaha, baap ne kaha va satguru ne kaha? yeh versions kisne kahe? bachchon ko buddhi mein pahle-pahle yeh aana chaahiye ki hamaara behad ka baap hai, jisko parampita paramatma kaha jaata hai। to baap ne bhi kaha, shikshak ne bhi kaha to saath-saath satguru ne bhi kaha। yeh tumhaari buddhi mein hai, jo student hain। aur college va university mein teacher padhaate hain, unko koi father va guru nahin kahenge। yeh hai bhi paathshaala, phir university kaho va college kaho। hai to padhaai na। pahle-pahle yeh samajhna hai, paathshaala mein hamko kaun padhaate hain? bachche jaante hain woh niraakaar jo sabhi aatmaon ka baap hai, sarva ka sadgati daata hai woh hamko padha rahe hain। yeh saari rachna us ek rachta ki property hai। to khud hi baith rachna ke aadi-madhya-ant ka raaz samjhaate hain। tum bachchon ne janma liya hai - baap ke paas। tum buddhi se jaante ho ham sabhi aatmaon ka woh baap hai, jisko gyaan ka saagar, knowledgeful kaha jaata hai। gyaan ka saagar hai, patit-paavan hai। gyaan se hi sadgati hoti hai, manushya patit se paavan bante hain। ab tum bachche yahaan baithe ho। aur koi school mein kisko buddhi mein nahin rehta ki hamko gyaan ka saagar niraakaar baap padha rahe hain। yeh yahaan hi tum jaante ho। tumko hi samjhaaya jaata hai। khaas bhaarat aur aam saari duniya mein aise koi bhi nahin samjhenge ki hamko niraakaar paramatma padhaate hain। unko padhaane vaale hain hi manushya teacher। aur phir aisa bhi gyaan nahin hai jo samjhen - ham aatma hain। aatma hi padhti hai। aatma hi sab kuchh karti hai। phalaani naukri aatma karti hai - in organs dvaara। unko to yeh rehta hai ki ham phalaana hai। jhat apna naam roop yaad aa jaata hai। ham yeh karte hain, ham aise karte hain। shareer ka naam hi yaad aa jaata hai, parantu woh wrong hai। ham to pahle aatma hain na। peechhe yeh shareer liya hai। shareer ka naam badalta rehta hai, aatma ka naam to nahin badalta। aatma to ek hi hai। baap ne kaha hai mujh aatma ka ek hi naam shiv hai। yeh saari duniya jaanti hai। baaki itne sab naam shareeron par rakhe jaate hain। shivbaaba ko to shiv hi kehte hain, bas। unka koi shareer nahin dikhaai padta। manushya ke oopar naam padta hai, main phalaana hoon। hamko phalaana teacher padha rahe hain। naam lenge na। vaastav mein aatma shareer ke dvaara teacher ka kaam karti hai, unki aatma ko padhaati hai। sanskaar aatma mein hote hain। organs dvaara padhaati hai, part bajaati hai, sanskaar anusaar। parantu deh par naam jo pade hain, us par saare dhandhe aadi chalte hain। yahaan tum bachche jaante ho hamko niraakaar baap padhaate hain। tumhaari buddhi kahaan chali gai! ham aatma us baap ke bane hain। aatma samajhti hai niraakaar father hamko aakar is saakaar dvaara padhaate hain। unka naam hai shiv। shivjayanti bhi manaate hain। shiv to hai behad ka baap, unko hi parampita paramatma kaha jaata hai। woh sabhi aatmaon ka baap hai, ab unki jayanti kaise manaate hain। aatma shareer mein pravesh karti hai va garbha mein aati hai। oopar se aati hai, yeh kisko maaloom nahin padta। Christ ko dharma sthaapak kehte hain। unki aatma pahle-pahle oopar se aani chaahiye। satopradhaan aatma aati hai। koi bhi vikarma kiya hua nahin hai। pahle satopradhaan phir sato, rajo, tamo mein aate hain tab vikarma hote hain। pahle aatma jo aayegi, satopradhaan hone ke kaaran koi duhkh nahin bhog sakti। aadha time jab poora hota hai tab vikarma karne lagti hai।

aaj se 5 hajaar varsha pahle barobar sooryavanshi raajya tha aur sab dharma baad mein aaye। bhaaratvaasi vishwa ke maalik the। bhaarat ko avinaashi khanda kaha jaata hai aur koi khanda tha nahin। to shivbaaba hai bigdi ko banaane vaala, bholaanaath shiv ko kaha jaata hai, na ki shankar ko। bholaanaath shiv bigdi ko banaane vaala hai। shiv aur shankar ek nahin hain, alag-alag hain। brahma, vishnu, shankar ki koi mahima nahin hai। mahima sirf ek shiv ki hai jo bigdi ko banaate hain। kehte hain - main saadhaaran boodhe tan mein aata hoon। isne 84 janma poore kiye, ab khel poora hua। yeh puraana chola, puraane sambandh bhi khalaas ho jaane vaale hain। ab kisko yaad karen? khatma hone vaali cheez ko yaad nahin kiya jaata hai। naya makaan banta hai to phir puraane se dil hat jaati hai। yeh phir hai behad ki baat। sarva ki sadgati hoti hai arthaat raavan ke raajya se sabko chhutkaara milta hai। raavan ne sabko bigaad diya hai। bhaarat bilkul hi kangaal bhrashtaachaari hai। log bhrashtaachaar samajhte hain corruption, adulteration ko, chori thagi ko। parantu baap kehte hain - pahla bhrashtaachaar hai moot paleeti banna। shareer vikaar se paida hota hai isliye isko vicious world kaha jaata hai। satayug ko viceless kaha jaata hai। ham satayug mein pravritti maarga vaale devi devta the। kehte hain pavitra hone se vikaar bigar bachche kaise paida honge। bolo, ham apni raajdhaani baahubal se nahin yogbal se sthaapan karte hain। to kya yogbal se bachche nahin paida ho sakte hain! jabki hai hi viceless world, pavitra grihastha aashram। yatha raaja raani sampoorn nirvikaari tatha praja। yahaan hain sampoorn vikaari। satayug mein vikaar hote nahin। usko kaha jaata hai eeshvareey raajya। eeshvar baap ka sthaapan kiya hua। abhi to hai raavan raajya। shivbaaba ki pooja hoti hai, jisne svarga sthaapan kiya। raavan, jisne narka banaaya usko jalaate aate hain। dvaapar kab shuru hua, yeh bhi kisko pata nahin hai। yeh bhi samajh ki baat hai। yeh hai hi tamopradhaan aasuri duniya। woh hai eeshvareey duniya। usko svarga daivi paavan duniya kaha jaata hai। yeh hai narka, patit duniya। yeh baaten bhi samjhenge vahi jo roz padhenge। bahut kehte hain phalaani jagah school thode hi hai। are head office to hai na। tum aakar direction le jaao। badi baat to nahin hai। srishti chakra ko second mein samjhaaya jaata hai। satayug, treta past ho gaya phir dvaapar, kaliyug, yeh bhi past hua। abhi hai sangamayug। nai duniya mein jaane ke liye padhna hai। har ek ka hak hai padhna। baba ham naukri karte hain। achha ek haphta gyaan le phir chale jaana, murli milti rahegi। pahle 7 roz bhatthi mein zaroor rehna hai। bhal 7 roz aayenge parantu sabki buddhi ek jaisi nahin rahegi। 7 roz bhatthi maana koi ki bhi yaad na aaye। koi se patra vyavhaar aadi bhi na ho। sab ek jaisa to samajh nahin sakte। yahaan patiton ko paavan banna hai। yeh patitapna bhi rog hai, aadhaakalpa ke mahaarogi manushya hain। unko alag bithaana pade। koi ka bhi sang na ho। baahar jaayenge, ulta-sulta khaayenge, patit ke haath ka khaayenge। satayug mein devtaayen paavan hain na। unke liye dekho khaas mandir bante hain। devtaaon ko phir patit chhu na sake। is samay to manushya bilkul patit bhrashtaachaari hain। shareer vish se paida hota hai isliye inko bhrashtaachaari kaha jaata hai। sannyaasiyon ka bhi shareer vish se bana hua hai। baap kehte hain pahle-pahle aatma ko pavitra hona hai, phir shareer bhi pavitra chaahiye isliye puraane impure shareer sab vinaash ho jaane hain। sabko vaapis jaana hai। yeh hai kayaamat ka samay। sabko pavitra ban vaapis jaana hai। bhaarat mein hi holika manaate hain। yahaan 5 tatvon ke shareer tamopradhaan hain। satayug mein shareer bhi satopradhaan hote hain। shreekrishna ka chitra hai na। narka ko laat maarna hota hai kyonki satayug mein jaana hai। murde ko bhi jab shamshaan mein le jaate hain to pahle munh shahar taraph, pair shamshaan taraph karte hain। phir jab shamshaan ke andar ghuste hain to munh shamshaan taraph kar dete hain। abhi tum svarga mein jaate ho to tumhaara munh us taraph hai। shantidham aur sukhdhaam, pair duhkhadhaam taraph hain। woh to murde ki baat hai, yahaan to purushaartha karna hota hai। sweet hom ko yaad karte-karte tum aatmaayen sweet home mein chali jaayengi। yeh hai buddhi ki practice। yeh baap baith sab raaz samjhaate hain। tum jaante ho abhi ham aatmaon ko jaana hai ghar। yeh puraana chola puraani duniya hai, naatak poora hua maana 84 janma part bajaaya। yeh bhi samjhaaya hai ki sab 84 janma nahin lete hain। jo aate hi baad mein hain aur dharma mein, zaroor unke kam janma hoge। islaami se bauddhiyon ka kam। Christian ke unse kam। guroonaanak ke sikkha log aaye hi abhi hain। guroonaanak ko 500 varsha hua to woh thode hi 84 janma lenge। hisaab kiya jaata hai। 5 hajaar varsha mein itne janma, to 500 varsha mein kitne janma hue honge? 12-13 janma। Christ ke 2 hajaar varsha honge to unke kitne janma honge। aadha se bhi kam ho jaayenge। hisaab hai na। ismen koi kitne, koi kitne accurate nahin kah sakte। in baaton mein debate karne mein jaasti time vesta nahin karna hai। tumhaara kaam hai baap ko yaad karna। phaaltu baaton mein buddhi nahin jaani chaahiye। baap se yog lagaana, chakra ko jaanna hai। baaki paap nashta honge yaad se। ismen hi mehnat hai isliye bhaarat ka praacheen yog kehte hain, jo baap hi sikhaate hain। satayug, treta mein to yog ki baat hi nahin। phir bhakti maarga mein hathayog shuru hota hai। yeh hai sahaj raajayog। baap kehte hain - mujhe yaad karne se paavan banenge। mool baat yaad ki hai। koi bhi paap nahin karna hai। devi devtaaon ke mandir hain kyonki paavan hain। pujaari log to patit hain। paavan devtaaon ko snaan aadi karaate hain। vaastav mein patit ka haath bhi nahin lagna chaahiye। yeh sab hai bhaktimaarga ka rasamrivaaz। abhi to ham paavan ban rahe hain। pavitra ban jaayenge to phir devta ban jaayenge। vahaan to pooja aadi ki darkaar nahin rehti। sarva ka sadgati daata hai hi ek baap। unko hi bholaanaath kehte hain। main aata hoon patit duniya, patit shareer mein puraane raavan raajya mein। haan, koi ke bhi tan mein pravesh kar murli chala sakte hain। iska matlab yeh nahin ki sarvavyaapi hai। har ek mein to apni-apni aatma hai। form mein bhi likhvaaya jaata hai tumhaari aatma ka baap kaun hai? parantu samajhte nahin hain। aatmaon ka baap to ek hi hoga। ham sab brothers hain। father ek hai। unse varsa milta hai jeevanmukti ka। vahi liberator, guide hai। sabhi aatmaon ko le jaayenge sweet hom isliye puraani duniya ka vinaash hota hai। holika hoti hai na। shareer sab khatma ho jaayenge। baaki aatmaayen sab vaapis chali jaayengi। satayug mein to phir bahut thode honge। samajhna chaahiye ki svarga ki sthaapna kaun karaate hain, kaliyug ka vinaash kaun karaate hain? so to clear likha hua hai। kehte hain mithra ghur ta ghuraay। (pyaar karo to pyaar milega) baap kehte hain jo mere arth bahut service karte hain, manushya ko devta banaane ki woh jaasti pyaare lagte hain।

jo purushaartha karenge vahi oonch varsa paayenge। varsa aatmaon ko paana hai paramatma baap se। aatma-abhimaani banna pade। kai bahut bhoolen bhi karte hain, puraani aadten pakki ho gai hain। to kitna bhi samjhaao woh chhootti nahin, usse apna hi pad kam kar dete hain। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) kisi bhi baat ki debate mein apna time vesta nahin karna hai। vyartha ki baaton mein buddhi jaasti na jaaye। jitna ho sake yaad ki yaatra se vikarma vinaash karne hain। aatma-abhimaani rahne ki aadat daalni hai।

2) is puraani duniya se apna munh pher lena hai। shantidham aur sukhdhaam ko yaad karna hai। naya makaan ban raha hai to puraane se dil hata leni hai।

vardaan:- eeshvareey kul ki smriti dvaara maaya ka saamna karne vaale sada samartha swaroop bhav

kisi bhi kaarya mein saphalta praapta karni hai to pahle smriti dvaara samarthi swaroop bano। samarthi aane se maaya ka saamna karna sahaj ho jaayega। jaisi smriti hoti hai vaisa swaroop ban jaata hai isliye sada powerful smriti rahe - ki jab tak yeh eeshvareey janma hai tab tak har second, har sankalp, har kaarya eeshvareey seva par hoon। hamaara yeh eeshvareey kul hai, yeh smriti ki seat sarva kamjoriyon ko samaapta kar degi।

slogan:- satya samay pramaan svayan siddha hota hai use siddha karne ki aavashyakta nahin।

ye avyakt ishaare - mahaan banne ke liye madhurta aur namrata ka gun dhaaran karo

majority ke saamne service mein baadha daalne vaala mukhya vighna aata hai - mainne yeh kiya, main hi yeh kar sakta hoon... yeh maimpan aana isko hi kaha jaata hai gyaan ka abhimaan, buddhi ka abhimaan, service ka abhimaan, in roopon mein hi vighna aate hain। is prakaar ke vighnon ko samaapta karne ke liye sada ek shabd yaad rakhna ki main nimitta hoon। nimitta banne se hi niraakaari, niranhakaari aur namrachit, nihsankalpa avastha mein rah sakte hain, yahi dhaarnaayen vaayumandal ko nirvighna bana deti hain।