शुक्रवार 15 मई 2026 की दैनिक मुरली

15-05-2026 praatahmurli om shanti "baapdaada"' madhuban

“meethe bachche - yeh duniya kabristaan hone vaali hai isliye isse dil nahin lagaao, paristaan ko yaad karo''

prashn:- tum gareeb bachchon jaisa khushanseeb duniya mein koi bhi nahin, kyon?

uttar:- kyonki tum gareeb bachche hi direct us baap ke bane ho jisse sadgati ka varsa milta hai। gareeb bachche hi padhte hain। saahookaar yadi thoda padhenge bhi, to unhein baap ki yaad mushkil se rahegi। tumhein to ant mein baap ke sivaae aur kuchh bhi yaad nahin aayega isliye tum sabse khushanseeb ho।

geet:- dil ka sahaara toot na jaaye…

om shanti। bachchon prati baap samjha rahe hain aur bachche samajh rahe hain ki barobar yeh jamaana ab kabristaan banne vaala hai। pahle yeh jamaana paristaan tha, ab puraana ho gaya hai isliye inko kabristaan kehte hain। sabko kabradaakhil hona hai। puraani cheez kabradaakhil hoti hai arthaat mitti mein mil jaati hai। yeh bhi sirf tum bachche hi jaante ho, duniya nahin jaanti। kuchh vilaayat vaalon ko maaloom hota hai ki kabradaakhil hone ka samay dikhta hai। tum bachche bhi jaante ho ki paristaan sthaapan karne vaala hamaara baba phir se aaya hua hai। bachche yeh bhi samajhte hain, agar is kabristaan se dil lagaai to ghaata pad jaayega। abhi tum behad ke baap se behad sukh ka varsa le rahe ho, so bhi kalpa pahle muaaphik। yeh tum bachchon ki buddhi mein har kadam rehna chaahiye to yahi manamnaabhav hai। baap ki yaad mein rahne se hi paristaani banenge। bhaarat paristaan tha aur khanda paristaan nahin bante hain। yeh hai maaya raavan ka pomp। yeh thoda samay chalne vaala hai। yeh hai jhootha show। jhoothi maaya, jhoothi kaaya hai na। yeh pichhaadi ka bhabhka hai। inko dekhkar samajhte hain, svarga to abhi hai, pahle narka tha। bade-bade makaan banaate rehte hain। yeh 100 varsha ka show hai। telephone, bijli, aeroplane aadi yeh sab 100 varsha ke andar bante hain। kitna show hai isliye samajhte hain svarga to abhi hai। dehli puraani kya thi? abhi nai dehli kaise achhi bani hai। naam hi rakha hai new dehli। baapu ji chaahte the nai duniya raamraajya ho, paristaan ho। yeh to temporary pomp hai। kitne bade-bade makaan, fountain aadi banaate hain, inko artificial svarga kaha jaata hai, alpa-kaal ke liye। tum jaante ho inka naam koi svarga nahin hai। inka naam narka hai। narka ka bhi ek show hai। yeh hai alpa-kaal ka show। yeh abhi gaya ki gaya।

ab baap bachchon ko kehte hain - ek to shantidham ko yaad karo। sab manushya maatra shanti ko dhoondhate rehte hain, kahaan se shanti milegi? ab yeh savaal to saari duniya ka hai ki duniya mein shanti kaise ho? manushyon ko yeh pata nahin ki ham sab vaastav mein shantidham ke rahne vaale hain। ham aatmaayen shantidham mein shant rehti hain phir yahaan aati hain, part bajaane। so bhi tum bachchon ko maaloom hai। abhi tum purushaartha kar rahe ho sukhdhaam jaane via shantidham। har ek ki buddhi mein hai ham aatmaayen abhi jaayengi apne ghar, shantidham। yahaan to shanti ki baat ho nahin sakti। yeh hai hi duhkhadhaam। satayug paavan duniya, kaliyug hai patit duniya। in baaton ki samajh abhi tum bachchon ko aai hai। duniya vaale to kuchh bhi nahin jaante hain। tumhaari buddhi mein aaya hai - behad ka baap hamko srishti chakra ke aadi-madhya-ant ka raaz samjhaate hain। phir kaise dharma sthaapak aakar dharma sthaapan karte hain। ab srishti mein kitne athaah manushya hain। bhaarat mein bhi bahut hain, bhaarat jab svarga tha tab bahut saahookaar the aur koi dharma nahin tha। tum bachchon ko roz refresh kiya jaata hai। baap aur varse ko yaad karo। bhakti maarga mein bhi yeh chala aata hai। hamesha anguli dikhaate hain ki paramatma ko yaad karo। paramatma athva allaah vahaan hai। parantu sirf aise hi yaad karne se kuchh hota thode hi hai। unko yeh bhi pata nahin hai ki yaad se kya phaayda hoga! unke saath hamaara kya sambandh hai? jaante hi nahin। duhkh ke samay pukaarte hain - he raam... aatma yaad karti hai। parantu unko yeh pata nahin hai ki sukh-shanti kisko kaha jaata hai। tumhaari buddhi mein aata hai ki ham sab ek baap ki santaan hain to phir duhkh kyon hona chaahiye? behad ke baap se sada sukh ka varsa milna chaahiye। yeh bhi chitra mein clear hai। bhagwan hai hi svarga ki sthaapna karne vaala, heavenly god father। woh aate bhi bhaarat mein hi hain। parantu yeh koi samajhte nahin hain। devi devta dharma ki sthaapna zaroor sangam par hi hogi, satayug mein kaise hogi! parantu yeh baaten doosre dharma vaale jaante nahin। yeh to baap hi knowledgeful hai, samjhaate hain - aadi sanaatan devi devta dharma kaise sthaapan hua। satayug ki aayu laakhon varsha kahne se bahut door kar dete hain। tum bachchon ko chitron par hi samjhaana hai। bhaarat mein in lakshmi-naaraayan ka raajya tha। inhonne kaise, kab yeh raajya paaya, yeh nahin jaante। sirf kehte hain - yeh satayug ke maalik the। unke aage jaakar bheekh maangate hain to alpakaal ke liye kuchh na kuchh mil jaata hai। koi daan-punya karte hain, unko bhi alpakaal ke liye phal mil jaata hai। gareeb panchaayat ke mukhi ko bhi itni hi khushi rehti hai, jitni saahookaar mukhi ko। gareeb bhi apne ko sukhi samajhte hain। bombe mein dekho, gareeb log kaise-kaise sthaanon par rehte hain। tum bachche abhi samajhte ho - bhal karodapti hain parantu kitne duhkhi hain।

abhi tum kahenge hamaare jaisa khushanseeb aur koi nahin। ham direct baap ke bane hain, jisse sadgati ka varsa milta hai। bade-bade aadmi kabhi bhi oonch pad pa na saken। jo gareeb hain, woh saahookaar ban jaate hain। padhte tum ho, woh to anpadh hain। karke thoda padhenge bhi to bhi baap ki yaad mein rah nahin sakte। ant mein tumko sivaae baap ke aur kuchh bhi yaad nahin rehna hai। jaante ho yeh sab kabristaan hona hai। buddhi mein rehna chaahiye yeh jo ham dhandha aadi karte hain, thode samay ke liye hai। dhanvaan log dharmashaalaayen aadi banaate hain। woh koi dhandhe ke liye nahin banaate hain। jahaan teertha vahaan dharmashaalaayen nahin ho to kahaan rahen, isliye saahookaar log dharmashaalaayen banaate hain। aise nahin ki vyaapaari log aakar vyaapaar karen। dharmashaala teertha sthaanon par banaai jaati hain। ab tumhaara centre bade te bada teertha hai। tumhaare centres jahaan-jahaan hain ve bade se bade teertha hain, jahaan se manushya ko sukh-shanti milti hai। tumhaari yeh geeta paathshaala badi hai। yeh source aaph income hai, isse tumhaari bahut aamadni hoti hai। tum bachchon ke liye yeh bhi dharmashaala hai। bade se bada teertha hai। tum behad ke baap se behad ka varsa lete ho। is jaisa bade se bada teertha koi hota nahin। un teerthon par jaane se to tumko kuchh bhi milta nahin। yeh bhi tum samajhte ho। bhakta log bade prem se mandir aadi mein charnaamrit lete hain। samajhte hain unse hamaara hriday pavitra ho jaayega। parantu woh to paani hai। yahaan to baap kehte hain - mujhe yaad karo to varsa milega। abhi behad ke baap se tumko avinaashi gyaan ratnon ka khazaana milta hai। aksar karke shankar ke paas jaate hain, samajhte hain amarnaath ne paarvati ko katha sunaai, tab kehte hain bhar de jholi... tum avinaashi gyaan ratnon se jholi bharte ho। baaki amarnaath koi ek ko thode hi baithkar katha sunaayega। zaroor bahut honge aur woh bhi mrityulok mein hi honge। sookshm vatan mein to katha sunaane ki darkaar hi nahin। anek teertha banaaye hain। saadhu-santa, mahaatma aadi dher jaate hain। amarnaath par laakhon aadmi jaate hain। kumbha ke mele par ganga snaan karne sabse jaasti jaate hain। samajhte hain, ham paavan banenge। vaastav mein kumbha ka mela yeh hai। woh mele to janma-janmaantar karte aaye। parantu baap kehte hain - isse vaapis apne ghar koi bhi ja nahin sakte kyonki jab aatma pavitra bane tab ja sake। parantu apvitra hone ke kaaran sabke pankh toote hue hain। aatma ko pankh mile hain, yog mein rahne se aatma sabse teekhi udti hai। koi ka hisaab-kitaab London mein, America mein hoga to jhat udenge। vahaan second mein pahunch jaate hain। lekin muktidhaam mein to jab karmaateet ho tab ja saken, tab tak yahaan hi janma-maran mein aate hain। jaise drama tik-tik ho chalta hai। aatma bhi aise hai, tik hui yeh gai। in jaisi teekhi aur koi cheez hoti nahin। dher ki dher sab aatmaayen mool vatan mein jaane vaali hain। aatma ko kahaan ka kahaan pahunchne mein deri nahin lagti hai। manushya yeh baaten samajhte nahin। tum bachchon ki buddhi mein aata hai ki nai duniya mein zaroor thodi aatmaayen hongi aur vahaan bahut sukhi hongi। vahi aatmaayen ab 84 janma bhog bahut duhkhi hui hain। tumko saare chakra ka maaloom pada hai। tumhaari buddhi chalti hai aur koi manushya maatra ki buddhi nahin chalti। prajaapita brahma bhi gaaya hua hai। kalpa pahle bhi tum aise hi brahmaakumaar-kumaari bane the। tum jaante ho ki ham prajaapita brahma ke bachche hain। hamaare dvaara baba svarga ki sthaapna kara rahe hain। jab nambarvaar purushaartha anusaar laayak ban jaayenge to phir puraani duniya ka vinaash hoga। trimoorti bhi yahaan hi gaaya hua hai। trimoorti ka chitra bhi rakhte hain। usmein shiv ko dikhaate nahin। kaha bhi jaata hai - brahma dvaara sthaapna, kaun karaate hain? shivbaaba। vishnu dvaara paalna।

tum brahman abhi laayak ban rahe ho, devta banne ke liye। abhi tum woh part baja rahe ho। kalpa ke baad phir bajaayenge। tum pavitra bante ho। kehte ho - baba ka pharmaan hai kaam roopi shatru ko jeeto, maamekam yaad karo। bahut sahaj hai। bhakti maarga mein tum bachchon ne bahut duhkh dekhe hain। karke thoda sukh hai to bhi alpakaal ke liye। bhakti mein saakshaatkaar hota hai। so bhi alpakaal ke liye tumhaari aash poori hoti hai, yeh saakshaatkaar hota hai - woh bhi main karaata hoon। drama mein noondh hai। jo past hua second by second, drama shoot kiya hua hai। aise nahin kehte hain - ab shoot hua। nahin, yeh to anaadi bana banaaya drama hai। jitne bhi actors hain - sabka part avinaashi hai। moksha ko koi nahin paate hain। sannyaasi log kehte hain - ham leen ho jaate hain। baap samjhaate hain tum avinaashi aatma ho। aatma bindi hai, itni chhoti si bindi mein 84 janmon ka part noondha hua hai। yeh chakra chalta hi rehta hai। jo pahle-pahle part bajaane aate hain, vahi 84 janma lete hain। sab to le na saken। tumhaare sivaae aur koi ki buddhi mein yeh knowledge nahin hai। gyaan ka saagar ek hi baap hai। tum jaante ho ham baap se varsa le rahe hain। baap hamko patit se paavan banaate hain। sukh aur shanti ka varsa dete hain। satayug mein duhkh ka naam-nishaan nahin hota। baap kehte hain - aayushvaan bhav, dhanvaan bhav... nivritti maarga vaale aisi aasheervaad de na saken। tum bachchon ko baap se varsa mil raha hai। satayug treta hai sukhdhaam। phir duhkh kaise hota hai, yeh bhi koi nahin jaante। devtaayen vaam maarga mein kaise jaate hain, woh nishaaniyaan hain। jagannaath puri mein devtaaon ke chitra, taaj aadi pahne hue dikhaate hain phir gande chitra bhi banaaye hain isliye unki moorti bhi kaali rakhi hai, jisse siddha hota hai devtaayen vaam maarga mein jaate hain to ant mein bilkul kaale ban padte hain। abhi tum jaante ho, bhaarat kitna sundar tha phir tamopradhaan banna hi hai - drama plan anusaar। abhi sangam par tumko yeh knowledge hai। baap hai knowledgeful। tumhaara ek hi baap, teacher, guru teenon hai। yeh sadaiv buddhi mein rahe, shivbaaba hamko padhaate hain। yeh behad ki padhaai hai, jisse tum knowledgeful ban gaye ho। tum sab kuchh jaante ho। woh kehte hain - sarvavyaapi hai, tum kehte ho woh patit-paavan hai। kitna raat-din ka farka hai। abhi tum master knowledgeful bane ho, nambarvaar। jo baap ke paas hai vo tumko sikhaate hain। tum bhi sabko yeh bataate ho, baap ko yaad karo to 21 janmon ke liye varsa milega। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) svayan refresh rahkar auron ko refresh karne ke liye baap aur varse ki yaad mein rehna hai aur sabko yaad dilaana hai।

2) is puraani duniya se, is kabristaan se dil nahin lagaani hai। shantidham, sukhdhaam ko yaad karna hai। svayan ko devta banne ke laayak banaana hai।

vardaan:- eeshvareey authority dvaara sankalp va buddhi ko order pramaan chalaane vaale master sarvashaktivaan bhav

jaise sthool haath paanv ko bilkul sahaj reeti jahaan chaaho vahaan chalaate ho va karma mein lagaate ho vaise sankalp va buddhi ko jahaan lagaane chaaho vahaan laga sako - ise hi kehte hain eeshvareey authority। jaise vaani mein aana sahaj hai vaise vaani se pare jaana bhi itna hi sahaj ho, isi abhyaas se saakshaatkaar moorta banenge। to ab is abhyaas ko sahaj aur nirantar banaao tab kahenge master sarvashaktivaan।

slogan:- svasthiti shaktishaali ho to paristhiti uske aage kuchh bhi nahin hai।

ye avyakt ishaare - sada achal, adol, ekras sthiti ka anubhav karo

aapke ekras achal sthiti ka hi yeh achalghar yaadgaar hai। jaise baapdaada ekras rehte hain vaise bachchon ko bhi ekras rehna hai। jab ek ke hi ras mein rahenge to ekras avastha mein rahenge। kyon shabd ki nishaani question mark sabhi se tedha hota hai। jab kyon, kya shabd nikal jaayega tab drama ki bhaavi par ekras stheriyam rah sakenge।