रविवार 17 मई 2026 की दैनिक मुरली

17-05-26 praatahmurli om shanti ''avyakt-baapdaada'' revise 11-02-10 madhuban

shiv ke janma din par krodh roopi ak ka phool baapdaada ko arpan kar darpan bano, pavitra pravritti ke pratyaksha pramaan dvaara pratyakshata ko sameep laao

aaj sabhi bachche sammukh baithe hue aur desh videsh mein baithe hue chaaron or ke bachche bahut khushi se baap ka aur apna janma din manaane ki anekaanek badhaaeeyaan, mubaarken de rahe hain। aap sammukh baithe ho aur door-door se science ke saadhnon dvaara sabhi bachche khushi-khushi se dil ki mubaarken de rahe hain। aap sabhi jo bhi yahaan aaye hain woh baap ka janma din manaane aaye hain va apna bhi manaane aaye hain? kyonki yeh jayanti vichitra jayanti hai, kyon vichitra hai? baap aur bachchon ki saath-saath hai। saare kalpa mein aisi jayanti hoti hi nahin hai। saare kalpa mein chakra lagaake aao। vichitra jayanti hai। to baapdaada sabhi bachchon se poochh rahe hain ki aap sabhi baap ko badhaaeeyaan dene aaye ho va baap se badhaaeeyaan lene aaye ho? baapdaada akela kuchh nahin karta kyonki janma lete yagya racha to yagya mein brahman chaahiye। to aapka bhi janma baap ke saath hua। iska yaadgaar bhakti mein bhi shivraatri manaate hain to saath mein shaaligraamon ki bhi pooja hoti hai। anekaanek shaaligraamon ko poojte hain। to yeh jayanti wonderful jayanti hai isliye is jayanti ko heere tulya jayanti kaha jaata hai। to baapdaada sabhi saathi bachchon ko padam padamguna baanhon ke haar ke beech padam padamguna mubaarak de rahe hain। yeh bhi baap aur bachchon ki ati dil ke pyaar ki nishaani hai। baapdaada ka bachchon se vaayda hai ki saath rahenge, saath chalenge। to bolo bachchon ka bhi baap se vaayda hai na! ki sangam par saath hai, saath-saath rehna bhi hai, vishwa seva bhi saath mein hai। rehna bhi hai saath mein, udna bhi hai to saath mein। to bolo, aapka bhi vaayda hai na ki saath rahenge, saath chalenge aur brahma baap ke saath vishwa par raajya karenge। vaayda hai? pakka vaayda hai? yahi visheshta is shiv jayanti ki hai।

baapdaada ne amritvele se dekha ki bhinna-bhinna sthaan ke bachche bahut hi khushi se mubaarak, badhaaeeyaan bhej rahe the। aap to abhi sammukh badhaaeeyaan de bhi rahe ho aur le bhi rahe ho। dena aur lena saath mein hai। kitne bhaagyavaan bhagwan ke bachche hain jo sammukh birth de mana rahe hain। sabhi ke chehre khushnumah khushi mein udte hue dikhaai de rahe hain। ek taraph baapdaada bachchon ke bhaagya ko dekh rahe hain aur doosre taraph bhakton ko bhi dekh rahe hain। woh abhi tak pukaar rahe hain aao aur aap saath mein mana rahe ho। baapdaada ne dekha bhakton ki anubhooti bhi koi kam nahin hai। jo practical mein aap kar rahe ho uska yaadgaar roop mein kitni achhi vidhi se yaadgaar banaaya hai। aapne vrat liya to unhonne bhi vrat ka yaadgaar banaaya hai। woh ek din ya thode samay ke liye vrat rakhte hain lekin aapne kaun sa vrat rakha hai? sabhi ne baap ke aage vrat rakhne ka vachan liya hai na! aapne baap se khushi-khushi vrat liya hai ki baba ham is poore janma ke liye, brahman janma ke liye vrat dhaaran karenge, vrat dhaaran kiya hai na! kaun sa? pavitrata ka। ek janma ka vrat liya hai lekin ek janma pavitrata ka vrat 21 janma chalega। woh thode samay ke liye khaane peene ka vrat lete aur jaagran ka kaarya karte hain। lekin abhi aapke ek janma ke jaagran se sabhi andhakaar se roshni mein aa gaye aur yeh jaagran bhi aapka 21 janma chalega। abhi aapne aisa jaagran kiya hai jo saari vishwa aapke jaagran se jaagti jyoti rahegi। koi bhi duhkh ashaanti ka andhakaar nahin rahega। to bolo, aapne saare vishwa ko andhakaar se roshni mein laaya hai, yeh behad ka vrat achha lagta hai? mehnat to nahin lagti? sahaj hai va mushkil hai? sahaj lagta hai! jisko sahaj lagta hai woh haath uthaao। kabhi-kabhi mushkil nahin lagta? kabhi lagta hai? nahin kyonki aap jaante ho ki pavitrata hamaara janma siddha adhikaar hai isliye pavitrata sirf brahmacharya nahin lekin man-vaani-karma, sambandh-samparka mein bhi pavitrata। pavitrata ke sanskaar sahaj dhaaran karne vaale ho। to pavitrata ka to sankalp kiya hai lekin abhi samay anusaar baapdaada samay ki warning to de rahe hain। to jaise pavitrata ka vrat himmat rakh apna svadharma samajh dhaaran kiya hai vaise jo doosra bhoot hai krodh, to aaj baapdaada yeh poochhte hain ki ek mahaabhoot ko to vrat lekar vritti badli lekin doosra jo bhoot hai krodh ka, kya krodh ke bhoot par vijay praapta karna, yeh bhi sankalp kiya hai ya doosra vikaar hai iseelie chhoot hai? kyonki krodh sabke connection mein aata hai। to aaj ke din, jab bhi janma din manaate hain to ek-do ko gift bhi dete hain to aaj baapdaada yeh chaahte hain ki jaise himmat aur baap ki madad se pahle number par majority jeet praapta kar chal rahe hain, kya aise hi krodh par bhi jeet ho sakti hai? kyonki koi bhi bhoot pareshaan to karte hain aur krodh ka bhoot doosron ke connection mein aata hai, samparka mein aata hai। apne man mein bhi jab krodh aata hai to khud bhi krodh se laachaar hote hain। to baap ka birth de manaane aaye ho, to aaj baapdaada chaahe bhaarat va foreign vaale sabhi bachchon se krodh ki gift lene chaahte hain। ho sakta hai? ho sakta hai? jo samajhte hain ki aaj ke din baap ko gift mein de sakte hain, man mein bhi nahin, svapna mein bhi nahin, aisa apne ko sankalp rakh himmat se aage badhne ki shakti hai? hai? to baap ke sammukh himmat se sankalp kar sakte hain? karenge aur baap se gift lenge? gift mein do aur gift lo। agar krodh par jeet ho gai to auron par (doosre vikaaron par) bhi jeet praapta karne ki himmat aayegi। to kaun samajhta hai ki ham yeh gift dekar aur baap se gift lenge? woh haath uthaao। achha, jhanda hila rahe hain। kumaariyaan bhi! dekhna।

baapdaada ko bachchon ki himmat dekh bahut achha lag raha hai। aap scene dekh rahe ho na! photo nikaalo phir haath uthaao। haan sabhi ka photo nikaalo। baapdaada is himmat par aapko roz amritvele jab milan manaate ho us samay vishesh sahaj anubhvi aatma banne ki badhaai denge kyonki itne sab apne-apne sthaan par rehte bhi jab log dekhenge ki yeh itne rehte hain, ikatthe rehte hain, pravritti sambhaalte hain, gharbaar chhodke nahin gaye hain, lekin pavitra pravritti banaai hai to kya ho jaayega? jo aap sabke andar shubh bhaavna hai ki aatmaon ki queue lag jaae woh queue aapko dikhaai degi kyonki krodh pratyaksha dikhaai deta hai। jab practical dekhenge ki yeh to sirf pavitrata kehte nahin lekin pavitra rah karke dikhaate hain, pratyakshata chaahte ho to yeh pratyaksha pramaan hai isse sabhi aakarshit hoke svatah hi aayenge। lekin sunaayen? aage sunaayen? krodh aane ka kaaran majority dekha gaya hai ki kahaan na kahaan eershya aur saath mein kuchh bhi dekh karke chalte hue vesta thoughts ka beej bhi krodh ko laata hai kyonki vesta thoughts hai beej, is beej se krodh bhi utpanna hota hai aur iska ek shabd nimitta banta hai, us ek shabd ke beej ko agar khatma kiya to sahaj ho jaayega। woh ek shabd hai ‘kyon', yeh kyon? yeh kyon hua? yeh kyon kiya? yeh kyon karte hain? is ‘kyon' shabd ki badi queue hai। aur dekho queue akshar english mein likho to kitna mushkil likha jaata hai aur ‘A' likho, kitna sahaj hai। to baapdaada aaj yahi chaahte hain ki is kyon shabd ka queue khatma karo। to jo aap sabki aash hai ki abhi jaldi-jaldi baap ki pratyakshata ho, har ek ki dil mein baap ke sneh ka flag (jhanda) lahraave aur dil geet gaaye, dil mein geet gaaye hamaara baba aa gaya। meetha baba aa gaya। yahi chaahte ho na! ki jaldi-jaldi pratyakshata ka jhanda sabke dil mein lahraaye। to iske liye kyon, kya, kaise hoga, yeh kai-kai ki bhaasha khatma karke kai bolna hai to kamaal bolo। kai-kai nahin karo। jab baapdaada ne bachchon ka boarding khola, paakistaan ki baat hai, aadi mein to jagat amba bachchon ko yahi kehti thi to kai-kai ki bhaasha nahin karo। kai-kai jyaada kaun karta hai? woh achha lagta hai? to abhi kyon kyon ki queue nahin lagaao। haan ji, achha ji, bahut achha, ham milke karenge, udenge aise bol bolo। bhaasha ka parivartan ho sakta hai? kai-kai nahin, yeh queue chhod do to woh queue lagegi।

dekho, shiv ke oopar ak ke phool hi chadhte hain, to aaj shivraatri mana rahe ho, shiv ka janma din mana rahe ho to sabhi yeh krodh roopi ak ka phool baapdaada ko arpan kar do to aap darpan ban jaayenge। pasanda hai na! pasanda hai? achha। to abhi holi par baapdaada aayenge, usmein result lenge। thak nahin jaana। hua nahin, nishchaybuddhi hoke karo, karna hi hai। aur haath uthaaya, haath uthaana arthaat baap ko de diya। diya na! phir haath uthaao। dekh rahi hain daadiyaan, dekh rahi ho? taali bajaao। himmat kabhi bhi nahin haarna। agar thoda bhi kam hua to aage ke liye himmat rakhke chhod nahin dena। badhte rehna। baapdaada combined hai, kehte ho na saath hai, combined hai। to aise samay par agar kuchh bhi ho to baapdaada combined hai usko saamne laake phir arpan kar do। lekin baapdaada chaahta hai ki sabhi bachche number one ho, di hui cheez amaanat ho gai। haath uthaaya arthaat diya to abhi aapka nahin hua। amaanat hai। to agar sankalp mein bhi aaye to samajhna amaanat mein khyaanat, yeh bura maana jaata hai। di hui cheez kabhi vaapis nahin li jaati kyonki meri nahin।

aaj baapdaada chaaron or ke jo screen mein bhi dekh rahe hain, vahaan baithe sab khushi-khushi se dekh rahe hain aur sankalp bhi kar rahe hain, to madhuban ya sabhi centre kya ban jaayenge? kya ban jaayenge? sabhi centres nirvighna bhav ke vardaani ban jaayenge। pasanda hai na! pasanda hai? kyonki abhi achaanak circumstance duhkh aur ashaanti ke kaaran aise banenge jo aap sabko aatmaon par raham aayega, kyonki aap poorvaj ho, poojya bhi ho aur poorvaj bhi ho। to poorvaj koi bhi aatma ka duhkh ya disturbance dekh nahin sakte, jisse pyaar hota hai, raham hota hai uska duhkh dekh nahin sakte। to baap samajhte hain ki samay aapko parivartan kare, isse pahle aap purushaartha ke praapti ki praalabdha abhi se anubhav karo kyonki aapko sikhaane vaala samay nahin hai, samay aapka teacher nahin hai। to baapdaada chaahte hain ki holi par har ek apni result likhe, jyaada lamba nahin likhna, padhne ki bhi phursat nahin hoti। lekin baapdaada ne pahle bhi sunaaya ki jaise aapko vardaan ki chitki milti hai na, kitni chhoti hoti hai, usmein O.ke. likho। O.ke. shabd likhna। agar aapmen purushaartha karte kuchh bhi hua ho to O.ke. ke beech mein line lagaana। easy hai na! itna kaagaj vesta nahin karna। agar jyaada baar ho, ek baar, do baar, teen baar to line lagaate jaana aur holi ke pahle madhuban mein bhej dena। bhale ikatthe karke bhejo, teacher bheje। to baapdaada ke paas result pahunch jaayegi, ismen number one kaun? phir baapdaada aapko padam padamguna dil ke sneh ki saugaat denge। achha।

double foreigners hai na! haath uthaao। number lenge na! dekhenge foreign vaale number lete hain ya bhaarat vaale। achha hai। baap-daada to sabhi ko ummeendavaar nahin dekhte lekin baap ke aashaaon ko poorn karne vaale baap ke aashaaon ke deepak ke roop mein dekhne chaahte hain। achha - madhuban kya karega? madhuban vaale haath uthaao। neeche oopar sab madhuban। oopar vaale bhi haath lamba uthaao, hilaao। achha। madhuban ko number to lena chaahiye। lena chaahiye na! lena chaahiye kyonki madhuban ko sabhi bahut jaldi kaapi karte hain। achha।

chaaron or ke combined rahne vaale dekh bhi rahe hain, sun bhi rahe hain lekin sabhi jo nahin bhi sun rahe hain, woh murli dvaara to sunenge hi। to chaaron or ke baap ke snehi sahayogi meethe-meethe, pyaare-pyaare bachchon ko baapdaada padam padamguna badhaaeeyaan bhi de rahe hain, mubaarak bhi de rahe hain aur saath-saath pratyakshata ka jhanda jaldi se jaldi lahraane ka sankalp bhi de rahe hain। samay par nahin raho, samay ko teacher nahin banaana, jab baap; baap, shikshak aur satguru hai to jaise aapki jagat amba ne kiya, do shabd mein number le liya। baap ka kehna aur jagat amba ka karna - aise teevra purushaartha kiya aur number liya। aap sab bhi maante ho na, to aap bhi follow mother jagat amba। achha। sabko yaadapyaar aur bahut-bahut dil ki duaayen sveekaar ho। saath-saath baap bachchon ko maalikpan mein dekh namaste kar rahe hain।

baapdaada ne sabhi zone ko kaha hai ki vaaris aur mike nikaalo, prabhaavshaali mike jinka anubhav sun prerna aa jaae ki ham bhi banen, kisi ko bhi satisfy kar saken। to sabhi zone list bhejna। aaj baapdaada ne dekha ki dehli vaalon ne list bheji hai। baapdaada mubaarak de rahe hain। to jab sabhi zone bhejenge to aapko bhi result sunaayenge kitne vaaris taiyaar hue hain। checking karaayenge, aise nahin list aai to maan jaayenge। gupta checking karaayenge। achha, aadi mein bhi mubaarak aur badhaaeeyaan mili, abhi bhi baapdaada ek-ek bachche ka dil mein naam le padam padamguna mubaarak de rahe hain। baap ke paas to sabhi bachchon ka chitra vatan mein emerge hai। to baapdaada ne bachchon ka birth de manaaya aur bachchon ne baap ka birth de manaaya, donon ko mubaarak। achha।

vardaan:- sabko regard dete hue apna record theek rakhne vaale sarva ke snehi bhav

jitna jo sabhi ko regard deta hai utna hi apne record ko theek rakh sakta hai। doosron ka regard rakhna apna record banaana hai। jaise yagya ke madadgaar banna hi madad lena hai, vaise regard dena hi regard lena hai। ek baar dena aur anek baar lene ke hakdaar ban jaana। vaise kehte hain chhoton ko pyaar aur badon ko regard do lekin jo sabhi ko bada samajhkar regard dete hain woh sabke snehi ban jaate hain। iske liye har baat mein “pahle aap'' ka paath pakka karo।

slogan:- baapdaada ki mili hui shikshaayen samay par yaad aana hi teevra purushaartha hai।

ye avyakt ishaare - sada achal, adol, ekras sthiti ka anubhav karo

jo all-round service karne vaale hain unhein vishesh is baat ka dhyaan rakhna hai ki kaisi bhi paristhiti mein apni sthiti ekras rahe tab saphalta milegi। shreemat mein jab manmat, deh-abhimaanapne ki mat, shoodra pane ki mat mix karte ho tab sthiti ekras nahin rehti। man bhinna-bhinna rason mein hai to sthiti bhi bhinna-bhinna hai। ek hi ras mein rahe to sthiti ekras rahegi।