बुधवार 27 मई 2026 की दैनिक मुरली

27-05-2026 praatahmurli om shanti "baapdaada"' madhuban

“meethe bachche - kaalon ka kaal baba aaya hai, tumhein kaal par jeet praapta karaane, manamnaabhav ke mantra se hi tum kaal par jeet paayenge''

prashn:- roohaani baap tum roohaani yaatriyon ko kaun si ek vishesh shiksha dete hain?

uttar:- he roohaani yaatri - tum deh-abhimaan chhod dehi-abhimaani bano। raavan ne aadhaakalpa se tumhein deh-abhimaani banaaya, ab aatma-abhimaani bano। yeh roohaani gyaan supreme rooh hi tumhein deta aur koi de nahin sakta।

geet:- om namo shivaay…

om shanti। bachchon ne apne baap ki mahima suni। gaaya bhi jaata hai oonch te oonch bhagwan। woh hai sab bachchon ka baap। baaki jo bhi hain, aapas mein sab brothers hain aur sabka baap bhi ek hai। woh hai shivbaaba। baap ne samjhaaya hai he bachchon, bhakti maarga mein tumko do baap hain - laukik baap aur paarlaukik baap। rachayita se rachna ko varsa milta hai, woh hai had ka varsa, yeh hai behad ka varsa। behad ka baap to ek hi hai jisse behad ka varsa milta hai। woh hai niraakaar, uska naam hai parampita paramatma shiv। kehte bhi hain shiv parmaatmaae namah, woh hai oonch te oonch। tumhaari buddhi chali jaati hai, niraakaar baap ki taraph। woh rehte hain paramdham mein, jahaan se tum aatmaayen aati ho। baap bhi vahaan hi rehte hain। woh hai hi sarva ka sadgati karne vaala। usmein bhi bhaarat parampita paramatma ka birth place hai, shiv jayanti bhi yahaan manaate hain। us roohaani baap ko hi gyaan ka saagar, patit-paavan, liberator, guide kaha jaata hai। vahi duhkh-harta, sukh-karta hai - yeh bhaaratvaasi jaante hain। yeh duhkhadhaam hai, bhaarat hi sukhdhaam tha। baap bachchon ko baith samjhaate hain - he bhaaratvaasi, tum vishwa ke maalik the jabki tumhaara aadi sanaatan devi-devta dharma tha। devi-devta dharma-shreshtha, karma-shreshtha the, ab yeh dharma-bhrashta, karma-bhrashta ban gaye hain। apne ko paavan devta kahla nahin sakte। kaliyug ant tak bhakti maarga chalta hai, ismen gyaan hota nahin। gyaan se hoti hai sadgati। sarva ka sadgati daata baap jab tak na aaye tab tak sadgati ho na sake। baap kehte hain - main kalpa ke sangamayug par aata hoon। is samay hai hi patit duniya। paavan ek bhi hota nahin। bhal sannyaasi pavitra bante hain parantu phir unko punarjanma to yahaan hi lena hai। vish se janma lena pade। vaapis jaane ka hai nahin। jab chakra poora hota hai tab hi baap aakar le jaate hain। inko kaha hi jaata hai roohaani gyaan। supreme rooh, roohaani gyaan dete hain। supreme rooh hi gyaan ka saagar, patit-paavan hai। baaki shaastron ka gyaan to hai bhakti maarga। baap kehte hain yagya, tap, teertha aadi karte aur hi neeche girte aaye ho। tum pahle satopradhaan the। bhaarat mein purity thi to pees, prosperity bhi thi। health, wealth donon the। aaj se 5 hajaar varsha pahle ki baat hai, yeh bhaarat svarga tha। us samay aur koi dharma nahin tha। sirf ek hi aadi sanaatan devi-devta dharma tha, jo parampita paramatma ne sthaapan kiya। svarga ki sthaapna to vahi karenge। manushya to kar na saken। aise to nahin kahenge - shreekrishna rachayita hai। nahin, rachayita ek hi niraakaar shiv hai। baaki hai unki rachna। rachayita se hi rachna ko varsa milta hai।

baap samjhaate hain - main tumhaara behad ka baap hoon, tumko behad ka varsa deta hoon, 21 janmon ke liye। sooryavanshi, chandravanshi pavitra dharma sthaapan karta hoon। brahman dharma hai choti। sabse oonch hai roohaani baap, roohon ko aap samaan banaate hain। baap gyaan ka saagar, sukh ka saagar hai to tumko bhi banaate hain। bhaarat hi sukhdhaam tha, abhi to duhkhadhaam hai। baap kaise aate hain, yeh kisko bhi pata nahin hai। satayug aadi se kaliyug ant tak yeh saari history-geography bhaarat ki hai। yeh lakshmi-naaraayan kitne healthy, wealthy the। kabhi beemaar nahin padte the। abhi kaal par vijay paane ki shiksha le rahe hain। baap jinhen kaalon ka kaal, mahaakaal kaha jaata hai, woh tumko kaal par vijay pahnaate hain। naam bhi suna shivaae namah। tum aise to nahin kahenge paramatma sarvavyaapi hai, kutte billi mein hai, isko kaha jaata hai dharma ki glaani। baap ki glaani karte hain। abhi yeh hai kalpa ka sangam samay। is samay hi vinaash kaale vipreet buddhi kaha jaata hai। ab vinaash to saamne khada hai। geeta mein bhi likha hai - yaadav, kaurav, paandav kya karat bhaye। sarva shaastra mai shiromni shreemat bhagvat geeta hai, unse hi phir aur shaastra nikle hain। tum jaante ho geeta hai deity dharma ka shaastra। baap kehte hain main aata hoon tumko shoodra se brahman banaata hoon phir so devi-devta banaata hoon। phir tum kshatriy, vaishya, shoodra bante ho। baap samjhaate hain tum 84 janma kaise lete ho। sabse jaasti janma zaroor woh lete hain jo pahle-pahle satayug mein aate hain। maximum 84 janma liye hain tum bhaaratvaasiyon ne, minimum ek janma। yeh bhi baap hi baith samjhaate hain। baap bigar kisko gyaan ka saagar nahin kaha jaata। patit-paavan, gyaan ka saagar kahne se buddhi oopar chali jaati hai। baap hi sabko liberate kar vaapis le jaate hain, sarva ka sadgati daata ek hi baap hai। achha phir sarva ki durgati kaise hoti hai? kaun karta hai? sadgati satayug ko, durgati kaliyug ko kaha jaata hai। baap kehte hain main kalpa-kalpa tum bachchon ko aakar sadgati deta hoon। tum bachche saare world ki history-geography jaante ho। school mein to aadhi history-geography sikhaate hain। satayug, treta mein kaun raajya karte the, kisko pata nahin। chitra to barobar hain - yeh lakshmi-naaraayan raajya karte the। kitna samay woh raajdhaani chali, tum bata sakte ho। Christian dynasty 2 hajaar varsha chali। bauddha dynasty itna samay chali। islaami.....unke aage phir chandravanshi the jo 1250 varsha chale। satayug-treta mein sooryavanshi-chandravanshi hi the aur koi dharma nahin tha। tum hi soorya-vanshi-chandravanshi bante ho। ab phir se bane ho brahman vanshi।

yeh saara naatak bhaarat par hi bana hai। bhaarat hi hell aur heaven banta hai aur dharma vaalon ke liye nahin kahenge। woh to heaven mein hote hi nahin। koi marta hai to kehte hain svargavaasi hua, parantu samajhte nahin। narkavaasiyon ko to narka mein hi janma lena pade। svargavaasi svarga mein hi punarjanma lenge। tum bachche samajhte ho yeh lakshmi-naaraayan svargavaasi the। unhonne yeh raajdhaani kaise paai। laakhon varsha ki baat to yaad rah na sake। satayug mein yeh shaastra aadi hote nahin hain। yeh saari bhakti ki saamagri hai। seedhi neeche utarni hi hai। satopradhaan se sato-rajo-tamo mein, yeh seedhi utarne mein 5 hajaar varsha lagte hain। satayug mein 16 kala sampoorn phir treta mein 2 kala kam, aatma mein chaandi ki khaad padi। copper ej mein aaye to copper ki alloy padi, is samay bilkul hi tamopradhaan hain। aatma mein hi khaad padti hai। tum hi poore 84 janma lete ho। yeh roohaani baap shivbaaba aakar roohaani bachchon ko samjhaate hain। tumko ab aatma-abhimaani banna hai। raavan ki praveshta hone se sab deh-abhimaani ban jaate hain। ab apne ko aatma samajhna hai। ham hi 84 janma le bhinna-bhinna part bajaate aaye hain। ab 84 ka chakra poora hua। ab to shareer bhi jadajdeebhoot ho gaya hai। dvaapar se raavan raajya hota hai। satayug mein hai raamraajya। satayug mein tum aatma-abhimaani the। dvaapar, kaliyug mein tum deh-abhimaani ban jaate ho। na aatma ko, na paramatma ko jaante ho।

baap samjhaate hain - aatma ek star hai। bhrakuti ke beech mein chamakta hai ajab sitaara... unko sivaae divya drishti ke dekha nahin ja sakta hai। woh bilkul hi sookshm hai। aatma hi ek shareer chhod doosra leti hai। ham aatma ne 84 janma liye hain। parampita paramatma bhi bindi hai, unko hi gyaan ka saagar, patit-paavan knowledgeful kaha jaata hai। parampita param aatma mein srishti ke aadi-madhya-ant ka gyaan hai। beejroop hone ke kaaran unko sat-chit-aananda swaroop kaha jaata hai। baap mein jo gyaan hai, woh zaroor sunaana pade। yeh hai spiritual knowledge। sab roohon ka baap aakar roohon ko padhaate hain। tumko aatma-abhimaani banna hai। shivbaaba hamko padhaate hain, vahi knowledgeful hai। baba hi aakar svarga ki rachna rachte hain। tumko svarga ka laayak banaate hain। yeh srishti chakra ka raaz koi manushya nahin jaante। baap ko hi na jaanne kaaran bhaarat ka yeh haal hua hai। bhaarat mein purity thi to pees prosperity thi। abhi to hai hi narka phir koi svarga mein ja kaise sakte! bilkul hi pattharbuddhi ho gaye hain।

baap kehte hain - main bachchon ke liye koi to saugaat le aaoonga। tumko svarga ka maalik banaata hoon। jinhonne kalpa pahle varsa liya hai, vahi ab lenge। manushya se devta banenge। vaastav mein prajaapita brahma ke to sab bachche hain। ab brahma dvaara shiv-baba rachna rach rahe hain। brahmaakumaar-kumaari bante jaate hain। shivbaaba se varsa lene ke liye purushaartha karna hai, tamopradhaan se satopradhaan banna hai। baap kehte hain - bachchon, mujhe yaad karo to tumhaare sab vikarma vinaash honge। yeh spiritual knowledge sivaae baap ke aur koi de nahin sakta। roohaani baap hi roohon ko knowledge dete hain। tum roohaani yaatra karte ho। deh-abhimaan ko chhod dehi-abhimaani bante ho। aatma avinaashi hai। aatma mein hi part bhara hua hai। aatma kaise 84 janmon ka part bajaati hai, ab maaloom pada hai। ham sooryavanshi the phir chandravanshi bane phir hamko sooryavanshi banna hai। abhi baap satopradhaan banne ki shiksha dete hain, maamekam yaad karo। bhagvaanuvaach - geeta ka bhagwan shivbaaba hai, na ki shreekrishna। shreekrishna ki aatma bhi ab seekh rahi hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) roohaani yaatra karni aur karaani hai। svayan ko satopradhaan banaane ke liye ek baap ko yaad karna hai। aatma-abhimaani banne ka poora-poora purushaartha karna hai।

2) kaal par vijay paane ke liye baap ki shiksha ko dhyaan par rakhna hai। apne ko rooh samajh roohon ko gyaan dena hai।

vardaan:- baapdaada ke kartavya ko apna nishaana banaane vaale master maryaada purushottam bhav

kaha jaata hai “apni ghot to nasha chadhe'' doosre ki kamaai mein kabhi bhi aankh nahin jaani chaahiye। doosre ke nashe ko nishaana banaane ke bajaae baapdaada ke gun aur kartavya ko nishaana banaao। baapdaada ke saath adharma vinaash aur satdharma ki sthaapna ke kartavya mein madadgaar bano। adharma vinaash karne vaale adharma ka kaarya va daivi maryaada ko todne ka kaarya kar nahin sakte, ve master maryaada purushottam hote hain।

slogan:- knowledgeful ban vyartha prashnon ko svaaha kar do to samay bach jaayega।

maateshvari ji ke anmol mahaavaakya

jiska saathi hai bhagwan usko kya rokga aandhi aur toofaan... dekho yeh geet siddha karta hai ki aatma aur paramatma do cheez hai na eeshvar sarvavyaapi hai kyonki jiska saathi hai eeshvar vo haazir hote hue phir bhi srishti mein itna duhkh kyon? manushya itne kangaal mohtaaj kyon? paramatma to sukh swaroop hai to sarvavyaapi paramatma kehna goya paramatma ki insult karna hai। bhagwan ke haazir hote duniya sukh swaroop honi chaahiye va duhkh roop? phir paramatma ko pukaarne ki darkaar kyon? to is samay maaya sarvavyaapi hai na ki paramatma haazir hai। paramatma sirf ek baar sangam par aata hai tab unko haazir naazir kah sakte hain, baaki unki yaad sabke dilon mein zaroor vyaapak hai। shareer ko chalaane vaali shakti to harek mein bhinna-bhinna sanskaar vaali aatma hai na ki paramatma hai। ab vichaar karna hai ki paramatma ka saath kyon liya hai? is maaya ke aandhi aur toofaan se paar hone ke liye, to zaroor koi maaya ka toofaan hai jisse paar hone ke liye us paramatma ka saath ham aatmaayen maangati hain, agar vo haazir hota to na maaya ki uljhan hoti, na unka saath lene ke liye yaad karna padta। to ham aatmaon aur paramatma donon ka is khel mein part hai। to jab paramatma aata hai to unka poora saath le unka ho jaana hai tab hi maaya ke toofaan se chhoot paayenge। bhal vo sabka sukhdaata hai parantu jo practical mein unka sahaara lete hain unhon ko hi saath milta hai। to un bachchon ko extra praapti hoti hai, bhal vo duniya ke andar aae upasthit hua hai parantu oho! aashcharyavat! duniya inko na jaanne ke kaaran inka saath nahin leti hai, agar inka poora saath pakad le to madad dene mein mashhoor hai। kehte hain ek kadam tum aage badho to das kadam aage aayenge, to vo sampoorn varsa dete hain jismen koi apoornata nahin hoti। achha।

ye avyakt ishaare - sada achal, adol, ekras sthiti ka anubhav karo

koi bhi sankalp aaye to oopar dekar svayan nihsankalpa hokar chalte jaao। vichaar dena, ishaara dena yeh doosri baat hai, halchal mein aana - yeh doosri baat hai। to sada ekras। sankalp diya aur nirsankalpa bane। sada dhyaan rahe ki mujhe karmendriy jeet banna hai। koi ek karmendriy ki aakarshan bhi ek baap ka banne nahin degi। ekras sthiti mein sthit hone nahin degi।