शुक्रवार 29 मई 2026 की दैनिक मुरली

29-05-2026 praatahmurli om shanti "baapdaada"' madhuban

“meethe bachche - is puraani duniya va dehdhaariyon se kabhi dil nahin lagaana, dil lagaai to naseeb phoot jaayega''

prashn:- baap ne bachchon ko is naatak ka kaun sa guhya raaz sunaaya hai?

uttar:- bachche - abhi yeh naatak khatma hone vaala hai isliye sabhi aatmaon ko yahaan haazir hona hi hai। sab dharmon ki aatmaayen abhi yahaan haajir hongi kyonki sarva ka baap yahaan haajir hua hai। sabko baap ke aage salaami bharne aana hi hai। sab dharma ki aatmaayen manamnaabhav ka mantra lekar jaayengi। woh koi madhyaaji bhav ke mantra ko dhaaran kar chakravarti nahin banengi।

geet:- dil ka sahaara toot na jaaye…

om shanti। sab centres ke bachchon ne geet suna। tum aaj sun rahe ho aur bachche 2-4 din baad sunenge। agar puraani duniya, puraane shareer se dil lagaayenge to takdeer phoot jaayegi kyonki yeh shareer is puraani duniya ka hai। to agar deh-abhimaani banenge to itni takdeer jo ban rahi hai woh toot padegi। ab badanseeb se tum naseebdaar ban rahe ho isliye jitna ho sake ek baap ko yaad karo, jo behad ka varsa dete hain। baap ko aur varse ko yaad karo, is puraani duniya mein baaki thoda samay hai। ismen tumko purushaartha kar sarvagun sampanna zaroor banna hai। bahut hain, jo pavitra rehte bhi hain। kai ghadi-ghadi gir padte hain। baba kehte - tumhein baap ke saath service mein saathi banna chaahiye, bahut badi service hai, itni saari duniya ko patit se paavan banaana hai। aise bhi nahin hai sab baap ko madad karenge। jinhonne kalpa pahle madad ki hai, brahman kul bhooshan bi.ke. bane hain, vahi samajhdaar banenge। prajaapita brahma ka naam to gaaya hua hai। brahma ke bachchon ko zaroor bi. ke. hi kahenge। zaroor past hokar gaye hain। aadi dev, aadi devi ko bhi yaad karte hain, jo cheez hokar gai hai woh phir se zaroor honi hai। yeh jaante ho, satayug hokar gaya hai, usmein aadi sanaatan devi-devtaaon ka raajya tha, jo abhi nahin hai। devi-devtaayen jo pavitra pravritti maarga vaale raajya karte the, woh abhi 84 janma ki ant mein hain। abhi na pavitra hain aur na woh raajaai hai, patit ban pade hain। phir baap aaye hain, paavan banaane। kehte hain - patiton se buddhiyog nahin lagaao, ek baap ko yaad karo।

tum jaante ho - ham baap ki raay par chal baap se varsa le rahe hain। kaise varsa paana hai woh bhi yukti bataate hain। manushya to anek prakaar ki yuktiyaan rachte hain। koi science ghamandi hain, koi daaktari ghamandi hain। likhte hain manushyon ki heart kharaab ho jaati hai to doosri plastic ki heart banaakar daal sakte hain। natural nikaal artificial ko chalaate rehte hain। yeh bhi kitna hunar hai। yeh hua alpakaal sukh ke liye। kal mar jaayen to shareer hi khatma ho jaayega। praapti to kuchh hoti nahin। alpakaal ke liye mila। science dvaara bahut kuchh kamaal kar dikhaate hain, woh bhi alpakaal ke liye। yeh to baat hi bilkul nyaari hai। paavan aatma 84 janma lete-lete ab patit ban gai hai। us patit aatma ko phir se paavan banaana so sivaae baap ke aur koi kar na sake। ek ka hi gaayan hai। sarva ka patit-paavan, sarva ka sadgati daata, sarva par daya drishti rakhne vaala, sarvodaya leader hai। manushya apne ko sarvoday leader kahlaate hain, ab sarva maana usmein sabhi aa jaate hain। sarva par daya karne vaala to ek hi baap gaaya jaata hai, jisko merciful, blissful kehte hain। baaki manushya sarva par kya daya kar sakenge! apne par hi nahin kar sakte to auron par kya karenge! yeh daya karte hain, alpakaal ki। naam kitne bade-bade rakh diye hain।

ab baap kehte hain - tumko kitni sahaj yukti bataata hoon, ever healthy, ever wealthy banne ki। yukti bilkul simple hai, sirf mujhe yaad karo kyonki tum mujhe hi bhool gaye ho। satayug mein to tum sukhi rehte ho isliye mujhe yaad karte hi nahin ho। tumhaare 84 janmon ki history-geography tumko sunaai hai। tum aise raajya karte the, sada sukhi the phir din-pratidin utarte-utarte tamopradhaan, duhkhi patit ban gaye ho। abhi baap phir se tum bachchon ko kalpa pahle muaaphik varsa de rahe hain, jo kalpa-kalpa aakar varsa lete hain, shreemat par chalte hain, shreemat hai hi baapdaada ki mat। unke sivaae shreemat kahaan se mile। baap kehte hain tum vichaar karo - yeh hunar koi mein hai? nahin। kisko vishwa ka maalik banaana - uski yukti baap hi bataate hain। kehte hain iske sivaae aur koi upaay nahin, patit-paavan baap hi knowledge dete hain, oonch pad paane ke liye। aise nahin sirf srishti chakra jaanne se tum pavitra ban jaayenge। baap kehte hain - mujhe yaad karo। is yog agni se tumhaare paapon ka ghada jo bhara hua hai, woh khatma ho jaayega।

baap kehte hain - tum hi 84 janma lete-lete bahut patit bane ho। aajkal to phir khud ko shivoham tatatvam kah dete hain ya to phir kehte tum paramatma ke roop ho, aatma so paramatma। ab baap aaye hain, tum jaante ho shivbaaba ki yaad dilaani pade। sarva ka sadgati daata ek parampita paramatma hi hai। shiv ke mandir alag bante hain, shankar ka roop hi alag hai। pradarshani mein bhi dikhaana hota hai। shiv niraakaar, shankar aakaari hai। shreekrishna to phir saakaar mein hai। saath mein raadhe dikhaana theek hai। to siddha ho ki yahi phir lakshmi-naaraayan bante hain। shreekrishna to dvaapar mein geeta sunaane aate hi nahin hain। patit hote hain kaliyug ant mein, paavan hote hain satayug mein। to zaroor sangam par aayenge। yeh baap hi jaante hain, vahi trikaaldarshi hai। shreekrishna ko trikaaldarshi nahin kaha jaata। woh thode hi teenon kaalon ka gyaan suna sakte hain। unko srishti ke aadi-madhya-ant ka gyaan hi nahin hai। kehte hain - chhota bachcha hai, daivi prince-princess college mein padhne jaate hain। aage yahaan bhi prince-princess college the, abhi mix ho gaye hain। shreekrishna prince tha aur bhi prince-princess honge। iktthe padhte honge। vahaan to hai hi viceless duniya। ek shivbaaba hi sarva ka sadgati daata hai। manushya sarva ke sadgati daata ho nahin sakte। baap hi aakar sarva ko mukti-jeevanmukti dete hain। yeh bhi samjhaaya jaata hai - devtaaon ke raajya mein aur koi dharma nahin tha। woh to aaye hi hain aadha mein। to satayug mein ho kaise sakte hain, woh hain hi hathayogi, nivritti maarga ke। woh raajayog to samajh nahin sakte। yeh raajayog hai pravritti maarga vaalon ke liye। bhaarat pavitra pravritti maarga mein tha, ab kaliyug mein patit pravritti maarga vaale ho gaye ho। bhagvaanuvaach - maamekam yaad karo। puraani duniya athva deh ke sambandhon se dil lagaayenge to takdeer phoot jaayegi। bahuton ki takdeer phoot jaati hai। koi akartavya kiya hoga to pichhaadi mein woh sab saamne aa jaayega, saakshaatkaar hoga। kai bachche chhipaate bahut hain, is janma mein kiye hue paap karma baap ko sunaane se aadha saja chhoot jaayegi, parantu lajja ke maare sunaate nahin hain। gande kaam to bahut karte hain। buddhi mein yaad to rehta hai, bataane se chhoot jaayenge। yeh avinaashi surgeon hai। beemaari lajja ke kaaran surgeon ko nahin bataayenge to chhootegi kaise। koi bhi vikarma kiye hain to bataane se aadha maaph ho jaayega। na bataane se woh vriddhi hoti jaayegi। jaasti phansate jaayenge। phir takdeer khatma ho, badkismati aa jaayegi। baap kehte hain - deh se bhi sambandh na rakho, hamesha maamekam yaad karte raho phir koi ganda kaam nahin hoga। yeh dharmaraaj bhi hai, unse bhi chhipaate rahenge to phir tumhaare jaisi saja koi ko nahin milegi। jitna samay najdeek hoga sabko saakshaatkaar hota jaayega। abhi sabki kayaamat ka samay hai, sab patit hain। paapon ka danda zaroor milta hai। jaise ek second mein jeevanmukti milti hai vaise ek second mein sajaaon ki bhaasna aise aati hai jaise bahut samay se sajaayen khaata hi rehta hoon। yeh badi sookshm machinery hai। sabke kayaamat ka samay hai। saza bhogni to hai zaroor। phir sab aatmaayen pavitra hokar jaati hain। baap hi aakar patit aatmaon ko paavan banaate hain। baap ke sivaae aur koi ki taakat nahin। 63 janma paap karte-karte abhi tumhaare paapon ka ghada aakar bhara hai। maaya ka grahan sabko laga hua hai। bada grahan tum par laga hai। sarvagun sampanna tum the phir grahan tum par laga hai, gyaan bhi abhi tum bachchon ko mila hai। baap bataate hain - tum bhaarat ke maalik the phir 84 janma tumne bhoge hain। kaisa seedha bataate hain ki tum barobar devi-devta dharma vaale the phir patit hone ke kaaran hindu kahla diya hai। hindu dharma to koi ne sthaapan kiya hi nahin hai। math panth ko dynasty nahin kahenge, dynasty raajaaon ki hoti hai। lakshmi-naaraayan di first, second, third... aise raajaai chalti hai। yeh bhi zaroor hai, paavan se patit banna hi hai। patit hone ke kaaran devi-devta kahla nahin sakte hain। tum samajhte ho - ham poojya aadi sanaatan devi-devta dharma ke the। apne dharma ke chitron ko hi poojte hain। sirf yeh bhool gaye hain, ham hi poojya devi devta the, ab pujaari bane hain। abhi tum samajhte ho - baap ne varsa diya tha phir patit bane hain to apne hi chitron ki baith pooja ki hai। aapehi poojya, aapehi pujaari। yeh sivaae bhaarat ke aur koi ko nahin kahenge। baba bhi bhaarat mein hi aakar gyaan dete hain, phir so devta banaane ke liye। baaki sab hisaab-kitaab chuktu kar vaapis chale jaayenge। aatmaayen sab baap ko pukaarti rehti hain - O god father। yeh bhi samajhne ki baat hai। is samay tumko 3 baap hain। ek - shivbaaba, doosra - laukik baap aur yeh alaukik baap prajaapita brahma। baaki sabko do baap hain। laukik aur paarlaukik। satayug mein sirf ek hi laukik baap hota hai। paarlaukik baap ko jaante hi nahin। vahaan to hai hi sukh phir paarlaukik baap ko yaad kyon karen। duhkh mein simran sab karte hain। yahaan phir tumko 3 baap ho jaate hain, yeh bhi samajhne ki baat hai। vahaan aatma-abhimaani rehte hain phir deh-abhimaan mein aa jaate hain। yahaan tum aatma-abhimaani bhi ho to parmaatma-abhimaani bhi ho। shuddh abhimaan hai ki ham baap ke sab bachche hain, unse varsa le rahe hain। woh baap, shikshak, satguru hai। yeh unki mahima bhi samjhaani pade। vahi aakar sab bachchon ko varsa dete hain। satayug mein tumko tha phir 84 janma le ganvaaya hai। ab yeh samjhaana kitna sahaj hai। baap ko kaha jaata hai patit-paavan, sarva ka sadgati daata। yeh duniya hi patiton ki hai। koi sadgati de kaise sakte। baaki koi bahut shaastra padhe hue hain to ant mati so gati ho jaati hai, phir chhote pan mein hi kantha ho jaate hain। to baap tum bachchon ko kitni achhi meethi-meethi baaten sunaate hain। bachche, tum tamopradhaan ban gaye ho। ab phir baap ko yaad karo to khaad niklegi। abhi naatak poora hota hai, sabko haazir hona hai। Christ aadi sabki aatma haazir hai, woh bhi baap ke paas salaami bharne aayegi। chakravarti raaja to banna nahin hai sirf baap ko yaad karenge, manmanaabhav ka mantra le jaayenge। tumhaara hai manamnaabhav aur madhyaaji bhav ka double mantra। baap kitni achhi yukti bataate hain। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) is puraani duniya mein rehte purushaartha kar sarvagun sampanna zaroor banna hai। is puraane shareer va puraani duniya se dil nahin lagaani hai। naseebdaar banna hai।

2) aatma-abhimaani aur parmaatma-abhimaani rehna hai। is kayaamat ke samay mein baap se kuchh bhi chhipaana nahin hai। avinaashi surgeon se raay lete rehna hai।

vardaan:- sangadosh se door rah sada baap ki sameepta ka bhaagya praapta karne vaale paas with honour bhav

yadi baap ke sameep rehna pasanda hai to kabhi koi bhi sangadosh se door rehna। kai prakaar ke aakarshan paper ke roop mein aayenge lekin aakarshit nahin hona। sangadosh kai prakaar ka hota hai, vyartha sankalpon va maaya ki aakarshan ke sankalpon ka sang, sambandhiyon ka sang, vaani ka sang, annadosh ka sang, karma ka sang...in sab sangadoshon se apne ko bachaane vaale hi paas with honour bante hain।

slogan:- aap pharishta bano to paristhitiyon mein baap svayan aapki chhatrachhaaya ban jaayenge।

ye avyakt ishaare - sada achal, adol, ekras sthiti ka anubhav karo

sada ekras, achal-adol banne aur banaane ki vishesh shakti yeh drama ki point hai। ise shakti ke roop mein dhaaran karne vaala kabhi haar nahin kha sakta, lekin pahle drama ki bindi lagaakar vyartha sankalpon ko shuddh sankalpon mein parivartan karo। phir maaya ke aane vaale anek prakaar ke vighnon ko eeshvareey lagna ke aadhaar se samaapta karo।