मंगलवार 16 जून 2026 की दैनिक मुरली

16-06-2026 praatahmurli om shanti "baapdaada"' madhuban

“meethe bachche - tum abhi sachche-sachche raajayogi ho, tumhein raajarishi bhi kaha jaata hai, raajarishi maana hi pavitra''

prashn:- tum bachche, manushyon ko maaya roopi raavan ki dal-dal se kab nikaal sakenge?

uttar:- jab tum khud us dal-dal se nikle hue honge। dal-dal se nikalne vaalon ki nishaani hai - ichchha maatram avidya। ek baap ke sivaae aur kuchh bhi yaad na aaye। achha kapda pahnen, achhi cheez khaayen… yeh laalach na ho, tum poora hi vanvaah mein ho। is shareer ko bhi bhoole hue, mera kuchh bhi nahin, main aatma hoon - aise aatma-abhimaani bachche hi raavan ki dal-dal se manushyon ko nikaal sakte hain।

geet:- tu pyaar ka saagar hai....

om shanti। koi samay geet jab bajaaya jaata tha to bachchon se geet ka arth bhi poochhte the। ab bataao tum kab se raah bhool ho? (koi ne kaha dvaapar se, koi ne kaha satayug se) jo kehte hain dvaapar se bhoole hain, ve wrong hain। satayug se raah bhoole hain। raah bataane vaala to abhi tumko mila hai। satayug mein raah bataane vaale ko nahin jaante hain। vahaan koi baap ko jaante hi nahin। goya bhoole hue hain। bhoolna bhi drama mein noondh hai। phir abhi raah bataane aaye hain। kehte hain na prabhu raah bataao। ham satayug se lekar baap ko bhoole hain। baba prashn poochhte hain - buddhi chalaane liye। yeh gyaan hi niraala hai na, gyaan ka saagar baap hi hai। baap sammukh samjhaate hain। gyaan ka saagar, sukh ka saagar main hi hoon। tum bhi jaante ho - barobar patit-paavan bhi ek hi baap hai। yeh to bhakti vaale bhi maante hain। paavan duniya hai hi shantidham aur sukhdhaam। ab sukhdhaam aur duhkhadhaam aadha-aadha hai। yeh to bachche achhi reeti jaante hain। baap pyaar ka saagar hai, tabhi to sab unko father kah pukaarte hain parantu woh kaun hai, kaise aate hain, yeh bhool jaate hain। 5 hajaar varsha ki baat hai, barobar in devi-devtaaon ka raajya tha। satayug mein hai sadgati phir durgati kaise hoti hai, kaun bataaye? baap hi aakar samjhaate hain, dvaapar se tumhaari durgati hui hai tab to bulaate hain। tum samajhte ho yeh koi nai baat nahin hai। baap kalpa-kalpa aate hain। abhi niraakaar baap aatmaon ko samjhaate hain। koi bhi apni aatma ko nahin jaante। aise kabhi koi nahin bataayenge ki hamaari aatma mein saara part bhara hua hai। kabhi nahin kahenge ki main anek baar yeh bana hoon, part bajaaya hai। drama ko woh jaante hi nahin। karke laakhon hajaar varsha kahen phir bhi drama to hai na। drama repeat hota hai। yeh to kahenge na। yeh gyaan baap hi bachchon ko sammukh dete hain। mukh se baat kar rahe hain। tum jaante ho hamko shiv-baba ne brahma dvaara apna banaae brahman banaaya hai। shivbaaba ka yeh bachcha bhi hai। vanni (stri) bhi hai। dekho, kitne bachchon ki sambhaal ki jaati hai। akela mel hone ke kaaran sarasvati ko madadgaar banaaya hai ki bachchon ko sambhaalo। yeh baaten shaastron mein nahin hain। yeh hai practical। baap hi raajayog sikhaate hain, jinko raajayog sikhaaya, woh raajaayen banen। 84 janmon mein aaye। Bible, kuraan, ved-shaastra aadi padhte to bahut hain parantu samajhte kuchh bhi nahin hain। abhi tum koi tatva yogi nahin ho। tumhaara to baap se yog hai arthaat baap ki yaad hai। tum abhi raajayogi, raajarishi ho arthaat yogeeraaj ho। yogi pavitra ko kaha jaata hai। svarga ki raajaai lene liye tum yogi bane ho। baap pahle-pahle kehte hain pavitra bano। yogi naam hi unka hai। tum sab raajayogi ho। yeh tum brahma mukh vanshaavli braahmanon ki baat hai। tumko raajayog sikha rahe hain, student ho gaye na। students ko kab teacher bhoolega kya? jaante ho shivbaaba hamko padha rahe hain। parantu maaya phir bhi bhula deti hai। tum apne padhaane vaale teacher ko bhool jaate ho। bhagwan padhaate hain - yeh samjhen tab to nasha chadhe। school mein aai.si.S. padhte hain to kitna nasha rehta hai। tum bachche to 21 janma ke liye yeh raajayog ki padhaai padhte ho। padhna to phir bhi hota hai। raajvidya bhi padhni pade, bhaasha aadi seekhni pade।

tum bachche samajhte ho satayug se ham yeh raah bhoolni shuru karte hain। phir ek-ek dhaaka (paudhi-staip), ek-ek janma mein neeche utarte hain। abhi tumko saara yaad hai। kaise ham chadhte hain, kaise ham utarte hain। yeh seedhi achhi reeti yaad karo। 84 janma poore hue, ab hamko jaana hai। to khushi hoti hai, yeh behad ka naatak hai। aatma kitni chhoti hai। part bajaate-bajaate aatma thak jaati hai tab kehte hain baba raah bataao to ham vishraam paayen, sukh-shanti paayen। tum sukhdhaam mein ho to tumhaare liye vahaan sukh-shanti bhi hai। vahaan koi hangaama nahin। aatma ko shanti hai। shanti ke do sthaan hain - shantidham aur sukhdhaam। duhkhadhaam mein ashaanti hai। yeh padhaai hai, tum jaante ho hamko baba sukhdhaam via shantidham mein le ja rahe hain। tumko kahne ki darkaar nahin। tum jaante ho ham yahaan part bajaane aaye hain phir jaana hai। yeh khushi hai। shanti ki khushi nahin hai। part bajaane mein hamko maja aata hai, khushi hoti hai। jaante hain baap ko yaad karne se vikarma vinaash honge। koi kehte hain hamko man ki shanti mile। yeh akshar bhi wrong hai। nahin, ham baap ko yaad karte hain ki vikarma vinaash hon। shant to man rah na sake। karma bigar rah nahin sakte। baaki mahsoosta aati hai, ham baap se pavitrata, sukh-shanti ka varsa le rahe hain, to khushi honi chaahiye। yeh to hai hi duhkhadhaam। ismen sukh ho nahin sakta। manushya shantidham sukhdhaam ko bhool gaye hain। to jinko bahut paise hain, samajhte hain ham sukh mein hain, sannyaasi gharbaar chhod jangal mein jaate hain। koi hangaama to hai nahin। to shant to ho jaate hain parantu woh hua alpakaal ke liye। aatma ka jo shanti svadharma hai, usmein tum shanti mein rehte ho। yahaan to pravritti mein aana hi hai। part bajaana hi hai। yahaan aate hi hain karma karne। karma mein to aatma ko zaroor aana hi hai। tum bachche samajhte ho - yeh samjhaani behad ka baap de rahe hain। niraakaar bhagvaanuvaach - ab tum jaante ho ham aatma hain, hamaara baap param aatma hai। param aatma maana paramatma। unko yeh aatma bulaati hai। woh baap hi sarva ka sadgati daata hai। ab baap kehte hain - bachche dehi-abhimaani bano। yahi mehnat hai। aadhaakalpa se jo khaad padti hai, woh is yaad se hi niklegi। tumko sachcha sona banna hai। jaise sachche sone mein khaad milaae phir jevar banaate hain। tum asul mein sachcha sona the phir tumhaare mein khaad padti hai। ab tumhaari buddhi mein hai, hamne part bajaaya hai। ab ham jaate hain piyar ghar। jaise vilaayat se jab piyar ghar lautte ho to khushi hoti hai, tumhein bhi khushi hai, tum jaante ho baba hamaare liye svarga laaya hai। behad ke baap ki saugaat hai - behad ki baadshaahi arthaat sadgati। sannyaasi log mukti ki saugaat pasanda karte hain। koi marta hai to bhi kehte hain svargavaasi hua। sannyaasi kahenge jyoti jyot samaaya, jismen sab mil jaayenge। woh to rahne ka sthaan hai, jahaan ham aatmaayen rehti hain। baaki koi jyoti va aag thode hi hai, jismen sab mil jaaen। brahm mahtatva hai, jismen aatmaayen rehti hain। baap bhi vahaan rehte hain। woh bhi hai bindi। bindi ka kisko saakshaatkaar ho to samajh nahin sakenge। bachche bahut kehte hain - baba yaad karne mein dikkat hoti hai। bindi roop ko kaise yaad karen। aadhaakalpa to bade ling roop ko yaad kiya। woh bhi baap samjhaate hain। bindi ki to pooja ho na sake। inka mandir kaise banaayenge? bindi to dekhne mein bhi na aaye, isliye shivling bada banaate hain। baaki aatmaon ke saaligraam to bahut chhote-chhote banaate hain। ande misal banaate hain। kahenge pahle yeh kyon nahin bataaya - paramatma bindi misal hai। baap kehte hain - us samay yeh bataane ka part hi nahin tha। are tum aai.si.S. shuru se kyon nahin padhte ho? padhaai ke bhi kaayde hain na। koi aisi baat poochhe to tum kah sakte ho - achha baba se poochhte hain va hamaare se badi teacher hai unse likhkar poochhte hain। baba ko bataana hoga to bataayenge va to kahenge aage chal samajh lenge। ek hi time to nahin sunaayenge। yeh sab hain nai baaten। tumhaare ved-shaastron mein jo hai - baap baith saar bataate hain। yeh bhi bhakti maarga ki noondh hai, phir bhi tumko padhne hi honge। yeh bhakti ka part bajaana hi hoga। patit banne ka bhi part bajaana hai। kehte hain bhakti ke duban mein phans gaye hain। baahar se to khoobsoorti bahut hai। jaise roonya ke paani ka misaal dete hain। bhakti bhi suhaini (aakarshak) bahut hai। baap kehte hain yeh roonya ka paani hai। (mrigtrishna samaan) is duban mein phans jaate hain। phir nikalna hi mushkil ho jaata hai, ekdam phans padte hain। jaate hain auron ko nikaalne phir khud hi phans padte hain। aise bahut phans pade। aashcharyavat sunanti, kathanti auron ko nikaalvanti, chalte-chalte phir khud phans padte hain। kitne achhe-achhe first class the। phir unko nikalna bada mushkil ho jaata hai। baap ko bhool jaate hain, to duban se nikaalne mein kitni mehnat lagti hai। kitna bhi samjhaao buddhi mein nahin baithta। ab tum samajh sakte ho ki ham maaya roopi raavan ki dal-dal se kitna nikle hain। jitna-jitna nikalte jaate hain, utna-utna khushi hoti hai। jo khud nikla hoga unke paas shakti hogi doosre ko nikaalne ki। baan chalaane vaale koi teekhe hote hain, koi kamjor hote hain। bheel aur arjun ka bhi misaal hai na। arjun saath rahne vaala tha, arjun ek ko nahin, jo baap ke bankar baap ke saath rehte hain, unko kaha jaata hai arjun। saath mein rahne vaale aur baahar mein rahne vaale ki race karaai jaati hai। bheel arthaat baahar rahne vaala teekha chala gaya। drishtaanta ek ka diya jaata hai। baat to bahuton ki hai। teer bhi yeh gyaan ka hai। har ek apne ko samajh sakte hain, ham kitna baap ko yaad karte hain, aur koi ki yaad to nahin aati hai! achhi cheez pahanne va khaane ki laalach to nahin rehti! yahaan achha pahnenge to vahaan kam ho jaayega। hamko yahaan to vanvaah mein rehna hai। baap kehte hain tum apne is shareer ko bhi bhool jaao। yeh to puraana tamopradhaan shareer hai। tum svarga ke maalik bante ho। ichchha maatram avidya।

baap kehte hain - tum yahaan jevar aadi bhi nahin pahnon, aise kyon kehte hain? iske bhi anek kaaran hain। koi ka jevar gum ho jaayega to kahenge vahaan bi.ke. ko dekar aai hai aur phir chor-chakaar bhi raaste chalte chheen lete hain। aajkal maaeeyaan bhi lootne vaali bahut nikli hain। female bhi daaka maarti hain। duniya ka haal dekho kya hai? tum samajhte ho, yeh duniya bilkul veshyaalay hai। ham yahaan shivaalay mein baithe hain - shivbaaba ke saath। woh sat hai, chaitanya hai, aanand swaroop hai। aatma ki hi mahima hai। aatma hi kehti hain main president bana hoon, main phalaana hoon। aur tumhaari aatma kehti hai ham brahman hain। baba se varsa le rahe hain। aatma-abhimaan mein rehna hai, ismen hi mehnat hai। yeh mera phalaana hai, yeh mera hai... yeh yaad rehta hai, ham aatma bhaai-bhaai hain, yeh bhool jaate hain। yahaan mera-mera chhodna padta hai। main aatma hoon, inki aatma bhi jaanti hai। baap samjha rahe hain, main bhi sunta rehta hoon। pahle main sunta hoon, bhal main bhi suna sakta hoon parantu bachchon ke kalyaan arth kehta hoon - tum sada samjho ki shivbaaba samjhaate hain। vichaar saagar manthan karna bachchon ka kaam hai। jaise tum karte ho, vaise main bhi karta hoon। nahin to pahle number mein kaise jaayenge lekin apne ko gupta rakhte hain। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) mera-mera sab chhod apne ko aatma samajhna hai। aatma-abhimaani rahne ki mehnat karni hai। yahaan bilkul vanvaah mein rehna hai। koi bhi pahanne, khaane ki ichchha se ichchha maatram avidya banna hai।

2) part bajaate hue karma karte apne shanti svadharma mein sthit rehna hai। shantidham aur sukhdhaam ko yaad karna hai। is duhkhadhaam ko bhool jaana hai।

vardaan:- roohaab aur raham ke gun dvaara vishwa nav nirmaan karne vaale vishwa kalyaankaari bhav

vishwa kalyaankaari banne ke liye mukhya do dhaarnaayen aavashyak hain ek eeshvareey roohaab aur doosra-raham। agar roohaab aur raham donon saath-saath aur samaan hain to roohaaniyat ki stage ban jaati hai। to jab bhi koi kartavya karte ho va mukh se shabd varnan karte ho to check karo ki raham aur roohaab donon samaan roop mein hain? shaktiyon ke chitron mein in donon gunon ki samaanta dikhaate hain, isi ke aadhaar par vishwa nav-nirmaan ke nimitta ban sakte ho।

slogan:- baap ke pyaar ke peechhe vyartha sankalp nyochhaavar kar do - yahi sachchi kurbaani hai।

ye avyakt ishaare - sada harshit rahne ke liye apni nature ko saral banaao, sahansheel bano।

jitna jo svayan saral honge utna yaad bhi saral rahegi। jitna jo har baat mein spashta arthaat saaph hoga utna saral hoga। jo jaisa svayan hota hai vaise hi unki rachna mein bhi vahi sanskaar hote hain। to har gun ke practical swaroop example bano।