गुरुवार 18 जून 2026 की दैनिक मुरली

18-06-2026 praatahmurli om shanti "baapdaada"' madhuban

“meethe bachche - ateendriy sukh ka anubhav karne ke liye sada isi smriti mein raho ki ham kiske bachche hain, agar baap ko bhoole to sukh gum ho jaayega''

prashn:- baap ke milne ki sthaai khushi kin bachchon ko rehti hai?

uttar:- jin bachchon ne ek se apne sarva sambandh jode hain, jo ek baap ki yaad mein rahne ki hi mehnat karte hain, kisi dehdhaari ko yaad nahin karte unhein hi sthaai khushi rehti hai। agar dehdhaari ki yaad hai to bahut rona padega। vishwa ka maalik banne vaale kabhi rote nahin।

geet:- bachpan ke din bhula na dena…

om shanti। baap kehte hain meethe bachchon - ham behad ke baap ke bachche hain, yeh bhoolo mat। yeh bhoole to apne ko rula denge। chhi-chhi duniya mein buddhi chali jaayegi। baap ki yaad rahne se ateendriy sukh bhaasta hai। woh sukh, baap ko bhool jaane se gum ho jaayega। hardam yaad rehna chaahiye ki ham baba ke bachche hain, nahin to apne ko rula denge। sab bhagwan ke bachche hain, sab kehte hain he baba, he param pita paramatma raksha karo। parantu baap se raksha kab hoti hai - yeh kisko bhi pata nahin hai। saadhu-santa aadi koi bhi nahin jaante ki baap se hamko mukti-jeevanmukti kab milni hai kyonki bhagwan ko hi kan-kan mein kah diya hai। ab tum bachche behad ke baap ko jaan gaye ho। most beloved baap hai, usse pyaari vastu aur koi hoti nahin। aise baap ko na jaanna badi bhaari bhool hai। shiv jayanti kyon manaate hain, woh kaun hai? yeh bhi koi nahin jaante। baap kehte hain tum kitne besmajh ban gaye ho। maaya raavan ne tumko kya bana diya hai! abhi tum bachche jaante ho yeh hamaari janma bhoomi hai। main har 5 hazaar varsha ke baad aata hoon। woh phir kah dete 40 hazaar varsha baad jab yeh kaliyug poora hoga tab aayenge। chitra bhi dikhaaya jaata hai trimoorti ka। trimoorti maarga naam bhi rakha hai parantu teen moorti brahma, vishnu, shankar ko koi nahin jaante। brahma kya karke gaya? vishnu aur shankar kya karte hain, kahaan rehte hain, kuchh bhi nahin jaante। bilkul hi ghor andhiyaare mein hain। baap hai rachayita। unki yeh kitni badi rachna hai। kitna behad ka naatak hai। ismen behad ke manushya rehte hain। aaj se 5 hazaar varsha pahle jab satayug tha, bhaarat mein jab in lakshmi-naaraayan ka raajya tha to aur koi raajya nahin tha। bhagavti shri lakshmi, bhagwan shri naaraayan ko kaha jaata hai। raam-seeta ko bhi bhagwan raam, bhagavti seeta kehte hain। ab yeh bhagwan naaraayan, bhagavti lakshmi kahaan se aaye? raajya karke gaye hain। parantu unki jeevan kahaani to ek bhi nahin jaante। sirf gaate rehte hain he bhagwan duhkh harta sukh karta। parantu yeh kiski buddhi mein nahin aata - woh duhkh harta, sukh karta kaise hai। kaun-sa sukh sabko diya? aur kab sabka duhkh hara? kuchh bhi nahin jaante।

tum bachche abhi yahaan raajayog seekh rahe ho - bhagavti lakshmi, bhagwan naaraayan banne ke liye। jaante hain bhagavti seeta, bhagwan raam bhi banne ka hai। 8 janma satayug mein poore karke phir raam-seeta ke raajya mein aane vaale hain। 21 janma ke liye behad ki raajaai tum yahaan sthaapan kar rahe ho। tum bhagavti bhagwan svarga ke maalik ban rahe ho। svarga koi aasmaan mein nahin hai। yeh bhi kisko pata nahin hai। bilkul hi tuchchha buddhi hain। kehte hain phalaana svarga padhaara। parantu samajhte kuchh bhi nahin hain। achha kya Christian, bauddhi sab heaven mein jaayenge? woh baad mein aakar apna dharma sthaapan karte hain। to phir woh svarga mein kaise aa sakte? svarga kisko kaha jaata, yeh bhi unko pata nahin hai। sannyaasi log kehte jyoti jyot samaaya। koi phir kehte nirvaandhaam gaya। nirvaan bhi to lok hai na। woh to nivaas sthaan hai। jyoti jyot mein leen hone ki baat hi nahin। jyoti mein mil jaae to phir to aatma hi khatma ho jaae। khel hi khatma ho jaata hai। is drama se koi bhi aatma chhoot nahin sakti। koi bhi moksha ko pa nahin sakte। geet ka arth bhi koi samajhte nahin hain। na jeevanmukti ka arth samajhte hain, na aatma-paramatma ka arth samajhte hain।

baap kehte hain - tumhaari shakla to manushya ki hai, jo in devtaaon ki bhi thi। satayug aadi mein devtaayen the। unhon ka 2500 varsha raajya chala। baaki 2500 varsha ki baat hai, jismen aur sab dharma aate hain। 5 hazaar varsha ke badle manushya kah dete laakhon varsha kalpa vriksha ki aayu hai। parantu tumhaari baat samajhne ke liye bhi nahin aayenge। haan, aayenge bhi vahi, jinhonne kalpa pahle aakar samjha hoga। pahle to samjhaana hai - ek hai had ka sannyaas, jo sannyaasi log gharbaar chhod jaae jangal mein rehte hain, pahle-pahle woh satopradhaan the। phir ab tamopradhaan bane hain to jangalon se lautkar aae bade-bade mahal banaaye hain। in sannyaasiyon ne bhi pavitrata ke aadhaar par bhaarat ko thamaaya zaroor hai। bhaarat ki seva ki hai। yeh sannyaas dharma nahin hota to bhaarat ekdam vikaaron mein jal marta, patit ban jaata। yeh bhi drama bana hua hai। unhon mein pahle pavitrata ki taakat thi, jisse bhaarat ko thamaaya hai। in devtaaon ka jab raajya tha to bhaarat kitna saahookaar tha। inhon ke itne bade-bade heere-javaahron ke mahal the। woh sab kahaan gaye? sab neeche chale gaye। lanka aur dvaarika ke liye kehte hain - samudra ke neeche chali gai। abhi to hai nahin। sone ke mahal aadi sab the na। jab mandiron aadi mein heere-javaahraat laga sakte hain, to vahaan kya nahin hoga! kitni tum bachchon ko khushi honi chaahiye। baba phir se aaya hua hai। kehte hain baap ko yaad karo। yaad ek ko hi karna hai, jisse vikarma vinaash hote hain। parantu woh bhool jaate hain aur dehdhaari ki yaad aa jaati hai। dehdhaari ki yaad se to kuchh bhi phaayda nahin। baap kehte hain - maamekam yaad karo। kisi bhi dehdhaari ko yaad nahin karo। amma mare to bhi halua khaana.... ek baap ki yaad se hi kamaai hai। ham shivbaaba ke bachche hain, unse varsa lena hai। is samay baap ko yaad nahin kiya to phir bahut pachhtaana padega, rona padega। vishwa ke maalik banne vaalon ko rone ki kya darkaar hai। tum baap ko bhoolte ho tab hi maaya thappad lagaati hai isliye baba baar-baar samjhaate hain ki baap ko aur varse ko yaad karo। amarnaath ne amarpuri mein ek paarvati ko to baith amraktha nahin sunaai hogi। zaroor bahut honge। jo bhi manushya maatra hain sabko baap samjhaate hain ki ab patit mat bano, yeh antim janma pavitra bano। vahaan svarga mein koi vikaar nahin hote। agar vahaan bhi vikaar hota to phir svarga aur narka mein pharka kya hua? devi-devtaaon ki mahima gaate hain - sarvagun sampanna, 16 kala sampoorn... hain। bhagwan aakar bhagwan-bhagavti hi banaayenge, sivaae bhagwan ke koi bana na sake। bhagwan to ek hi hai। gaaya bhi jaata hai - bhagwan-bhagavti ki raajdhaani। yatha raaja-raani tatha praja bhi vahi hogi। parantu bhagwan-bhagavti kaha nahin jaata isliye kaha jaata hai aadi sanaatan devi-devta dharma। yeh kisko pata nahin hai। inki (brahma ki) aatma ko bhi baap samjhaate hain। ek baap ki, ek daada ki - do aatmaayen hain na। ek aatma 84 janma leti hai, doosri aatma punarjanma rahit hai। baap kabhi punarjanma nahin lete hain। ek hi baar aakar saare vishwa ko pavitra banaane ke liye hamko raajayog sikhaate hain। baap tumko samjhaate hain - mainne inmen pravesh kiya hai। yeh 84 janma bhog aaye hain। ab inke bahut janmon ka yeh antim janma hai। ab main niraakaar hoon to kaise aakar bachchon ko raajayog sikhlaaoon? prerna se to kuchh ho na sake। shreekrishna bhagvaanuvaach to ho na sake। woh kaise aa sakta hai? woh to hai hi satayug ka prince, 16 kala sampoorn... phir treta mein hote hain 14 kala sampoorn, phir dvaapar mein shreekrishna ko kyon le gaye hain? unko to pahle aana chaahiye। baap samjhaate hain - pahle, baap ko yaad karo। nahin to maaya ekdam thappad maar degi। chhueemui ka ek jhaad hota hai। haath lagaao to murjha jaaye। tumhaara bhi aisa hi haal hota hai, baap ko yaad nahin kiya aur khalaas। geet mein bhi suna - bachpan ke din bhula nahin dena। baap ko bhoole to kahaan na kahaan chot lag jaayegi। baap kehte hain - tum hamaare bachche ho na। yeh shareer to vish se paida hua hai। woh inke laukik maa-baap hain। yeh to hai paarlaukik baap aur inko phir alaukik baap kaha jaata hai। yeh had ka tha, phir behad ka ban gaya। abhi dekho yeh laukik bachchi (nirmal-shaanta) baithi hai। yeh laukik bhi hai, alaukik bhi hai, paarlaukik bhi hai। baaki shivbaaba ke to bhaai-behen hai nahin। na laukik, na alaukik, na paarlaukik। kitna farka hai। ek baap ka banna maasi ka ghar nahin hai। aise baap se sambandh jodna hai, time lagta hai। shivbaaba ki yaad mein rehna badi mehnat hai। kai 50 varsha se rahne vaale bhi saara din shivbaaba ko yaad bhi nahin karte, aise bhi hain। aur sabko bhool ek ko yaad karna bahut-bahut mehnat hai। koi 1 percent yaad karte hain, koi 2 percent, koi 1/2 percent bhi mushkil yaad karte hain। yeh badi bhaari manzil hai। to baap samjhaate hain - bachpan ko nahin bhoolna। baap se svarga ka varsa milta hai। tum jaante ho ham jeete ji markar baap ke aakar bane hain - nai duniya mein jaane ke liye। to tumhein sthaai khushi rahni chaahiye, oho! ham double sirtaaj banenge! manushya thode hi jaante hain ki satayug mein in devtaaon ko 16 kala sampoorn aur 14 kala sampoorn kyon kehte hain? kuchh bhi nahin jaante hain। yeh bhakti maarga ke shaastra aadi phir bhi banenge। yeh hathayog, teertha yaatra aadi sab phir bhi honge। parantu isse kya hoga? kya heaven mein jaayenge? nahin, bahut riddhi-siddhi se kaam karte hain। riddhi-siddhi vaale bahut hain। hazaaron manushya unke pichhaadi padte rehte hain। riddhi-siddhi se bahut ghadiyaan aadi cheezen nikaalte hain। yeh thode hi samajhte ki yeh alpakaal ke liye sab hain। ismen bahut mehnat karni padti hai। yeh riddhi-siddhi aadi seekhne ki bhi kitaab hoti hai। kitne laakhon manushya unke pichhaadi padte hain। tum bachche jaante ho hamko baba se svarga ka varsa milta hai। in aankhon se jo kuchh dekhte ho woh nahin rahega। baap samjhaate hain - tum ashareeri aaye the phir shareer saath part bajaaya। agar 84 laakh ka hisaab-kitaab bataayen to 12 maas lag jaayen। ho hi nahin sakta। 84 janmon ka hisaab-kitaab bataana to bilkul sahaj hai। tum 84 ka chakra lagaate rehte ho। sooryavanshi hain to chandravanshi nahin। sooryavanshi gharaana poora hua phir chandravanshi.... banen।

abhi tum jaante ho ham hain brahman vanshi phir devta vanshi banna hai, isliye ham padhaai padh rahe hain। phir seedhi neeche utarte-utarte vaishya, shoodra vanshi banenge। abhi apne 84 janmon ki smriti aai hai। yeh chakra bhi yaad karna pade। baap ko yaad karne se ever healthy, ever wealthy banenge। paap kat jaayenge। chakra ko jaanne se chakravarti ban jaayenge। tum jaante ho yeh puraani duniya kabristaan banni hai। kuchh bhi nahin rahega। khatma ho jaayega। raam gayo, raavan gayo.... raam ka kitna chhota parivaar hoga satayug mein। abhi raavan ka kitna bada parivaar hai। bachche jaante hain ki yeh raajdhaani sthaapan ho rahi hai। har baat mein purushaartha first hai। baap purushaartha karaate hain - bachche mujhe yaad karo। jis baap se athaah svarga ki baadshaahi milti hai, kya unko yaad nahin karenge? baap smriti dilaate hain ki tum svarga ke maalik the। ab phir se purushaartha kar svarga ke maalik bano। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) kabhi bhi kisi baat mein chhui-mui nahin banna hai। eeshvareey bachpan ko bhool murjhaana nahin hai। in aankhon se jo kuchh dikhaai deta hai, use dekhte bhi nahin dekhna hai।

2) ek baap ki yaad mein hi kamaai hai isliye dehdhaariyon ko yaad kar rona nahin hai। baap aur varse ko yaad kar vishwa ki baadshaahi leni hai।

vardaan:- shreshtha mat ke aadhaar par maayaavi sangadosh se pare rahne vaale shakti swaroop bhav

bachchon ki ek complain rehti hai ki sambandhi nahin sunte, sang achha nahin hai, is kaaran shaktishaali nahin ban sakte। lekin shreshtha mat ke aadhaar par gyaan swaroop, shakti swaroop ke vardaani ban apni sthiti ko achal banaao। saakshi hokar har ek ka part dekho। apne satoguni part mein sthit raho। sada baap ke sang mein raho to tamoguni aatma ke sang ke rang ka prabhaav pad nahin sakta।

slogan:- karmayogi woh hai jo karma ke kalpa vriksha ki daali par baith karma karte bhi upraam sthiti mein rahe।

ye avyakt ishaare - sada harshit rahne ke liye apni nature ko saral banaao, sahansheel bano।

jaise kaai ki vishesh nature hoti hai, us nature ke vash na chaahte bhi chalte rehte hain। kehte hain chaahti nahin hoon lekin meri yeh nature hai। aise aap bachchon ki saral nature ho jo sabko anubhav ho ki yeh sahaj yogi, svatah yogi hain। kya karoon, kaise yog lagaaoon .. yeh baaten khatma। hain hi sada sahayogi arthaat yogi। isi ek baat ko nature aur natural karne se sabhi subject mein perfect ho jaayenge।