मंगलवार 23 जून 2026 की दैनिक मुरली

23-06-2026 praatahmurli om shanti "baapdaada"' madhuban

“meethe bachche - tum mahaan saubhaagyashaali ho kyonki tumhein bhagwan woh padhaai padhaate hain jo ab tak kisi rishi-muni ne bhi nahin padhi''

prashn:- drama ki kaun si bhaavi tum bachche jaante ho, duniya ke manushya nahin?

uttar:- tum jaante ho is roodra gyaan yagya se vinaash jvaala prajjavlit hui hai। ab saari puraani duniya ismen svaaha ho jaayegi। yeh bhaavi koi taal nahin sakta। yeh aisa ashvamedh avinaashi roodra yagya hai jismen saari saamagri svaaha hogi phir ham is patit duniya mein nahin aayenge। ise eeshvar ki bhaavi nahin, drama ki bhaavi kahenge।

geet:- mukhda dekh le praani…

om shanti। tum bachche bhi manushya ho। yeh manushyon ki srishti hai। is samay tum brahman dharma ke manushya bane ho। baap shiksha dete hain aatmaon ko। aatma ko abhi apne svadharma ka pata hai ki ham aatma is shareer ko chalaane vaali hain। aatma ka yeh rath hai। jaise baap is rath par aakar savaar hue hain, tumhaari aatma bhi is rath par savaar hai। sirf aatma ko yeh gyaan bhool gaya hai ki ham aatma shant swaroop hain। hamaare rahne ka sthaan hi mool vatan mein hai। yeh shareer hamko yahaan milta hai। aise-aise apne saath baaten karni hain। baap kehte hain tum aatma shant swaroop ho। agar tum chaaho ham shanti mein baithen to apne ko aatma samajh shantidham ke nivaasi samjho। thoda samay shanti mein baith sakte hain। manushya shanti hi maangate hain। man ko shanti chaahiye - yeh aatma ne kaha, parantu manushya yeh nahin jaante hain ki main aatma hoon। yeh bhool gaye hain। ek kahaani bhi hai na - raani ke gale mein haar pada tha aur dhoondhati thi baahar। to baap bhi samjhaate hain shanti to tumhaara svadharma hai। bachchon ne samjha hai ham aatmaayen shant swaroop hain। yahaan aai hain part bajaane। in organs se detach ho jaate hain to aatma shant hai। aatma apne svadharma shanti mein jitna chaahe baith sakti hai। chaaho ham is shareer se kaam na karen, to shant mein baith jaao। yeh hai sachchi shanti, inko tum dhoondhate nahin। tumhaara svadharma shant hai। abhi yahaan part baja rahe hain। baap dvaara maaloom pada hai, hamne 84 janmon ka part bajaaya। in 84 janmon ke chakra ka koi ko pata nahin। sirf tum bachche hi samajhte ho। pahle ham sooryavanshi raaja va praja the phir chandravanshi so vaishya vanshi, so shoodra vanshi banen। ab phir se hamko sooryavanshi banna hai।

tum bachche srishti ke aadi-madhya-ant ko jaan gaye ho, tum kitne saubhaagyashaali ho। baap to yathaartha baat samjhaate hain। yeh hai hi sadgati maarga। yeh samjhaana hai ki sarva ka sadgati daata ek hai। abhi jaan gaye ho hamko baba aakar 21 janmon ke liye sadgati praapta kara rahe hain। baahar vaale manushya in baaton ko jaante hi nahin। tum brahmaakumaar-kumaariyaan hi jaante ho। koi poochhte hain - tum bi.ke. kya jaante ho? pareeksha to honi hi chaahiye ki brahman va braahmani hain va nahin। agar tum brahma ke bachche ho to srishti chakra ko zaroor jaante honge। baap rachayita ko jaante ho? rishi-muni aadi to rachta aur rachna ko jaante hi nahin। to goya naastik thahre। tum bhi naastik the। tum bhi rachta baap aur rachna ke aadi-madhya-ant ko nahin jaante the। school mein pahle anpadh hi aate hain। phir kahenge school mein yeh-yeh padha hai। abhi tum ho eeshvareey padhaai mein। parampita paramatma tumko padha rahe hain। yeh buddhi mein samajhna chaahiye। rachta to ek shivbaaba hi hai। roodra ne gyaan yagya racha yeh shaastron mein bhi hai। ab roodra aur shiv paramatma mein farka to koi hai nahin। yeh bhi hai ki roodra gyaan yagya se vinaash jvaala nikli। sirf roodra shiv ki jagah shreekrishna ka naam daal diya hai। hai vahi geeta। kehte hain is gyaan yagya se vinaash jvaala prajjavlit hui। to svaraajya ke liye yeh gyaan yagya hai। ismen puraani duniya svaaha honi hai। yagya mein saari aahuti arthaat saamagri daalte hain। sab svaaha kar dete hain। to is roodra gyaan yagya mein saari puraani duniya svaaha ho jaayegi। tum ab raajayog seekh rahe ho। is patit duniya mein phir aayenge nahin। yeh duniya phir khatma ho jaani hai। tum jaante ho, natural calamities aadi sab hongi। yeh saari knowledge tumhaari buddhi mein baithna chaahiye। shivbaaba kehte hain - meri buddhi mein hi saara gyaan hai। baap sat hai, chaitanya hai, gyaan ka saagar hai। srishti ke aadi-madhya-ant ko jaante hain। rishi-muni to kehte hain, ham rachta aur rachna ko nahin jaante। tumse koi poochhenge tumko kya milta hai? bolo - jisko bade-bade rishi-muni aadi kehte the ki ham rachta aur rachna ke aadi-madhya-ant ko nahin jaante hain so ham jaante hain। rachta baap ke sivaae rachna ke aadi-madhya-ant ka raaz koi samjha nahin sakta। rachta hi samjhaayenge। tumko maaloom hai, makkhiyon ki bhi raani hoti hai। raani ke saath peechhe-peechhe sab makkhiyaan jaati hain। raani arthaat maa ke saath unka kitna sambandh hai। behad ka baap bhi aate hain to sabhi bachchon ko saath le jaate hain। tum jaante ho - baba aaya hua hai, ham aatmaon ko saath le jaayenge - shantidham mein। phir se hamaara satayug ka part shuru hoga। jis part bajaane ke liye tum yeh devi-devta pad pa rahe ho। yahaan tum aate hi ho - manushya se devta pad paane। sab gun yahaan dhaaran karne hain। in lakshmi-naaraayan jaisa banna hai। inko divya drishti ke sivaae koi dekh na sake। abhi tum jaante ho ham sooryavanshi devta banenge। tumhaari buddhi mein hai ki svarga ki raajdhaani kaise sthaapan hoti hai। satayug mein tha hi devtaaon ka raajya parantu devtaaon ke raajya mein bhi phir raakshas aadi dikhaaye hain। yeh koi jaante hi nahin। bhaarat kitna pavitra tha, mahima bhi gaate hain sarvagun sampanna...। unhon ke aage maatha bhi tekte hain। mandir bhi bahut bane hue hain। parantu yeh pata nahin ki aadi sanaatan devi-devta dharma satayug ka kab aur kaise sthaapan hua? bhaarat jo itna oonch tha, woh neech kaise bana? yeh kisko bhi pata nahin hai। kehte hain yeh bhaavi bani banaai hai। kiski bhaavi hai? woh bhi nahin samajhte। drama ki bhaavi samjhen to samajh mein aaye। drama ka rachayita creator, director kaun hai? sirf kah dete eeshvar ki bhaavi। drama kahne se drama ke aadi-madhya-ant ko jaanna chaahiye। sirf kitaab padhne se drama ka pata nahin pad sakta hai। jab tak jaakar koi drama dekhe nahin। jaise akhbaar mein bhi pada tha - ek shreekrishna charitra ka drama bana hua hai। parantu dekhne bigar koi samajh thode hi sakta hai। dekhenge tab samjhenge drama mein yeh sab hona hai। tum bachche bhi drama ko abhi samajhte ho। manushya kehte hain - world ki history-geography ka yeh chakra phirta rehta hai। parantu kaise phirta hai, yeh kisko pata hi nahin। naam bhi likhe hue hain - satayug, treta, dvaapar, kaliyug phir sangamayug। parantu manushyon ne samajh liya hai - yuge-yuge aate hain। satayug treta ka bhi sangam hota hai। parantu us sangam ka koi mahatva nahin hai। vahaan to kuchh hota nahin। yeh baaten tum jaante ho - satayugi sooryavanshiyon ne phir chandravanshiyon ko raajya kaise diya? aise nahin ki chandravanshiyon ne sooryavanshiyon par jeet paai। nahin, jo chandravanshi ka raaja hota hai to sooryavanshi raaja-raani unko raajya bhaagya ka tilak de takhta par bithaate hain। raaja raam, raani seeta ka title milta hai। kisne diya? kahenge sooryavanshiyon ne transfer kiya, ab tum raajya karo। jo scene tum bachchon ne saakshaatkaar mein dekhi hai। baaki koi ladaai aadi nahin lagti hai। jaise kisko raajaai di jaati hai, vaise dete hain। unhon ke pair aadi dhokar unko raajya tilak dete hain। vahaan koi guru gosaai to hote nahin hain। ab tum bachchon ki buddhi mein hai ham daivi svabhaav vaale bante hain। sooryavanshi, chandravanshi raajya mein ham kitne sukhi honge। baba hamko duhkh se nikaal sukh mein le jaate hain aur koi sukhi bana na sake। saadhu log khud bhi chaahte hain - ham shantidham mein jaayen। baap kehte hain - main in saadhuon aadi ka bhi uddhaar kar sabko shantidham mein le jaata hoon। sannyaasi to aate hi dvaapar mein hain। svarga mein ham devtaayen hi rehte hain। vahaan bhi section alag-alag hain। sooryavanshiyon ka alag, chandravanshiyon ka alag phir baad mein islaami, bauddhi, sannyaasi aadi jo bhi aate hain, sabka section alag-alag bana hua hai। jab ham raajya karte the to doosra koi tha nahin। mool vatan mein bhi aisi maala nambarvaar bani hui hai। aadi sanaatan devi-devta dharma vaalon ki hai pahli biraadri। phir aur biraadriyaan nikalti hain। yeh biraadri hai bade te badi aur doosre jo dharma sthaapak aate hain - sab unse nikle hue hain। tum kahenge islaamiyon ki hai second number biraadri। phir bauddhiyon ki biraadri third number। ham hain first baaki had ki aur chhote-chhote to laakhon honge। yahaan to mukhya hain 4 biraadriyaan। pahle-pahle ham aate hain phir islaami, bauddhi Christian aadi aate hain। abhi ham neeche gir gaye hain। hamko hi 84 janma le part bajaana padta hai। jo abhi last mein hain, vahi phir first mein honge। devi-devtaayen ab patit hone ke kaaran apne ko devi-devta kahla nahin sakte। devtaaon ko to poojte hain isse siddha hai - unhon ke biraadri ke hain। sikkha log guroonaanak ko maante hain, unki biraadri ke hain। satayug mein pahla number hamaari biraadri hai। unse oonch biraadri koi hoti nahin। ham oonch te oonch biraadri vaale hain। ham sabse jaasti sukh bhogte hain, phir vahi kangaal bante hain। sabse jaasti duhkhi yeh hain। karja bhi yeh lete rehte hain। kitne saahookaar the, abhi kitne gareeb hain। sab kuchh ganva baithe hain। yeh hai hi duhkhadhaam। ab baap phir tumko sukhdhaam ka maalik banaate hain। baaki sab chale jaayenge shantidham। aadhaakalpa tum sukh bhogte ho, baaki sab shanti mein rehte hain। chaahte bhi hain - ham mukti mein jaayen। sukh ko kaag vishta samaan samajhte hain। unko sukhdhaam ka anubhav hi nahin hai। tumko anubhav hai। mahima bhi gaate hain parantu patit hone ke kaaran bhool gaye hain। ab baap yaad dilaate hain - he bhaaratvaasi tum devi-devta dharma ke ho। dvaapar se naam badli kar diya hai। devta dharma vaale hi patit ban gaye। gaate bhi rehte hain he patit-paavan aao। baap ne bataaya hai - tum kitne janma paavan duniya mein the। kitne janma patit duniya mein hain। ab phir paavan duniya mein jaana hai। yeh paathshaalaaon ki paathshaala hai, yagyon ka yagya hai। saari puraani duniya ismen khatma honi hai। holika jalaate hain, yeh sab parva abhi ke hain। aatma chali jaayegi, baaki shareer khatma ho jaayenge। yeh knowledge koi sannyaasi aadi de na saken। geeta mein kuchh hai parantu aate mein loon (namak) gyaan praayahlop ho jaata hai। shivbaaba kehte hain - hamne yeh yagya racha hai, inmen tan-man-dhan sab svaaha karte ho, jeete ji marte ho। yeh gyaan tumko abhi mil raha hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) sukhdhaam mein jaane ke liye apna daivi svabhaav banaana hai। drama ke aadi-madhya-ant ke raaz ko buddhi mein rakh harshit rehna hai। sabko yahi raaz samjhaana hai।

2) svaraajya lene ke liye is behad yagya mein jeete ji apna tan-man-dhan svaaha karna hai। sab kuchh nai duniya ke liye transfer kar lena hai।

vardaan:- apne mastak dvaara teesre netra ka saakshaatkaar karaane vaale sachche yogi bhav

yaadgaar mein yogi ke mastak par teesra netra dikhaate hain। aap sachche yogi bachche bhi apne mastak dvaara teesre netra ka saakshaatkaar karaane ke liye sada buddhi dvaara ek baap ke sang mein raho। ek baap doosre ham, teesra na koi, jab aisi sthiti hogi tab teesre netra ka saakshaatkaar hoga। agar buddhi mein koi teesra aa gaya to phir teesra netra banda ho jaayega isliye sadaiv teesra netra khula rahe - iske liye yaad rakhna ki teesra na koi।

slogan:- prashnachit banna arthaat pareshaan hona aur pareshaan karna।

ye avyakt ishaare - sada harshit rahne ke liye apni nature ko saral banaao, sahansheel bano।

jo jaise karma karta hai vaisa unka naam bhi padta hai। karma yadi shreshtha hain to naam padega shreshthamni। shreshthamni banne ke liye man, vaani, karma mein saralta aur sahansheelta yeh donon gun aavashyak hain। agar saralta hai sahansheelta nahin to bhi shreshtha nahin isliye saralta aur sahansheelta donon saath-saath chaahiye।