सोमवार 29 जून 2026 की दैनिक मुरली

29-06-2026 praatahmurli om shanti "baapdaada"' madhuban

“meethe bachche - apne ko aatma samajh aatma se baat karo to phool mein khushbu aati jaayegi, deh-abhimaan ki badbu nikal jaayegi''

prashn:- apni khushbu chaaron or phailaane vaale sachche phool va parvaane kaun hain?

uttar:- sachche phool woh jo anekon ko aap samaan khushboodaar phool banaayen। shreemat par chal shama par jal marne vaale arthaat poora-poora balihaar jaane vaale, jeete ji marne vaale sachche parvaanon ki va aise phoolon ki khushbu svatah hi chaaron or phailti hai।

geet:- mahphil mein jal uthi shama…

om shanti। jaise parvaanon ne geet suna। parvaane kaho va phool kaho baat ek hi hai। bachche samajhte hain ham sachmuch parvaane bane hain ya sirf pheri pahan kar chale jaate hain? shama ko bhool jaate hain। har ek ko apni dil se poochhna hai ki ham kahaan tak phool bane hain aur gyaan ki khushbu phailaate hain? apne jaisa phool kisko banaaya hai? yeh to bachche jaante hain - gyaan ka saagar baap hai, unki kitni khushbu hai? jo achhe phool va parvaane hain unki zaroor achhi khushbu aayegi। woh sadaiv khush rahenge auron ko bhi aap samaan phool va parvaane banaayenge। phool nahin to kali banaayenge। poore parvaane woh hain jo jeete ji marte hain। bali chadhte hain athva eeshvareey aulaad bante hain। koi saahookaar, kisi gareeb ke bachche ko god mein lete hain to bachchon ko us saahookaar ki god mein aane se phir vahi maa-baap yaad aate rehte hain aur gareeb ki yaad bhool jaayegi। jaante hain ki hamaare maa-baap gareeb hain parantu yaad saahookaar maa-baap ko karenge, jisse dhan milta hai। saadhu-sannyaasi aadi hain woh saadhna karte hain muktidhaam mein jaayen। sab mukti ke liye hi purushaartha karte hain parantu mukti ka arth nahin samajhte। koi kehte hain jyoti jyot samaayenge। koi samajhte hain paar nirvaandhaam jaate hain। nirvaandhaam mein jaane ko jyoti mein samaana ya mil jaana nahin kaha jaata। tum samajhte ho - ham door desh ke rahne vaale hain। is gandi duniya mein rahkar kya karenge। bachchon ko samjhaaya hai jab koi se milo to yeh samjhaana pade ki yeh bana banaaya drama hai। satayug treta... phir sangamayug। yeh bhi samjhaaya hai satayug ke baad treta ka sangam hota hai। woh yug phirta hai aur yeh kalpa phirta hai। baap yuge-yuge nahin aate hain। jaise manushya samajhte hain। baap kehte hain - jab, sab tamopradhaan ban jaate hain, kaliyug ka ant hota hai, us kalpa ke sangam par aata hoon। yug poora hota hai to kalaayen kam hoti hain। yeh to jab poora grahan lag jaata hai tab main aata hoon। main yuge-yuge nahin aata hoon। yeh baap baith parvaanon ko samjhaate hain। parvaanon mein bhi nambarvaar hain। koi to jal marte hain, koi pheri pahankar chale jaate hain। shreemat par tum hi chal sakte ho। agar kahaan bhi shreemat par na chale to maaya pichhaadti rahegi। shreemat ka bahut gaayan hai। shreemat bhagvat geeta kaha jaata hai। shaastra to baad mein baith jinhonne banaaye to us samay buddhi rajo hone kaaran samjha ki shreekrishna dvaapar mein aaya। main aata hi tab hoon jab aadi sanaatan devi-devta dharma praayahlop ho jaata hai। baaki sab dharma rehte hain। aise nahin ki woh devta dharma vaale manushya gum ho jaate hain parantu yeh bhool jaate hain ki ham devi-devta dharma ke the। apna hindu dharma kah dete hain, yeh bhi drama mein noondh hai। jab bhoolen tab to phir main aakar devi-devta dharma ki sthaapna karoon। yeh ek hi baap hai jo aakar duhkhadhaam se sukhdhaam ka maalik banaate hain। tum kahenge abhi ham narka ke maalik hain। duniya ko tamopradhaan to banna hi hai। sab patit hain tab to paavan ke aage jaakar namaste karte hain। ab baap kehte hain, shreemat par chalo। janma-janmaantar ka bojha sir par bahut hai। nahin to traahi-traahi karna padega। woh to samajhte hain, aatma nirlep hai parantu nahin, aatma hi sukh-duhkh dekhti hai। yeh koi samajhte nahin। baba baar-baar samjhaate hain - manzil bahut bhaari hai। is samay tum purushaartha karte ho jabki duhkhi ho। jaante ho, satayug mein ham bahut sukhi rahenge। vahaan yeh pata nahin rahega ki hamko phir duhkhadhaam mein jaana hai। ham sukh mein kaise aaye hain, kitne janma lenge, kuchh bhi nahin jaante। abhi tum jaante ho to oonch kaun thahre? tum eeshvar ki aulaad hone ke kaaran jaise eeshvar knowledgeful hai, aise tum bhi knowledgeful thahre। abhi tum eeshvareey aulaad ho parantu nambarvaar। koi to bade masta hain, samajhte hain ham baba ki mat par chalte rehte hain। jitna mat par chalenge utna shreshtha banenge। baap sammukh baith bachchon ko samjhaate hain। bachche deh-abhimaan chhod do, dehi-abhimaani bano, nirantar yaad karo। baap to sadaiv hai hi sukhdaata। aise nahin ki duhkh bhi baap hi dete hain। baap kabhi bachchon ko duhkh nahin denge। bachche apni ulti chalan se duhkh paate hain। baap duhkh nahin de sakte। kehte hain he bhagwan bachcha do to kul vriddhi ko paayega। bachche ko bahut pyaar karte hain। baaki duhkh apne karmo ka hi paate hain। ab baap tum bachchon ko bahut sukhi banaate hain। kehte hain shreemat par chalo। aasuri mat par chalne se tum duhkh paate ho। bachche, baap athva teacher athva badon ki aagya na maanne se duhkhi hote hain। duhkhadaai khud bante hain, maaya ke ban padte hain। eeshvar ki mat ab hi tumko milti hai। eeshvareey mat ki result 21 janma chalti hai phir aadhaakalpa maaya ki mat par chalte hain। eeshvar ek hi baar aakar mat dete hain। maaya to aadhaakalpa se mat deti hi rehti hai। baap, ek hi baar mat dete hain। maaya ki mat par chalte 100 percent durbhaagya-shaali ban padte hain।

jo achhe-achhe phool hain woh usi khushi mein sadaiv masta rahenge। nambarvaar hain na। parvaane koi to baap ke ban shreemat par chal padte hain। gareeb hi apna potaamel likhte hain। saahookaaron ko dar lagta hai ki yahaan hamaare paise le na leven। saahookaaron ke liye bada mushkil hai। baap kehte hain - main gareeb nivaaj hoon। daan bhi hamesha gareebon ko hi diya jaata hai। sudaama ki baat hai na - chaaval chapti le unko mahal de diye। tum ho gareeb। samjho koi ke paas 25-50 roopaye hain, unmein se 20-25 paise deta hai। saahookaar 50 hajaar de to bhi equal ho jaata hai isliye gareeb nivaaz naam gaaya hua hai। saahookaar log bhi kehte hain, hamko phursat nahin milti kyonki poora nishchay nahin hain। tum ho gareeb। gareebon ko dhan milne se khushi hoti hai। baba ne samjhaaya hai yahaan ke gareeb vahaan saahookaar ban jaate hain aur yahaan ke saahookaar vahaan gareeb ban jaate hain।

kai kehte hain, ham yagya ka khyaal rakhen va kutumba ka khyaal rakhen? baba kehte hain tum apne kutumba ki bahut achhi sambhaal karo। achha hai jo tum is samay gareeb ho। saahookaar hote to baap se poora varsa le nahin sakte। sannyaasi aise nahin kahenge। woh to paise lekar apni jaageer banaate hain। shivbaaba thode hi banaayenge। yeh makaan aadi sab tum bachchon ne apne liye banaaye hain। yeh kiski jaageer nahin, yeh to tempory hai kyonki ant samay bachchon ko yahaan aakar rehna hai। hamaara yaadgaar bhi yahaan hai। to pichhaadi mein yahaan aakar vishraam lenge। baap ke paas bhaagenge woh jo yogayukta honge। unhon ko madad bhi milegi। baap ki bahut madad milti hai। tumko yahaan baith vinaash dekhna hai। jaise shuru mein baba ne tum bachchon ko bahlaaya hai phir pichhaadi mein bahlaane shuru karenge। bahut pyaar karenge। jaise vaikuntha mein baithe hain, bahut najdeek hote jaayenge। yeh to samajhte hain ki ham yaatra par hain। thode samay ke baad vinaash hoga। tum bahut khush ho jaayenge। bas ham jaakar prince banenge। kisam-kisam ke phool hain। har ek bachche ko samajhna chaahiye - main kitni gyaan ki khushbu de raha hoon! kisko gyaan aur yog ki shiksha deta hoon! jo karte hain woh andar praphullit rehte hain। baba jaan jaate hain ki yeh kis avastha mein rehte hain। inki avastha kahaan tak gallop karegi! gallop unki karegi jo parvaana ban chuka hoga। baap samjhaate hain - maaya ke toofaan to bahut aayenge, unse apne ko bachaana hai। abhi yeh raajayog parampita paramatma aakar sikhlaate hain। paramatma aakar aatmaon ko samjhaate hain। aatma ko gyaan hai - main aatma apne is brother aatma ko samjhaati hoon। jaise paramatma baap ham aatma bachchon ko samjhaate hain। ham bhi aatma hain। baba hamko sikhlaate hain, ham phir in aatmaon ko samjhaata hoon parantu yeh aatma-pan ka nishchay na hone se apne ko manushya samajh, manushya ko hi samjhaate hain। main param aatma tum aatmaon se baat karta hoon। tum aatma ko sunaate ho। aise tum dehi-abhimaani hokar kisko sunaayenge to woh teer jhat lagega। agar khud hi dehi-abhimaani nahin rah sakte to dhaarna kara nahin sakte। yeh badi oonchi manzil hai। buddhi mein yeh rehna chaahiye ki ham in organs se sunte hain। baap kehte hain - ham aatmaon (bachchon) se baat karte hain। baba ka pharmaan hai ashareeri (nange) bano। deh-abhimaan chhodo, mere ko yaad karo - yeh buddhi mein aana chaahiye। ham aatma se baat karta hoon, shareer se nahin। bhal female hai, unki bhi aatma se baat karte hain।

tum bachche samajhte ho - ham baba ke to ban gaye parantu nahin, ismen badi sookshm buddhi chalti hai। main aatma hoon, main inki aatma ko samjhaata hoon। yeh hamaara bhaai hai, inko raasta bataana hai। aatma samajh rahi hai। aise samjho tab aatma ko teer lage। deh ko dekhkar sunaate ho to aatma sunti nahin hai। pahle yeh warning do ki main aatma se baat karta hoon। aatma ko na to mel, na female kahenge। aatma to nyaari hai। mel-female shareer se naam padta hai। jaise brahma-sarasvati ko mel-female kahenge। shiv-baba ko na mel, na female kahenge। to baap aatmaon ko samjhaate hain। badi manzil hai। point badi kadi hai। aatma ko injection lagaana hai, tab deh-abhimaan tootta hai। nahin to khushbu nahin aayegi, taakat nahin rahegi। baat bahut chhoti hai। ham aatma se baat kar rahe hain। baap kehte hain - tumko vaapis jaana hai isliye dehi-abhimaani bano। manamnaabhav। phir automatically madhyaaji bhav aa jaata hai। abhi badi sookshm buddhi milti hai। savere mein baith vichaar saagar manthan karna hai। din mein to service karni hai kyonki karmayogi hain। likha bhi hua hai neend ko jeetne vaale bano। raat ko jaagkar kamaai karo। din mein to maaya ka bada bakhera hai। amritvele vaayumandal achha hai। baba ko yeh to likhte nahin ki phalaane time par uthkar vichaar saagar manthan karte hain। badi mehnat hai। vishwa ke tum maalik bante ho। yahaan to had ke maalik ho। paani ki had par bhi kitna jhagda chalta rehta hai। dushmani lagi padi hai। aapas mein ek do ko brothers samajhte nahin। sirf aise hi kah dete hain ki ham sab ek hain। ek to ho na saken। anek aatmaayen hain, sabka apna-apna part hai। tum yahaan baithe ho। kalpa pahle bhi baithe honge। patta hila drama anusaar। aise nahin patte-patte ko paramatma hilaate hain। aisi-aisi baaten samajhkar phir samjhaao। har ek samajh sakte hain ki ham parvaana bane hain! ham baba ki mat par chalte rehte hain! phaaltu baaten to nahin karte hain! kahaan apna paisa paap ki taraph to nahin laga rahe hain? achha -

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) svayan ko aatma samajh aatma se baat karni hai। dehi-abhimaani bankar sunne-sunaane se dhaarna achhi hogi।

2) neend ko jeetne vaala banna hai, raat ko jaagkar kamaai karni hai। vichaar saagar manthan karna hai। kisi bhi phaaltu baaton mein apna samay nahin ganvaana hai।

vardaan:- tapasya dvaara apne vikarmo va tamogun ke sanskaaron ko bhasma karne vaale tapasveemoorta bhav

jaise abhi eeshvareey paalna ka kartavya chal raha hai aise last mein tapasya dvaara apne vikarmo aur har aatma ke tamoguni sanskaar va prakriti ke tamogun ko bhasma karne ka kartavya chalna hai। iske liye sada ekras sthiti ke aasan par sthit ho apne tapasvi roop ko pratyaksha karo। aapki har karmendriy se deh-abhimaan ka tyaag aur aatma-abhimaani banne ki tapasya pratyaksha roop mein dikhaai de।

slogan:- sanskaaron ki takkar se bachne ke liye baalak aur maalikpan ka balance rakho।

ye avyakt ishaare - sada harshit rahne ke liye apni nature ko saral banaao, sahansheel bano।

baap ko bholaanaath kehte hain lekin aisa bhola nahin hai jo saamna na kar sake। bholaanaath ke saath-saath almighty authority bhi hai। aap bhi apne shakti swaroop ko bhool sirf bhole nahin banna, nahin to maaya ka gola lag jaayega। aisa shakti swaroop bano jo maaya saamna karne ke pahle hi namaskaar kar le। bahut saavdhaan, khabardaar-hoshiyaar rehna।