शनिवार 11 जुलाई 2026 की दैनिक मुरली

11-07-2026 praatahmurli om shanti "baapdaada"' madhuban

“meethe bachche - tumhein apna chintan karna hai, doosre ka nahin kyonki drama anusaar jo karega woh paayega''

prashn:- trikaaldarshi banne se aatma ko kaun si smriti aai hai?

uttar:- aatma ko smriti aai - ham asul mool vatan ke nivaasi is drama mein part bajaane aaye hain, hamne mukhya actor ban 84 janmon ka part bajaaya। abhi baap ke sammukh hain phir saath mein ghar jaayenge। paavan bankar ghar jaana hai phir sukhdhaam mein aana hai। yeh saara khel bhaarat par hi bana hua hai। yeh saari smriti trikaaldarshi banne se aa gai।

geet:- marna teri gali mein…

om shanti। yeh geet kisne gaaya? bachchon ne। kya kehte hain bachche! baba abhi to aapke gale ka hi haar banna hai। yeh shareer to yahaan hi chhod dena hai। bachche jaante hain shantidham va nirvaandhaam mein baap aur ham bachche aatmaayen rehte hain। ab baap ghadi-ghadi kehte hain apne ko aatma nishchay karo। tum jaante ho ham aatmaayen baap ke saath nirvaandhaam mein rahne vaale the, phir yeh shareer dhaaran kar 84 janmon ka chakra lagaaya hai। bachche jaante hain ham barobar paramdham ke nivaasi hain। ab phir baba aaye hain। tum baithe ho, dekhte ho baba saamne baithe hain। yahaan hain laukik shareer ke sambandh। ham asul aatmaayen thi phir laukik sambandh mein sukh ka aur duhkh ka jeevan bitaaya। abhi tum aatmaayen trikaaldarshi bani ho। baap bhi teenon kaalon, teenon lokon ko jaanne vaala hai। tum bhi jaante ho nambarvaar purushaartha anusaar। padhaai ki yaad to rahni chaahiye na। abhi smriti aai hai। baba ne samjhaaya hai - tum mool vatan mein rahne vaale ho abhi tum baapdaada dvaara trikaaldarshi bane ho। tum jaante ho - is drama ke ham mukhya actors hain। saare drama ka knowledge tumhaari buddhi mein ab hai। smriti aai hai - ham aadhaakalpa sukhdhaam mein rehte hain। vahaan raavan hota nahin। ham aatmaayen poore 84 janmon ka chakra lagaati hain। abhi baap sammukh baithe hain। aapki shreemat par chal ham aapke saath chalenge। jitna ho sake aapko yaad karenge। tum bachchon ko saara din yahi khyaal mein rehna chaahiye, jabki trikaaldarshi bane ho। oonch te oonch hai bhagwan। unke saath tum bachche bhi oonch te oonch rahne vaale ho। abhi tum bachchon ko ghar ki yaad aai hai। ham pavitra ban apne paramdham ghar jaayenge। baap shiv ki pooja hoti hai to saaligraamon ki bhi pooja hoti hai। baap hi aakar aatmaon ko paavan banaate hain। aatmaon ko pavitra banaane vaala ek hi baap hai aur koi bana na sake।

abhi tum saare drama ke khel ko jaan chuke ho। samajhte ho bhaarat par hi khel bana hua hai। to ab tum bachchon ko baap sammukh baith samjhaate hain। har ek jeev ki aatma jaanti hai baba gyaan ka saagar hai। usko bhaktimaarga mein bulaate aaye hain aur pratigya karte aaye hain। baba aap aayenge to zaroor ham aapki mat par chalenge। yeh koi laukik sambandh ki baat nahin। tumko dehi-abhimaani ban yeh khyaal rakhna hai ki hamko ek behad ke baap ki shreemat par chalna hai। unka hi maanna hai। woh to bahut sahaj samjhaate hain। tumhaara ab teesra netra gyaan ka khul gaya hai। yeh gyaan tumko yahaan hai। mool vatan mein baap aur bachche rehte hain। vahaan yeh kisko pata nahin rehta। abhi tum bachchon ko baap apna ant dete hain। vahi gyaan ka saagar hai aur koi satsangon mein aise nahin kahenge ki baba ham aatmaon ko padhaate hain। yeh tum jaante ho। ghadi-ghadi tumko kehna padta hai, dehi-abhimaani bano। aatma is drama mein actor hai, part bajaati hai। ham aatma ne chola liya hai। woh actors kapde badalte hain। tum aatmaayen niraakaari duniya se yahaan aakar yeh shareer roopi chola leti ho। woh sirf apne kapde badalte hain। ham aatmaon ko baba phir se aakar raajayog sikhla rahe hain।

ab tum bachche samajhte ho - baba aaya hua hai to zaroor ham baba ke madadgaar banenge। pavitra ban aur saare bhaarat ko pavitra banaayenge। hamko shreemat par hi chalna hai। shreemat kehti hai - baap ko yaad karna hai। jo karenge woh paayenge। sab to nahin aakar purushaartha karenge। jinhonne kalpa pahle purushaartha kiya hai, vahi karenge। abhi vaapis jaana hai isliye purushaartha kar pavitra zaroor banna hai। ham oopar mool vatan mein rahne vaale hain। pahle-pahle ham svarga mein aaye the phir seedhi neeche utarte aaye। baap samjhaate bhi bhaaratvaasiyon ko hain। bhaarat mein hi aate hain। yaad bhi bhaarat mein karte hain ki aakar humein paavan banaao। shareer dhaaran kar hamko shreshtha karma sikhlaao। shareer ka naam bhi gaaya hua hai। yeh bhaagyashaali rath hai। baap bhi kehte hain main saadhaaran tan mein pravesh karta hoon। aage bhi kaha tha - tum bachchon ko smriti aai hai barobar 5 hajaar varsha pahle bhi baba ne yahi kaha tha aur koi bhi yeh baat bata nahin sakte hain। baap hi kehte hain 5 hajaar varsha pahle bhi mainne is shareer mein aakar tumko samjhaaya tha। ab phir tum bachchon ko kehta hoon - aatma-abhimaani bano। jaise naatak vaalon ko maaloom rehta hai na - ham kaun sa vastra pahankar, kya-kya part bajaate hain। parantu woh to hain deh-abhimaani। yeh hai behad ki baat। dehi-abhimaani banna hai। ham asul aatma hi hain। abhi hamaara part poora hota hai। baap sammukh baith sab kuchh tumko samjhaate hai, yeh bhool nahin jaana hai। maaya kitne vighna daalti hai। baap samjhaate hain - bachche tumko koi bhi vikarma nahin karna hai। mansa toofaan bhal bahut aayenge। apni pareeksha leni hai। hamaari karmendriyaan chalaaymaan to nahin hoti hain? ham kaam ko jeet sakte hain? tumhaare liye to bahut sahaj hai। ham aatma hain, ek baap ke bachche hain। baap se hi yog lagaana hai। karmendriyon mein chalaaymaani hona yeh bhi deh-abhimaan hua na।

tumko koi se bhi darna nahin hai। nirbhay banna hai। kabhi bhi kahaan jaao to saakshi ho dekhna hai। ham to aatma hain। is khel ko tum poora jaan gaye ho। oonch te oonch baap hai, yeh buddhi mein aaya hai, unko bindi kaha jaata hai। niraakaari duniya mein aatmaon ka jhaad hai। beej se jhaad nikalta hai phir nambarvaar patte aate hain, yeh bhi aise hai। oopar se nambarvaar aatmaayen aati hain। aatma pravesh kaise karti hai, nikalti kaise hai, yeh koi dekh na sake। ab baap samjhaate hain tumhaari aatma patit ho gai hai, unko paavan banaao। in dvaara baap baith samjhaate hain। baat to karmendriyon se karte hain na। aatma bindi ismen nahin hoti to karmendriyaan kuchh kar nahin sakti। itni chhoti bindi kitni powerful hai, unmein saari knowledge hai। baap gyaan ka saagar hai jo tumko baith samjhaate hain। unmein saara gyaan hai। yeh bhi unka part noondha hua hai। tumhaari aatma mein bhi 84 janmon ka part hai। tum duhkh-sukh ka part bajaate ho। duhkh mein bahut takleeph lete ho। baap kehte hain - main to punarjanma mein aata nahin hoon, tum 84 janma lete ho। main to nahin leta hoon। main aakar tum bachchon ko sahaj yukti bataata hoon ki mujhe yaad karo to paavan banenge। aadhaakalpa tum kaam chita par baith tamopradhaan bane ho। aatmaon se hi baap baat karte hain। aatma ke organs pahle chhote hote phir bade hote hain। aatma to chhoti badi hoti nahin। aatma hi kehti hai he patit-paavan aao। aatma baap ko pukaarti hai। baap kehte hain - main kalpa-kalpa aata hoon, tum patiton ko paavan banaane। abhi tum jaante ho aatma kaise aati jaati hai। manushya bahut maatha maarte hain। dekhen aatma kaise nikalti hai, parantu kisko pata nahin padta kyonki yeh hai ati sookshm। chhoti si aatma mein kitna part hai। jaise beej mein saara gyaan hai, woh to beej hai jad। bad ka jhaad hota hai uska beej kitna chhota, unse jhaad kitna bada lamba nikalta hai। kalkatte vaala bad ka jhaad kaeeyon ne dekha hoga। bahut bada jhaad hai। ab unka foundation saara sad gaya hai। baaki jhaad khada hai। yeh bhi aise hai। devta dharma ka foundation hai nahin। jhaad ki bhi ab jadajdeebhoot avastha hai। yeh bhi tum jaante ho tab to government ko bhi kehte ho ki ham itne samay mein duniya ko paavan banaakar dikhaayenge। manushya in baaton ko samajhte nahin। tumko to nishchay hai ki ham is bhaarat ko shreshthaachaari zaroor banaayenge, tab to bhrashtaachaari duniya ka vinaash hoga। yeh jo chaahte hain shanti ho jaae। aatma part bajaate-bajaate thak gai hai isliye pukaarti hai - he shanti deva। yeh thode hi samajhte hain aatma shant swaroop hai। parantu yahaan aatma ko karmendriyon dvaara karma to zaroor karna hi hai। shanti do kehte hain। yeh kisko pata nahin hai ki shantidham alag hai, sukhdhaam alag hai। sukhdhaam mein bahut thode manushya hote hain। woh hai hi pavitra duniya। vahaan shanti to koi maangate nahin। karma to vahaan bhi karte hain, parantu vahaan ashaanti nahin hoti। jeevanmukti dhaam athva shantidham donon alag hain। satayug mein jeev aatmaon ko sukh bhi hai to shanti bhi hai। ever healthy wealthy rehte hain।

abhi tum jaante ho svarga kisko kehte hain। duniya mein yeh bhi kisko pata nahin hai ki svarga kya hai। yeh (lakshmi-naaraayan) bachche hain na। in bachchon ko bhi sukh kisne diya? koi to sukh dene vaala hai na। kya inhon ka phir raajya aane vaala hai? svarga zaroor phir repeat hoga। svarga mein jab honge to vahaan aise nahin kahenge ki narka phir se repeat karenge। abhi kehte ho pavitrata sukh-shanti ki nai duniya phir se repeat hogi। yeh to puraani duniya duhkhadhaam hai, inko iron ej kaha jaata hai। nai duniya bhi to thi na! unko svarga kehte hain। yeh gyaan tumhaari buddhi mein thahra hua hai। barobar ham phir se devi-devta ban rahe hain। tumhaari em object hi yeh hai। ham phir se svarga ki baadshaahi lete hain। behad ke baap se varsa zaroor paayenge। yeh achhi reeti yaad karna hai। ham aatmaayen vahaan rehti hain, phir ham yahaan aaye hain part bajaane। ab smriti mili hai - 84 janma kaise lete hain। baap samjhaate bhi tum brahma mukh vanshaavli braahmanon ko hain। brahman banne bigar, prajaapita brahma ka bachcha banne bigar shivbaaba se varsa kaise lenge। prajaapita brahma to mashhoor hai na। brahma dvaara nai duniya ki sthaapna karte hain। to nai duniya ka raajya bhi zaroor unhon ko mila hoga। 5 hajaar varsha pahle bhi brahma dvaara vishnupuri ki sthaapna ki thi। ab phir repeat hoga। uske liye tum taiyaari kar rahe ho। kai bachche poochhte hain - drama ko bada maane va purushaartha ko bada maanen? samjhaaya jaata hai purushaartha to zaroor karna hi hai। purushaartha bigar praalabdha kaise milegi। poora purushaartha karna hai। koi achhi reeti purushaartha karte hain to samjhaaya jaata hai drama anusaar inka purushaartha achha chalta hai। pad bhi achha paayenge। unka purushaartha bahut teevra chalta hai। phir chalte-chalte koi ka kam pad bhi ho jaata hai। braahmaniyaan jaanti hain, braahmaniyon ke paas aane vaale bhi jaante hain। phalaana bahut achha chalta tha। aajkal aate nahin hain। kehte hain hamaari buddhi mein pata nahin kyon nahin baithta hai, baba ko ham yaad hi nahin kar sakte hain। bas ham nahin chal sakenge। badi manzil hai। aise-aise likh dete hain। mool baat hai hi nirvikaari banna। vikaaron ko chhodna bada mushkil hai, tum jaante ho drama anusaar kalpa pahle misal inki aisi avastha chali aa rahi hai। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) is behad ke khel ko saakshi ho dekhna hai। koi se bhi darna nahin hai। nirbhay banne ke liye “main aatma hoon'' yeh paath pakka karna hai।

2) apni jaanch karke svayan ki pareeksha leni hai ki koi bhi karmendriy chalaaymaan to nahin hoti hai? kaam vikaar par vijay paai hai? dehi-abhimaani kahaan tak bane hain?

vardaan:- ek baap ki smriti se sachche suhaag ka anubhav karne vaale bhaagyavaan aatma bhav

jo kisi bhi aatma ke bol sunte hue nahin sunte, kisi anya aatma ki smriti sankalp va svapna mein bhi nahin laate arthaat kisi bhi dehdhaari ke jhukaav mein nahin aate, ek baap doosra na koi is smriti mein rehte hain unhein avinaashi suhaag ka tilak lag jaata hai। aise sachche suhaag vaale hi bhaagyavaan hain।

slogan:- apni shreshtha sthiti banaani hai to antarmukhi ban phir baahyamukhta mein aao।

ye avyakt ishaare - jvaalaasvaroop sthiti mein rah shaktishaali yaad ka anubhav karo

jaise agni mein koi bhi cheez daalo to naam, roop, gun sab badal jaata hai, aise jab baap ke yaad ke lagan ki agni mein padte ho to parivartan ho jaate ho। manushya se brahman ban jaate, phir brahman se pharishta so devta ban jaate। lagna ki agni se aisa parivartan hota hai jo apnaapan kuchh bhi nahin rehta, isliye yaad ko hi jvaala roop kaha hai।