रविवार 19 जुलाई 2026 की दैनिक मुरली

19-07-26 praatahmurli om shanti ''avyakt-baapdaada'' revise 18-01-11 madhuban

brahma baap samaan jeevan mein rehte jeevanmukta sthiti ki maja lo, sneh ki saugaat manjeet jagatjeet bankar do

aaj ka din vishesh brahma baap ke avyakt hone ka smriti ka din hai। sabhi bachchon ke naynon mein brahma baap ka sneh samaaya hua hai। aaj chaar baje se bhi pahle bachchon ka sneh vatan mein pahunch gaya। brahma baap se milan manaane aur sneh ki, apne dil ke sneh ki nishaaniyaan, maalaayen brahma baap ke paas pahunch gai। har ek maala ki khushbu mein bachchon ka sneh samaaya hua tha। har ek bachche ke nayan aur muskaraahat, dil ki baaten bol rahi thi। brahma baap bhi har ek ko sneh ka return de rahe the। baap dekh rahe hain ki abhi bhi har bachcha naynon ki bhaasha mein apne dil ka sneh de rahe hain kyonki yeh parmaatma sneh har bachche ko sahaj baap ka banaane vaala hai। yeh alaukik sneh “mera baba'' ke anubhav se apna banaane vaala hai। yeh sneh baap ke khajaanon ka maalik banaane vaala hai kyonki bachchon ne kaha mera baba, to mera baba kehna aur sarva khajaanon ke maalik banna। yeh sneh deh ka bhaan second mein bhulaakar dehi abhimaani bana deta hai। sivaae baap ke aur kuchh bhi aatma ko aakarshit nahin karta। is din ka bahut bada mahatva hai। sirf smriti divas nahin lekin samarthi divas hai kyonki is din baap ne bachchon ko vishwa seva ke liye svayan karaavanhaar ban bachchon ko karanhaar banaane ka tilak diya। san shows father ka karan-haar nimitta banaaya। seva mein saphalta ka saadhan svayan karaavanhaar bana aur bachchon ko karanhaar banaaya kyonki seva mein saphalta ka saadhan main karanhaar hoon, karaavanhaar kara raha hai, yeh smriti va yeh sthiti bahut aavashyak hai kyonki 63 janma ki smriti main pan, deh abhimaan mein le aati hai। karaavanhaar kara raha hai, main nimitta karanhaar hoon, is smriti se hi apne ko nimitta samajhne se deh abhimaan samaapta ho jaata hai। to bachchon ko iseelie karanhaar banaaya, svayan karaavanhaar banen। karanhaar banne se svatah hi nimitta hain, nirmaan ban jaate hain। abhi bhi baapdaada ne dekha ki bachche nimitta ban seva karte hain, to nimitta ban seva karne vaale jo sevaadhaari hain unhon ke mastak mein seva ka phal sitaara chamak raha hai। majority bachchon ki seva ko dekh baapdaada khush hai isliye aise bachchon ko vishesh brahma baap vaah bachche vaah! kahke mubaarak de rahe hain।

brahma baap vishesh khush bhi ho rahe hain aur aage bhi seva ko nimitta ban aage badhaane ke liye mubaarak de rahe hain। abhi bhi brahma baap bachchon ko aap samaan pharishta sthiti mein rahne ke liye ishaare de rahe hain। baapdaada ne dekha hai ki bachchon ka attention hai ki sada jaise brahma baap jeevan mein rehte jeevanmukta the, itni jimmevaari hote bhi itne bade parivaar ko sambhaalna, sabhi ko yogi jeevan vaala banaana, itni seva ki jimmevaari sambhaalna, seva mein sada aage badhaana, sab kuchh jimmevaari hote bhi jeevanmukta ke maje mein raha, isliye bhakti maarga mein brahma ka aasan kamal aasan dikhaate hain। jeevanmukta ban abhi jeevanmukta ka maja liya aur aap sabhi bachchon ko bhi aisa hi banaaya। abhi bhi aap bachchon ko pharishta banne ki bhinna-bhinna yuktiyaan bataae aap samaan banaane chaahte hain।

baapdaada ne dekha ki lakshya har bachche ka achha hai, koi se bhi poochhte hain aapka lakshya kya hai to kya kehte ho? yaad hai kya kehte ho? baap samaan banna hi hai। to baap samaan kya banenge? isi jeevan mein jeevanmukta jeevan ka sample banenge। baapdaada ne dekha hai jo homework dete hain, usmein attention to dete hain, anubhav bhi karte hain, lekin sada nahin karte hain। abhi bhi jo kaam diya tha, uski report kai bachchon ne purushaartha kar ek-ek maas attention diya hai। kai zone ki report ek maas ki result mein achhi bhi aai hai। jinhonne report bheji hai, jis zone vaalon ne bheji hai, usko baapdaada vaah bachche vaah! kah karke mubaarak de rahe hain lekin baapdaada abhi kya chaahta hai? abhi baapdaada har bachche se yahi chaahta hai ki abhi kabhi-kabhi theek rehte hain, lekin baap sada chaahta hai। yogi bhi achhe bane hain lekin sada yogi banaane chaahte hain। aajkal baapdaada ne bachchon ko kaam bhi diya tha, sada rahne ke liye har ghante apne oopar koi na koi yukti rakho, jo kabhi-kabhi ko badal sada shabd aa jaae। abhi baapdaada yahi chaahte hain jaise kahaavat hai man jeete jagatjeet, man ko jo sankalp do vahi kare। kyon? jaise aur karmendriyaan jab chaaho jaise chaaho vaise karti hain na! aise hi man ko bhi jo order karo vahi kare। abhyaas karte ho lekin kabhi-kabhi nahin bhi karte hain। baapdaada abhi yahi chaahte hain ki man ko shaktiyon ki lagaam se jaise chalaane chaaho vaise chalaao। jo gaayan hai, man jeete jagatjeet, woh kiska gaayan hai? aap bachchon ka hi to gaayan hai। har kalpa kiya hai tabhi gaayan hai kyonki jaise aur karmendriyon ko meri kehte ho vaise hi man ko bhi mera kehte ho। mera kehna arthaat maalik bano। man mein jo sankalp karne chaaho, jitna samay woh sankalp karne chaaho woh bandha hua hai kyonki mera hai। to baap-daada is sneh ke din yahi homework dene chaahte hain ki jo sankalp karne chaaho vahi chale, agar aap shuddh sankalp karne chaahte ho to woh shuddh sankalp vyartha sankalp ko khatma kar de। chaahte ho yog lagaana aur sanskaar ke kaaran vyartha sankalp chalen, ya yog ki siddhi nahin mile, yeh control hona chaahiye। agar ek ghanta yog lagaane chaahte ho to man disturb nahin kare। aatma maalik hai, man maalik nahin hai, man to aatma ka saathi hai। to saathi ko pyaar se order karo, manjeet bano kyonki baap-daada ke paas bahut bachchon ka samaachaar aata hai - vyartha sankalp samay prati samay aate hain। nahin chaahte hain to bhi aate hain। to kya yeh maalik kahenge! to brahma baap se sneh hai na, to baap aaj sneh mein apne dil ki chaahna suna rahe hain ki abhi man-jeet jagatjeet banna hi hai। to brahma baap ko yeh sneh ki saugaat denge na! sneh mein kya diya jaata hai? gift di jaati hai na! to aaj brahma baap bachchon se yeh saugaat dene ke liye kah rahe hain। taiyaar hain? taiyaar hain? haath uthaao। to abhi jab bhi order kare to aaj ke din se vyartha sankalp aane nahin dena, kar sakte ho? aaj do ghanta, chaar ghanta yog ki stage mein karma bhi karo, yog bhi lagaao, kar sakte ho? kar sakte ho, karenge? chalo abhi beeti so beeti lekin ab order karen ki aaj ke din vyartha sankalp ko fullstop, to karna padega na।

aaj yog mein yahi lakshya rakho usi pramaan saare din ka purushaartha karna padega na! baap se sneh mein jo baap kahe woh karna hai। sankalp vyartha banda, iski yukti hai brahma baap ke sneh ko dil se yaad karo। chaahe saakaar mein dekha, chaahe nahin dekha lekin buddhibal dvaara to sabhi ne dekha hai na! dekha hai ya nahin dekha hai? jo kehte hain mainne baba ka pyaar dekha, mainne brahma baap ki paalna dekhi to kya usi se chal raha hoon… woh haath uthaao। achha। haath uthaake to khush kar diya। baapdaada ko khushi hai, himmat to rakhi hai na। lekin jab bhi koi taakat kam ho jaae na to sada baap ke sambandh, kitne sambandh hain kabhi baap, kabhi bachcha bhi ban jaata hai। kabhi baap to kabhi sakha bhi ban jaate hain isliye ya sambandh yaad karo ya praaptiyaan yaad karo, praaptiyaan aur sambandh। jaise aaj dil se yaad kar rahe ho na! aise yaad karne se pyaar paida ho jaayega। aaj bhi sabke dil mein brahma baap ka pyaar aa raha hai na! to jab kuchh neeche oopar ho to sambandh aur praaptiyaan yaad karna। baap har bachche ke saath sahayogi hai, sirf aap yaad karna। to samjha aaj kya karna hai? manjeet jagatjeet jo gaayan hai, woh swaroop dhaaran karna hai। order se chalaao। abhi thoda free chhod diya hai na to woh apna kaam karta hai। abhi attention do। man mere order mein chale na ki aap man ke order mein chalo। chaahte ho gyaan ki baaton ka raman karen aur aa jaati hain phaaltu baaten। to kya hua? man maalik bana ya aap maalik banen? to sabhi ne yeh homework samjha! man jeet banna hai। jo order karen, woh maanega zaroor maanega, attention dena padega bas। maataayen ya teachers, ho sakta hai? ho sakta hai? teachers haath uthaao। teachers haath utha rahe hain। agar samajhte hain ho sakta hai to haath hilaao। pahli line to hilaao। bhaai haath hilaao। vaah! phir to brahma baap ko sneh ki saugaat di, iski mubaarak ho, mubaarak ho।

achha hai, baapdaada se sneh bahut sahayog deta hai। mera baba kaha dil se, to mera baba kaha to main kaun? baap ka sikeeldha bachcha। sabhi kitne baari kehte ho mera baba, mera baba, kitne baar kehte ho? baap sunta hai na, sab note karta hai। double foreigners bhi sun rahe hain na। baapdaada ne dekha ki full season mein double foreigners ne haajiri bhari hai। madhuban mein har time haajir rahe hain। abhi bhi 350 hain। apne tarna mein bhi aate hain lekin har tarna mein bhi thode-thode kahaan na kahaan se aate hain। to abhi yeh result baapdaada bhi dekhte rahenge aur aap sab bhi saakshi hokar apne aapki result dekhte rehna। yahi yaad rakhna ki baapdaada ko maalik banne ka vaayda kiya hai। baapdaada abhi bachchon ko kam se kam ek ek zone ko to yeh kaarya de sakte hain ki yeh zone is saptaah ya 15 din result de ki vyartha sankalp nahin lekin jo vishay man ko diya woh kiya ya nahin kiya? yeh manjoor hai teachers? manjoor hai? zone ko kaarya deven? haath uthaao teachers।

mahaaraashtra hai na। to mahaaraashtra ko to mahaan kaam denge na। baapdaada ko har ek zone ke liye pyaar hai aur sada yeh nishchay rakhte hain ki yeh bachche, baap ne kaha aur bachchon ne kiya। aisa hai? mahaaraashtra, jo baap ne kaha woh kiya, aisa hai? mahaaraashtra vaale haath uthaao। bahut hain। pauna class hai। to har ek zone baap ke aagyaakaari hain, kaandh hila rahe hain sabhi। baap ko bhi nishchay hai ki yeh mere bachche hain hi nishchaybuddhi।

baapdaada yahi chaahte hain ki jo roz ke mahaavaakya sunte ho woh homework hai। agar roz ki murli jo baap ne kaha aur bachchon ne kiya to usko kaha jaata hai baap ke sikeeldhe bachche, aagyaakaari bachche। kya karna hai, woh roz ki murli padh lo kyonki baapdaada ne dekha hai majority bachche murli se pyaar rakhte hain। agar koi nahin bhi rakhta ho, to baapdaada ko koi bachcha kahe baba aapse mera bahut pyaar hai, lekin baap ka pyaar kisse hai? murli se। murli ke liye kitna door se aate hain। koi teacher aisa hoga jo itna door se padhaai padhaane aaye। to jab baap ka pyaar murli se hai, to jo mera baba kehta hai, uska pahla pyaar baap ke saath baap ki murli se hona chaahiye। dekho, brahma baap ne ek din bhi murli miss nahin ki। chaahe baambe bhi jaate rahe, kaarne akaarne, to murli likhte the aur maateshvari woh murli sunaati thi। last de tabiyat thodi dheeli thi, savere ka class nahin karaaya lekin shaam ko class karaane ke baad avyakt hue। to brahma baap ka pyaar kisse hua? murli se। jo koi samajhte hain ki mera baba se pyaar hai to baap ka jisse pyaar raha, bachche ka rehna chaahiye na! to murli roz class mein padhna va sunna। agar majboori hai, bahaana nahin hai, sahi kaaran hai to kisi se suno। jo samajhte hain ki murli ka itna mahatva rakhoonga woh haath uthaao। achha, yahaan to sab dikhaai de raha hai, baap aap peechhe vaalon ko bhi dekh raha hai। achha, bahut achha। baap beech-beech mein paper lega ki aaj kisne murli nahin suni, woh teacher likhke bheje। pasanda to hai na। achha। aaj brahma baap har bachche se milkar, bahut-bahut sneh se har bachche ko naynon dvaara sneh de rahe hain। achha।

double videshi bhaai bahinon se:- videsh vaalon ko seva ka umang-utsaah achha hai। baapdaada sabhi bachchon ko yahi kehta hai ki seva khoob karo kyonki samay kabhi bhi badal sakta hai। jo seva karna chaahoge lekin kar nahin paaoge, aisa samay bhi aane vaala hai isliye jo karna hai woh ab karo। kab nahin, ab। baapdaada hamesha kehte hain ki kal par nahin chhodo। aaj par bhi nahin, ab kyonki samay paanchon tatva baap ke paas aate hain, hamko bataao kab tak duhkh chalega! khud duhkhi ho rahe hain to kya karenge? manushyaatmaaon ko bhi duhkhi karenge na isliye jo bhi aaye hain usko sankalp karna hai ki jaise brahman jeevan aavashyak hai vaise abhi ke samay anusaar har ek ko seva bhi zaroori hai। karo ya karaao। baaki jo baapdaada ne homework diya, manjeet jagatjeet banna hi hai। aapka hi gaayan hai, usko repeat karna hai। achha।

chaaron or se bachchon dvaara sandesh aaye hain। chaaron or ke aaye hue pyaar ke meethe-meethe bhaav ya bhinna-bhinna shabdon ki yaad, chaaron or se bhinna-bhinna patra aaye hain, sabhi ko baapdaada respond kar rahe hain har bachcha sneh mein baap ke dil mein samaaya hua hai aur yeh avinaashi sneh sada baap ka aur bachchon ka anaadi avinaashi hai aur saara sangamayug yeh baap bachchon ka milan nishchit hi hai। achha।

abhi jo bachche sammukh hai ya door baithe bhi dekh rahe hain, baapdaada ne suna ki abhi to chaaron or yeh koshish ki hai ki har ek desh mein centre par bhi jaake dekhte hain, sunte hain, chaahe raat ka kitna bhi bajta hai to bhi dekhte hain, yeh bhi science ke saadhan aapke liye hi nikle hain aur aapko hi laabh ho raha hai। agar science dvaara vinaash hoga to bhi aapke raajya ke liye kar rahe hain। to chaaron or ke snehi bachchon ko vishesh brahma baap ka yaadapyaar, dil ka dulaar, dil ka pyaar sveekaar ho।

vardaan:- sachchaai-saphaai ki dhaarna dvaara sameepta ka anubhav karne vaale sampoornamoorta bhav

sabhi dhaarnaaon mein mukhya dhaarna hai sachchaai aur saphaai। ek do ke prati dil mein bilkul saphaai ho। jaise saaph cheez mein sab kuchh spashta dikhaai deta hai। vaise ek do ki bhaavna, bhaav-svabhaav spashta dikhaai de। jahaan sachchaai-saphaai hai vahaan sameepta hai। jaise baapdaada ke sameep ho aise aapas mein bhi dil ki sameepta ho। svabhaav ki bhinnata samaapta ho jaae। iske liye man ke bhaav aur svabhaav ko milaana hai। jab svabhaav mein farka dikhaai na de tab kahenge sampoornamoorta।

slogan:- bigde hue ko sudhaarna - yeh sabse badi seva hai।

ye avyakt ishaare - jvaalaasvaroop sthiti mein rah shaktishaali yaad ka anubhav karo

yog ko jvaala roop banaane ke liye second mein bindi swaroop ban man-buddhi ko ekaagra karne ka abhyaas baar-baar karo। stop kaha aur second mein vyartha deh-bhaan se man-buddhi ekaagra ho jaae। aisi controlling power saare din mein use karo। powerful brake dvaara man-buddhi ko control karo, jahaan man-buddhi ko lagaana chaaho vahaan second mein lag jaae।

vishesh soochna - maas ke teesre ravivaar ka yog abhyaas

aaj maas ka teesra ravivaar hai, sabhi bhaai bahinen sangathit roop mein ekatrit hokar saayan 6.30 se 7.30 baje tak apne pharishte swaroop dvaara bhatakti hui duhkhi ashaanta aatmaon ko sukh shanti ki pavitra kirnen dekar unhein sahaare daata paramatma baap ki smriti dilaane ki seva karen।