सोमवार 27 जुलाई 2026 की दैनिक मुरली

27-07-2026 praatahmurli om shanti "baapdaada"' madhuban

“meethe bachche - saari duniya mein tumhaare jaisa khushanseeb koi nahin, tum ho raajarishi, tum raajaai ke liye raajayog seekh rahe ho''

prashn:- niraakaar baap mein kaun se sanskaar hain jo sangam par tum bachche bhi dhaaran karte ho?

uttar:- niraakaar baap mein gyaan ke sanskaar hain, woh tumhein gyaan sunaakar patit se paavan bana dete hain isliye unhein gyaan ka saagar, patit-paavan kaha jaata hai। tum bachche bhi abhi vo sanskaar dhaaran karte ho। tum nashe se kehte ho humein bhagwan padhaate hain। ham unse sunkar sunaate hain।

geet:- aakhir woh din aaya aaj…

om shanti। meethe-meethe roohaani bachchon ne yeh geet suna। yeh mahima kiski hai? ek baap ki। shivaae namah, oonch te oonch bhagwan hai na। bachche jaante hain woh hamaara baap hai। aise nahin ki ham sabhi baap hain। gaaya bhi jaata hai saari duniya brother hood hai। sannyaasi athva vidvaanon ke kahne anusaar eeshvar sarvavyaapi kahne se jaise ki fatherhood ho jaata hai। brother hone se baap to siddha hota hai, jisse varsa milna hai। fatherhood hai to phir varse ki baat hi nahin hai। bachche jaante hain ham sabhi aatmaon ka baap ek hai, unko kaha hi jaata hai - world god father। world mein kaun hai? sabhi brothers hain, aatmaayen hain। sabka god father ek hi hai। us baap ki sabhi praarthana karte hain। ek ki hi bandagi va pooja honi chaahiye। woh hai satopradhaan pooja। yeh bhi samjhaaya hai - gyaan, bhakti aur vairaagya। baap gyaan dete hain sadgati ke liye। sadgati kaha jaata hai jeevan-mukti dhaam ko। yeh aatma ko buddhi mein dhaaran karna hai। hamaara ghar shantidham hai। usko muktidhaam, nirvaandhaam bhi kaha jaata hai। sabse achha naam hai - shantidham। yahaan to organs hone ke kaaran aatma talkie mein rehti hai, bolna padta hai। sookshm vatan mein hai movie। ishaare mein baat hoti hai, aavaaj nahin hoti। teenon lokon ko bhi tum jaan gaye ho। mool vatan, sookshm vatan, sthoolavtan, buddhi mein yeh achhi reeti baitha hai। manushya srishti ke liye hi gaaya jaata hai ki yeh srishti chakra lagaati hai। usko kaha jaata hai world ki history-geography। manushya hi to usko jaanenge na। world ki history-geography sunaate hain। oonch te oonch baap hai। world ki history-geography kaise repeat hoti hai, vahi jaante hain। is chakra ko jaanne se hi tum chakravarti raaja bane ho। gaate bhi hain devtaayen sampoorn nirvikaari hain। lakshmi-naaraayan ke chitra hain na। woh sampoorn nirvikaari aur apne ko kehte hain sampoorn vikaari। satayug mein hain sampoorn nirvikaari athva sampoorn paavan। kaliyug mein hain sampoorn vikaari, sampoorn patit। bhaarat ki hi baat hai। yeh baap hi aakar buddhi mein bithaate hain aur koi nahin jaante hain। unhonne to satayug ko lamba samay de diya hai। samajhte hain laakhon varsha pahle satayug tha। to kisi ki buddhi mein yeh baat aati hi nahin hai।

ab bachche jaante hain - ham abhi sampoorn vikaari se sampoorn nirvikaari ban rahe hain। sampoorn patit se sampoorn paavan banna hai। baap samjhaate hain aatma mein hi khaad padi hui hai, golden ej se ab iron ej ban gai hai। yeh aatma ki bhent ki jaati hai। yeh achhi reeti samajhna hai। tum bachche bahut khushanseeb ho, tumhaare jaisa khushanseeb koi aur nahin। abhi tum raajayog mein baithe ho, tum raajarishi ho। raajaai ke liye kabhi koi padhaai hoti hai kya? barrister banaayenge parantu vishwa ka mahaaraaja kaun banaayega? baap ke sivaae koi bana na sake। yahaan mahaaraaja to koi hai nahin। satayug ke liye to zaroor chaahiye। kisko zaroor aana pade। baap kehte hain main aata hoon tab, jab bhakti poori honi hoti hai। ab bhakti poori hui aur koi baat ismen utha hi nahin sakte। hamko baap baith padhaate hain - yeh nasha hona chaahiye। ham aatmaon ko niraakaar baap parampita paramatma shiv padhaate hain। shiv ko to koi jaante hi nahin। ab tum bachche jaante ho baba phir se svarga ki raajaai sthaapan kar rahe hain। ham unko mahaaraajan shri naaraayan aur mahaaraani shri lakshmi kehte hain। bhakti maarga mein satya naaraayan ki katha sunaate hain। amraktha aur teejri ki katha। baap teesra netra bhi dete hain। nar se naaraayan banne ki katha sunaai jaati hai। vahi baaten jo past ho jaati hain, woh phir bhakti maarga mein kaam aati hain। abhi tum bachche samajhte ho baba hamko svarga ka maalik banaate hain, ham hakdaar hain। bhagwan to svarga ka rachayita hai na। ham bhagwan ki santaan hain to ham svarga mein kyon nahin hain! kaliyug mein kyon pade hain? parampita paramatma to nai duniya rachte hain। puraani duniya thode hi bhagwan rachte hain। pahle nai duniya banaate hain। uske baad phir puraani ko todenge। tum jaante ho ham satayug ke liye raajya le rahe hain। satayug mein kaun honge? in lakshmi-naaraayan ki dynasty hogi aur bhi to raajaayen honge na। jiski nishaani hai vijay maala। bachche jaante hain abhi ham vijaymaala mein pirone ke liye purushaartha kar rahe hain। duniya mein maala ka arth koi nahin jaante ki yeh kyon pooji jaati hai, oopar mein phool kaun hai? maala ko pherte-pherte phir phool ko namaste karte hain phir maala pherenge। maala baith simarte hain ki kahaan baahar khyaalaat na jaayen। andar raam-raam ki dhun lagaate hain, jaise baaja bajta hai। bahut practice karte hain। yeh sab hain bhakti maarga ki baaten। haan bahut bhakti karne vaale sirf koi vikarma nahin karenge। bahut bhakti karne vaale ke liye samjhenge ki yeh satyavaadi hoga। mandir mein maala rakhi hogi, maala pherte mukh se raam-raam kehte rahenge। bahut log samajhte hain bhakti mein paap nahin hota। kehte hain naudha bhakti se manushya mukta ho jaate hain। parantu hota kuchh bhi nahin। yeh ek naatak hai। usmein satopradhaan, sato, rajo, tamo mein sabko aana hi hai। vaapis ek ko bhi nahin jaana hai। jaise oopar mein jagah khaali ho jaati hai। vaise yahaan bhi bahut jagah khaali ho jaayegi। dehli ke aaspaas, meethi nadiyon par raajdhaani hoti hai। samudra ki taraph nahin hoti hai। yeh bombe aadi honge nahin। woh to pahle machchheemayaani thi। machhli phansaane vaale vahaan rehte the। abhi to samudra ko kitna sukhaaya hai। phir bhi machchheemayaani hogi। satayug mein to bombe hoti nahin। vahaan koi pahaadiyaan aadi bhi nahin hoti। kahaan jaane ki darkaar hi nahin hoti। yahaan manushya thakte hain to jaate hain rest lene। satayug mein thakne karne ki koi prakaar ki takleeph nahin hoti, tum svargavaasi ban jaate ho। rinchak bhi takleeph nahin hoti। to ab bachchon ko baap ki shreemat par chalna hai।

baap kehte hain - meethe laadle bachchon, shareer nirvaah arth dhandha aadi to karna hai। school mein student padhkar phir ghar mein jaakar padhte hain। ghar ka kaamkaaj bhi karte hain। yeh bhi aise hai। is padhaai mein to tumko koi takleeph nahin hai। us padhaai mein kitni subject hoti hain। yahaan to ek padhaai aur ek hi point hai - manamnaabhav, isse tumhaare paap naash honge। bhagvaanuvaach hai na, woh samajhte hain geeta; bhagwan ne dvaapar mein sunaai। parantu dvaapar mein sunaakar kya karenge? shreekrishna ke chitra mein likhat bahut achhi hai। yeh ladaai to ek nimitta hai। sab marenge tab to vaapis mukti-jeevanmukti mein jaayenge। so bhi sirf ladaai mein thode hi marenge! anek prakaar ki calamities hongi। bachchon ko koi duhkh nahin hona chaahiye। manushya ka heart fail hota hai to usmein koi duhkh nahin hota hai। maut ho to aisa। baithe-baithe heartfail hua khalaas। jab tak doctor aaye aatma nikal jaati hai। ab to sabka maut hona hai। pichhaadi mein na hospital, na doctor rahenge। na kriyaakarma karne vaale rahenge। kuchh bhi nahin hoga। sabke praan tan se niklenge। moosaldhaar barsaat padegi। maut mein koi der thode hi lagegi। koshish kar rahe hain - aise bombs banaayen jo manushya phat se mar jaayen। aise-aise bombs banaate rehte hain। bombs ki improovmenta karte rehte hain। yeh drama mein noondh hai। drama mein bana-banaaya khel hai, kalpa-kalpa vinaash hota hai। satayug mein tumko yeh gyaan rahega nahin। baap ko hi aakar gyaan dena hai। sthaapna ho gai phir gyaan ki baat hi nahin rehti। phir jab raavan raajya shuru hota hai to bhakti shuru hoti hai। ab bhakti poori hoti hai, ab tumko yogbal se paavan banna hai। paavan banne se hi sukhdhaam shantidham mein ja sakte hain। chart rakhna pade। yeh to samajh gaye ho - hamko baap ko yaad kar tamopradhaan se satopradhaan yahaan banna hai। aise koi shaastra aadi mein likha hua nahin hai। bachchon ne geet suna - aakhir woh din aaya aaj... jabki bhaaratvaasi phir raajaaon ke raaja bante hain। raajaaon ke raaja athva mahaaraaja bante hain। peechhe treta mein hote hain - raaja-raani। phir jo poojya mahaaraaja-mahaaraani the, woh dvaapar mein vaam maarga mein aakar pujaari ban jaate hain। aapehi poojya aapehi pujaari ho jaate hain। baap kehte hain main pujaari nahin banta hoon। devtaayen poojya hote hain, main nahin banta। na hi pujaari banta hoon। bhaaratvaasi devi-devtaaon ke hi mandir banaakar unka poojan karte hain। lakshmi-naaraayan jo pahle poojya the phir bhakti maarga mein vahi shivbaaba ke pujaari bante hain। jis shivbaaba ne mahaaraaja-mahaaraani banaaya, unke phir mandir banaakar pooja karte hain। vikaari bhi koi phat se nahin bante hain। aahiste-aahiste bante hain। nishaani bhi devtaaon ki vaam maarga mein dikhaate hain। jo poojya lakshmi-naaraayan the vahi phir pujaari ban jaate hain। pahle-pahle shiv ka mandir banaate hain। us samay to heeron ko kat karaae ling banaate hain, pooja ke liye। yeh kisko bhi pata nahin hai ki paramatma chhoti si bindi hai। yeh tum abhi samajhte ho ki bada ling nahin hai। mandir to bahut banaayenge। raaja ko dekh praja bhi aise karegi। pahle-pahle shivbaaba ki pooja hoti hai। unko kaha jaata hai avyabhichaari satopradhaan pooja phir sato rajo tamo mein aate hain। tum rajo tamo mein aaye ho to naam hi hindu rakh diya hai। asul the devi-devtaayen। baap kehte tum asul devi-devta dharma ke ho। parantu tum bahut patit ban gaye ho, isliye apne ko devta kahla nahin sakte ho kyonki apvitra ho। hindu naam to bahut deri se rakhte hain।

abhi tum samajhte ho ham so poojya the, abhi sangamayug par na poojya hain, na pujaari hain। tum kya karte ho? shreemat par poojya ban rahe ho, auron ko bhi bana rahe ho। tum ho brahman, tumhaari aatma pavitra hoti jaati hai। poora pavitra honge to yeh puraana chola chhodna padega। baap kehte hain bilkul sahaj hai। boodhi maataaon ko dhaarna nahin hoti hai। baap kehte hain - yeh to samajhte ho ki ham aatma hain। aatma mein hi achhe va bure sanskaar hote hain। aatma ne jo karma kiya woh doosre janma mein bhogna hota hai। baap bhi aatmaon se baat karte hain। baap kehte hain - he bachche aatma-abhimaani bano। niraakaar shivbaaba niraakaari aatmaon ko padhaate hain। niraakaar baba mein gyaan ke sanskaar hain। shareer to unko hai nahin। to woh gyaan ka saagar, patit-paavan hai। unmein sab gun hain। baap kehte hain main aakar tum bachchon ko paavan banaata hoon। yukti kitni sahaj hai। akshar hi ek hai manamnaabhav, maamekam yaad karo। yaad se hi tumhaare vikarma vinaash honge। yeh bhi jaante ho - abhi ham brahman hain। phir sooryavanshi, chandravanshi, vaishya, shoodra vanshi banenge। ham hi is 84 ke chakra mein aayenge। oopar se neeche utrenge phir baba aayenge। barobar yeh srishti ka chakra phirta rehta hai। srishti yeh puraani hoti hai to phir baba aate hain nai banaane। yeh to buddhi mein baithta hai na। yeh chakra buddhi mein phirna chaahiye। ab tum svadarshan chakradhaari bante ho, jisse phir jaakar chakravarti raaja banenge। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) shreemat par poojya banna hai। aatma mein jo bure sanskaar aa gaye hain use gyaan yog se samaapta karna hai। sampoorn nirvikaari banna hai।

2) shareer nirvaah arth karma karte bhi padhaai padhni aur padhaani hai। yogbal se paavan ban raajaai pad lena hai।

vardaan:- apni shreshtha sthiti dvaara maaya ko svayan ke aage jhukaane vaale highest pad ke adhikaari bhav

jaise mahaan aatmaayen kabhi kisi ke aage jhukti nahin hain, unke aage sabhi jhukte hain। aise aap baap ki chuni hui sarvashreshtha aatmaayen kahaan bhi, koi bhi paristhiti mein va maaya ke bhinna-bhinna aakarshan karne vaale roopon mein apne ko jhuka nahin sakti। jab abhi se sada jhukaane ki sthiti mein sthit rahenge tab highest pad ka adhikaar praapta hoga। aisi aatmaon ke aage satayug mein praja svamaan se jhukegi aur dvaapar mein aap logon ke yaadgaar ke aage bhakta jhukte rahenge।

slogan:- karma ke samay yog ka balance theek ho tab kahenge karmayogi।

ye avyakt ishaare - jvaalaasvaroop sthiti mein rah shaktishaali yaad ka anubhav karo

kai bachche kehte hain ki jab yog mein baithte hain to aatma-abhimaani hone ke badle seva yaad aati hai। lekin aisa nahin hona chaahiye kyonki last samay agar ashareeri banne ki bajaae seva ka bhi sankalp chala to second ke paper mein fail ho jaayenge। us samay sivaay baap ke, niraakaari, nirvikaari, nirhankaari - aur kuchh yaad nahin। seva mein phir bhi saakaar mein aa jaayenge isliye jis samay jo chaahe woh sthiti ho nahin to dhokha mil jaayega।