मंगलवार 28 जुलाई 2026 की दैनिक मुरली

28-07-2026 praatahmurli om shanti "baapdaada"' madhuban

“ meethe bachche - tumhaari bigdi ko sudhaarne vaala arthaat takdeer banaane vaala ek baap hai , jo tumhein knowledge dekar takdeervaan banaate hain ''

prashn:- tum bachchon ki is roohaani bhatthi ka ek kaayda kaun sa hai?

uttar:- roohaani bhatthi mein arthaat yaad ki yaatra mein baithne vaalon ko kabhi bhi idhar-udhar ke khyaalaat nahin chalaane hain, ek baap ko yaad karna hai। agar buddhi idhar-udhar bhatakti hai to jhutka khaate rahenge, ubaasi denge, isse vaayumandal kharaab hota hai। apna hi nuksaan karte hain।

geet:- dil ka sahaara toot na jaaye…

om shanti। meethe-meethe roohaani bachchon ne geet ke do akshar sune। bachchon ko saavdhaani milti hai। is samay jo bhi hain sabki takdeer bigdi hui hai - sivaae tum braahmanon ke। tumhaari ab bigdi se sudhar rahi hai। baap ko kaha hi jaata hai takdeer banaane vaala। tum jaante ho shivbaaba kitna meetha hai। baba akshar bada meetha hai। baap se sab aatmaon ko varsa milta hai। laukik baap se bachchon ko varsa milta hai, bachchi ko nahin। yahaan bachcha va bachchi sab varse ke hakdaar hain। baap padhaate hain aatmaon ko arthaat apne bachchon ko। aatma samajhti hai ham sab brothers hain। barobar brotherhood kaha jaata hai na। ek bhagwan ke bachche hain phir itna ladte jhagadte kyon? sab aapas mein ladte hi rehte hain। anek dharma, anek mat hain aur mukhya baat to raavan raajya mein ladaai hi chalti hai kyonki vikaaron ki praveshta hai। kaam vikaar par bhi kitna ladaai jhagda hota hai। aise bahut raajaaon ne ladaai ki hai। kaam ke liye bahut ladte hain। kitne khush hote hain। koi ke saath dil hoti hai to maar bhi dete hain। kaam mahaashatru hai। krodh vaale ko to krodhi hi kahenge। lobh vaale ko lobhi kahenge। lekin jo kaami hain unke bahut naam rakhe hue hain isliye kaha jaata hai - amrit chhod vish kaahe ko khaae। shaastron mein amrit naam likh diya hai। dikhaate hain saagar manthan kiya to amrit nikla। kalash lakshmi ko diya। kitni kahaaniyaan hain। ismen bhi bade te badi baat hai sarvavyaapi ki, geeta ka bhagwan kaun? aur patit-paavan kaun? pradarshani mein mukhya inheen chitron par samjhaaya jaata hai। patit-paavan, gyaan ka saagar aur unse nikli hui gyaan gangaayen va paani ki nadi va saagar? kitni achhi-achhi baaten samjhaai jaati hain। baap baith samjhaate hain - meethe-meethe bachchon tumko kisne paavan banaaya? bigdi ko sudhaarne vaala kaun hai? woh patit-paavan kab aate hain? yeh khel kaise bana hua hai? koi bhi nahin jaante hain। baap ko kaha hi jaata hai knowledgeful, blissful, peaceful। gaaya bhi jaata hai - bigdi ko banaane vaala ek। yeh to samajhne mein aata hai - barobar raavan hamaari bigaadte hain। yeh khel hai haar jeet ka। raavan ko bhi tum jaante ho jisko bhaaratvaasi varsha-varsha jalaate hain। yeh bhaarat ka dushman hai। bhaarat mein hi har varsha jalaate hain। unse poochho kab se jalaate aate ho? to kahenge yeh to anaadi chala aata hai, jab se srishti shuru hoti hai। shaastron mein jo padha sat-sat karte aate hain। mukhya bhool hai eeshvar ko sarvavyaapi kehna। baap yeh nahin kehte ki yeh kiski bhool hai! yeh drama mein noondh hai। haar jeet ka khel hai। maaya se haare haar, maaya se jeete jeet। maaya se kaise haar khaate hain, woh bhi samjhaaya jaata hai। poora aadhaakalpa raavanraajya chalta hai। ek second ka bhi pharka nahin ho sakta। raamraajya ki sthaapna aur raavan raajya ka vinaash। apne samay par accurate chalte hain। satayug mein to lanka hoti nahin। woh to buddha dharma ka khanda hai। padhe likhe ki buddhi mein rehta hai, london is taraph hai, America is taraph hai। padhaai se buddhi ka taala khulta hai, roshni aati hai। isko gyaan ka teesra netra kaha jaata hai। budhiyaan bahut baaten samajh na saken। inhon ko ek mukhya baat dhaaran karni hai, jo hi ant mein kaam aati hai। manushya shaastra to bahut padhte hain। pichhaadi mein phir bhi ek akshar kah dete hain ki raam-raam kaho। aise nahin kehte shaastra sunaao, ved sunaao। pichhaadi mein kahenge raam ko yaad karo। jo jaasti samay jis chintan mein rehte hain, ant mein bhi woh yaad aa jaata hai। abhi vinaash to sabka hona hai। tum jaante ho sab kisko yaad karenge? koi shreekrishna ko, koi apne guru ko yaad karenge। koi apne deh ke sambandhiyon ko yaad karenge। deh ko yaad kiya, khel khalaas। yahaan tumko ek hi baat samjhaai jaati hai ki apne ko aatma samajh baap ko yaad karte raho। chart rakho ki ham kitna yaad karte hain। jitna yaad karenge, paavan hote jaayenge। aise nahin ki ganga mein snaan karne se paavan banenge। aatma ki baat hai na। aatma hi patit, aatma hi paavan banti hai na। baap ne samjhaaya hai - aatma ek star bindi hai। bhrakuti ke beech mein rehti hai। kehte hain aatma star ati sookshm hai। tum bachche hi in baaton ko samajh sakte ho। baap kehte hain main kalpa ke sangamayuge aata hoon। unhonne phir kalpa akshar chhod yuge-yuge akshar likh diya hai। to manushyon ne ulta samajh liya hai। mainne kaha hai ki kalpa-kalpa sangamayuge aata hoon, ghor andhiyaara aur ghor sojhre ke sangam par। baaki yuge-yuge aane ki to darkaar hi nahin। seedhi utarte hi aate hain। jab poore 84 janma ki seedhi utarte hain tab baap aate hain। yeh gyaan saari duniya ke liye hai। sannyaasi log to kah dete hain inhon ke chitra sab kalpana hain। parantu kalpana ki to ismen koi baat hi nahin। yeh sabko samjhaaya jaata hai, nahin to manushyon ko kaise pata pade isliye yeh chitra banaaye gaye hain। yeh pradarshani desh-deshaantar mein dher hoti rahengi। baap kehte hain bahut bhaarat-vaasi bachche hain। hain to sab bachche na। anek dharmon ka yeh jhaad hai। baap baith samjhaate hain - yeh sab kaam chita par baith jal mare hain। satayug mein jo pahle-pahle aate hain, vahi phir pahle-pahle dvaapar se lekar kaam agni mein jalte hain isliye kaale ho gaye hain। abhi sabki sadgati honi hai। tum nimitta bante ho। tumhaare pichhaadi sabki sadgati honi hai। baap kitna sahaj reeti samjhaate hain। kehte hain sirf baap ko yaad karo। aatma ne hi durgati ko paaya hai। aatma patit banne se shareer bhi aisa milta hai। aatma ko paavan banaane ki yukti baap bilkul sahaj bataate hain।

trimoorti ke chitra mein brahma ka chitra dekh manushya haay-haay macha dete hain। inko brahma kyon kehte ho? brahma to sookshm vatan vaasi devta hai, yahaan kahaan se aaya? yeh daada to naameegraami tha। akhbaaron mein sab jagah pada tha, ek jauhri kehta hai main shreekrishna hoon, hamko 16108 raaniyaan chaahiye। bada hangaama mach gaya tha, bhagaane ka। ab ek-ek se maatha kaun maare। itne dher manushya hain। aabu mein bhi koi aate hain to unko jhat kehte hain are brahmaakumaariyon ke paas jaate ho! woh to jaadu kar deti hain। stri-purush ko bhaai-behen bana deti hain। lambi chaudi baat bataakar maatha kharaab kar dete hain। baap kehte hain tum mujhe gyaan saagar world almighty authority kehte ho। world almighty arthaat sarvashaktimaan, sab vedon shaastron aadi ko jaanne vaala। bade vidvaan ko bhi authority kehte hain kyonki woh sab vedon, shaastron aadi ko padhte hain phir banaaras mein jaakar title le aate hain। maha-mahopaadhyaay, shri shri 108 sarasvati yeh sab taaeetilsa vahaan hi milte hain। jo bahut hoshiyaar hote hain, unko bada title milta hai। shaastron mein janak ke liye likha hua hai। usne kaha ki sachcha brahm gyaan koi hamko sunaaye। ab brahm gyaan to hai nahin। baaten saari yahaan ki hain। kahaani badi bana di hai। shankar paarvati ki bhi kahaani likhi hui hai। kitni kahaaniyaan baith banaai hain। shankar ne paarvati ko katha sunaai, vaastav mein tha shiv unhonne phir shankar paarvati ka naam de diya hai। bhaagvat aadi mein yeh sab is samay ki baat hai। phir kahaani mein bataate hain, unko khyaal aaya - raaja ko yeh gyaan jaakar doon। baap bhi samjhaate hain - raajaaon ko jaakar gyaan do। tum hi sooryavanshi the phir chandravanshi, vaishya vanshi, shoodravanshi banen। tumhaari raajdhaani hi chat ho gai hai। ab phir sooryavanshi raajdhaani lena ho to purushaartha karo। raajayog sikhaane vaala baba aaya hua hai। phir aakar behad ka svaraajya lo। raajaaon ke paas bhi bahut chitthiyaan jaati hain phir unko milti thode hi hain। unke private secretary chitthiyaan dekhte hain। kitni chitthiyaan phenk dete hain। koi mein aisi zaroori baat hoti hai to unko dikha dete hain। kehte hain - ashtaapa ne janak ko second mein jeevanmukti ka saakshaatkaar karaaya। yeh bhi ab hai। ab baap kitna achhi tarah baith tumko samjhaate hain। jo samajhne vaale nahin hain, woh yahaan-vahaan dekhte rahenge। baba jhat samajh jaate hain - unki buddhi mein kuchh baithta nahin hai। baba chaaron taraph dekhte bhi hain - sabhi achhi tarah sunte hain। inki buddhi kahaan bhatakti rehti hai। ubaasi dete rehte hain। gyaan buddhi mein nahin baithega to jhutke khaate rahenge, nuksaan ho jaata hai। karaachi mein in bachchon ki bhatthi thi। koi jhutka khaata tha to phir jhat baahar nikaala jaata tha। apne hi baithte the। baahar ka koi aata nahin tha। shuru mein inhon ka bada part chala hai। lambi history hai। shuru mein to bachchiyaan bahut dhyaan mein chali jaati thi। abhi tak bhi kehte rehte hain jaadu hai। parampita paramatma ko jaadoogar kehte hain na। shivbaaba dekhte hain - inka bahut prem hai, to dekhne se hi jhat dhyaan mein chale jaate hain। vaikuntha to bhaarat-vaasiyon ko bahut pyaara hai। koi marta hai to bhi kehte hain vaikunthavaasi hua, svargavaasi hua। abhi yeh to hai hi narka। sab narkavaasi hain, tab to kehte hain phalaana svargavaasi hua। parantu svarga mein to koi jaata hi nahin hai। abhi sirf yeh tum jaante ho ham svargavaasi the phir 84 janma le narkavaasi ban gaye hain। ab phir baba svargavaasi bana rahe hain। svarga mein hai raajdhaani। raajdhaani mein bahut pad hain। purushaartha kar nar se naaraayan banna hai। tum jaante ho yeh mama baba bhavishya mein lakshmi-naaraayan bante hain। abhi purushaartha kar rahe hain, isliye kaha jaata hai follow mother-father। jaise yeh purushaartha karte hain, tum bhi karo। yeh bhi yaad mein rehte hain, svadarshan chakradhaari bante hain। tum baap ko yaad karo aur varse ko yaad karo। trikaaldarshi bano। tumko is saare chakra ka gyaan hai, ismen tatpar raho, auron ko samjhaate raho। is service mein hi lage rahenge to aur koi dhandha aadi yaad nahin padega। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) satayug mein oonch pad paane ke liye maat-pita ko poora-poora follow karna hai। unke samaan purushaartha karna hai। seva mein tatpar rehna hai। ekaagra ho padhaai karni hai।

2) yaad ka sachcha-sachcha chart rakhna hai। apne ko aatma samajh baap ko yaad karna hai, deh va dehdhaariyon ko yaad nahin karna hai।

vardaan:- apne highest position mein sthit rahkar har sankalp , bol aur karma karne vaale sampoorn nirvikaari bhav

sampoorn nirvikaari arthaat kisi bhi percent mein koi bhi vikaar taraph aakarshan na jaae, kabhi unke vasheebhoot na hon। highest position vaali aatmaayen koi saadhaaran sankalp bhi nahin kar sakti। to jab koi bhi sankalp va karma karte ho to check karo ki jaisa ooncha naam vaisa ooncha kaam hai? agar naam ooncha, kaam neecha to naam badnaam karte ho isliye lakshya pramaan lakshan dhaaran karo tab kahenge sampoorn nirvikaari arthaat holiest aatma।

slogan:- karma karte karan-karaavanhaar baap ki smriti rahe to sva-purushaartha aur yog ka balance theek rahega।

ye avyakt ishaare - jvaalaasvaroop sthiti mein rah shaktishaali yaad ka anubhav karo

is kaliyugi tamopradhaan jadajdeebhoot vriksha ki durdasha dekhte hue brahma baap ko sankalp aata hai ki abhi-abhi bachchon ke tapasvi roop dvaara, yog agni dvaara is puraane vriksha ko bhasma kar den। parantu iske liye sangathit roop mein fullforce se yog jvaala prajjavlit chaahiye। to brahma baap ke is sankalp ko saakaar mein laao।