गुरुवार 6 अगस्त 2026 की दैनिक मुरली

06-08-2026 praatahmurli om shanti "baapdaada"' madhuban

“meethe bachche - apne aapse vaayda karo ki humein bahut-bahut meetha banna hai, sabko sukh ki, pyaar ki drishti se dekhna hai, kisi ke naam-roop mein nahin phansana hai''

prashn:- yog ki siddhi kya hai? pakke yogi ki nishaani sunaao?

uttar:- sab karmendriyaan bilkul shant, sheetal ho jaaen - yeh hai yog ki siddhi। pakke yogi bachche woh jinki karmendriyaan jara bhi chanchal na hon। rinchak bhi kisi dehdhaari mein aankh na doobe। meethe bachche ab tum javaan nahin, tumhaari vaanaprastha avastha hai।

geet:- jaag sajniyaan jaag…

om shanti। meethe-meethe roohaani bachchon ne geet suna। iske arth par dil mein vichaar saagar manthan karna hai aur khushi mein aana hai kyonki yeh hai nai duniya ke liye nai baaten। yeh nai baaten abhi sunni hai। bachche ab jaante hain nai duniya sthaapan karne vaala koi manushya nahin ho sakta। tum jab yeh baaten sunte ho to samajhte ho yeh to 5 hajaar varsha pahle vaali puraani baaten hain jo phir nayesir sunaai jaati hain। to puraani so nai, nai so puraani ho jaati hain। abhi tum jaante ho 5 hajaar varsha pahle vaali vahi baaten baba nai karke sunaate hain। baaten vahi hain। kislie sunaate hain? nai duniya ka varsa paane। ismen gyaan dance karna hota hai। bhakti mein bhi bahut dance karte hain। chaaron taraph phere lagaate dance karte hain। gyaan ka dance to bilkul sahaj hai। usmein karmendriyaan bahut chalti hain, mehnat karni padti hai। yeh to sirf andar mein gyaan dance chalta hai। srishti chakra kaise phirta hai - woh knowledge buddhi mein hai। ismen koi takleeph nahin hai। haan, yaad mein mehnat lagti hai। bachche kai fail ho padte hain, kahaan na kahaan gir padte hain। sabse mukhya baat hai - naam-roop mein nahin phansana hai। stri-purush kaam vash naam roop mein phansate hain na। krodh naam-roop mein nahin phansaata hai। pahle-pahle hai yeh jiski badi sambhaal karni hai, koi ke bhi naam roop mein nahin phansana hai। apne ko aatma samajhna hai। ham aatma ashareeri aai thi, ab ashareeri hokar jaana hai। is shareer ka bhaan todna hai। yeh naam-roop mein phansane ki bahut kharaab beemaari hai। baap saavdhaani dete hain bachchon ko। koi-koi is baat ko samajhte nahin hain। kehte hain baba naahek aise kehte hain ki naam-roop mein phanse ho। parantu yeh gupta beemaari hai isliye saajan sajniyon ko athva baap bachchon ko jagaate hain। bachche jaago, ab phir se kaliyug ke baad satayug aana hai। baap jyoti jagaane aate hain। manushya marte hain to unki jyot jagaate hain। phir deepak ki sambhaal karte hain ki bujh na jaae। aatma ko andhiyaara na ho। vaastav mein yeh hai sab bhakti maarga ki baaten। aatma to second mein chali jaati hai। kai log jyoti ko bhi bhagwan maante hain। brahm ko badi jyoti kehte hain। brahm samaajiyon ka mandir hota hai, jahaan raat din jyoti jagti hai। kitna kharcha hota hai। phaaltu ghrit jaata hai। yahaan woh kuchh bhi daalne ka hai nahin। yaad ghrit ka kaam karti hai। yaad roopi ghrit hai। to meethe-meethe bachche yeh samajhte hain। nai baat hone ke kaaran hi jhagda hota hai। baap kehte hain - main aata hoon sweet children ke paas। bhaarat mein hi aata hoon। apna janma, desh sabko pyaara lagta hai na। baap ko to sab pyaare lagte hain। phir bhi main apne bhaarat desh mein hi aata hoon। geeta mein agar shreekrishna ka naam nahin hota to sab manushya maatra shivbaaba ko maante। shiv ke mandir mein kitne jaate hain। bade te bada mandir somnaath ka tha। abhi to kitne dher ke dher mandir bane hain। shreekrishna ko itna sab maante nahin, jitna behad ke baap ko maante hain। to is samay tumko in jaisi pyaari vastu aur koi hai nahin। ismen saakaar ki mahima koi hai nahin। yeh to niraakaar ki mahima hai, jo abhokta hai। jabki behad ka baap svarga ka rachayita hai to usse svarga ka varsa lene ka purushaartha karna chaahiye na।

aajkal karte-karte kaal kha jaayega। samay baaki thoda hai। baap se varsa to le lo। jab probe likhte hain to us samay samjhaana bhi hai। jabki nishchay karte ho woh behad ka baap hai to baap se varsa lene ka purushaartha karo, nahin to baahar jaane se jhat bhool jaayenge। baap to kalyaankaari hai na। kehte hain is yog se hi tumhaare sab duhkh 21 janma ke liye door hone hain। bachchiyaan ghar mein bhi samjhaati rahen ki ab sab duhkh door karne vaale behad ke baap ko yaad karne se hi tamopradhaan se satopradhaan ban jaayenge। pavitra to zaroor rehna pade। mool baat hai pavitrata ki। jitna-jitna yaad mein jaasti rahenge to indriyaan bhi shant ho jaayengi। jab tak yog ki siddhi poori nahin hoti hai to indriyaan bhi shant nahin hoti hain। har ek apni jaanch kare - kaam vikaar mujhe koi dhokha to nahin deta? koi chanchalta nahin honi chaahiye, agar main pakka yogi hoon to। yeh jaise ki vaanaprastha avastha hai - baap ko hi yaad karte rehna hai। baap sab bachchon ko samjhaate hain। jab tum achhe yogi banenge, kahaan bhi aankh nahin doobegi to phir tumhaari indriyaan shant ho jaayengi। mukhya hain yeh jo sabko dhokha deti hain। yog mein achhi reeti avastha jam jaayegi to phir mahsoos hoga - ham jaise javaani mein hi vaanaprastha avastha mein aa gaye hain। baap kehte hain - kaam mahaashatru hai। to apni jaanch karte raho। jitna yaad mein rahenge utna karmendriyaan shant ho jaayengi aur bahut meetha svabhaav ban jaayega। feel hoga main pahle kitna kaduva tha, ab kitna meetha ban gaya hoon। baba prem ka saagar hai na to bachchon ko bhi banna hai। to baba kehte hain sabke saath pyaar ki drishti rahe। agar kisko duhkh denge to duhkhi hokar marenge isliye bahut meetha banna hai।

baba kehte hain main roop-basanta hoon na। baba se kitne amoolya gyaan ratna milte hain, jisse tum jholi bharte ho। vo log phir shankar ke aage jaakar kehte hain bhar de jholi। unko yeh pata nahin hai ki shankar jholi bharne vaala nahin hai। abhi tum samajhte ho gyaan saagar baba ham bachchon ki gyaan ke ratnon se jholi bharte hain। tum bhi roop-basanta ho। har ek ki aatma roop-basanta hai। apne ko dekhte raho ham kitna gyaan ratna dhaaran kar aur gyaan dance karte hain athva ratnon ka daan karte hain। sabse achha ratna hai manamnaabhav। baap ko yaad karne se baap ka varsa paate ho। jaise baba mein gyaan bhara hua hai vaise baap baith bachchon ko aap samaan banaate hain। guru log bhi aapasmaan banaate hain। yeh hai behad ka baap, jiska roop bindi hai। tumhaara bhi roop bindi hai। tumko aap samaan gyaan ka saagar banaate hain। jitni dhaarna karenge, karaayenge... woh samjhen hamaara oonch pad hai। bahuton ka kalyaankaari banenge to bahuton ki aasheervaad milegi। baap bhi roz service karte hain na। yeh guljaar bachchi hai, kitna meetha samjhaati hai। sabko pasanda aata hai। dil hoti hai aisi braahmani hamko mile। ab ek braahmani sab jagah to nahin ja sakti hai। phir bhi baba kehte hain jo samajhte hain main achha samjhaati hoon to unko all-round service karni chaahiye। aapehi shauk hona chaahiye। main centres par chakkar lagaaoon...। jo-jo samajhte hain main bahuton ka kalyaan kar sakti hoon, meri achhi khushbu nikalti hai to shauk hona chaahiye। 10-15 din jaakar centres se chakra laga aaoon। ek ko dekhkar phir aur bhi seekhenge, jo karega so paayega। yeh service bahut kalyaankaari hai। tum manushyon ko jeeydaan dete ho। yeh bada uttam te uttam kaam hai। dhandhe vaale bhi yukti se time nikaal service par ja sakte hain। serviceable ko to baap pyaar bhi karenge, paravrish bhi karenge। jinko service ka shauk hoga woh service bigar rah nahin sakenge। baap madad bhi karte hain na। bachchon ko bahut merciful banna hai। bichaaron ki bahut duhkhi jeevan hai। tum jeeydaan dete ho, kisko avinaashi gyaan ratnon ka daan karna, in jaisa sarvottam gyaan daan koi hai nahin। bahut merciful banna hai। braahmani kamjor hone ke kaaran service dheeli ho padti hai isliye achhi teacher ki maangani karte hain। jab bhi vichaar aaye to chale jaana chaahiye। baba kaun sa centre thanda hai, ham jaakar chakra laga aayen। pradarshani ke chitra bhi hain। chitra par jaasti achhi reeti samjhenge। khyaal chalaana chaahiye ham service kaise badhaayen। baap bhi sabka jeevan heere jaisa banaate hain। tum bachchon ko bhi service karni hai। vande maatram gaaya jaata hai। parantu arth nahin samajhte hain। patit manushyon ki athva prithvi aadi ki kabhi vandana nahin ki jaati। yeh to 5 tatva hain, unki kya vandana karenge। 5 tatvon se bana hua shareer hai to shareer ki pooja karna ho gai but ki pooja। shivbaaba ko to shareer hai nahin। unki pooja hai sabse uttam। baaki hai madhyam। aajkal to manushyon ko bhi poojte rehte hain, woh hain patit। mahaan aatmaayen to devtaayen hote hain। sannyaasiyon se woh jaasti pavitra hain।

abhi tum bachche jaante ho ham devta ban rahe hain। baap hamko yeh avinaashi gyaan ratna daan karna sikhlaate hain। in jaisa oonch daan aur koi hota nahin। ek baap ko hi yaad karna hai। shiv aur lakshmi-naaraayan ke chitra to hain। har ek apne ghar mein laga de to yaad rahega। shivbaaba hamko yeh lakshmi-naaraayan banaate hain। is samay tum ban rahe ho। svarga ka rachayita hai hi shivbaaba। satayug mein to nahin varsa denge। is antim janma mein shivbaaba kehte hain mujhe yaad karo to tum yeh banenge। aur sab baaten chhodkar bas service aur service। baap ko yaad karte ho - yeh bhi badi service karte ho। tatva aadi sab paavan ban jaate hain। yog ki mahima bahut bhaari hai। duniya mein yog aashram to bahut hain parantu woh sab hain jismaani hathayog, tumhaara yeh hai raajayog, jisse tumhaara beda paar ho jaata hai। un anek prakaar ke hathayog aadi se seedhi utarte aaye ho। mool baat hai yaad ki। dekhna hai hamaara man kahaan vikaar taraph to nahin jaata hai? vikaari ko hi patit kaha jaata hai arthaat kaudi misal। vikaar mein girne se apna hi nuksaan kar denge। jo karega so paayega। baap dekhe va na dekhe। apne ko check karna hai - ham baap ki service karte hain! hamaare mein koi avgun to nahin hain! agar hai to nikaal dena chaahiye। apne se avgunon ko nikaalne ke liye baap bahut samjhaate rehte hain। nirgun ka bhi arth koi nahin samajhte। nirgun baalak ki mandali kya kar sakegi, jismen koi gun nahin hain। bigar arth jo aaya so kah dete hain। anek mat hain na। tumko ek mat milti hai, jisse tumko to athaah khushi honi chaahiye। baap sirf kehte hain mujhe yaad karo aur kamal phool samaan bano। mansa-vaacha-karmana pavitra bano। tum bachche jaante ho ham brahman shreemat par apne hi tan-man-dhan se apni aur saare vishwa ki seva kar rahe hain। baap aayenge to bhaarat mein na। tum paandav bhaarat ko svarga banaane ki seva kar rahe ho। tum apna kaam karte ho। aakhir vijay to paandavon ki hi honi hai, ismen ladaai ki baat nahin। tum ho double nonvaayolensa। na vikaar mein jaate ho, na goli chalaate ho। violence se koi bhi vishwa par baadshaahi pa nahin sakte। baba ne samjhaaya hai - woh donon (Christian log) agar aapas mein mil jaaen to vishwa par raajya kar sakte hain। parantu drama mein aisa hai nahin। Christian ne hi krishnapuri ko hap kiya hai। asul to bhaarat shreekrishna ki hi puri tha na। ladkar baadshaahi li, bahut dhan le gaye। ab phir dhan vaapis hota jaata hai aur phir tum vishwa ke maalik ban jaate ho। baba kitni yuktiyaan bataate hain। unhonne hi tumhaara raajya chheena hai phir woh aapas mein ladte hain aur vishwa ke maalik tum ban jaate ho। kitni badi baadshaahi hai। mehnat sirf ismen hai - yaad karte raho aur apna varsa lo। ismen tang nahin hona chaahiye। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) doosri sab baaton ko chhodkar gyaan daan karna hai। roop-basanta banna hai। apne avgunon ko nikaalne ka purushaartha karna hai। doosron ko nahin dekhna hai।

2) apna svabhaav bahut meetha banaana hai। sabke prati pyaar ki drishti rakhni hai। kisi ko bhi duhkh nahin dena hai। karmendriy jeet banna hai।

vardaan:- sampoorn samarpan ki vidhi dvaara sarvagun sampanna banne ke purushaartha mein sada vijayi bhav

sampoorn samarpan use kaha jaata hai jiske sankalp mein bhi body conscious na ho। apne deh ka bhaan bhi arpan kar dena, main phalaani hoon - yeh sankalp bhi arpan kar sampoorn samarpan hone vaale sarvagunon mein sampanna bante hain। unmein koi bhi gun ki kami nahin rehti। jo sarva samarpan kar sarvagun sampanna va sampoorn banne ka lakshya rakhte hain to aise purushaarthiyon ko baapdaada sada vijayi bhav ka vardaan dete hain।

slogan:- man ko vash mein karne vaala hi manamnaabhav rah sakta hai।

ye avyakt ishaare - apvitrata ke beej ko bhi samaapta kar sampoorn svachchha (pavitra) bano

pavitrata aur apvitrata ka kaaran hai ‘smriti'। jab smriti rehti hai ki yeh devi hai to smriti, drishti aur vritti ko pavitra banaati hai aur jab smriti hai ki yeh female hai to woh smriti, vritti aur drishti ko apvitrata ki taraph khainchati hai। vahaan roop ko dekhenge aur vahaan roohaaniyat ko dekhenge।