मंगलवार 11 अगस्त 2026 की दैनिक मुरली

11-08-2026 praatahmurli om shanti "baapdaada"' madhuban

“meethe bachche - baapdaada ki yaadapyaar leni hai to serviceable bano, buddhi mein gyaan bharpoor hai to varsha karo''

prashn:- kaun sa nasha bhare hue baadlon ko bhi uda kar le jaata, barasne nahin deta hai?

uttar:- agar phaaltu deh-abhimaan ka nasha aaya to bhare hue baadal bhi ud jaayenge। barsenge bhi to service ke badle dis-service karenge। agar baba se pyaar nahin, unse yog nahin to gyaan hote hue bhi jaise khaali hain। aise khaali baadal anekon ka kalyaan kaise karenge।

om shanti। baaki thode baadal bache hain। jaise barsaat jab kam ho jaati hai to saagar ke oopar baadal nahin hote hain, thande ho jaate hain। vaise yahaan bhi thande ho jaate hain। baadal unko kahenge jo refresh ho jaakar varsha barsaate hain। agar koi barsaat nahin karte to unko baadal thode hi kahenge। yeh hain gyaan baadal। woh hain paani ke baadal। gyaan ke baadal aate hain, jab season hoti hai। refresh ho jaakar auron ko refresh karte hain। baadal bhi nambarvaar hote hain। koi to bahut jor se baraste hain। baadlon ka kaam hi hai barasna aur murjhaaye hue paudhon ko refresh karna। jinmen poora gyaan hai woh chhipkar nahin baithte। unko baba ka direction bhi nahin chaahiye। hain hi baadal। aate hi hain bharkar barasne ke liye। jahaan dekhen kalraathi jameen hai, to jaakar sabja karna chaahiye। mahaarthi bachche to sab centres ko achhi reeti jaante hain। kaun sa centre thanda hai? kis centres ke bachchon ko jaasti toofaan aate hain? mahaarthi serviceable achhi reeti jaante hain। baba bhi hamesha kehte hain serviceable bachchon ko yaadapyaar dena। achhe-achhe baadal service par jaayenge। pradarshani mein bhi koi sab ekras nahin samjhaate hain। mukhya baat hi yeh hai। geeta ka bhagwan niraakaar parampita paramatma hai, na ki saakaari shreekrishna। samjhaane ka bada achha dhang chaahiye। saara din yahi khyaalaat rahne chaahiye ki sabko jaakar jagaayen। sab ghor andhiyaare mein pade hain। sabko prem se samjhaate raho ki do baap hain। ek had ka aur doosra behad ka। behad ke baap ko hi patit-paavan kehte hain। ab tum bachchon ko buddhi mili hai। duniya ke manushya dekhne mein bhal bhabhke vaale hain parantu hain pattharbuddhi। baap khud kehte hain in saadhu naam vaalon ka bhi mujhe hi uddhaar karna hai। woh bhi rachta aur rachna ko nahin jaante hain। satayug se lekar phir yeh gyaan praayah lop ho jaata hai। parantu yeh kisko bhi pata nahin। shaastron mein yeh gyaan hai nahin। usse kiski sadgati ho nahin sakti, geeta ka maan kitna hai, parantu woh to hai bhakti maarga। baap to patit-paavan hai, woh baith raajayog sikhlaate hain। to zaroor raajaai ke liye nai duniya chaahiye। baap hi aakar raajayog sikhlaayenge। yeh bhi abhi tumko maaloom pada hai, jinhon ko kalpa pahle samjhaaya hoga, unko hi abhi samjhaayenge phir samjhenge। yeh ladaai koi woh nahin hai। jaise hamesha chalti aai hai। 8-10 varsha chalkar phir banda ho jaayegi। drama anusaar bombs jo bane hain woh koi rakhne ke liye nahin hain। patit manushyon ka maut hone bigar satayug aayega nahin। shanti kaise sthaapan ho - yeh bhi samjhaana pade। shanti sthaapan karna va shreshthaachaari duniya banaana, yeh to ek baap ka hi kaam hai। baap kehte hain aur sang buddhi ka yog tod ek sang jodna hai। deh sahit jo bhi kuchh dekhne mein aata hai, in sabse todna hai। ab hamko vaapis jaana hai, to ghar ko hi yaad karna hai। abhi tum samajhte ho yeh hai mrityulok। ham amarlok mein jaane ke liye amar katha sun rahe hain। devtaaon ko kaha jaata hai daiveegunon vaale manushya। yahaan to ek bhi ho na sake। shreekrishna ke liye bhi kitni glaani likh di hai। kuchh bhi buddhi mein nahin aata।

abhi tum bachchon ko achhi reeti purushaartha karna hai, daiveegun dhaaran karne hain। daiveegun kisko kaha jaata hai - woh bhi samjhaaya jaata hai। sampoorn nirvikaari zaroor banna hai। yeh hai mukhya pahla gun। jahaan tahaan tum dekhenge pavitra ke aage apvitra maatha tekte hain। satayug mein hain hi pavitra to vahaan mandir hote nahin। phir jab pujaari bante hain to mandir banaate hain, jo paavan the vahi patit bante hain। yeh hai bahut janmon ke ant ka janma। baap kehte hain - is puraani duniya ko, puraane shareer ko bhi bhoolna hai। is puraani duniya ko ab khatma hona hai। ise khalaas hone mein deri nahin lagegi। yeh puraani duniya, dhan, daulat, maal-milkiyat sab gai ki gai। thode roz baaki hain। duniya mein thode hi kisko pata hai ki yeh puraani duniya khatma ho jaayegi। tum sunaate ho parantu jab vishvaas bhi baithe na। bhagvaanuvaach, jab samjhen tab buddhi mein baithe।

baap tum bachchon ko kehte hain - apne ko aatma samajh mujh baap ko yaad karo। bachche jaante hain behad ka baap hamko raajayog sikhlaate hain। woh hai sab aatmaon ka baap। sab brothers hain। svarga mein sabhi brothers sukhi the, kaliyug mein sabhi brothers duhkhi hain। sabhi aatmaayen narkavaasi hain। sirf aatma to nahin hogi na। shareer bhi to chaahiye na। ab tum bachchon ko aatma-abhimaani banna hai, ismen hi mehnat hai। maasi ka ghar nahin hai। yeh avastha pakki tab ho jab pahle yeh nishchay ho ki parampita paramatma hamko padhaate hain। shivbaaba aate hi hain is shareer dvaara padhaane। ham bhi shareer dvaara sunte hain, dhaaran karte hain। sanskaaron anusaar hi ek shareer chhod doosra dhaaran karte hain। jaise baba ladaai vaalon ka misaal dete hain। ladaai ke sanskaar le jaate hain to phir unmein hi aa jaate hain। ab baap ke sanskaaron ka bhi tumko maaloom hai ki niraakaar behad ke baap mein kya sanskaar hain! woh manushya srishti ka beejroop hai। patit-paavan, gyaan ka saagar hai। vahi aakar paavan banaayenge। baap kehte hain - maamekam yaad karo to tumhaare janma-janmaantar ke vikarma vinaash honge। nahin to bahut sajaayen khaani padengi। pad kuchh bhi nahin milega।

ab bachche jaante hain baba hamko sahaj raasta bata dete hain। kehte hain manamnaabhav। yeh akshar bhi geeta mein hain, parantu iska arth nahin samajhte। baap kehte hain maamekam yaad karo। deh sahit deh ke sab dharmon ko chhod apne ko aatma samajh mujh parampita paramatma ko yaad karo। yaad ko hi yog agni kaha jaata hai। yog common akshar hai। geeta mein bhi hai parantu sirf shreekrishna ka naam daal dene se ghor andhiyaara kar diya hai। ab tum samjhaate ho to kah dete hain yeh tumhaari kalpana hai। kuchh bhi pata nahin padta hai। unko varsa to lena hi nahin hai। pahle to jab yeh samjhen ki yeh behad ka baap, baap bhi hai, teacher bhi hai, satguru bhi hai, woh hamko padhaate hain। yeh pakka nishchay chaahiye। naye aadmi ko nishchay baith jaae, asambhav hai। koi-koi naye-naye bhi sensible hote hain to samajh jaate hain। koi to yahaan aane bhi nahin chaahte, kuchh bhi samajhte nahin। jara bhi buddhi mein nahin aata। itne dher bi.ke. hain zaroor inhon ko baap se varsa mila hoga। woh family ho gai। naam hi likha hua hai brahmaakumaar-kumaariyaan, to family hui na। prajaapita brahma ki family kitni badi hai parantu yeh baat kisi ki buddhi mein nahin aa sakti। koi poochhe aapki em object kya hai? bolo, baahar board par likha hua hai - prajaapita brahmaakumaar kumaariyaan, to family ho gai। daade se varsa milta hai। prajaapita brahma mukh dvaara shivbaaba rachna rachte hain। to woh creator thahra, svarga rachte hain to zaroor bachchon ko svarga ka varsa denge। to yeh family hui na। baap bachche, bachchiyaan aur daada hai। brahma bhi hai, shiv bhi hai। woh hai rachayita। niraakaar hai to bachchon ko varsa kaise denge। brahma dvaara varsa dete hain। yeh achhi reeti samjhaana chaahiye। bolo, yeh tumhaare baap ka ghar hai। inko kehte hain roodra gyaan yagya। ham brahman hain, baap ke sivaae aur koi raajayog sikhla na sake। geeta mein bhi hai na - manamnaabhav arthaat maamekam yaad karo। to ham us ek baap ko hi yaad karte hain। bhakti maarga mein gaate hain ki baba aap aayenge to ham vaari jaayenge, ham aapke banenge। ham aatma is deh ko chhod aapke saath chali jaayengi। aapke banenge to zaroor aapke saath bhi jaayenge। sagaai karte hain to saajan saath le jaayenge na। yeh shiv saajan bhi kehte hain, ham tumko is duhkh se chhudaae sukhdhaam mein le chalenge। phir apne-apne purushaartha anusaar jaakar raajaai karenge, jo jitna gyaan dhan dhaaran karenge utna oonch pad paayenge। chhoti-chhoti kumaariyaan bhi service kar rahi hain। unhon ko hi bade-bade vidvaan, panditon aadi ko samjhaana hai, shauk hona chaahiye। kushti hoti hai to badi-badi challenge dete hain to inke saath ham ladenge। serviceable bachchon ko aaraam se sona nahin chaahiye। aaraam haraam hai। jo bhi apne ko mahaarthi samajhte hain, unhein sukh se sona nahin hai। service par chakra lagaana chaahiye। aajkal baba pradarshaniyaan bahut banvaate rehte hain। badon-badon ko nimantran bhej do। abhi nahin to peechhe aa jaayenge। saadhu-santa mahaatma koi bhi ho, jagaate raho, parantu baat karne vaala chaahiye mahaarthi। jinka baap se yog nahin, pyaar nahin woh to jaise khaali baadal hain। woh kya karenge! yeh to jaante ho padhe hue ke aage anpadh bhari dhoyenge। har ek khud ko samajh sakte hain - ham kahaan tak padha hua hoon। service karke dikhaata hoon। agar baadal bhara hua hai aur barse nahin to woh baadal hi kya kaam ka। har ek ko apni samajh chaahiye। phaaltu deh-abhimaan ke nashe mein rahenge to oonch pad hamesha ke liye ganva denge। baba ko service ka kitna shauk hai। government ko samjhaana chaahiye to hamko haal do। jahaan ham yeh roohaani seva kar manushya ko devta bana den। baap aaye hi hain raajayog sikhaane lekin yuktiyukta samjhaana chaahiye। jo bhaashan hi nahin jaante woh thode hi samjha sakenge। oonch pad pa na saken। pad woh pa sakenge jo service karenge। badon-badon ko likho to is knowledge ke bigar bhaarat ka va duniya ka kalyaan nahin ho sakta। education hai mukhya। in lakshmi-naaraayan ne bhi education se hi pad paaya na। agle janma mein raajayog seekhe hain। ham bhi abhi yahaan padh rahe hain। school mein student samajhte hain ham yeh imtahaan dekar phir jaakar yeh banenge। yeh tumko knowledge milti hai, woh is duniya ke liye nahin hai। tum bhi padhte ho bhavishya 21 janmon ke liye, praalabdha banaane ke liye। woh padhte hain is janma ke sukh ke liye। to woh bhi padhna hai aur saath-saath yeh bhi shiksha seekhni hai, ismen darne ki baat nahin। spiritual knowledge kyon nahin leni chaahiye। chitra lekar jaae samjhaana chaahiye। bolo - knowledge sabke liye bahut zaroori hai, parantu bachche ajun khade nahin hote। naukri tokri mein phase hue rehte hain। bandhanmukta hain to phir service mein lag jaana chaahiye। shreemat par sab chalne vaale to hain nahi। beech mein maaya ghotaala maar deti hai। koi-koi bachchon ko shauk bahut hai, parantu nasha nahin chadhta ki ham jaayen bahuton ka kalyaan karen। to baba bhi samjhe jabki baalig ho gaye to ghutka kyon khaana chaahiye! kah sakte hain ki hamko to bhaarat ka uddhaar karna hai। sachchi seva kar manushya ko devta banaana hai। baba ko to wonder lagta hai, nasha nahin chadhta isliye baba kehte hain rajo buddhi hain। chance bahut achha hai। aise bhi bahut hain jinko knowledge ka ghamanda bahut hai parantu disservice bahut karte hain। yeh to gud jaane gud ki gothri jaane। raahu ka grahan baith jaata hai। brahspati ki dasha utar raahu ki baith jaati hai। abhi-abhi dekho achha chal raha hai। abhi-abhi dekho phir grahchaari baith jaati hai, gir padte hain। bachchon ko to bahut bahaadur hona hai। paan ka beeda uthaana hai। ham is bhaarat ko svargavaasi banaakar chhodenge। tumhaara dharma hai narkavaasi ko svargavaasi banaana, bhrashtaachaari ko shreshthaachaari banaana। baba nasha to bahut achha chadhaate hain parantu bachchon mein nambarvaar chadhta hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) bandhanmukta ban bhaarat ki sachchi seva karni hai। roohaani seva kar manushya ko devta banaana hai। gyaan ke ghamanda mein nahin aana hai। roohaani nashe mein rehna hai।

2) nishchaybuddhi ban pahle apni avastha pakki karni hai। deh sahit jo kuchh dekhne mein aata hai, unse todna hai aur ek baap ke saath jodna hai।

vardaan:- karna aur kehna - in do ko samaan banaakar quality ki seva karne vaale sachche sevaadhaari bhav

sada attention rahe ki pahle karna hai phir kehna hai। kehna sahaj hota hai, karne mein mehnat hai, mehnat ka phal achha hota hai। lekin yadi doosron ko kehte ho svayan karte nahin, to service ke saath-saath disservice bhi pratyaksha hoti hai। jaise amrit ke beech vish ki ek boond bhi padne se saara amrit vish ban jaata hai, aise kitni bhi service karo lekin ek chhoti si galti service ko samaapta kar deti hai, isliye pahle apne par attention do tab kahenge sachche sevaadhaari।

slogan:- anekta mein ekta laana, bigdi ko banaana - yeh sabse badi visheshta hai।

ye avyakt ishaare - apvitrata ke beej ko bhi samaapta kar sampoorn svachchha (pavitra) bano

jab apvitrata arthaat kaam mahaashatru svapna va sankalp mein bhi vaar na kare tab kahenge double ahinsak। sada bhaai-bhaai ki smriti sahaj aur svatah smriti svarup mein rahe। kabhi apni sampoorn satopradhaan stage se neeche girkar apna ghaat nahin karna। aatma ke asli gun-swaroop aur shakti-swaroop sthiti se neeche aana arthaat vismrit hona, yeh bhi paap ke khaate mein jama hota hai।