शनिवार 15 अगस्त 2026 की दैनिक मुरली

15-08-2026 praatahmurli om shanti "baapdaada"' madhuban

“meethe bachche - sabko yahi paigaam do ki deh sahit deh ke sab dharmon ko bhool apne ko aatma samjho to sab duhkh door ho jaayenge''

prashn:- tum bachchon ko kis baat mein follow father karna hai?

uttar:- jaise is brahma ne apna sab kuchh eeshvar arpan kar diya। poora trustee bana, aise trustee bankar raho। kabhi bhi ulta-sulta kharcha kar paap aatmaon ko nahin dena। apna sab kuchh eeshvareey seva mein lagaao, poora trustee bano। baap ki shreemat par chalte raho। baap dekhte hain kaun bachcha kitna shreemat par chalta hai।

geet:- tu pyaar ka saagar hai…

om shanti। bachchon ne geet suna। kehte hain baba ham kahaan se aaye, kab aaye phir vaapis jaane ki raah kaise bhoole। yeh drama kaanon mein samjha deejie। ham kaun hain, kahaan se aaye phir kahaan chale gaye! ek gyaan ki boond to de do kyonki gyaan saagar hai na। abhi bachche jaante hain ham aatmaayen kahaan ki rahne vaali hain phir baap ko aur apne svarga ko kaise bhoole aur kaise aakar yahaan duhkhi hue - yeh raaz kaanon mein sunaao। ab baap gyaan ka saagar bhi hai, pavitrata ka saagar bhi hai। prem ka saagar bhi hai। shanti ka, sukh aur sampatti ka saagar bhi hai। abhi behad ke baap dvaara yeh sab baaten samajhte hain। aadi mein kahaan se aaye phir madhya mein kya hua, jo ham raasta bhool duhkhi hue। phir ab baap ko kehte hain baba hamko raasta bataao। ham apne sukhdhaam shantidham mein jaayen। baap hi baith batlaate hain - tum aadi mein kaun the phir madhya mein kya hua। bhakti maarga kaise shuru hua, ant mein kya hua, yeh aadi-madhya-ant ka raaz ab buddhi mein baitha hai। yeh drama hai na। yeh manushyon ko zaroor jaanna hai - kyonki actors hain। jaante hain ham aatmaayen niraakaari shantidham se aati hain, yahaan talkie dhaam mein। mool vatan, sookshm vatan phir yeh hai sthoolavtan। phir mool vatan se aatmaayen aati hain tokeedhaam mein, shareer dhaaran kar part bajaane। aatma ka nivaas sthaan shantidham hai। yeh baaten duniya mein koi bhi nahin jaante hain। yeh gyaan saagar baap ne hi aakar samjhaaya hai। abhi samjha rahe hain - gyaan saagar kaha jaata hai paarlaukik parampita paramatma ko। manushya ko nahin kah sakte। yeh mahima sirf ek baap ki gaai jaati hai, jisko aur koi nahin jaante। abhi vinaash ka samay hai। gaaya hua hai vinaash kaale vipreet buddhi yooropvaasi...

abhi baap ne tumhaara buddhiyog apne saath lagaaya hai ki maamekam yaad karo। main musalmaan hoon, hindu hoon, bauddhi hoon... yeh sab deh ke dharma hain। aatma to aatma hi hai। baap samjhaate hain - deh ke sab dharma chhod apne ko aatma samajh mujh baap ko yaad karenge to patit se paavan ban jaayenge। baap kehte hain - is deh ko bhi bhoolo। yeh sabke liye baap ka paigaam hai। deh sahit deh ke jo sambandh hain, sabko bhoolo। main aatma hoon, ham sab brothers ka baap ek hai। yeh brahma bhi kahenge ham aatma hain to sab bhaai-bhaai ho gaye। is samay sab bhaai-bhaai patit duhkhi hain। sab kaam chita par chadh bhasma ho pade hain। jab dvaapar ke aadi mein raavan raajya shuru hota hai to phir tum vaam maarga mein jaate ho। tab hi phir aur dharma shuru hote hain। aadha samay tum pavitra rehte ho। phir aadha mein tum patit bante ho। 21 janma bhaarat mein hi gaaye jaate hain। kumaari woh jo 21 kul ka uddhaar kare। kumaari ka maan hai। tum bhaarat ka to kya saari duniya ka uddhaar kar rahe ho। tum jaante ho ham sab aatmaayen shivbaaba ke bachche hain। to kumaar hi thahre। bhaai-behen tab hote hain jab prajaapita brahma ki aulaad bante hain। yeh tum bachchon ko gyaan hai। ham aatmaayen sab bhaai-bhaai hain, sab baap ko pukaarte hain - he patit-paavan aao। yahaan raavanraajya se, duhkh se hamko liberate karo। phir hamaara guide ban hamko vaapas le chalo। hamaare duhkh haro aur sukh do। abhi tum samajhte ho barobar baba aaya hua hai। hamko is kaliyugi raavanraajya se chhudaae saath le chalenge। baap jaante hain sabhi aatmaayen patit hain, isliye shareer bhi patit hai। aatma ko hi paavan banaakar le jaate hain nirvaandhaam mein। past se present phir future hoga। aadi-madhya-ant phir aadi। satayug aadi kaliyug ant phir future hoga satayug। yeh to sahaj hai na। achha beech mein kya hua? ham kaise gire? ham paavan devta the phir paavan se patit kaise bane! abhi tum samajhte ho, baap samjhaate hain - jab raavanraajya shuru hota hai tab tum patit bante ho। ab phir tumko bhavishya devta banaane aaya hoon। ismen difficulty ki koi baat nahin। baap kehte hain - tumko is vishay saagar se paar le jaate hain। gaate bhi hain naeeya meri... sabhi pukaarte hain ek baap ko। hamaari naeeya jo doobi hui hai, unko ksheersaagar mein le chalo। unko khivaiya, baagvaan bhi kehte hain। abhi kaanton ke jangal mein pade hain। hamko phir phoolon ke bageeche mein le chalo। devtaayen phool hain na। abhi sab hain kaante। ek do ko duhkh hi dete rehte hain। devta kabhi kisko duhkh nahin dete। vahaan to sukh hi sukh hai। woh to sirf gaate hain tum yahaan practical sun rahe ho। kehte hain na - baba ham kahaan se bhoole! is srishti chakra ko ham kaise bhoole! satayug-treta mein yeh nahin jaante kyonki vahaan to ham sukhi the phir duhkhi kab hue? jab raavanraajya shuru hua। bhaaratvaasi raavan ko jalaate hi rehte hain। jab tak unka vinaash nahin hua hai। phir satayug mein thode hi har varsha jalaayenge। yeh hai bhakti maarga। abhi raavan ka raajya khalaas hona hai। bhaktimaarga mein raavan ko har varsha jalaate hain parantu marta hi nahin hai। abhi raavan tumhaare aage jaise mar gaya। tum jaante ho raavanraajya ab khatma hona hai। 5 bhooton ka sir kaata jaata hai। pahle-pahle kaam ke sir ko kaatte ho। kaam hi mahaashatru hai। baap kehte hain - in 5 bhooton par vijay paane se hi tum vishwa par jeet paayenge। manushya khud bhi kehte hain ham patit hain isliye bulaate hain - patiton ko paavan banaane aao। aatma bulaati hai he patit-paavan, he baba... khivaiya, merciful baba aao। baap kehte hain - main kalpa-kalpa aata hoon। kaise aata hoon, yeh koi nahin jaante। geeta mein bhi hai - bhagwan ne aakar raajayog sikhaaya hai। parantu bhagwan kaun hai, kab aaya yeh kisko pata nahin hai। geeta ko to khandan kar diya hai। shreekrishna ko dvaapar mein le gaye hain। dvaapar ke baad to duniya aur hi patit hoti hai। to dvaapar mein shreekrishna ne aakar kya kiya। manushya to kuchh bhi samajhte nahin। bilkul hi unrighteous hain। satayug mein hote hain righteous। tum abhi unrighteous se righteous bante ho। baap samjhaate hain tum hi sampoorn nirvikaari poojya the, tum hi ab vikaari pujaari bane ho। aapehi poojya... pahle tum poojya the, 21 janma tak, phir pujaari bane ho। satayug mein 8 janma phir treta mein 12 janma lete ho। baap hi batlaate hain - tum patit kaise bane ho, kab se gire ho, yeh srishti ka chakra phirta rehta hai। saare world ki history-geography aadi-madhya-ant ka raaz bachchon ko baap baith samjhaate hain। sab ekras to nahin samjhenge। nambarvaar hi samajhte hain।

baap kehte hain - main aakar kingdom sthaapan karta hoon। ab tumko sarvagun sampanna banna hai, tab tak satayug mein ja nahin sakte। banna yahaan hai phir bhavishya mein jaakar tum raajya karenge। uske beech mein sab vinaash ho jaayega। vinaash bhi dekhenge zaroor। tum practical mein apna part bajaayenge। tumko thode hi pata padta hai - aage kya hoga। jo kalpa pahle hua hoga vahi hoga।

tumko total bataaya jaata hai - sthaapna aur vinaash hona hai। vinaash kaise hoga? woh to jab hoga tab dekhenge। divya drishti se vinaash to dekha hai। aage chal practical bhi dekhenge। sthaapna ka bhi saakshaatkaar divya drishti se kiya hai aur practical bhi dekhenge। baaki jaasti dhyaan mein jaana bhi theek nahin hai। phir vaikuntha mein jaakar dance karne lag padte hain। na gyaan, na yog, donon se vanchit ho jaate hain। dhyaan mein jaane ki koi darkaar nahin। yeh to bhog sirf lagaaya jaata hai। tum brahman vahaan jaate ho। devtaaon aur braahmanon ki mahphil lagti hai। yahaan tum piyarghar mein baithe ho phir tumko laayak banaaya jaata hai, vishnupuri jaane ke liye। kanya ki jab sagaai karte hain to unko samjhaaya jaata hai - sasurghar mein kaise chalna, sabse pyaar se chalna, jhagda nahin karna। yeh bhi hoobhu aise hai। baap kehte hain - tumko sarvagun sampanna... yahaan banna hai। svarga mein yeh ladaai-jhagde aadi hote nahin। abhi tum vishnupuri sasurghar jaate ho। vahaan hain mahaan vaishnav। un jaise vaishnav srishti par hote nahin। vaishnav devtaayen vikaar mein thode hi jaate hain। vikaar hai hinsa। kaha jaata hai ahinsa parmo devi-devta dharma। abhi tum jaante ho ham piyarghar mein baithe hain, abhi hamko vishnupuri mein jaana hai। jaante ho vahaan bahut sukh hota hai। shaadi ke pahle kanya phata hua kapda pahanti hai, jisko vanvaah kehte hain। tumhaare paas bhi abhi kya hai? kuchh bhi nahin। yeh to thikkar-bhittar hai। yahaan tumko koi bhi jevar aadi pahanne ki darkaar nahin। parantu kehte hain grihastha mein rehna hai, shaadi aadi mein jaana padta hai to jevar aadi bhi bhal pahno। mana nahin hai। nahin to kahenge vidhva, jevar nahin pahanti hai। naam badnaam hoga tab baba kehte hain naam badnaam nahin karna hai। kuchh bhi pahno, apne ko aatma samajh baap ko yaad karo। jaao bhal kahaan bhi, yeh mantra yaad rakho। yeh pareeksha lo ham yaad mein rehte hain। yahaan ham jaate hain - baba ke direction se। unke saath bhi tod nibhaana hai। parantu hath kaar de dil yaar de...to samjhenge yeh majboot hain। jevar aadi pahan shaadi par bhal jaao, ikatthe raho lekin mahaaveer banna hai। sannyaasiyon ka bhi dikhaate hain na - guru ne veshya paas bhej diya, sarpa ke paas bhej diya। jo bahaaduri se paas ho dikhaate hain unko mahaaveer kaha jaata hai। baap ki yaad mein rahenge to phir koi karmendriyon se chanchalta nahin hogi। baap ko bhoole to karmendriyaan chanchal hogi। vishwa ke tum maalik bante ho, yeh kam baat hai kya! sannyaasi in baaton ko bilkul nahin jaante। shaastron mein bhal kuchh baaten hain parantu khandan kar diya hai। bhagvaanuvaach - main tumko raajayog sikhaata hoon। jab tak jeete rahenge - gyaan-amrit peete rahenge, sunte rahenge। raajdhaani sthaapan ho jaayegi। bachchon ko ghadi-ghadi shiksha di jaati hai - ek baap ko yaad karo, daivi lakshan seekho। koi bhi vikarma na ho। yeh to asuron ka kaam hai। tum abhi devta bante ho to daiveegun dhaaran karne hain। sabse bada hai kaam ka kaanta। aadat padi hui hai to ghadi-ghadi gir padte hain, maaya chamaat maar phaan kar deti hai। tab gaaya jaata hai - aashcharyavat sunanti, kathanti... abhi tum ek baap ke bane ho। kehte bhi ho yeh sab kuchh eeshvar ka diya hua hai। to tum trustee ban jaate ho। yeh sab unka hai, hamko unki shreemat par chalna hai। baap bhi dekhte hain hamko sab kuchh arpan kar phir hamaari shreemat par kaise chalte hain। koi ulta-sulta kharcha kar paap aatmaon ko to nahin dete hain। shuru mein is (brahma) ne bhi trustee ho dikhlaaya na। sab kuchh eeshvar arpan kar khud trustee ban gaya। bas kisko bhi kuchh nahin diya। eeshvar ke arth kiya to eeshvar ke kaam mein hi lagna hai। shareer nirvaah bhi to hota tha na। jo kuchh tha sab service mein laga diya। inko dekh phir doosron ne bhi aise kiya। bhatthi ban gai। bhatthi nahin banti to itne bachche hoshiyaar kaise hote, service ke liye। paakistaan mein seekhe phir yahaan aakar seekhe। jab samjhaane laayak bane tab baahar nikle। abhi to dekho kitni pradarshaniyaan aadi karte rehte hain। badon-badon ko nimantran dete hain। is gyaan yagya mein vighna bhi anek prakaar ke padenge। vighnon se darna nahin। ablaaon par kitne atyaachaar hote hain। baap kehte hain - yogbal mein rah unhon ko samjhaao। bhagwan baap ke bhi bachche bankar phir baap ko bhool jaate ho। maaya ke ban jaate ho। yeh bhi haar-jeet ki kushti hai। parantu boxing muaaphik hai। maaya ghoonsa lagaati hai to phaan ho jaate hain। baap kehte hain - maaya se kabhi haarna nahin hai। pavitra rahenge to vishwa ke maalik banenge। kitni badi aamadni hai। agar poora purushaartha nahin karenge to jaakar daas-daasi banenge। raajdhaani saari yahaan hi sthaapan ho rahi hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) jab tak jeena hai gyaan amrit peete rehna hai। mahaaveer ban maaya ki boxing mein vijayi banna hai। sabke saath tod nibhaate dil ek baap mein rakhni hai।

2) vighnon se darna nahin hai। service mein apna sab kuchh saphal karna hai। eeshvar arpan kar trustee ban rehna hai। kuchh bhi ulte sulte kaarya mein nahin lagaana hai।

vardaan:- apne sampoorn swaroop ke aahvaan dvaara aavaagman ke chakra se chhootne vaale lucky sitaare bhav

ab apni sampoorn sthiti va sampoorn swaroop ka aahvaan karo to vahi swaroop sada smriti mein rahega phir jo kabhi oonchi sthiti, kabhi neechi sthiti mein aane-jaane ka (aavaagman ka) chakra chalta hai, baar-baar smriti aur vismriti ke chakra mein aate ho, is chakra se mukta ho jaayenge। ve log janma-maran ke chakra se chhootne chaahte hain aur aap log vyartha baaton se chhoot chamakte hue lucky sitaare ban jaate ho।

slogan:- kisi bhi vighna ke vash hona arthaat diamond par daag lagaana।

ye avyakt ishaare - apvitrata ke beej ko bhi samaapta kar sampoorn svachchha (pavitra) bano

jaise aapka aadi swaroop pavitra devta hai, aise yeh antim janma bhi pavitra brahman jeevan hai, is smriti ke aadhaar par pavitra jeevan ati sahaj anubhav karo। pavitra bano, yogi bano - yahi mahaamantra sarva praaptiyon ki chaabi hai। agar pavitrata nahin, yogi jeevan nahin to adhikaari hote hue bhi adhikaar ki anubhooti nahin kar sakenge। yeh mahaamantra hi sarva khajaanon ke anubhooti ki chaabi hai।