शनिवार 22 अगस्त 2026 की दैनिक मुरली

22-08-2026 praatahmurli om shanti "baapdaada"' madhuban

“meethe bachche - vishaal buddhi ban badon-badon ki opinion le anek aatmaon ka kalyaan karo, unse hall aadi lekar khoob pradarshaniyaan lagaao''

prashn:- abhi tumhein kaun si smriti aai hai jiska simran karo to kabhi duhkhi nahin honge?

uttar:- abhi smriti aai ki ham poojya raav the, phir rank banen। ab phir se baba humein raav (raaja) bana rahe hain। baba abhi humein saare vishwa ka samaachaar sunaate hain, ham world ki history geography ko jaan gaye hain। inheen smritiyon ka simran karte raho to kabhi apne ko duhkhi nahin samjhenge। sada khush rahenge।

geet:- nayan heen ko raah dikhaao prabhu…

om shanti। meethe-meethe sikeeldhe roohaani bachchon ne geet suna। bachche samajhte hain ki baap ko milna va baap se varsa lena bahut sahaj hai। gaaya bhi jaata hai baap se ek second mein jeevanmukti ka varsa milta hai। jeevanmukti maana sukh-shanti-sampatti aadi ka varsa। ab jeevanmukti aur jeevanbandha do akshar hain। bachche jaante hain is samay bhakti maarga aur raavan raajya ke kaaran sab jeevanbandha mein hain। baap aakar bandhan se mukta karte hain, varsa dete hain। jaise bachcha janma aur maa-baap, mitra-sambandhi aadi samajh jaate hain vaaris paida hua। jaise yeh samajhna sahaj hai vaise woh bhi sahaj hai, bachche kehte hain baba kalpa pahle misal aap hamko aakar mile ho। aap se hi sahaj varsa paane ka raasta mila hai। yeh to har ek jaante hain nai srishti ka rachayita bhagwan hi hai। woh hamko bhatakne se bachaate hain। kal bhakti karte the, aaj baap se sahaj gyaan aur raajayog ka raasta mila hai। bachche apna anubhav sunaate hain ki hamne bi.ke. dvaara suna ki do baap hain। yeh sivaae tumhaare aur koi mukh se kah na sake ki do baap hain। tumhaari har ek baat wonderful hai। abhi smriti mein aata hai jo yahaan ke honge unko jhat smriti mein aa jaayega। haan, smriti mein aaye hue ko bhi maaya koi samay jor se thappad lagaae vismrit kar deti hai। ismen bachchon ko bada khabardaar rehna hai। smriti to baap ne dilaai hai। pavitrata ka kangan bhi poora baandhana hai। rakshaabandhan ka rahasya kya hai, so to abhi tum jaante ho। kisne yeh pratigya karaai hai। kaam to mahaashatru hai। baap kehte hain - mere saath pratigya karo ki kabhi bhi patit nahin banoonga aur mujhe yaad karte raho to aadhaakalpa ke paap jalkar khatma ho jaayenge। baap guarantee karte hain parantu yeh to bachche samajhte bhi hain - baap guarantee karte yeh to baat theek hai na। sonaar guarantee bhi kya karenge ki ham puraane jevar ko naya banaayenge। unka to yeh kaam hi hai। aag mein daalne se zaroor woh sachcha sona ban hi jaayega। to baap samjhaate hain - aatma mein bhi khaad padi hai। kaise sato rajo tamo mein aate hain - yeh bahut sahaj hai। chitra bhi isliye banaaye hain ki is par sahaj samjha saken। university kolejes aadi mein bhi nakshe hote hain na - anek prakaar ke। tumhaare bhi yeh nakshe hain। tum achhi reeti kisko samjha sakte ho। gyaan saagar patit-paavan baap hi aakar yeh raasta bataate hain। aur koi patit ko paavan bana na saken। nayan heen duhkhi manushya hain। tum bachche jaante ho pahle do yugon mein duhkh hota nahin। na bhakti hoti hai। woh hai hi svarga। bhaarat ke is samay ke manushyon ka aur bhaarat ke praacheen manushyon ka contrast hai na। parantu yeh aur koi samajhte nahin। kitni pooja chalti hai। jitna-jitna jo saahookaar hote hain utna devi-devtaaon ko achhe jevar pahnaate hain। baba khud anubhvi hai। baambe mein lakshmi-naaraayan ka jo mandir hai, unke trustee ne lakshmi-naaraayan ke liye heeron ka haar banvaaya tha। baba ko us trustee ka naam bhi yaad hai। pahle shivbaaba ka mandir banaaya to unko bahut sajaaya phir devtaaon ka banaaya to lakshmi-naaraayan aadi ko bhi kitne jevar pahnaaye। us samay kitna dhan hoga। muhammad gajanvi kitne oont bharkar le gaye। bhaarat mein kitna athaah dhan tha। abhi tum yathaartha reeti samajhte ho। hamaara bhaarat kya tha! hamaare bhaarat mein kuber ka khajaana tha। heere-javaahron ke mandir banaate the। abhi woh cheejen hain nahin, sab lootkar le gaye। abhi to kya haal hua hai।

tum hi poojya raav the phir tum hi 84 janma le poore rank bane ho। aisi-aisi baaten ghadi-ghadi simran karni chaahiye। to phir kabhi bhi tum apne ko duhkhi nahin samjhenge। dil mein simran karte rahenge ham baba se kya le rahe hain। baap aakar hamko saare vishwa ka samaachaar sunaate hain। yeh world ki history-geography koi bhi jaante nahin। tum jaante ho pahle ek dharma, ek raajya, ek hi mat, ek bhaasha thi। sabhi sukhi the। peechhe yeh aapas mein ladne-jhagadne lage aur bhaarat tukda-tukda hone laga। pahle aise nahin tha। vahaan koi bhi kisam ka duhkh nahin tha। beemaari ka naam nishaan nahin tha। uska naam hi hai svarga। tumko apni smriti aai hai। barobar kalpa-kalpa hamko vismriti hoti hai phir smriti mein aata hai। pahli ekaz bhool hui hai jo rachta aur rachna ko bhool gaye। abhi tum aadi-madhya-ant ko jaante ho। satayug mein bhi yeh knowledge nahin hogi, to phir parampara kaise chal sakti। us samay mukhya to raaje log hi hote hain। rishi-muni thode hi hote hain। ve dvaapar se aate hain। rishi-muni aadi ko khaan-paan bhi raajaaon se hi milta hai। raajaayen sambhaal karte hain kyonki phir bhi sannyaas karte hain na। praacheen bhaarat ka praacheen raajayog gaaya jaata hai। praacheen rishi-muni nahin kahenge। woh to dvaapar mein hi aate hain। woh raajaaon ke aadhaar par chalte hain। kehte hain ham rachta aur rachna ko nahin jaante। baap kehte hain - yeh khud raajaayen bhi nahin jaante। is duniya mein koi bhi is knowledge ko nahin jaante। abhi tum bachche samajhdaar bane ho। lakshmi-naaraayan ke mandir jo banaate hain unko tum likh sakte ho। itne laakhon roopaye kharcha kar mandir banaaya hai parantu unki jeevan kahaani ka aapko pata hai? inhonne raajya kaise paaya phir kahaan chale gaye। abhi kahaan hain, ham aapko sab raaz bata sakte hain। aisa unhon ko likh sakte ho। tum bachche to har ek ki jeevan kahaani ko jaan chuke ho to kyon nahin likhna chaahiye। hamko time do to ham ek-ek ki jeevan kahaani bataayenge। shiv ke mandir jo banaate hain unko bhi tum likh sakte ho। banaaras mein shiv ka mandir kitna bada hai। vahaan bhi trustee log honge। koshish karni chaahiye - badon-badon ko samjhaayen। bade aadmi samajh gaye to unka aavaaz bahut hota hai। gareeb log jhat sun lete hain। madad badon ki leni hai। opinion bhi badon-badon ki likhvaani hai kyonki unhon ka aavaaj bhi madad karta hai। vaastav mein woh itna aavaaz karte nahin hain jitna hona chaahiye। tum president ko bhi samjhaate ho। achha-achha bhi kehte hain। chief minister, governor aadi opening karte hain - likhte hain yeh bi.ke. to bahut achha sahaj raasta eeshvar se milne ka bataate hai। parantu eeshvar kya cheez hai, yeh kuchh bhi nahin samajhte। sirf us samay kehte hain raasta bada achha hai। shanti milne ka maarga achha hai। parantu khud nahin samajhte hain।

baba badon-badon ko samjhaane ke liye bhi kehte hain। bade-bade manushyon se bade-bade jo naameegraami hall hain woh le lo। bolo, ham sab manushyon ke kalyaan liye yeh pradarshani hamesha ke liye rakhna chaahte hain, sirf advertise karni hai। aise 50 ya 100 hall lene chaahiye। bhaarat to bahut bada hai na। ek-ek shahar mein 10-12 hall lo। akhbaar mein pad jaae itne holon mein pradarshani ho rahi hai। jinko samajhna hai woh aakar samjhen। to kitne ka kalyaan ho jaayega। bachchon ko bada vishaal buddhi banna chaahiye। service bachchon ko karni chaahiye na। baap sab bachchon ko kehte hain pradarshaniyaan bahut jor-shor se karo। baba taiyaari kara rahe hain। bachchon ko koshish karni chaahiye, yeh sab samajhne ki baaten hain। bhagwan aate hain prajaapita brahma dvaara rachna rachte hain praja ki। to zaroor kitne brahman rache honge। ab phir rach rahe hain। kitne brahman-braahmaniyaan hain। baba yeh brahman dharma rachte hain sangam par। tum practical mein dekh rahe ho aur samajh rahe ho। yeh baaten koi shaastron mein nahin hain। tum bachche samajhte ho baba aate hi tab hain jab patit duniya ko paavan banna hota hai। yeh bhi jaante hain paramatma prajaapita brahma dvaara hi rachna rachte hain। parantu kab rachte hain - yeh nahin samajhte। woh samajhte hain koi nai rachna rachte honge। brahma ko to sookshm vatan mein samajhte hain। abhi tum samajhte ho prajaapita brahma to yahaan hai। tum sookshm vatan mein jaate ho। pavitra ban phir pharishte ban jaate ho, saakshaatkaar karte hain। bachche aakar sunaate hain vahaan movie chalti hai। woh hai hi movie world, tumne movie bioscope bhi dekha tha। abhi practical sab baaton ko tum jaan chuke ho। mool vatan hai silence world, vahaan aatmaayen rehti hain। sookshm vatan mein sookshm shareer bhi hai। to zaroor kuchh bhaasha bhi hogi। tum bachchon ki buddhi mein hai ham aatmaon ka sthaan shantidham hai phir hai sookshm vatan। vahaan brahma-vishnu-shankar rehte hain। aur yeh hai kaliyug aur satayug ka sangam। yahaan baap aate hain, yahaan se tum brahman jaate ho। piyarghar aur sasurghar hai na। yahaan donon tumhaare piyar hain। baapdaada donon mehnat karte hain bachchon ko gul-gul (phool) banaane। musalmaan bhi kehte hain garden oph allaah। karaachi mein ek pathaan tha - woh saamne khada hota tha। dekhte-dekhte gir padta tha। poochha jaata tha to kehta tha ham khuda ke bageeche mein gaya, khuda ne phool diya। ab unko gyaan to tha nahin। abhi tum samajhte ho bageecha kisko kaha jaata hai। yeh hai kaanton ka jangal aur woh hai phoolon ka bageecha। tumhaari buddhi mein saara raaz hai। satayug kya hai, kaliyug kya hai। tumko bahut khushi honi chaahiye। saara chakra tumhaari buddhi mein hai। vistaar to inka bahut hai। tumhaari buddhi mein kitna short mein baitha hua hai।

tum bachchon ne rachta baap dvaara rachta aur rachna ko jaana hai। brahma ko rachta nahin kahenge। rachta ek hai - balihaari bhi ek ki hai। pahle-pahle rachna brahma ki hai phir kahenge shreekrishna ki। brahma to hai, brahman bhi zaroor chaahiye। paandavon ko brahman nahin samjhenge। brahma dvaara brahman chaahiye। yeh hai roohaani yagya, isko spiritual knowledge kaha jaata hai। rooh ko vahi baap gyaan denge। tum jaante ho hamko manushya nahin padhaate hain। sabhi aatmaon ko baap padhaate hain। kehte bhi hain brahma dvaara sthaapna। shreekrishna ke liye thode hi kahenge, woh to ho bhi na sake। brahma dvaara sthaapna kaun karaate hain? kya shreekrishna? nahin, parampita paramatma। vishnu dvaara paalna। brahma aur vishnu ka kitna part hai। brahma mukh vanshaavli hi phir jaakar vishnupuri ke devta bante hain। brahma so vishnu, vishnu so brahma। yeh bhi bachchon ko samjhaaya hai। brahma so vishnu banne mein ek second, vishnu so brahma banne mein 84 janma। kitni wonderful baaten hain। koi bhi samajh na sake। yeh hai behad ki baaten। behad ke baap se behad ki padhaai padh behad ka raajya lena hai। srishti chakra ko jaanna hai। aatma hi jaanti hai shareer dvaara। aise nahin ki shareer knowledge leta hai aatma dvaara। nahin, aatma knowledge leti hai। tumko kitni khushi hai। yeh aantarik gupta khushi honi chaahiye। padhaai ke sanskaar aatma mein hain। duhkh bhi aatma ko hota hai। kehte hain hamaari aatma ko duhkhi mat karo। bachchon ko ab kitni roshni mil rahi hai। tumko khushi rehti hai। saagar se refresh ho baadlon ko milkar varsha barsaani hai। aapas mein milkar pradarshani aadi taiyaar karne mein madad karo। shauk hona chaahiye। service, service aur service। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) baap dvaara mili hui knowledge ka simran kar apaar khushi mein rehna hai। vishaal buddhi ban jor-shor se service karni hai।

2) baap dvaara jo smriti mili hai use vismriti mein nahin laana hai। pavitra rahne ki jo baap se pratigya ki hai use poora nibhaana hai।

vardaan:- nyaare pan ke abhyaas dvaara pharishte roop ka saakshaatkaar karaane vaale nirantar sahajyogi bhav

jaise koi bhi vastra dhaaran karna va na karna apne haath mein hota hai, aisa anubhav is shareer roopi vastra mein ho। jaise vastra ko dhaaran karke kaarya kiya aur kaarya poora hote hi vastra se nyaare hue। shareer aur aatma donon ka nyaaraapan chalte-phirte anubhav ho - tab kahenge nirantar sahajyogi। aise detach rahne vaale bachchon dvaara anek aatmaon ko pharishte roop aur bhavishya raajya pad ke saakshaatkaar honge। ant mein is service se hi prabhaav niklega।

slogan:- sangam ka ek second bhi vyartha ganvaana arthaat ek varsha ganvaana।

ye avyakt ishaare - apvitrata ke beej ko bhi samaapta kar sampoorn svachchha (pavitra) bano

brahman jeevan ka jo aantarik varsa sada sukh swaroop, shant swaroop, man ki santushtata hai, uska anubhav karne ke liye mansa ki pavitrata chaahiye। jama karne ki vidhi hai - mansa-vaacha-karmana pavitrata। foundation pavitrata hai। seva mein saphalta ka aadhaar bhi pavitrata hai। sankalp va bol mein aur koi bhi bhaav mix nahin ho। bhaav mein bhi pavitrata, bhaavna mein bhi pavitrata ho।