गुरुवार 10 सितंबर 2026 की दैनिक मुरली

10-09-2026 praatahmurli om shanti "baapdaada"' madhuban

“meethe bachche - baap aaye hain tumhein pujaari se poojya banaane, poojya se pujaari aur pujaari se poojya banne ki poori kahaani tum bachche jaante ho''

prashn:- kaun si baat duniya vaalon ke liye asambhav lagti aur tum sahaj use apne jeevan mein dhaaran karte ho?

uttar:- duniya vaale samajhte hain ki grihastha vyavhaar mein rehte pavitra rehna - yeh to bilkul asambhav hai aur tum sahaj dhaaran kar lete, kyonki jaante ho isse svarga ki baadshaahi milti hai। to yeh bahut sasta sauda hua na।

geet:- yeh kaun aaj aaya savere…

om shanti। andhiyaara aur savera, duniya ke liye bilkul alag hai। woh to common hai। tum bachchon ka savera an-common hai। duniya ko pata nahin andhiyaara aur savera kisko kaha jaata hai। vaastav mein yeh andhiyaara aur savera kalpa ke is purushottam sangamayug par hota hai। abhi agyaan andhiyaara door hota hai। gaate bhi hain - gyaan soorya pragta। woh soorya to roshni dene vaala hai। yeh hai gyaan soorya ki baat। bhakti ko andhiyaara, gyaan ko roshni kaha jaata hai। abhi tum bachche jaante ho savera ho raha hai। bhakti maarga ka andhiyaara poora ho jaata hai। bhakti ko agyaan kaha jaata hai kyonki jiski bhakti karte hain unka gyaan kuchh bhi nahin hai। vesta oph time hota hai। gudiyon ki pooja hoti rehti hai। aadhaakalpa se yeh gudiyon ki pooja hoti hai। pooja jiski karte unka poora gyaan bhi chaahiye। devi-devtaaon ka hai poojya gharaana। vahi poojya phir pujaari bante hain, poojya se pujaari, pujaari se poojya banne ki kitni lambi chaudi kahaani hai। manushya to poojya pujaari ka arth bhi nahin samajhte hain। parampita paramatma aate hi hain sangam par, jabki andhiyaara poora hota hai। savera banaane aate hain। parantu unhonne kalpa ke sangamayuge ke badle yuge-yuge likh diya hai। jab 4 yug poore hote hain to puraani duniya poori ho phir nai duniya shuru hoti hai। to isko kahenge kalyaankaari sangamayug। is samay sab narkavaasi hain। jab koi marta hai to kehte hain svarga padhaara to zaroor narka mein tha। yeh koi samajhte nahin ki ham narka mein hain। raavan ne sabki buddhi ko ekdam taala laga diya hai। sabki buddhi ekdam maari gai hai। baap samjhaate hain - bhaaratvaasiyon ki buddhi sabse vishaal thi। phir jab bilkul hi pattharbuddhi ban jaate hain tab hi duhkh paate hain। drama plan anusaar besmajh banna hi hai। besmajh banaati hai maaya। poojya ko samajhdaar aur pujaari ko besmajh kaha jaata hai। kehte bhi hain ham neech paapi hain। parantu samajhdaar kab the, yeh pata nahin padta। raavan roopi maaya bilkul hi patthar buddhi bana deti hai। abhi tumko samajh aai hai ki ham hi poojya the phir pujaari banen। abhi tum bachchon ko khushi hoti hai। bahut dinon se chillaate aaye hain ki hamko shanti mile athva janma maran se chhoot jaayen। lekin is maaya ki jajeeron se mukti ho jaae, yeh gyaan bhi kiski buddhi mein nahin hai।

tum jaante ho seedhi utarte aate hain, satayug mein to phir bhi dheere-dheere utarte hain, time lagta hai। sukh ki seedhi utarne mein time lagta hai। duhkh ki seedhi jaldi-jaldi utarte hain। satayug treta mein hai 21 janma, dvaapar-kaliyug mein 63 janma, aayu kam ho jaati hai। abhi tum jaante ho hamaari chadhti kala chapti mein ho jaati hai। gaate bhi hain janak ko second mein jeevanmukti mili। parantu jeevanmukti ka arth samajhte nahin hain। ek janak ko jeevanmukti mili va saari duniya ko mili? abhi tumhaari buddhi ka taala khul gaya hai। kiski dull buddhi hoti hai to kehte hain paramatma inko achhi buddhi do। satayug mein aisi koi baat nahin। jo aatmaayen bahutkaal paramatma se alag rehti hain, unka bhi hisaab hai। baap jab paramdham mein the, us samay jo aatmaayen unke saath muktidhaam mein rehti hain, pichhaadi mein aati hain, woh bahut samay saath rehti hain। ham to thoda time vahaan rehte hain। pahle-pahle ham baap se bichhudte hain isliye gaaya jaata hai aatma paramatma alag rahe bahukaal... unhon ka hi ab mela hota hai jo bahut samay baap se alag rahe hain। jo vahaan bahut samay saath rehte hain, unko nahin milte hain। baap kehte hain - khaas tum bachchon ko main padhaane aata hoon। tum bachchon ke saath hoon to sabka kalyaan hota hai। abhi sabki kayaamat ka samay hai। abhi sab hisaab-kitaab chuktu kar chale jaayenge। baaki tum raaj-bhaag paayenge। yeh baaten koi ki buddhi mein nahin hain। gaate bhi hain god father, liberator, guide। duhkh se liberate kar shantidham mein le jaane ke liye guide bante hain। sukhdhaam ke liye guide nahin bante। aatmaon ko shantidham mein le jaate hain, woh hai niraakaari duniya - jahaan aatmaayen rehti hain। parantu vahaan koi ja nahin sakta kyonki patit hain, isliye patit-paavan baap ko pukaarte hain। khaas bhaaratvaasi jab ulte ban jaate hain tab behad baap ko hi kutte-billi, patthar-thikkar mein le jaate hain। wonder hai na। apne se bhi mujhe neeche le jaate hain। yeh bhi drama bana hua hai। kiska dosh nahin hai, sab drama ke vash hain। eeshvar ke vash nahin। eeshvar se bhi drama teekha hai। baap kehte hain - main bhi drama anusaar apne samay par aaoonga। mera aana ek hi baar hota hai। bhakti maarga mein manushya kitne dhakke khaate hain। tumko baap mila hai। baap se chapti mein varsa lena hai। varsa mil gaya phir dhakke khaane ki darkaar nahin। bhagwan khud kehte hain main aakar vedon shaastron ka saar samjhaata hoon। pahle sachkhanda tha phir jhooth khanda kaise bana, yeh kisko pata nahin। geeta kisne sunaai, yeh bhi bhaaratvaasi nahin jaante। bhaarat ka hi aadi sanaatan devi-devta dharma tha। devta dharma vaale hi satopradhaan poojya se jab tamopradhaan pujaari ban jaate hain tab devta dharma praayahlop ho jaata hai phir baap aakar phir se us dharma ki sthaapna karte hain। chitra bhi hain, shaastra bhi hain। bhaaratvaasiyon ka ek hi shaastra shiromni geeta hai। har ek apne dharma ko hi bhool gaye hain, isliye naam badal hindu rakh diya hai। drama mein noondh hai। aatma hi punarjanma mein aate tamopradhaan ban jaati hai, khaad pad jaati hai।

tum jaante ho ham sachche jevar the, ab jhoothe ban gaye hain। jevar shareer ko kaha jaata hai। shareer dvaara hi part bajaate hain। hamko kitna lamba 84 janmon ka part mila hua hai। devta, kshatriy... aape hi poojya, pujaari tum bante ho। main agar poojya phir pujaari banoon to tumko poojya kaun banaaye। main to ever paavan, gyaan ka saagar, patit-paavan hoon। tum hi poojya pujaari ban din aur raat mein aate ho। parantu vo log jaante nahin। baap samjhaate hain duniya jhoothi banti jaati hai to itni jhoothi kahaaniyaan baith banaai hain। vyaas ne bhi kamaal ki hai। ab vyaas bhagwan to nahin hai। bhagwan ne to aakar brahma dvaara vedon shaastron ka saar samjhaaya hai। unhonne shaastra de diye hain brahma ko। ab bhagwan kahaan? aise to nahin vishnu ki naabhi se brahma nikla। to vishnu ne baith shaastron ka saar bataaya। nahin, brahma dvaara samjhaaya hai। trimoorti ke oopar hai shivbaaba, woh baith saar bataate hain - brahma dvaara। jinke dvaara samjhaate hain vahi phir paalna karenge। tum ho brahmaakumaar kumaariyaan। brahman varna hai oonch te oonch। tum abhi ho eeshvareey santaan। eeshvar ke rache hue yagya ki tum sambhaal karte ho। is gyaan yagya mein saari puraani duniya svaaha ho jaani hai। inka naam rakha hai - raajasva ashvamedh avinaashi rudra gyaan yagya। raajaai praapta karaane ke liye baap ne yagya racha hai। woh yagya rachte hain to mitti ka shiv aur shaaligraam banaate hain। utpatti kar, paalna kar phir khalaas kar dete hain। devtaaon ki moortiyaan bhi aise hi karte hain। jaise chhote bachche gudiyon ka khel karte hain, aise yeh bhi karte hain। ab baap ke liye to kehte hain sthaapna, paalna phir vinaash karte hain, pahle sthaapna।

abhi tum mrityulok mein amarlok ke liye padh rahe ho। yeh tumhaara mrityulok ka antim janma hai। baap aate hain amarlok sthaapan karne। ek paarvati ko katha sunaane se kya hoga। amarnaath shankar ko kehte hain, unko paarvati dete hain। ab shankar paarvati sthool mein aa kaise sakte? jabki unhon ko sookshm vatan mein dikhaaya hai। abhi tumko samjhaaya hai jagat amba, jagat pita lakshmi-naaraayan bante hain। lakshmi-naaraayan phir 84 janmon ke baad, jagat amba, jagatpita bante hain। vaastav mein jagat amba hai purushaarthi, phir lakshmi hai paavan praalabdha। mahima jaasti kiski hai? jagat amba par dekho kitna mela lagta hai। kaali kalkatte vaali mashhoor hai। kaali maata ke paas bhala kaala pita kyon nahin banaaya hai? vaastav mein jagat amba aadi devi gyaan chita par baith kaale se gori banti hai। pahle gyaan gyaaneshvari hai phir raaj-raajeshvari banti hai। yahaan tum aaye ho eeshvar se gyaan lekar raaj-raajeshvari banne। lakshmi-naaraayan ko raajya kisne diya? eeshvar ne। amraktha satya naaraayan ki katha baap hi sunaate hain, second mein jisse nar se naaraayan bante hain।

abhi tum bachchon ke kapaat khul gaye ki kaam mahaashatru hai। kehte hain grihastha vyavhaar mein rahkar pavitra rehna asambhav hai। samjhaaya jaata hai - baap svarga ka rachayita hai to zaroor woh apne bachchon ko svarga ki baadshaahi denge। to svarga ki baadshaahi paane ke liye ek janma to pavitra rehna padega। yeh to sasta sauda hua na। vyaapaari log is baat ko achha uthaayenge kyonki vyaapaari log daan bhi karte hain। dharmaau bhi nikaalte hain। baap kehte hain - yeh sauda koi virla karte hain। kitna sasta vyaapaar hai। phir bhi kai hain jo sauda karke phir phaarakti bhi de dete hain। yeh knowledge baap ke sivaae koi samjha na sake। gyaan saagar ek hi hai, vahi samjhaate hain। jo paavan poojya tha phir 84 janma ke ant mein pujaari bana hai। inke tan mein maine pravesh kiya। prajaapita to yahaan hoga na। ab tum purushaartha kar pharishta ban rahe ho। ab bhakti maarga ki raat ke baad gyaan arthaat din hota hai। tithi taareekh to hai nahin। shivbaaba kab aaya, kisko bhi pata nahin hai। krishna jayanti dhoomdhaam se manaate hain। shiv jayanti ka poora kisko maaloom bhi nahin hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) is kalyaankaari yug mein ek baap se hi sachchi satya naaraayan ki katha, amraktha sunni hai। baaki jo kuchh suna hai use bhool jaana hai।

2) satayugi baadshaahi lene ke liye is ek janma mein pavitra rehna hai। pharishta banne ka purushaartha karna hai।

vardaan:- har sankalp, samay, shabd aur karma dvaara eeshvareey seva karne vaale sampoorn vaphaadaar bhav

sampoorn vaphaadaar unhein kaha jaata hai jo har vastu ki poori-poori sambhaal karte hain। koi bhi cheez vyartha nahin jaane dete। jab se janma hua tab se sankalp, samay aur karma sab eeshvareey seva arth ho। yadi eeshvareey seva ke bajaae kahaan bhi sankalp va samay jaata hai, vyartha bol nikalte hain ya tan dvaara vyartha kaarya hota hai to unko sampoorn vaphaadaar nahin kahenge। aise nahin ki ek second va ek paisa vyartha gaya - to kya badi baat hai। nahin। sampoorn vaphaadaar arthaat sab kuchh saphal karne vaale।

slogan:- shreemat ko yathaartha samajhkar us par kadam-kadam chalne mein hi saphalta samaai hui hai।

maateshvari ji ke anmol mahaavaakya “raajarishi satayugi hote hain''

log yeh jo kehte hain dvaapar mein raajarishi the, jinhonne baith yeh ved shaastra rache kyonki vo trikaaldarshi the। ab vaastav mein raajarishi ham satayug mein hi kah sakte hain kyonki vahaan vikaaron ko poora jeete hue hain arthaat kamal ke phool samaan jeevanmukta avastha mein rehte raajaai chalaate hain। baaki yeh jo dvaapar mein paramatma ko praapta karne ke liye tap karne vaale rishi hain jinhonne ved shaastra rache hain satayug mein to ved shaastron ki jarurat hi nahin rehti, na ham unhon ko trikaaldarshi kah sakte hain। jab ham brahma, vishnu, shankar ko trikaaldarshi nahin kah sakte hain to phir yeh dvaapar yug vaale rajogun samay ke rishi, muni kaise trikaaldarshi ban sakte hain। trikaaldarshi, trimoorti, trinetri sirf ek paramatma shiv ko kah sakte hain, jo svayan is kalpa ke ant mein aae saari rachna ka ant de dete hain। vahaan satayug mein praalabdha bhogni hai, vahaan yeh gyaan nahin rehta ki ham brahmaavanshi brahman hi sirf master trinetri, trikaaldarshi bante hain, baaki saare kalpa ke andar koi ko bhi gyaan nahin mil sakta hai, na devtaaon ko na manushyon ko trikaaldarshi kah sakte hain। achha, om shanti।

avyakt ishaare - ab apne daata swaroop ko pratyaksha karo

kabhi bhi apne punya ke badle prashansa lene ki kaamna bhi nahin rakhna, yeh had ki prashansa ko sveekaar karna sadaakaal ki praapti se vanchit hona hai isliye sada dene mein saagar ke samaan sampanna bano। aapka har bol auron ko khushi mein, baap ke sneh mein, ateendriy sukh mein roohaani aanandamay jeevan ka anubhav karaaye aur har karma sarva aatmaon ke prati sada sahayog ki praapti karaane vaala ho।