शनिवार 12 सितंबर 2026 की दैनिक मुरली

12-09-2026 praatahmurli om shanti "baapdaada"' madhuban

“meethe bachche - abhi yeh raavan raajya, puraani duniya khatma ho nai duniya aa rahi hai isliye shreemat par chal pavitra bano to shreshtha devi devta banenge''

prashn:- baap apne bachchon ko satya naaraayan ki katha sunaate hain, us katha ka rahasya kya hai?

uttar:- uska rahasya hai - baadshaahi lena aur ganvaana। alpha ko allaah mila, to gadaai chhod di। jo vishwa ke maalik the vahi 84 janma le raajaai ganva dete hain phir baap unhein raajaai dete hain। patit se paavan banna, gadaai chhod raajaai lena - yahi sachchi satya naaraayan ki katha baap sunaate hain।

geet:- aakhir woh din aaya aaj…

om shanti। om shanti ka arth to roohaani baap ne samjhaaya hai। om maana aham aatma hoon aur mera shareer hai। aatma to dekhne mein nahin aati hai। yeh samajh mein aata hai - main aatma hoon, yeh mera shareer hai। aatma mein hi man-buddhi hai। shareer mein buddhi nahin hai। aatma mein hi sanskaar achhe va bure rehte hain। mukhya hai aatma। us aatma ko koi dekh nahin sakte hain। shareer ko aatma dekhti hai। aatma ko shareer nahin dekh sakta। jaan sakte hain ki aatma nikal jaati hai to shareer jad ho jaata hai। aatma dekhi nahin jaati hai, shareer dekha jaata hai। vaise hi aatma ka jo father hai, jisko O god father kehte hain, woh bhi dekhne mein nahin aate hain। unko samjha ja sakta hai, jaana ja sakta hai। aatmaayen sab brothers hain। shareer mein aate hain to kahenge yeh bhaai-bhaai hain va bhaai-behen hain। aatmaon ka baap hai parampita paramatma। jismaani bhaai-behen ek-do ko dekh sakte hain। aatmaon ka baap sabhi ka ek hai, unko dekh nahin sakte। to baap aaye hain puraani duniya ko naya banaane। nai duniya satayug thi, yeh puraani duniya kaliyug hai। inko ab badalna hai। jaise puraana ghar khatma ho naya ghar banta hai। vaise yeh puraani duniya khalaas honi hai। satayug ke baad treta, dvaapar, kaliyug phir satayug aana zaroor hai। world ki history-geography repeat honi hai। satayug mein hota hai devi-devtaaon ka raajya। aadhaakalpa chalta hai sooryavanshi aur chandravanshi। unko kaha jaata hai lakshmi-naaraayan ki dynasty, raam-seeta ki dynasty। to yeh sahaj hai na। phir dvaapar, kaliyug mein aur dharma aate hain। phir devi-devtaayen jo pavitra the, woh apvitra ban jaate hain। inko kaha jaata hai raavan raajya। raavan ko varsha-varsha jalaate hain, parantu jalta hi nahin hai। yeh hai sabka bada dushman, isliye unko jalaane ki rasam pad gai hai। bhaarat ka number one dushman hai raavan aur number one dosta sada sukh dene vaala hai khuda। khuda ko dosta kehte hain na। is par ek kahaani bhi hai to khuda hai dosta। raavan hai dushman। khuda dosta ko kabhi jalaayenge nahin। raavan dushman hai isliye 10 sheesh vaala raavan banaakar unko varsha-varsha jalaate hain। gaandhi ji bhi kehte the humein raamraajya chaahiye। raamraajya mein hai sukh, raavan raajya mein hai duhkh। ab yeh kaun baith samjhaate hain? patit-paavan baap, shivbaaba brahma daada। baba hamesha sahi karte hain - baapdaada। prajaapita brahma bhi to sabka hoga, jisko Adam kaha jaata hai। unko great-great grand father kaha jaata hai। manushya srishti mein prajaapita hua। prajaapita brahma dvaara brahman phir brahman so devi-devta bante hain। devta, kshatriy, vaishya, shoodra ban jaate hain, inko kaha jaata hai prajaapita brahma, manushya srishti ka bada। prajaapita brahma ke kitne dher bachche hain। baba-baba kehte rehte hain। yeh hai saakaar baba। shivbaaba hai niraakaar baba। gaaya bhi jaata hai prajaapita brahma dvaara nai manushya srishti rachte hain। yeh hai patit duniya raavan raajya। ab raavan ki aasuri duniya khatma ho jaayegi, uske liye yeh mahaabhaarat ladaai hai। phir satayug mein is raavan dushman ko koi jalaayenge hi nahin। raavan hoga hi nahin। raavan ne hi yeh duhkh ki duniya banaai hai। aise nahin jinke paas paise bahut hain, bade-bade mahal aadi hain woh svarga mein hain। baap samjhaate hain bhal kiske paas karod hain, parantu shanti nahin hai, paise aadi to sab mitti mein mil jaane vaale hain। nai duniya mein phir nai khaaniyaan nikalti hain, jisse nai duniya ke mahal aadi saare banaaye jaate hain। yeh puraani duniya ab khatma honi hai। satayug mein hai viceless sampoorn nirvikaari। vahaan bachche yogbal se paida hote hain। vikaar vahaan hota hi nahin। na deh-abhimaan, na krodh, na kaam। 5 vikaar hote hi nahin isliye vahaan kab raavan ko jalaate hi nahin। yahaan to raavan raajya hai, isliye sab pukaarte hain he patit-paavan aao। woh to liberator bhi hai, sabka duhkh harta hai। abhi sab raavan raajya mein hain। baap ko aakar chhudaana padta hai।

ab baap kehte hain tum pavitra bano। yeh patit duniya khatma honi hai, jo shreemat par chalenge woh shreshtha devi-devta banenge। vinaash to hoga, sab khatma ho jaayenge। baaki kaun bachenge? jo shreemat par pavitra rehte hain, vahi baap ki mat par chal vishwa ki baadshaahi ka varsa paate hain। in lakshmi-naaraayan ka raajya tha na। abhi to raavan raajya hai jo khatma hona hai। satayugi raamraajya sthaapan hona hai। raam woh seeta vaala nahin। lanka to yeh saari duniya hai, ismen raavan ka raajya hai। bhaarat sone ki chidiya tha satayug mein। jabki doosra koi raajya hi nahin tha। baap bhaarat mein aakar phir se sone ki chidiya svarga banaate hain। baaki jo itne dharma hain, sab khatma ho jaayenge। samudra bhi uchhal maarega। baambe kya tha, ek chhota sa gaanvada tha। abhi satayug ki sthaapna hoti hai phir baambe aadi rahegi nahin। satayug mein bahut thode manushya hote hain। capital dehli hoti hai, jahaan lakshmi-naaraayan ka raajya hota hai। dehli satayug mein paristaan thi। dehli hi gaddi thi। raamraajya mein bhi dehli hi capital rehti hai। parantu raamraajya mein heere javaahron ke mahal the, athaah sukh tha। baap kehte hain tumne vishwa ka raajya ganvaaya hai, main phir se deta hoon। tum meri mat par chalo। shreshtha banna hai to sirf mujhe hi yaad karo aur kisi dehdhaari ko yaad nahin karo। apne ko aatma samajh mujh baap ko yaad karo to tum tamopradhaan se satopradhaan ban jaayenge, tum mere paas chale aayenge। tum mere gale ki maala ban phir vishnu ke gale ki maala ban jaayenge। maala mein oopar hoon main। phir yugal hai brahma-sarasvati। vahi satayug ke mahaaraaja-mahaaraani bante hain। unhon ki phir saari maala hai jo nambarvaar gaddi par baithte hain। main bhaarat ko in brahma-sarasvati aur braahmanon dvaara svarga banaata hoon। jo mehnat karte hain, unhon ke phir yaadgaar bante hain। aatmaon ka rahne ka sthaan hai paramdham, jisko brahmaanda bhi kehte hain। ham sab aatmaayen vahaan sweet hom mein rahne vaali hain - baap ke saath। woh hai shantidham, manushya chaahte hain - ham muktidhaam mein jaayen। parantu vaapis koi ja nahin sakte। sabko part mein aana hi hai। tab tak baap tumko taiyaar karte rehte hain। tum taiyaar ho jaayenge to vahaan jo bhi aatmaayen hain, woh sab aa jaayengi, phir khalaas। tum jaakar nai duniya mein raajya karenge phir nambarvaar chakra chalega।

geet mein bhi suna hai na, aakhir woh din aaya aaj। bhakti maarga mein dhakke khaate rehte the। baap hai gyaan soorya। gyaan soorya pragta..... abhi tumhaari buddhi mein srishti ke aadi-madhya-ant ka gyaan hai। jaante ho jo bhaaratvaasi narkavaasi hain woh phir svargavaasi banenge। baaki itni sab aatmaayen shantidham mein chali jaayengi। samjhaana bahut thoda hai, alpha baba, be baadshaahi। alpha dvaara baadshaahi mil jaati hai। gadaai khatma ho jaati hai। uski kahaani baap baith samjhaate hain। yeh hai sachchi satya-naaraayan ki katha। baaki sab hain danta kathaayen। baba hi nar se naaraayan banne ke liye yeh gyaan sunaate hain। history-geography hai na। lakshmi-naaraayan ka raajya kab shuru hua, kab tak chala। to katha bhi hui na! jo vishwa par raajya karte the, woh 84 janma lekar bilkul hi tamopradhaan ban gaye hain।

abhi baap kehte hain - main vahi raajya phir se sthaapan karta hoon। tum kaise patit se paavan, paavan se patit bante ho - woh saari history-geography samjhaate hain। pahle-pahle sooryavanshiyon ka raajya phir chandravanshiyon ka... unke beech doosre bhi bauddhi, islaami phir Christian aaye। phir woh devi-devta dharma jo tha so gum ho gaya। phir world ki history-geography repeat hogi। shaastron mein brahma ki aayu 100 varsha dikhaai hui hai। yeh jo brahma hai, jismen baap baith varsa dete hain, inka bhi shareer chhoot jaayega। aatmaon ko baith jo aatmaon ka baap hai woh sunaate hain, vahi patit-paavan hai। manushya; manushya ko paavan bana nahin sakenge। jo khud hi mukta nahin ho sakte woh auron ko phir kaise karenge। woh to sab bhakti sikhlaane vaale anek guru hain। koi kahenge phalaane ki bhakti karo, koi kahenge shaastra suno। anekaanek mat-mataantar hain, isliye sab aur hi besmajh ban gaye hain। ab baap aakar samajhdaar banaate hain। yeh lakshmi-naaraayan samajhdaar vishwa ke maalik the na। ab kitne kangaal ban gaye hain। phir shivbaaba aakar narkavaasi se svargavaasi banaate hain। baap kitna achhi tarah se samjhaate hain ki yahaan takdeer jag jaae। baap aate hi hain manushya maatra ki takdeer jagaane। sab patit duhkhi hain na। sab traahi-traahi kar vinaash ho jaayenge isliye baba kehte hain traahi-traahi ke pahle behad ke baap se kuchh varsa le lo। yeh jo kuchh duniya mein dekhte ho woh sab khatma ho jaana hai। fall oph bhaarat, rise oph bhaarat। yeh bhaarat ka hi khel hai। rise hoga satayug mein। ab kalayug mein fall hona hai। yeh sab raavan raajya ka pomp hai। ab vinaash hona hai। fall oph world, rise oph world। satayug mein kaun-kaun raajya karte hain, yeh baap baith samjhaate hain। rise aaph bhaarat, devtaaon ka raajya। fall oph bhaarat, raavan ka raajya। abhi nai duniya ban rahi hai। puraani duniya khatma ho jaayegi। iske pahle tum padh rahe ho, baap se varsa lene। kitna sahaj hai। yeh hai manushya se devta banne ki padhaai। sannyaasiyon ka hai hi nivriti maarga। woh dharma hi alag hai। woh to grihastha vyavhaar chhod chale jaate hain, unka hai had ka sannyaas। tumko is puraani duniya ka sannyaas kar phir yahaan aana nahin hai। yeh bhi achhi reeti samjhaana hai, kaun-kaun se dharma kab aate hain। dvaapar ke baad hi aur dharma aate hain। pahle sukh bhogte hain phir duhkh। yeh saara chakra buddhi mein bithaana hota hai। jab se tum chakra mein aate ho mahaaraaja-mahaaraani bante ho। sirf alpha aur be ko samjhaana hai।

baba kisko vilaayat mein jaane ki mana nahin karte hain। yoon to sab chaahte hain ki mrityu apne desh mein hi ho। ab vinaash to hona hi hai, hangaama itna ho jaayega jo vilaayat se phir aa bhi nahin sakenge isliye baap samjhaate hain ki bhaarat bhoomi sabse uttam hai, jahaan baap aakar avtaar lete hain। shiv jayanti bhi manaai jaati hai। sirf shreekrishna ka naam daalne se saari mahima hi khatma ho gai hai। sarva manushya maatra ka liberator yahaan aakar avtaar lete hain। god father hi hai jo aakar liberate karte hain। to aise baap ko naman karna chaahiye, unki jayanti manaani chaahiye। parantu shreekrishna ka naam daalne se saari value gum kar di hai। nahin to bhaarat sabse oonch teertha hai। woh baap yahaan hi aakar sabko paavan banaate hain, to yeh sabse bada teertha thahra। sabko durgati se chhudaay sadgati dete hain। yeh drama bana hua hai। abhi tum aatmaayen jaanti ho, hamaara baba is apne shareer dvaara yeh raaz samjha rahe hain। ham aatma is shareer dvaara sunti hain। aatma-abhimaani banna hai। apne ko aatma samajh baap ko yaad karo to kat nikalti jaayegi aur pavitra ban tum baap ke paas aa jaayenge। jitna yaad karenge utna pavitra banenge, auron ko bhi aap samaan banaayenge to bahuton ki aasheervaad milegi। oonch pad pa lenge isliye gaaya jaata hai second mein jeevanmukti। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) baap ke gale ki maala ban vishnu ke gale mein pirone ke liye sampoorn satopradhaan banna hai। ek baap ki mat par chalna hai।

2) aisi seva karni hai jo anek aatmaon ki aasheervaad milti rahe। traahi-traahi hone ke pahle baap se poora-poora varsa lena hai।

vardaan:- snehi banne ke guhya rahasya ko samajh sarva ko raazi karne vaale raazayukta, yogayukta bhav

jo bachche ek sarvashaktimaan baap ke snehi bankar rehte hain ve sarva aatmaon ke snehi svatah ban jaate hain। is guhya rahasya ko jo samajh lete woh raajayukta, yogayukta va divyagunon se yuktiyukta ban jaate hain। aisi raazayukta aatma sarva aatmaon ko sahaj hi raazi kar leti hai। jo is raaz ko nahin jaante ve kabhi anya ko naaraaz karte aur kabhi svayan naaraaj rehte hain isliye sada snehi ke raaz ko jaan raajayukta bano।

slogan:- jo nimitta hain woh jimmevaari sambhaalte bhi sada halke hain।

avyakt ishaare - ab apne daata swaroop ko pratyaksha karo

jaise baapdaada sada badi dil vaale behad ki dil vaale hain, isliye sarva ki dil lene vaale dilaaraam hain, aise bachche bhi behad ki dil phraakdil daataapan ki dil rakhne vaale, sada dil khush se jahaan ko khush karne vaali khushanseeb aatmaayen hain। aap shreshtha aatmaayen hi jahaan ke aadhaar ho। aap sabhi jagte, jaagti jyot bante to jahaan vaale bhi jagte। aap sabki chadhti kala hoti hai to sarva aatmaon ka kalyaan ho jaata hai।