मंगलवार 15 सितंबर 2026 की दैनिक मुरली

15-09-2026 praatahmurli om shanti "baapdaada"' madhuban

“meethe bachche - tum apni takdeer bhavishya nai duniya ke liye bana rahe ho, yeh tumhaara raajayog hai hi nai duniya ke liye''

prashn:- takdeervaan bachchon ki mukhya nishaaniyaan kya hongi?

uttar:- 1. takdeervaan bachche kaaydesir shreemat par chalenge। koi bhi kaayde ke viruddha kaarya karke apne ko va baap ko thagenge nahi। 2. unhein padhaai ka poora-poora shauk hoga। samjhaane ka bhi shauk hoga। 3. paas with honour ban scholarship lene ka purushaartha karenge। 4. kabhi kisi ko duhkh nahin denge। kabhi koi ulta karma nahin karenge।

geet:- takdeer jagaakar aai hoon…

om shanti। meethe-meethe roohaani bachchon ne geet suna। nayon ne bhi suna to puraanon ne bhi suna, kumaariyon ne bhi suna। yeh paathshaala hai। paathshaala mein koi na koi takdeer banaane jaate hain। vahaan to anek prakaar ki takdeer hai, koi surgeon banne ki, koi barrister banne ki takdeer banaate hain। takdeer ko em object kaha jaata hai। takdeer banaane bigar paathshaala mein kya padhenge। ab yahaan bachche jaante hain ki ham bhi takdeer banaakar aaye hain - nai duniya ke liye apna raajya bhaagya lene। yeh hai nai duniya ke liye raajayog। woh puraani duniya ke liye barrister, engineer, surgeon aadi bante hain। woh bante-bante, abhi puraani duniya ka time bahut thoda raha hai, woh to khatma ho jaayega। woh takdeer hai is mrityulok ke liye, is janma ke liye। tumhaari padhaai hai nai duniya ke liye। tum nai duniya ke liye takdeer banaakar aaye ho। nai duniya mein tumko raajya-bhaagya milega। kaun padhaate hain? behad ka baap, jisse hi varsa paana hai। jaise doctor logon ko doktari ka varsa milta hai apni padhaai ka। achha jab boodhe hote hain tab guru ke paas jaate hain। kya chaahte hain? kehte hain hamko shantidham jaane ki shiksha do, hamko sadgati do। yahaan se nikaal shantidham le jaao। baap se bhi varsa milta hai - is janma ke liye। baaki guru se to kuchh nahin milta। teacher se kuchh na kuchh varsa paate hain kyonki aajeevika to chaahiye na। baap ka varsa hote hue bhi padhte hain ki ham bhi apni kamaai karen। guru se kamaai kuchh hui nahin। haan, koi-koi geeta aadi achhi padhkar phir geeta par bhaashan aadi karte hain। yeh sab hai alpakaal sukh ke liye। ab to is mrityulok ka ant hai। tum jaante ho ham nai duniya ki takdeer banaane aaye hain। yeh puraani duniya khatma ho jaani hai। baap ki va apni milkiyat bhi sab bhasma jo jaayegi। haath phir bhi khaali jaayenge। abhi to kamaai chaahiye nai duniya ke liye। puraani duniya ke manushya to woh kar nahin sakenge। nai duniya ki kamaai karaane vaala hai hi shivbaaba। yahaan tum nai duniya ke liye takdeer banaane aaye ho। woh baap hi tumhaara baap bhi hai, teacher bhi hai, guru bhi hai। aur woh aate hi hain sangam par, bhavishya ke liye kamaai sikhlaane। ab is puraani duniya mein to thode roz hain। yeh duniya ke manushya nahin jaante।

tum bachche jaante ho nai duniya ke liye yeh hamaara baap teacher satguru hai। baap aate hi hain shantidham, sukhdhaam mein le jaane। koi takdeer nahin banaate hain, goya kuchh bhi samajhte nahin। ek hi ghar mein stri padhti hai, purush nahin padhta, bachche padhenge maa-baap nahin padhenge। aise hota rehta hai। shuru mein parivaar ke parivaar aaye। parantu maaya ka toofaan lagne se aashcharyavat sunanti, kathanti baap ko chhod chale gaye। gaaya hua bhi hai aashcharyavat sunanti kathanti baap ka bananti, padhaai padhaavanti phir bhi... haay kudrat, drama ki। drama ki hi baat hui na। baap khud kehte hain aho drama, aho maaya। kisko phaarakti de di! stri-purush ek-do ko divorce dete hain। bachche baap ko phaarakti dete hain। yahaan to woh nahin hai। yahaan to divorce de na saken। baap to aaye hain bachchon ko sachchi kamaai karaane। baap thode hi kisko khadde mein daalenge। baap to hai hi patit-paavan, raham-dil। baap aakar duhkh se liberate karte hain aur guide ban saath le jaane vaala hai। aise koi laukik guru nahin kahenge ki main tumko saath le jaaoonga। shaastron mein hai bhagvaanuvaach - ki main tum sabko le jaaoonga। machchharon sadrishya sab jaane hain। tum bachche achhi reeti jaante ho abhi hamko jaana hai ghar। yeh shareer chhodna hai। aap muye mar gai duniya। apne ko sirf aatma samajh baap ko yaad karna hai। yeh to puraana chola chhi-chhi hai। yeh duniya bhi puraani hai। jaise puraane ghar mein baithe hote hain, naya ghar saamne banta rehta hai to baap bhi samjhega hamaare liye, bachche bhi samajhte hamaare liye ban raha hai। buddhi chali jaayegi naye ghar taraph। ismen yeh banaao, yeh karo। buddhi usmein hi lagi rahegi phir puraana tod dete hain। mamatva saara puraane se mitaae naye se jut jaata hai। yeh hai behad duniya ki baat। puraani duniya se mamatva mitaana hai aur nai duniya se lagaana hai। jaante hain yeh puraani duniya khatma honi hai। nai duniya hai svarga। usmein ham raajaai pad paate hain। jitna yog mein rahenge, gyaan ki dhaarna karenge auron ko samjhaayenge, utna khushi ka paara chadhega। bada bhaari imtahaan hai। ham 21 janma ke liye varsa pa rahe hain। saahookaar banna to achha hai na। badi aayu mile to achha hai na। srishti chakra ko jitna yaad karenge, jitne ko aap samaan banaayenge utna phaayda hai। raaja banna hai to praja bhi banaani hai। pradarshani mein itne dher aate hain, woh saari praja banti jaayegi kyonki is avinaashi gyaan ka vinaash nahin hota। buddhi mein aayega - pavitra ban pavitra duniya ka maalik banna hai। raamraajya ki sthaapna ho rahi hai, raavan raajya ka vinaash ho jaayega। satayug mein to honge hi devtaayen।

baba ne samjhaaya tha - lakshmi-naaraayan ka chitra jo banaate hain, usmein likhna chaahiye ki past janma mein yeh tamopradhaan duniya mein the phir is purushaartha se tamopradhaan duniya se satopradhaan vishwa ke maalik banenge। maalik raaja-praja sab hoti hai na। praja bhi kahegi bhaarat hamaara sabse ooncha hai। barobar bhaarat hi sabse oonch tha। abhi nahin hai, tha zaroor। abhi to bilkul gareeb ho gaya hai। praacheen bhaarat sabse saahookaar tha। ham bhaaratvaasi sabse oonch devta kul ke the। doosre koi ko devi-devta nahin kaha jaata। ab tum bachchiyaan bhi padhti ho phir auron ko samjhaana hai na। baba ne direction diya na। kaise pradarshani aadi mein taar di jaaye, so likhkar aao। tumhaare paas chitra bhi hain, tum siddha kar batla sakte ho ki unhonne yeh pad kaise paaya। ab phir se yeh pad pa rahe hain shivbaaba se। unka chitra bhi hai। shiv hai parampita paramatma। brahma, vishnu, shankar ke bhi chitra hain। parampita paramatma brahma dvaara sthaapna kar rahe hain। vishnupuri saamne khadi hai। vishnu dvaara nai duniya ki paalna। vishnu hai raadhe-krishna ke do roop। ab geeta ka bhagwan kaun thahra? pahle to yeh likho ki geeta ka bhagwan niraakaar shiv hai na ki krishna। brahma so vishnu, vishnu so brahma kaise bante hain। ek hi chitra par samjhaane mein kitna time lagaata hai। jab buddhi mein baat baithe। pahle-pahle to yeh samjhaakar aur phir likhna chaahiye।

baap kehte hain - brahma dvaara tumko yogbal se 21 janma ka adhikaar milta hai। shivbaaba brahma dvaara varsa de rahe hain। pahle-pahle inki aatma sunti hai। aatma hi dhaaran karti hai। mool baat hai hi yeh। chitra to shiv ka dikhaate hain। yeh hai parampita paramatma shiv phir prajaapita brahma to zaroor chaahiye। yahaan prajaapita brahma ke brahmaakumaar-kumaariyaan dher ke dher hain। jab tak brahma ke bachche na banen, brahman na banen to shivbaaba se varsa kaise lenge। kukh ki paidaais to ho na sake। yeh bhi gaaya jaata hai mukh vanshaavli। tum kahenge ham prajaapita brahma ke mukh vanshaavli hain। vo guruon ke chele athva followers hote hain। yahaan tum ek ko hi baap teacher satguru kehte ho। so bhi unko kehte ho jo niraakaar shivbaaba gyaan ka saagar, knowledgeful hai। srishti ke aadi-madhya-ant ka gyaan dete hain। woh teacher bhi hai। niraakaar, aakar saakaar dvaara sunaate hain। aatma hi bolti hai na। aatma kehti hai mere shareer ko tang mat karo। aatma duhkhi hoti hai। is samay hai patit aatma। patiton ko paavan banaane vaala parampita paramatma hai। aatma bulaati hai he patit-paavan, he god father। ab father to ek baitha hai phir bhi yaad kisko karte hain। aatma kehti hai yeh hamaari aatma ka father hai। woh hai shareer ka father। samjhaaya jaata hai ab aatmaon ka baap jo niraakaar hai, woh bada ya shareer ka rachayita saakaar baap hai, woh bada? saakaar to niraakaar ko yaad karta hai। ab sabko samjhaani di jaati hai, jabki vinaash saamne khada hai। paarlaukik baap aate hi hain ant mein, sabhi ko vaapis le jaane। baaki jo kuchh bhi hai woh vinaash hone ka hai, isko kaha hi jaata hai mrityu-lok। jab koi marta hai to kehte hain phalaana parlok padhaara, shantidham gaya। manushyon ko pata nahin hai ki parlok satayug ko kaha jaata hai ya shantidham ko? satayug to yahaan hi hota hai। parlok, shanti-dhaam ko kahenge। samjhaane ki badi yukti chaahiye। mandiron mein jaakar samjhaana chaahiye। yeh shivbaaba ka yaadgaar hai, jo shivbaaba hamko padha rahe hain। shiv hai vaastav mein bindi। parantu bindi ki pooja kaise karen। phal phool aadi kaise chadhaaye jaayen, isliye bada roop banaaya hai। itna bada roop koi hota nahin। gaaya bhi jaata hai bhrakuti ke beech chamakta hai ajab sitaara... badi cheez ho to science vaale jhat unko pakad len। baba samjhaate hain unko parampita paramatma ka poora parichay mila nahin hai। jab tak takdeer khule, abhi takdeer hi nahin khuli hai। jab tak baap ko na jaanen, yeh na samjhen ki hamaari aatma bindi samaan hai। shivbaaba bhi bindi hai, ham bindi ko yaad karte hain। aise samajh yaad karen tab vikarma vinaash hon। baaki yeh dekhne mein aata, woh aata... ise maaya ka vighna kaha jaata hai। abhi to khushi hai ki hamko paramatma mila hai, parantu gyaan bhi chaahiye na। kisko shreekrishna ka saakshaatkaar hota hai to khush ho jaate hain। baba kehte hain - shreekrishna ka saakshaatkaar kar bahut khushi mein dance aadi karte hain parantu unse koi sadgati nahin hoti। yeh saakshaatkaar to anaayaas hi ho jaata hai। agar achhi reeti nahin padhenge to praja mein chale jaayenge। thoda bhi sunte hain to krishnapuri mein saadhaaran praja aadi jaakar banenge। abhi tum bachche jaante ho shivbaaba hamko yeh knowledge suna rahe hain। woh hai hi knowledgeful।

baba ka pharmaan hai ki pavitra zaroor banna hai। parantu koi pavitra bhi rah nahin sakte। kabhi-kabhi patit bhi yahaan chhipkar aa jaate hain। woh apna hi nuksaan karte hain। apne ko thagte hain। baap ko thagne ki baat hi nahin। baap se thagi kar koi paisa lena hai kya! shivbaaba ki shreemat par kaaydesir nahin chalte to kya haal hoga। bahut sajaayen khaani padengi, doosra phir pad bhi bhrashta ho jaayega। koi bhi kaayde ke viruddha kaam nahin karna chaahiye। baap to samjhaayenge na - tumhaari chalan theek nahin hai। baap to kamaai karne ka raasta bataate hain phir koi kare na kare unki takdeer। sajaayen to khaakar vaapis shantidham mein jaana hi hai, pad bhrashta ho jaayega to kuchh bhi milega nahin। aate to bahut hain, parantu yahaan baap se varsa lene ki baat hai। bachche kehte hain, baba se to ham svarga ka sooryavanshi raajaai pad paayenge। raajayog hai na। student scholarship bhi lete hain na। paas hone vaalon ko scholarship milti hai na। yeh maala unhon ki bani hui hai - jinhonne scholarship li hai। jitna-jitna jaisa paas hoga, aisi scholarship milegi, vriddhi hote-hote hajaaron ban jaate hain। raajaai pad hai scholarship। jo achhi tarah padhaai padhte hain, woh gupta nahin rah sakte। bahut naye-naye puraanon se aage nikal padenge। heere jaisa jeevan banaayenge। apni sachchi kamaai kar 21 janmon ke liye varsa paayenge, kitna khushi hoti hai। jaante hain yeh varsa ab nahin liya to phir kabhi nahin le sakenge। padhaai ka shauk hota hai na। koi ko to jara bhi shauk nahin hai samjhaane ka। drama anusaar takdeer mein nahin hai to bhagwan bhi kya kare। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) koi bhi kaarya shreemat ke viruddha nahin karna hai। padhaai achhi reeti padhkar oonch takdeer banaani hai। kisi ko bhi duhkh nahin dena hai।

2) is puraani duniya se mamatva mita dena hai। buddhiyog nai duniya se lagaana hai। khushi mein rahne ke liye gyaan ko dhaaran kar doosron ko dhaaran karaana hai।

vardaan:- sochna, bolna aur karna teenon ko samaan banaane vaale sarvottam purshaarthi bhav

sabhi shikshaaon ka saar hai - ki koi bhi karma se dekhne, uthne, baithne-chalne sone se pharishtaapan dikhaai de, har karma mein alaukikta ho। koi bhi laukikta karma va sanskaaron mein na ho। sochna, karna, bolna sab samaan ho। aise nahin ki sochte to the ki yeh na karen lekin kar liya। jab teenon hi ek samaan aur baap samaan ho tab kahenge shreshtha va sarvottam purshaarthi।

slogan:- jimmevaari uthaana arthaat extra duaaon ka adhikaari banna।

ye avyakt ishaare - ab apne daata swaroop ko pratyaksha karo

vartamaan samay sarva aatmaon ko shanti aur shakti ki hi aavashyakta hai। apni shaktishaali shant mansa dvaara aatmaon ko man ke shanti ka anubhav karaao। vaani aur mansa donon sevaayen saath-saath karo। vishwa mahaaraajan ko vishwa ka daata kehte hain। to jab aap abhi sabko sukh shanti aur shakti ka daan denge tab to sabhi sukhdaata maanenge।