सोमवार 14 सितंबर 2026 की दैनिक मुरली

14-09-2026 praatahmurli om shanti "baapdaada"' madhuban

“meethe bachche - praan bachaane vaala praaneshvar baap aaya hai, tum bachchon ko gyaan ki meethi murli sunaakar praan bachaane''

prashn:- kaun sa nishchay takdeervaan bachchon ko hi hota hai?

uttar:- hamaari shreshtha takdeer banaane svayan baap aaye hain। baap se humein bhakti ka phal mil raha hai। maaya ne jo pankh kaat diye hain - woh pankh dene, apne saath vaapis le jaane ke liye baap aaye hain। yeh nishchay takdeervaan bachchon ko hi hota hai।

geet:- yeh kaun aaj aaya savere…

om shanti। savere-savere yeh kaun aakar murli bajaate hain? duniya to bilkul hi ghor andhiyaare mein hai। tum abhi murli sun rahe ho - gyaan saagar, patit-paavan praaneshvar baap se। woh hai praan bachaane vaala eeshvar। kehte hain na he eeshvar is duhkh se bachaao। woh had ki madad maangate hain। abhi tum bachchon ko milti hai - behad ki madad kyonki behad ka baap hai na। tum jaante ho aatma gupta hai, baap bhi gupta hai। jab bachche ka shareer pratyaksha hai to baap bhi pratyaksha hai। aatma gupta hai to baap bhi gupta hai। tum jaante ho baap aaya hua hai, hamko behad ka varsa dene। unki hai shreemat। sarva shaastramai shiromni geeta mashhoor hai sirf unmein naam badli kar diya hai। ab tum jaante ho shreemat bhagvaanuvaach hai na। yeh bhi samajh gaye - bhrashtaachaari ko shreshthaachaari banaane vaala ek hi baap hai। vahi nar se naaraayan banaate hain। katha bhi satya-naaraayan ki hai। gaaya jaata hai amar katha, amarpuri ka maalik banne athva nar se naaraayan banne ki hai। baat ek hi hai। yeh hai mrityulok। bhaarat hi amarpuri tha - yeh kisko pata nahin hai। yahaan bhi amar baba ne bhaaratvaasiyon ko sunaaya hai। ek paarvati va ek dropdi nahin hai। yeh to bahut bachche sun rahe hain। shivbaaba sunaate hain brahma dvaara। baap kehte hain main brahma dvaara meethe-meethe roohon ko samjhaata hoon। baap ne samjhaaya hai bachchon ko aatma-abhimaani zaroor banna hai। baap hi bana sakte hain। duniya mein ek bhi manushya maatra nahin jisko aatma ka gyaan ho। aatma ka hi gyaan nahin hai to parampita paramatma ka gyaan kaise ho sakta hai। kah dete aatma so paramatma। kitni bhaari bhool mein saari duniya phansi hui hai। is samay manushyon ki buddhi koi kaam ki nahin hai। apne hi vinaash ke liye taiyaari kar rahe hain। tum bachchon ke liye yeh koi nai baat nahin hai। jaante ho drama anusaar unhon ka bhi part hai। drama ke bandhan mein baandhe hue hain।

aajkal duniya mein hangaama bahut hai। abhi tum bachche ho vinaash kaale preet buddhi, jo baap se vipreet buddhi hain, unke liye vinshanti gaaya hua hai। abhi is duniya ko badalna hai। yeh bhi jaante ho barobar mahaabhaarat ladaai lagi thi, baap ne raajayog sikhaaya tha। shaastron mein to total vinaash likh diya hai। parantu total vinaash to hona nahin hai phir to pralay ho jaae। manushya koi bhi na rahen sirf 5 tatva rah jaaen। aise to ho nahin sakta। pralay ho jaae to phir manushya kahaan se aaye। dikhaate hain krishna angootha choosta hua peepal ke patte par saagar mein aaya। baalak aise aa kaise sakta। shaastron mein aisi-aisi baaten likh di hain jo baat mat poochho। abhi tum kumaariyon dvaara in vidvaanon, bheeshma pitaamah aadi ko bhi gyaan baan lagne hain। woh bhi aage chalkar aayenge। jitna-jitna tum service mein jor bharenge, baap ka parichay sabko dete rahenge utna tumhaara prabhaav padega। haan, vighna bhi padenge। yeh bhi gaaya hua hai, aasuri sampradaay ke is gyaan yagya mein bahut vighna padte hain। tum sikhla nahin sakenge। gyaan aur yog baap hi sikhla rahe hain। sadgati daata ek hi baap hai। vahi patiton ko paavan banaate hain to zaroor patiton ko hi gyaan denge na। baap ko kab sarvavyaapi maana ja sakta hai kya! tum bachche samajhte ho ham paarasbuddhi ban paarasnaath bante hain। manushyon ne mandir kitne dher banaaye hain। parantu woh kaun hai, kya karke gaye hain, arth nahin samajhte hain। paarasnaath ka bhi mandir hai। bhaarat paaraspuri tha। sone, heere, javaahraat ke mahal the। kal ki baat hai। woh to laakhon varsha kah dete hain sirf ek satayug ko। aur baap kehte hain saara drama hi 5 hajaar varsha ka hai isliye kaha jaata hai aaj bhaarat kya hai, kal ka bhaarat kya tha। laakhon varsha ki to kisko smriti rah na sake। tum bachchon ko ab smriti mili hai। jaante ho 5 hajaar varsha ki baat hai। baba kehte yog mein baitho। apne ko aatma samajh baap ko yaad karo। yeh gyaan hua na। woh to hain hathayogi। taang-taang par chadhaakar baithte hain। kya-kya karte hain। tum maataayen to aise kar nahin sakti। baith bhi na sako। kitne dher chitra bhakti maarga ke hain। baap kehte hain meethe bachche yeh kuchh karne ki tumko darkaar nahin hai। school mein student kaaydesir to baithte hain। baap woh bhi nahin kehte। jaise chaaho vaise baitho। baithkar thak jaao to achha let jaao। baba koi baat mein mana nahin karte hain। yeh to bilkul sahaj samajhne ki baat hai, ismen koi takleeph ki baat nahin। bhal kitna bhi beemaar ho, ho sakta hai sunte-sunte shivbaaba ki yaad mein rehte-rehte praan tan se nikal jaaen। gaaya jaata hai na - ganga jal mukh mein ho... tab praan tan se nikle। woh to sab hain bhakti maarga ki baaten। vaastav mein hain yeh gyaan amrit ki baaten। tum jaante ho sachmuch aise hi praan tan se nikalne hain।

tum bachche jab apne ghar se aate ho to hamko chhodkar aate ho। baap kehte hain ham to tum bachchon ko saath le jaaoonga। main aaya hi hoon - tum bachchon ko ghar le jaane ke liye। tumko na apne ghar ka pata hai, na aatma ka pata hai। maaya ne bilkul hi pankh kaat daale hain isliye aatma ud nahin sakti hai kyonki tamopradhaan hai। jab tak satopradhaan na banen tab tak shantidham mein ja kaise sakti। yeh bhi jaante hain - drama plan anusaar sabko tamopradhaan banna hi hai। is samay saara jhaad jad jadeebhoot ho gaya hai। yahaan kiski satopradhaan avastha ho na sake। yahaan aatma pavitra ban jaae to phir yahaan thahre nahin, ekdam bhaag jaae। sab bhakti karte hi hain mukti ke liye। parantu koi bhi vaapis ja nahin sakte hain। law nahin kehta। baap yeh sab raaz baith samjhaate hain - dhaaran karne ke liye। phir bhi mukhya baat hai baap ko yaad karna, svadarshan chakradhaari banna। beej ko yaad karne se saara jhaad buddhi mein aa jaayega। tum ek second mein sab jaan lete ho। duniya mein kisko bhi pata nahin - manushya srishti ka beejroop sabhi ka ek baap hai। shreekrishna bhagwan nahin hai। shreekrishna ko hi shyaam sundar kehte hain। aise nahin ki koi takshak sarpa ne dasa tab kaala hua। yeh to kaam chita par chadhne se manushya kaala hota hai। raam ko bhi kaala dikhaate hain, unko bhala kisne dasa! kuchh bhi samajhte nahin। phir bhi jinki takdeer mein hai, nishchay hai to zaroor baap se varsa lenge। nishchay nahin hoga to kabhi bhi nahin samjhenge। takdeer mein nahin hai to tadveer bhi kya karenge। takdeer mein nahin hai to phir woh baithte hi aise hain jaise kuchh bhi nahin samajhte hain। itna bhi nishchay nahin ki baap aaye hain behad ka varsa dene। jaise koi naya aadmi medical college mein jaakar baithe to kya samjhenge, kuchh bhi nahi। yahaan bhi aise aakar baithte hain। is avinaashi gyaan ka vinaash nahin hota hai। woh phir kya aakar karenge। raajdhaani sthaapan hoti hai to naukar chaakar praja, praja ke bhi naukar chaakar sab chaahiye na। aage chal kuchh padhne ki koshish karenge parantu hai mushkil kyonki us samay bahut hangaama hoga। din pratidin toofaan badhte jaate hain। itne centres hain, kai aakar achhi reeti samjhenge bhi। yeh bhi likha hua hai - brahma dvaara sthaapna। vinaash bhi saamne khada hai। vinaash to hona hi hai। kehte hain janma kam ho। parantu jhaad ki vriddhi to honi hi hai। jab tak baap hai, tab tak sab dharma ki aatmaon ko yahaan aana hi hai। jab jaane ka samay hoga tab aatmaon ka aana banda hoga। abhi to sabko aana hi hai, parantu yeh baaten koi samajhte nahin। kehte bhi hain bhakton ka rakshak bhagwan। to zaroor bhakton par aapda aati hai। raavan raajya mein bilkul hi sab paap aatma ban pade hain। raavan raajya hai kaliyug ant mein, raamraajya hai satayug aadi mein। is samay sab aasuri raavan sampradaay hain na। kehte hain phalaana svargavaasi hua, to iska matlab yeh narka hai na। svargavaasi hua to achha naam hai। yahaan tab kya tha, zaroor narkavaasi tha। yeh bhi samajhte nahin ki ham narkavaasi hain। ab tum samajhte ho baap hi aakar svargavaasi banaayenge। gaaya bhi jaata hai heavenly god father। vahi aakar heaven sthaapan karenge। sabhi gaate rehte hain patit-paavan seetaaraam। ham patit hain, paavan banaane vaale aap ho। woh sab hain bhakti maarga ki seetaayen। baap hai raam। kisko seedha kaho to maante nahin। raam ko bulaate hain। abhi tum bachchon ko baap ne teesra netra diya hai। tum jaise ki alag duniya ke ho gaye ho।

baap samjhaate hain abhi sabko tamopradhaan bhi zaroor banna hai tab to baap aakar satopradhaan banaaye। baap kitna achhi reeti baith samjhaate hain। kehte hain bhal tum bachche service bhi apni karte ho sirf ek baat yaad rakho - baap ko yaad karo। satopradhaan banne ka aur koi raasta bata na sake। sarva ka roohaani surgeon ek hi hai। vahi aakar aatmaon ko injection lagaate hain kyonki aatma hi tamopradhaan bani hai। baap ko avi-naashi surgeon kaha jaata hai। aatma avinaashi hai, paramatma baap bhi avinaashi hai। abhi aatma satopradhaan se tamopradhaan bani hai, unko injection chaahiye। baap kehte hain bachche apne ko aatma nishchay karo aur apne baap ko yaad karo। buddhiyog oopar mein lagaao to sweet hom mein chale jaayenge। tumhaari buddhi mein hai abhi humein apne sweet silence hom mein jaana hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) gyaan aur yog se buddhi ko paaras banaana hai। kitna bhi beemaar ho, takleeph ho, usmein bhi ek baap ki yaad rahe।

2) apni oonchi takdeer banaane ke liye poora-poora nishchaybuddhi banna hai। buddhiyog apne sweet silence hom mein lagaana hai।

vardaan:- trikaaldarshi ban vyartha sankalp va sanskaaron ka parivartan karne vaale vishwa kalyaankaari bhav

jab master trikaaldarshi ban sankalp ko karma mein laayenge, to koi bhi karma vyartha nahin hoga। is vyartha ko badalkar samartha sankalp aur samartha kaarya karna - isko kehte hain sampoorn stage। sirf apne vyartha sankalpon va vikarmo ko bhasma nahin karna hai lekin shakti roop ban saare vishwa ke vikarmo ka bojh halka karne va anek aatmaon ke vyartha sankalpon ko mitaane ki machinery tej karo tab kahenge vishwa kalyaankaari।

slogan:- nashtomoha banna hai to seva arth sneh rakho, svaartha se nahin।

maateshvari ji ke anmol mahaavaakya “gyaan aur yog ka contrast''

yog aur gyaan do shabd hain, yog kaha jaata hai paramatma ki yaad ko। aur koi ki yaad ke sambandh mein yog shabd nahin aata। guru log jo bhi yog sikhlaate hain, woh bhi paramatma ki taraph hi lagaate hain, parantu unhon ko sirf paramatma ka poora parichay nahin hai isliye yog ki poori siddhi nahin milti। yog aur gyaan donon bal hain, jis donon ke purushaartha se might milti hai aur ham vikarmaajeet ban shreshtha jeevan banaate hain। yog akshar to sabhi kehte hain parantu jisse yog lagaaya jaata hai unka pahle parichay chaahiye। ab yeh paramatma ka parichay bhi humein paramatma dvaara hi milta hai, us parichay se yog lagaane se poorn siddhi milti hai। yog se ham past vikarmon ka bojha bhasma karte hain aur gyaan se bhi pata padta hai ki aage ke liye hamko kaun-sa karma karna hai aur kyon? jeevan ki jad hain sanskaar, aatma bhi anaadi sanskaaron se bani hui hai parantu karma se vo sanskaar badalte rehte hain। yog aur gyaan se aatma mein shreshthata aati hai aur jeevan mein bal aata hai, parantu yeh donon cheez milti hain paramatma se। karmabandhan se chhudaane ka raasta bhi humein paramatma se praapta hota hai। hamne jo vikarmon se karmabandhan banaaye hain unse mukti ho aur aage ke liye hamaare karma vikarma na banen to in donon ka bal paramatma ke sivaae koi de nahin sakta। yog aur gyaan donon hi cheez paramatma le aata hai, yog agni se kiye hue vikarma bhasma karaate hain aur gyaan se bhavishya ke liye shreshtha karma sikhlaate hain, jisse karma, akarma hota hai tabhi to paramatma ne kaha hai ki is karma-akarma-vikarma ki gati bahut gahan hai। ab to ham aatmaon ko direct paramatma ka bal chaahiye, shaastron dvaara yeh yog aur gyaan ka bal nahin mil sakta parantu us sarvashaktivaan balvaan dvaara hi bal milta hai। ab hamko apni jeevan ki jad (sanskaar) aise banaane hain jisse jeevan mein sukh mile। to paramatma aae jeevan ki jad mein shuddh sanskaaron ka beez daalta hai, jin shuddh sanskaaron ke aadhaar par ham aadhaakalpa jeevanmukta banenge। achha - om shanti।

ye avyakt ishaare - ab apne daata varoop ko pratyaksha karo

aap poorvaj, poojya aatmaon ko anek aatmaayen shanti deva, shakti deva kah yaad kar rahi hain। aise samay par he shanti deva aatmaayen, master shanti ke saagar, master shanti ke soorya apni shanti ki kirnen, shanti ki lahren daata ke bachche deva ban sarva ko dete raho। aisi seva karne ke vishesh abhyaasi bano।