गुरुवार 24 सितंबर 2026 की दैनिक मुरली

24-09-2026 praatahmurli om shanti "baapdaada"' madhuban

“meethe bachche - satya baap sachkhanda sthaapan karte hain, tum baap ke paas aaye ho nar se naaraayan banne ki sachchi-sachchi knowledge sunne''

prashn:- tum bachchon ko apne grihastha vyavhaar mein bahut-bahut sambhaal kar chalna hai - kyon?

uttar:- kyonki tumhaari gat-mat sabse nyaari hai। tumhaara gupta gyaan hai isliye vishaal buddhi ban sabse tod nibhaana hai। andar mein samajhna hai ham sab bhaai-bhaai va bhaai-behen hain। baaki aise nahin stri apne pati ko kahe tum mere bhaai ho। isse sunne vaale kahenge inko kya ho gaya। yukti se chalna hai।

om shanti। roohaani baap baith bachchon ko samjhaate hain। roohaani akshar na kah sirf baap kahen to bhi understood hai yeh roohaani baap hai। baap baith bachchon ko samjhaate hain। sab apne ko bhaai-bhaai to kehte hi hain। to baap baith samjhaate hain bachchon ko। sabko to nahin samjhaate honge। geeta mein bhi likha hua hai bhagvaanuvaach। kiske prati? bhagwan ke hain sab bachche। woh bhagwan baap hai to bhagwan ke bachche sab brothers hain। bhagwan ne hi samjhaaya hoga। raajayog sikhaaya hoga। abhi tumhaari buddhi ka taala khula hua hai, tumhaare sivaae aise khyaalaat aur koi ke chal na saken। jin-jin ko sandesh milta jaayega woh school mein aate jaayenge, padhte jaayenge। samjhenge pradarshani to dekhi, ab jaakar jyaada sunen। pahli-pahli mukhya baat hai gyaan saagar patit-paavan, geeta gyaan daata shiv bhagvaanuvaach। unko yeh pata pade ki inhon ko sikhlaane vaala, samjhaane vaala kaun hai। woh supreme soul, gyaan saagar niraakaar hai। woh hai hi truth। woh satya hi bataayega, phir usmein koi prashn uth hi nahin sakta। tumne sab chhod diya, truth ke oopar। pahle-pahle to is par samjhaana hai ki hamko parampita paramatma brahma dvaara raajayog sikhlaate hain। yeh raajaai pad hai, jisko nishchay ho jaayega ki jo sabhi ka baap hai woh paarlaukik baap baith samjhaate hain, vahi sabse badi authority hai। to doosra koi prashn uth hi nahin sakta। woh hai patit-paavan। woh jab yahaan aate hain to zaroor apne time par aate honge। tum dekhte bhi ho yeh vahi mahaabhaarat ki ladaai hai। vinaash ke baad viceless duniya honi hai। yeh manushya jaante nahin ki bhaarat hi viceless tha। buddhi chalti nahin। godrej ka taala laga hua hai। uski chaabi ek baap ke paas hi hai isliye yeh kisko pata nahin hai ki tumko padhaane vaala kaun hai। daada samajh lete hain, tab teeka karte hain, kuchh bolte hain isliye pahle-pahle yeh samjhaao - ismen likha hai shiv bhagvaanu-vaach। woh to hai hi truth। baap hai hi knowledgeful। srishti ke aadi-madhya-ant ka raaj samjhaate hain। yeh shiksha abhi tumko us behad ke baap se milti hai। vahi srishti ka rachayita hai, patit srishti ko paavan banaane vaala hai। to pahle-pahle baap ka hi parichay dena hai। us parampita paramatma se aapka kya sambandh hai। woh nar se naaraayan banne ki sachchi knowledge dete hain। bachche jaante hain baap satya hai, jo baap hi sachkhanda banaate hain। tum yahaan aae hi ho nar se naaraayan banne। barrister paas jaayenge to samjhenge ham barrister banne aaye hain। abhi tumko nishchay hai hamko bhagwan padhaate hain। kai nishchay karte bhi hain phir sanshay buddhi ho jaate hain, to unko sab kehte hain tum to kehte the - humein bhagwan padhaate hain। phir bhagwan ko kyon chhod aaye ho? sanshay aane se hi bhaaganti ho jaate hain। koi na koi vikarma karte hain। bhagvaanuvaach - kaam mahaashatru hai, un par jeet paane se hi jagatjeet banenge। jo paavan banenge vahi paavan duniya mein jaayenge। yahaan hai hi raajayog ki baat, tum jaakar raajaai karenge। baaki jo aatmaayen hain woh apna hisaab chuktu kar vaapis chali jaayengi। yeh kayaamat ka samay hai। ab yeh buddhi kehti hai - satayug ki sthaapna zaroor honi hai। paavan duniya satayug ko kaha jaata hai। baaki sab muktidhaam mein chale jaayenge। unko phir apna part repeat karna hai। tum bhi apna purushaartha karte rehte ho। paavan ban aur paavan duniya ka maalik banne ke liye। maalik to apne ko samjhenge na। praja bhi maalik hai। abhi praja bhi kehti hai na - hamaara bhaarat। tum samajhte ho abhi sab narkavaasi hain। abhi ham svargavaasi banne ke liye raajayog seekh rahe hain। sab to svargavaasi nahin banenge। baap kehte hain jab bhakti maarga poora hoga tab hi main aaoonga। mujhe hi aakar sab bhakton ko bhakti ka phal dena hai। majority to bhakton ki hai na। sab pukaarte rehte hain he god father। bhakton ke mukh se O god father, he bhagwan - yeh zaroor niklega। ab bhakti aur gyaan mein farka hai। tumhaare mukh se kabhi he eeshvar, he bhagwan nahin niklega। manushyon ko to yeh aadhaakalpa ki practice padi hui hai। tum jaante ho woh hamaara baap hai, tumko he baba thode hi kehna hai। baap se tumko to varsa lena hai। pahle to yeh nishchay ho ki ham baap se varsa lete hain। baap bachchon ko varsa lene ke adhikaari banaate hain। yeh to sachcha baap hai na। baap jaante hain hamne jin bachchon ko gyaan amrit pilaae, gyaan-chita par bithaay vishwa ka maalik devta banaaya tha vahi kaam-chita par baith bhasmeebhoot ho gaye hain। ab main phir gyaan-chita par bithaae, ghor neend se jagaae svarga mein le jaata hoon।

baap ne samjhaaya hai - tum aatmaayen vahaan shantidham aur sukhdhaam mein rehti ho। sukhdhaam ko kaha jaata hai viceless world, sampoorn nirvikaari। vahaan devtaayen rehte hain aur woh hai sweet hom, aatmaon ka ghar। sabhi actors us shantidham se aate hain, yahaan part bajaane। ham aatmaayen yahaan ki rahvaasi nahin hain। woh actors yahaan ke rahvaasi hote hain। sirf ghar se aakar dress badli kar part bajaate hain। tum to samajhte ho hamaara ghar shantidham hai, jahaan ham phir vaapis jaate hain। jab sabhi actors stage par aa jaate hain tab baap aakar sabko le jaayenge, isliye unko liberator, guide bhi kaha jaata hai। duhkh harta, sukh karta hai to itne saare manushya kahaan jaayenge। vichaar to karo - patit-paavan ko bulaate hain kislie? apne maut ke liye। duhkh ki duniya mein rahne nahin chaahte hain, isliye kehte hain ghar le chalo। yeh sab mukti ko hi maanne vaale hain। bhaarat ka praacheen yog bhi kitna mashhoor hai, vilaayat mein bhi jaate hain praacheen raajayog sikhlaane। Christian mein bahut hain jo sannyaasiyon ka maan rakhte hain। geru kaphni ki jo paharvaais hai - woh hai hathayog ki। tumko to gharbaar chhodna nahin hai। na koi saphed kapde ka bandhan hai। parantu saphed achha hai। tum bhatthi mein rahe ho to dress bhi yeh ho gai hai। aajkal saphed pasanda karte hain। manushya marte hain to saphed chaadar daalte hain। to pahle koi ko bhi baap ka parichay dena hai। do baap hain, yeh baaten samajhne mein time leti hain। pradarshani mein itna samjha nahin sakenge। satayug mein ek baap, is samay hain tumko teen baap, kyonki bhagwan aate hain prajaapita brahma ke tan mein। woh bhi to baap hai sabka। achha ab teenon baap mein oonch varsa kiska? niraakaar baap varsa kaise den? woh phir dete hain brahma dvaara। brahma dvaara sthaapna karte aur brahma dvaara varsa bhi dete hain। is chitra par tum bahut achhi reeti samjha sakte ho। shivbaaba hai, phir yeh prajaapita brahma aadi dev, aadi devi। yeh hai great-great grand father। baap kehte hain mujh shiv ko great-great grand father nahin kahenge। main sabka baap hoon। yeh hai prajaapita brahma। tum ho gaye bhaai-behen, aapas mein criminal assault kar na saken। agar donon ki aapas mein vikaar ki drishti kheenchati hai to phir gir padte hain, baap ko bhool jaate hain। baap kehte hain - tum hamaara bachcha ban kaala munh karte ho। behad ka baap bachchon ko samjhaate hain। tumko yeh nasha chadha hua hai। jaante ho grihastha vyavhaar mein bhi rehna hai। laukik sambandhiyon ko bhi munh dena hai। laukik baap ko tum baap kahenge na। unko to tum bhaai nahin kah sakte। ordinary ve mein baap ko baap hi kahenge। buddhi mein hai ki yeh hamaara laukik baap hai। gyaan to hai na। yeh gyaan bada vichitra hai। aajkal karke naam bhi le lete hain parantu koi visitor aadi baahar ke aadmi ke saamne bhaai kah do to woh samjhenge inka maatha kharaab hua hai। ismen badi yukti chaahiye। tumhaara gupta gyaan, gupta sambandh hai। aksar karke striyaan pati ka naam nahin leti hain। pati stri ka naam le sakte hain। ismen badi yukti se chalna hai। laukik se bhi tod nibhaana hai। buddhi chali jaani chaahiye oopar। ham baap se varsa le rahe hain। baaki chaache ko chaacha, baap ko baap kehna padega na। jo brahmaakumaar-kumaari nahin bane hain woh bhaai-behen nahin samjhenge। jo bi.ke. bane hain, vahi in baaton ko samjhenge। baahar vaale to pahle hi chamkenge। ismen samajhne ki buddhi achhi chaahiye। baap to bachchon ko vishaalbuddhi banaate hain। tum pahle had ki buddhi mein the। abhi buddhi chali jaati hai behad mein। woh hamaara behad ka baap hai। yeh sab hamaare bhaai-behen hain। lekin ghar mein saasu ko saasu hi kahenge, behen thode hi kahenge। ghar mein rehte badi yukti se chalna hai, nahin to log kahenge yeh to pati ko bhaai, saasu ko behen kah dete, yeh kya hai? yeh gyaan ki baaten tum hi jaano aur na jaane koi। kehte hain na - prabhu teri gati mat tum hi jaano। ab tum unke bachche bante ho to tumhaari gat mat tum hi jaano। badi sambhaal se chalna padta hai। kahaan koi moonjhe nahin।

pradarshani mein to pahle-pahle tum bachchon ko yeh samjhaana hai ki hamko padhaane vaala bhagwan hai। ab tum bataao bhagwan kaun? niraakaar shiv ya dehdhaari shreekrishna। jo geeta mein bhagvaanuvaach hai woh shiv paramatma ne mahaavaakya uchchaare hain ya shreekrishna ne? shreekrishna to hai svarga ka pahla prince। aise to kah nahin sakte ki shreekrishna jayanti so shiv jayanti। shiv jayanti ke baad phir shreekrishna jayanti। shiv jayanti se svarga ka prince shreekrishna kaise bana, woh hai samajhne ki baat। shiv jayanti phir geeta jayanti phir phat se hai shreekrishna jayanti kyonki baap raajayog sikhlaate hain na। bachchon ki buddhi mein aaya hai na। jab tak shiv paramatma na aaye tab tak shiv jayanti mana nahin sakte। jab tak shiv aakar krishnapuri sthaapan na kare to shreekrishna jayanti bhi kaise manaai jaaye। shreekrishna ka janma to manaate hain parantu samajhte thode hi hain। shreekrishna first prince tha to zaroor satayug mein hoga na। devi-devtaaon ki raajdhaani hogi zaroor। sirf ek shreekrishna ko baadshaahi to nahin milegi na। zaroor krishnapuri hogi na! kehte bhi hain krishnapuri… aur phir yeh hai kansapuri। krishnapuri nai duniya, kansapuri hai puraani duniya। kehte hain devtaaon aur asuron ki ladaai lagi। devtaaon ne jeeta। parantu aise to hai nahin। kansapuri khatma hui phir krishnapuri sthaapan hui na। kansapuri puraani duniya mein hogi। nai duniya mein thode hi yeh kans daitya aadi honge। yahaan to dekho kitne manushya hain। satayug mein bahut thode hain। yeh bhi tum samajh sakte ho, abhi tumhaari buddhi chalti hai। devtaaon ne to koi ladaai ki nahin। daivi sampradaay satayug mein hi hote hain। aasuri sampradaay yahaan hain। baaki na devtaaon aur asuron ki ladaai hui, na kaurvon aur paandavon ki hui hai। tum raavan par jeet paate ho। baap kehte hain - in vikaaron par jeet paani hai to jagatjeet ban jaayenge। ismen koi ladna nahin hai। ladne ka naam len to violence (hinsak) ban jaayen। raavan par jeet paani hai parantu nonviolence। sirf baap ko yaad karne se hamaare vikarma vinaash hote hain। bhaarat ka praacheen raajayog mashhoor hai।

baap kehte hain - mere saath buddhi ka yog lagaao to tumhaare paap bhasma honge। baap patit-paavan hai to buddhi yog us baap se hi lagaana hai, to tum patit se paavan ban jaayenge। abhi tum practical mein unse yog laga rahe ho, ismen ladaai ki koi baat hi nahin। jo achhi reeti padhenge, baap ke saath yog lagaayenge, vahi baap se varsa paayenge - kalpa pahle muaaphik। is puraani duniya ka vinaash bhi hoga। sab hisaab-kitaab chuktu kar jaayenge। phir class transfer ho nambarvaar jaakar baithte hain na। tum bhi nambarvaar jaakar vahaan raajya karenge। kitni samajh ki baaten hain। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) is kayaamat ke samay jabki satayug ki sthaapna ho rahi hai to paavan zaroor banna hai। baap aur baap ke kaarya mein kabhi sanshay nahin uthaana hai।

2) gyaan aur sambandh gupta hai, isliye laukik mein bahut yukti se vishaal buddhi bankar chalna hai। koi aise shabd nahin bolne hain jo sunne vaale moonjh jaaen।

vardaan:- knowledge ki light might dvaara kamjor sanskaaron ko samaapta karne vaale shakti sampanna bhav

knowledge se apne kamjor sanskaaron ka maaloom to pad jaata hai aur jab us baat ki samjhaani milti hai to ve sanskaar thode samay ke liye andar dab jaate hain lekin kamjor sanskaar samaapta karne ke liye light aur might ke extra force ki aavashyakta hai। iske liye master sarvashaktivaan, master knowledgeful ke saath-saath checking master bano। knowledge dvaara svayan mein shakti bharo, manan shakti ko badhaao to shakti sampanna ban jaayenge।

slogan:- jahaan sarva praaptiyaan hain vahaan prasannata hai।

ye avyakt ishaare - ab apne daata swaroop ko pratyaksha karo

agar dene ke baad yeh bhi sankalp aata hai ki mainne itna diya, mujhe isse kuchh maan-shaan va mahima milni chaahiye, to yeh bhi lene ki bhaavna hui। daata ke bachche agar yeh lene ka sankalp bhi karte hain to daata nahin hue। yeh bhi lena, dene vaale ke aage shobhta nahin hai।